كل اللي يسـوقون سياره يدخلـوون

[سويره توتا]

رد : كل اللي يسـوقون سياره يدخلـوون

بس والله كل ماشفت الخط العام يجيني خووف وكل ماشفت حادث اترررردد

 

[SARA*]

انا عكسج ميته على السواقه بس ليسن مايطلعلي يبيله شوية واسطه غلاتي الكويت ياريت تعطيني واسطتج ومعتمده كله على زوجي عاد تصدكين اليوم اول يوم العيد وانا محبوسه بالبيت لانه بالشغل بصراحه الي ماتسوق عمرها خساره تتوسل بالرايح والياي>>>

 

[F.L.O.N.A]

رد : كل اللي يسـوقون سياره يدخلـوون

يا حيااااااااااااااااااتي

ذكرتيني بنفسي قبل 3 سنوات

اول يوم تدريب للسواقه .. كان يوم زوارة الاهل فبيتنا ... فتخيلي مجرد ما طق الجرس وعرفنا ان المدربة عند الباب ما بقى احد ما طلع يتطمش علي ... وانا وربي اللي ما في اعز منه ... ريل جدام وريل ورا ... بين ودي اطلع وبين خايفة وقلبي يرررقع ومابي .. طلعت برا ... قعدت بالسيارة وسط تشجيع عيال عمي وخالتي وبنات عمي وخالاتي ... اول ما دشيت وقاعدة تعلمني عالقير والسكان والاشياء كل ما تسألني عن شي اقولها ما عرف ماعرف ماعرف ... بعدين استسلمت وحطيت راسي عالسكاااان وبجييييييييييت وقعدت اقول مابي اتدرب اخاف ادعم بس والله بعدين لما قعدت اشوفهم يعيبون علي مشيت دموعي وصرت بطلة وقلت لها يللا دام انتي تسوقين معاي وعندج سكان وبريك وبانزين نفسي اوكي ... تطمنت ..

ورحت معاها طبعا اول يووم خلتني على كيفي ما تقولي لا سوي جذي ولا لا تسوي جذي ادووس واطق بريك مرة وحده وواهي بس ساكته رديت البيت قلت لابوي غيرها ويابلي وحده بدوون بس ما شاء الله عليييييييييها زرعت فيني الثقة وشجعتني واااااااايد وطول الوقت كانت تقولي انا ماسكة السكان معاج لا تخافين انا ادوس بريك اذا انتي تدودهتي لا تخافين واخر يوووم قالت لي المفاجأة انها ما كانت تسوي ولا شي بس تقول جذي عشان لا اخاف

يعني اهم شي الثقة يا قلبي ثقي بنفسج وقدراتج ولا تخاااااافين كسري الخوف اللي بقلبج بإقدامج على الشي اللي تخافين منه .. والله اني قبل ماااااااااا كنت اتخيل اني راح اسوووق حتى لما كنت اتدرب مع المدربة ابدون كنت اقولها ترا انا بس قاعدة ادرب جذي بس ما راح اسوووق بعدييين بروحي اخاااااااف ولا كنت اتخييييل حتى .. بس الحمد لله سقت وتعلمت لا واحلى شي بعدها بسنة ابوي فتحلي سيارة جيب لوووول واول يوم يايبينها من الوكالة والا اشوف نفس المدربة بفريجنا تدرب بنت جيراننا ... شافتني جان تطق هرن وتوقف قامت تضحك وتقولي ما شاء الله وين اللي ما تقدر تسوق وخااايفة .. اشوووف الحين هديتي الصالون وعندج جيب .. شفتي ان الواحد لا نوى يسوي شي يقدر يسويه .

هههههههههه ضحكت على روووحي وتفشلت بيني وبينج هههههههههه

 

[سويره توتا]

رد : كل اللي يسـوقون سياره يدخلـوون

ههههههههههههههههه

انا الحين السايق واحاتي الطريج اخاف .. بس اللي مريحني ان انا حابه السواقه وان شاء الله نويت

وانا ودي بجيب بس ابوي يقول اولها خليج صالون عادي وان شاء الله خير

 

[سيدة الذوق]

توكلي علي الله سواقه حيل سهله

اذا انا سقت هذا وانا الخوافه

ماشالله

 

[سويره توتا]

رد : كل اللي يسـوقون سياره يدخلـوون

تسسسلمــــــــــووون

 

[واقعية حـلـم !]

بعد عمري كل هالمشاعر بتروح من اول او ثاني يوم مع المدربة


و اهم شي شوفي لج مدربة زينه ترى بعضهم اي شي اخذي وحدة مجربة و فاهمة


و ترى لازم تسوقين و تنفعين نفسج و ما تحتاجين احد


انا توني سايقة ما صار لي شهر و اخاااااااف حيل لدرجة احس بصداااع لا وصلت البيت من ششد الاعصاب


بس الكل يقولون هذي فتره و تعدي



و عليج بدعاء الركوب و المعوذات و ما يصير الا الخير ان شاء الله



الله يحفظج و يسمح دربج

 

[سويره توتا]

رد : كل اللي يسـوقون سياره يدخلـوون

والله مادري ماعرف مدربه ياليت اللي عندها مدربه تفيدنا

 

[Om_Ksha]

مممم شوفي انا الحين ودي احد يوديني و ايبني بس ماعندنا سايق لان كلنا نسوق .. ودي احطلي سايق بروحي اذا اشتغلت .. تدرين ليش؟ لان الناس مطافيق و يدوسون و يقثوني و كلمن يقط نفسه علي بس انا لاني اعرف اسوق فانتبه عليهم .. فأريييييييح ساايق اقعد و اتمكيج و اسوي اللي ابيييه على ما اووصل بالزحمه ! بس طبعن مو سايق غشيم و يمشي على بيض و مايفتهم @@ لاني ينرفزني السايق اللي جذي هههههههههههه << مايعجبها العجب لووووووول .. بس ابي سايق متمكن .. و عادي لا تخافين سوقي بس ايام الدوامات و الكليه خلي السايق يوديج اريحلج عشان المصافط و الزحمه .. اما بالايام العاديه روحي مكان قريب و سوقي و لا تخافين عادي سهالات بس لازم تكونين متمكنه "

 

[سيدة كياانى]

رد : كل اللي يسـوقون سياره يدخلـوون

مرحبا
عادى لا تخافين مع المحاولة والاستمرار راح تتعودين
نصيحة لا تنسين دعاء ركوب السيارة

 

[سويره توتا]

رد : كل اللي يسـوقون سياره يدخلـوون

تسسسلمووون

والله يقدم اللي فيه الخيرر وفيكنا من الخوف

 

[Q8yaaaa]

سوقي وتوكلي على الله اول شي تدربي بفريجكم بعدين شوي شوي روحي جمعيتكم وبعدين الجامعه لما تتمكنين

 

[لهفة المشتاقه]

سوقي احسن لج

 

[يبقى الوله]

أنا اسوق قبل لآ آخذ الليسن والحين آخذته

السواقه متعه ويبيلها وحده جريئه لاتخافين حبوووبه اذا انتي حابه الشغله بتنجحين فيها

 

[8alb8alby]

رد : كل اللي يسـوقون سياره يدخلـوون

السواقه وناسه
انا اول ماسقت كان المدرب ينام بالسياره
وانا اتعمد احك بريك فجاه عشان يقعد
وبيوم من الايام تخيلوو ودانى المنطقه العاشره وبنجرت السياره ودقيت على اهلى ابجي
وبعدين ودانى حق اللى يسوون السياره وصلحها وكنت ميته من الخوف
بس ابوى تهاوش معاااى ليش مودينى هناك
خذانى من الساعه 4 لى 8 ونص يلا ردني

 

[عوااار قلب]

رد : كل اللي يسـوقون سياره يدخلـوون

حبيبتي لا تخافي ترى السياقة متعة ,,بس بالاول لازم تدربين ويا مدربة زينة,,انا دربتني مدربة الله يعطيها العافية,,مدربة بنات عمي كلهم
و من وقت ماخذيت الليسن وانا اسوق الحمدلله
99647975

 

[سويره توتا]

رد : كل اللي يسـوقون سياره يدخلـوون

تسسلمين وان شاء الله بتصل عليها ويارب احصلها

 

[ماريمار الكويت]

انا اول ماسقت كنت خايفه موت ومرتبكه بس مع الوقت تعودت صارت السياقه عاديه وسهله واذا طلعت مع اختي اللي اصغر مني ماخليها تسوق نجره انا معاها لازم انا اسوق ولا ما اطلع لووول
بس صرااحه مع اللي يسوقون هالوقت والدفاشه ساعات الواحد هم يخاف
الله يحفظج وتعلمي احسن موفقه

 

[سويره توتا]

رد : كل اللي يسـوقون سياره يدخلـوون

يعطيكم العافيه تسسلمون

 

[ام حمادي309]

صراحه كنت ميته من الخوووف
لما كنتاتعلم السياقه
ودعمت مرتين يمكن بس مو حادث قوي لا تشمخ بالسياره على جنب وجذي

بس كنت ماقدر اتكمل بتلفون ولا اسمع شي
حت اذا يمي احد ما اكلمه من الخوف لووووووووول

بس اللحين اتكلم بلفون واسمع اللي ابي و اعدل الحجاب
وكل شي يطري على باللج لوووووووول

اول شي تخافين بس يعدين عــــــــــــــادي جنه العيد

بالعكس وايد استانست اقضى مشاويري بروحي
واروح المكان اللي ابيه بدون ما ازعج ريلي ودني وسو لي

وهالحجي قبل 9 شهور يمكن ليلحين ما كملت السنه ترى

تتوكلي على الله و تدربي وترى سهالات و كل شي عااااااااادي وناسه صلااااااا