كل أستفساراتكم عن اليابان ... أستقبلها منكم بهالموضوع .. وان شاء الله اقدر اساعدكم

[Turquoiseya]

شهووورة هالثلاث صور تهبل ماشالله

هذي باي منطقة؟ واضح من الصورة الاولى انكم كنتم حاجزين ب ryokan

 

[شهرزاد الحكاية]

لا

والله للاسف ماكنا حاجزين RYOKAN وحدنا تحسفنا على هالسالفة
كانت تجربة جديرة بالتجربة :eh_s(17): بس يالله ان شاء الله خيرها بغيرها :eh_s(7):

الصور الثلاث لمنطقة بحيرة هاكوني ... هالرحلة خذنها عن طريق صن رايز لزيارة هاكوني وجبل فوجي ,,,,

وصورة من التلفريك ...
رائعة هالمنطقة ... وصورة المبنى الخشبي عبارة عن المحطة اللي تنطلق منها العبارة اللي تنقلنا للجهة الثانية من البحيرة في مدينة هاكوني عشان نركب التلفريك ...:eh_s(17):

وداخل المحطة سوبر ماركت حلو حيييل .. تشرينا منه كتكات بالشاي الاخضر وكتكات بالواسابي و انواع من الجاي الاخضر غرامي ...
بحطلكم صور من الكاكاوات ان شاء الله :eh_s(22):​

 

[Om_Ksha]

حسااافه ضيقتو خلقي .. كنت ناويه على طلعتي من الاربعين ..
عيل مالنا غير المالديف !!!

 

[شهرزاد الحكاية]

لا يضيق خلقج ولا شي ...
وتولدين بالسلامة ان شاء الله وروحي المالديف حيل رومانتيك ....وحتى موريشوس يمدحونها ....

وخلي اليابان لربيع السنة اليايه اذا عطانا وياج عمر ان شاء الله ​

 

[شهرزاد الحكاية]

صورة من الطائرة باتجاة مطار ... ناريتا طوكيو 1 يونيو 2010 :eh_s(7):




صورة من مدينة ...ايكابكرو ....حيث يقع فندقنا في طوكيو :eh_s(7):




فنجانين قهوة في اليوم الاول في طوكيو .... ما اجمل الذكريات :eh_s(7):

​

 

[Turquoiseya]

عاد تدرين شهورة
جيكت على اسعار الريوكن
كلها من 150 وطالع لليلة الوحدة بس شاملة الافطار والعشا 00 والغدا مافيه
شركة الصن رايز عندها رحلات تاخذج من الفندق مع الوجبة + انها ترجعج للفندق اذا خلصت الرحلة
وفي رحلات لأ 00 اهم ينسقون الرحلة والتذاكر بس والمواصلات عليج والفرارة عليج بعد00 بس يعطونج جهاز ستريو بالانجليزي

اشرايج بالشركة من ناحية مواصلاتهم وتنسيقهم ووجباتهم؟ كم كانت سعر الرحلة لهاكوني شاملة كل شيء؟ وهل خذوكم وردوكم للفندق 00 ولا انتم رحتوا لهم عند checkpoint معين؟
عندهم رحلة لشركة تويوتا 00 هذي اللي يبيها زوجي

 

[أحلى^حياه]

ودي اروح اليابان بس كلما اسئل احد يقولي نااااااااااااااااااااااار !!!!

شرايج

 

[شهرزاد الحكاية]

عاد تدرين شهورة
جيكت على اسعار الريوكن
كلها من 150 وطالع لليلة الوحدة بس شاملة الافطار والعشا 00 والغدا مافيه

والله ماعندي فكرة بس جنه مر علي اقل من هالسعر :ch12: مو متذكرة وين ​

شركة الصن رايز عندها رحلات تاخذج من الفندق مع الوجبة + انها ترجعج للفندق اذا خلصت الرحلة
وفي رحلات لأ 00 اهم ينسقون الرحلة والتذاكر بس والمواصلات عليج والفرارة عليج بعد00 بس يعطونج جهاز ستريو بالانجليزي

حسب الرحلة اللي تاخذينها تكون من الفندق نفسه وبعضها من اماكن معينة يدليج اياها الفندق ...والصن رايز حسب علمي ماتاخذ الا من فنادق 4 او 5 نجو وتكون ذاكرتها بالليست مالها ...بس مايرجعونج الفندق على الاقل برحلتنا يدلونج شلون تردين بس احنا الله يسلمج ما احتجنا احد يردنا ردينا بروحنا من توكيو ستيشن :eh_s(9):
لا معاج قايد بكل الرحلة يدليج ويشرحلج و انت تختارين تبين وجبة ولا لا حنا ماناكل اكلهم فا اخذناها من غير وجبة ....​

اشرايج بالشركة من ناحية مواصلاتهم وتنسيقهم ووجباتهم؟ كم كانت سعر الرحلة لهاكوني شاملة كل شيء؟ وهل خذوكم وردوكم للفندق 00 ولا انتم رحتوا لهم عند checkpoint معين؟
عندهم رحلة لشركة تويوتا 00 هذي اللي يبيها زوجي

كان سعر الرحلة 16 الف ين ... تقريبا 48 دينار خذونا من الفندق ورجعنا بروحنا من التوكيو ستيشن لان الردة بالشينكنسن ... تنسيقهم ممتاز وتنظيمهم روعه ومواعيدهم مضبوطة وما يخلونج بروحج حتى الوجبة احنا ما اخترنا معاهم دلونا وين في مطعم يبيع ويسترن فووود ...:eh_s(8): يعني خوش ناس :eh_s(15):

اي اتوقع عندهم رحلة من هالنوع جيكي على موقعهم

http://www.jtb-sunrisetours.jp/JTB.SunriseTours/FrontEnd/​

 

[شهرزاد الحكاية]

ودي اروح اليابان بس كلما اسئل احد يقولي نااااااااااااااااااااااار !!!!

شرايج

مثل ماقلت حبيبتي باول الموضوع اليابان مو بهالغلا اللي الناس تصوره وتقول عنه غالية اي بس مو بدرجة خيالية انا عندي مقاربة لاوربا ... اذا مو ارخص وفي النهاية الشغلة نسبية ​

 

[شهرزاد الحكاية]

احدى محطات جبل فوجي

 

[HaYoOoMa]

رد : كل أستفساراتكم عن اليابان ... أستقبلها منكم بهالموضوع .. وان شاء الله اقدر اساعد

حياتي جم ميزانيه المصرف والسكن من غير تذاكر حق اليابان
تقريبآ اسبوعين او 12 يوم ؟؟


حق شخصين

 

[شهرزاد الحكاية]

هيومه ... مابين سكن ومصرف تحتاجين 2000 او 2500 هذا من غير مشتريات حق شخصين ​

 

[Turquoiseya]

شهورة هالسعر هذا لشخص واحد؟ فيه وجبات للنباتيين عند هالشركة 00 ماجربتوها؟
شهورة تنصحيني احجز عندهم كذا رحلة00 ولا اتحسينهم مملين والرحلة قصيرة؟

صج ابي اسئلج عن التليفونات00 عندهم خطوط خاصة بالزوار مسبقة الدفع 00 وعادي الايفون4 يشتغل عندهم

الله يصبرج على اسئلتي يا شهورة :eh_s(17):

 

[شهرزاد الحكاية]

شهورة هالسعر هذا لشخص واحد؟ فيه وجبات للنباتيين عند هالشركة 00 ماجربتوها؟

اي حبيبتي السعر للشخص الواحد .... ادري عندهم وجبات نباتية بس انا ماحب لا الطحالب ولا العيش ولا خرابيطهم فخفت اغامر :krkrkr:​

شهورة تنصحيني احجز عندهم كذا رحلة00 ولا اتحسينهم مملين والرحلة قصيرة؟

لا بالعكس خوش رحلات ... انا اشوف حجزي رحلة وحدة مبدئيا ...وعقب اذا عجبج الوضع حجزي باجي الرحلات :ggdw:

صج ابي اسئلج عن التليفونات00 عندهم خطوط خاصة بالزوار مسبقة الدفع 00 وعادي الايفون4 يشتغل عندهم

الله يصبرج على اسئلتي يا شهورة :eh_s(17):

اخذي راحتج حبي :ggdw: حياج الله بكل الاستفسارات اللي تبينها :eh_s(7):

اه التلفونات يبيتها على الجرح تركوازية ...:eh_s(2): لاتذكريني بمأساة التلفونات ماعندهم خطوط مسبقة الدفع عندهم تلفونات تأجيرنها من المطار بس بصراحة ما جربناها .. احنا كان معانا 3 خطوط ...زين والوطنية و فيفا ولا واحد فيهم اشتغل الا الوطنية عق ماحطيناه بالاي فوووون ..لا وبعد يشتقبل ما يرسل ....واذا شبك وساعات وايد مايشبك ...فكان الحل بالنسبة لنا برنامج سكايب ...واهو الافضل :ggdw:​

 

[Turquoiseya]

عندهم تلفونات تأجيرنها من المطار بس بصراحة ما جربناها

يعني مافي مجال اكشخ بتليفوني؟ لووول
وصج عن الرحلات انا قريت ان لازم احجز رحلاتي قبل ما اوصل اليابان ب 15 يوم على الاقل
عادي اذا حجزت رحلة واعجبتني اكلمهم بوقتها واحجز كذا رحلة؟

تدرين قاعدة ادور على ايقونة تقييم العضوة تحت نكج عشان اعطيج فل مارك
بس حسافة مالقيتها

الله يعطيج الف عافية
وموضوعج حطيته بالمفضلة عشان يكون لي مرجع اذا خلاص عزمنا انسافر
قبل اسبوع طلبت من مركز سلطان خريطة اليابان التفصيلية يجيبونها لي من الامازون00 عشان ما احجز بمكان والمعلم السياحي اللي بزوره يكون بمكان ثاني
الله يعطي الشيخ صباح الف عافية 00 هالمنحة بتحقق حلمي ان شالله يارب

 

[شهرزاد الحكاية]

بعد عمري تركوازية ماشويت شي والله انتي كلج ذوق وسنع وذرابة الله يوفقج وييسر امورج ...
وتسافرين اليابان وتستانسين انتي وكل الغاليين عليج يارب العالمين :eh_s(17):

اي للاسف ماتقدرين تكشخين فيه بس اذا عندكم خط وطنية تقدرين على الاقل تطرشين مسجات ...

عاد تدرين اليابانييين يموتون على التلفونات 24 ساعة يطقطقون باصابعهم ...ببذكريني حزة لما تشوفينهم ان شاء الله :eh_s(17):

لاحبيبتي من قال لازم قبل ب 15 يوم انا حجزت قبلها بيومين يمكن من الريسبشن مال الفندق و حجزت ثانية وكنسلتها عادي قبل جم ساعة حبيبتي سهالات :ggdw: حجزي قبلها بجم يوم احسن عشان لاتتوهقين اخاف تغيرين رايج او تغييرين ترتيبج :eh_s(15):

حبيبتي اذا تبين خرايط لليابان انا ممكن ادليج وين تحصلينهم من الكويت بدال لا تطلين من امازون وتتعنين وهم في قايد بوك رووعه شرته اختي من جرير فادنا والله

وانتي حطي جدول تفصيلي بالموضوع وان شاء الله تتيسر :eh_s(9):

اي والله الله يجزا بابا صباح الف الف الف خير على هالمنحة
والله يديم على ديرتنا الخير والامن والامان باذن الله الواحد الاحد :eh_s(17):​

 

[شهرزاد الحكاية]

اي صج نسيت اقولج بالنسبة للريوكن ... انا شفت ذاك اليوم واحد بنص طوكيو سعره ما يتعدى 45 دينار لليلة اذا تبين ادليج الموقع :eh_s(7):​

 

[Turquoiseya]

شهورة بعد قلبي انتي والله

عندي خط وطنية ولله الحمد لووول بس شكلنا بننصلخ بالفواتير
لان تركوازية حدها مهايطية بالذات عند الاجانب لووووول
حلو انج علمتيني عن الحجز لان ودي اشوف جدول رحلاتهم وابيها اتكون قروب احلا
في طوكيو رحلة على الهيلوكوبتر 00 ماجربتيها؟
انا صارلي اكثر من سنة اقرا بمواضيع اليابان واخطط 00 عشان جذي اخذت فكرة عامة وشاملة عن الاشياء الحلوة اللي عندهم
بس للاسف احلى المهرجانات تكون بشهر 4 و5

والخريطة انا خلاص طلبتها ودفعت عشر دنانير عربون 00 موظفة مركز سلطان قالت لي انها بتوصل الامازون على تاريخ 25 - 2 وعقبها راح تنشحن للكويت
واذا وصلت يمكن ادفع عشرين بعد للجمارك
تخيلي اصلا اهي سعرها مايتعدى الاربع دنانير بس راح ادفع 30 دينار تقريبا بس عشان يجيبونها لي
ميزة هالخريطة انها مفصلة ودقيقة حيل وتشوفين فيها كل الفنادق ومواقعها وافضل المعالم السياحية 00 اختي كانت شارية وحدة لتايلند هناك 00 وحيل فادتها بالحجوزات00 اهي من شركة globettrotter japan travel map الخريطة تجيج كبيرة حيل 00 تقريبا نص السبورة البيضاء مالت المدرسة0

انزين الخرايط الثانية وين اقدر القاها وشسم الدليل اذا ماعليج امر ياقلبي00 يمكن القى فيها شيء موموجود بالخريطة اللي انا طالبتها
والريوكن صح يكون رخيص اذا كان بوسط المدينة
انا اللي دورت عليه كان في هاكوني وكيوتو 00 وكانوا غاليين بالذات اللي عند هاكوني

صج شهورة 00 احنا روحتنا باذن الله اول شهر 7
تتوقعين انها حارة وخيسة؟ ولا جوها فيه رطوبة باردة شوي

 

[Turquoiseya]

hela hop

 

[شهرزاد الحكاية]

شهورة بعد قلبي انتي والله

قوة حبيبتي تركوازية سوري كنت تعبانة شوية بالايام اللي طافت :eh_s(2): بس الحمدلله الحين انا اشوى وسوري على الغياب​

عندي خط وطنية ولله الحمد لووول بس شكلنا بننصلخ بالفواتير
لان تركوازية حدها مهايطية بالذات عند الاجانب لووووول

اي والله الله يعينج على الفواتير اذا جذي بس ترى مو دايما يشبك ساعات وساعات على العموم خليه على طول مبطل ومعاج خل يشتغل :eh_s(7):​

لو انج علمتيني عن الحجز لان ودي اشوف جدول رحلاتهم وابيها اتكون قروب احلا
في طوكيو رحلة على الهيلوكوبتر 00 ماجربتيها؟

لا والله حبيبتي ماجربتها خبرج انا خوافه :eh_s(2):​

انا صارلي اكثر من سنة اقرا بمواضيع اليابان واخطط 00 عشان جذي اخذت فكرة عامة وشاملة عن الاشياء الحلوة اللي عندهم
بس للاسف احلى المهرجانات تكون بشهر 4 و5

اي والله ماشاء الله عليج مبين عليج خبرة وتعرفين للرحلات :eh_s(7):​

​

والخريطة انا خلاص طلبتها ودفعت عشر دنانير عربون 00 موظفة مركز سلطان قالت لي انها بتوصل الامازون على تاريخ 25 - 2 وعقبها راح تنشحن للكويت
واذا وصلت يمكن ادفع عشرين بعد للجمارك
تخيلي اصلا اهي سعرها مايتعدى الاربع دنانير بس راح ادفع 30 دينار تقريبا بس عشان يجيبونها لي
ميزة هالخريطة انها مفصلة ودقيقة حيل وتشوفين فيها كل الفنادق ومواقعها وافضل المعالم السياحية 00 اختي كانت شارية وحدة لتايلند هناك 00 وحيل فادتها بالحجوزات00 اهي من شركة globettrotter japan travel map الخريطة تجيج كبيرة حيل 00 تقريبا نص السبورة البيضاء مالت المدرسة0

انزين الخرايط الثانية وين اقدر القاها وشسم الدليل اذا ماعليج امر ياقلبي00 يمكن القى فيها شيء موموجود بالخريطة اللي انا طالبتها

عيل بالعافية الخريطة :eh_s(7): شكلي بطلب منج تدليني شلون اطلب وحده حق ايطاليا ... وممكن تلاقين الادلة السياحية لليابان في جرير و فرجن :eh_s(7):​

​

والريوكن صح يكون رخيص اذا كان بوسط المدينة
انا اللي دورت عليه كان في هاكوني وكيوتو 00 وكانوا غاليين بالذات اللي عند هاكوني

صج شهورة 00 احنا روحتنا باذن الله اول شهر 7
تتوقعين انها حارة وخيسة؟ ولا جوها فيه رطوبة باردة شوي

لا الجو بيكون رطوبة ومطر يحلات مطرهم ترى اهم صج حر بس مو حر وايد يعني الجو يحتمل :eh_s(7):​

​