كل أستفساراتكم عن اليابان ... أستقبلها منكم بهالموضوع .. وان شاء الله اقدر اساعدكم

[شهرزاد الحكاية]

اي بقولج تركوازية تقدرين تلاقين خرايط لليابان بمطعم كي اللي في المارينا هذا حسب اشارة مسئولة السفارة في رسالتها الاخيرة ​

 

[Turquoiseya]

الحمدالله على سلامتج شهورة وماتشوفين شر

الله يعطيج الف عافية شهورة
صج ماقصرتي 00 وحيل فادتني اجوبتج
وعلى فكرة اسئلتج اللي كانت بمنتدى المسافرون كانت حيل مفيدة لنا

خل توصلني الخريطة 00 وان شالله اعطيج خبر عنها
واصور لج بعض المناطق عشان تاخذين فكرة شلون هالشركة حيل دقيقة برسم الخرايط

بصراحة انا اعجبتني خريطتهم مالت تايلند
صج كبيرة حيل 00 بس مفصلة ودقيقة
عشان جذي طلبت خريطة اليابان منهم

وان شالله بجرب مطعم بانيهانا اللي بالافينوز وبروح للي بالمارينا بعد

تدرين شهورة00 امس تحلمت ان حلمي صج تحقق وزرت اليابان
يارب عاد صج يتحقق 00 لان زوجي مرة يتشيش ومرة يطخ

فعسى الله يكتب لنا الخير ويسر امورنا للسفرة ان شالله

 

[شهرزاد الحكاية]

^^^^^^

ان شاء الله يارب بيتحقق حلمج وبتشوفين مافي شي بعيد عن الله

وان شاء الله اليومين اليايين بحط صور من اليابان عشان تتشجعون وتروحون ان شاء الله

ولا تنسين توريني الخريطة عشان اطلبها انا بعد حق ايطاليا

خبرج محسوبيتج ملقوفه ​

 

[Turquoiseya]

قوة شهورة
انا وصلتني الخريطة على اول شهر 3 بس تخيلي ماكانت دقيقة مثل مالت تايلند
صج احبطت حيل
طوكيو موحاطينها كلها بس وسط المدينة ، يعني منطقة\ شينجيكو مو محطوطة كلش 00 والمناطق السياحية مو محطوطة
والشيء الثاني الحين عقب الزلزال شكلنا بنغير راينا بشرق اسيا كلها لان ممكن تسونامي يضربهم مرة ثانية

الله يلطف بحالهم ويرحمهم

مادري ليش خريطة اليابان كانت اقل من عادية عكس مالت تايلند
انا بصور لج الخريطتين عشان اتشوفين الفرق بينهم

بس حاليا كاميرتي مع اختي وكلما باخذها منها انسى

 

[شهرزاد الحكاية]

^^^^^

هلا حبيبتي تركوازية ...

والله اول ما سمعت عن الزلازل طريتي علي ..ز ومعاج حق لازم اللي بيروح شرق اسيا يفكر مرتين وثلاث خصوصا هالفترة مادري احس الوضع مو مستقر ويخوف شوي
حتى اختي بتروح ماليزيا اقولها نطري شوي لا تستعيلين شوفي الاوضاع شلون بتصير ...
الله يرحم حالنا ويحفظنا بحفظه ياااارب ...

بالنسبة للخريطة اي ياريت توريني صور عنها عشان يكون عندي فكرة وعشان اذا في منها لايطاليا باخذ وحده ان شاء الله ...

 

[Turquoiseya]

قوة شهورة
ادري طولت عبال ما اصور الخريطة
حدي مشغولة لكشتي 00 حتى صرت ما ادخل كويتيات دايما مثل قبل

المهم
الحين انا رفعتها لج عشان تشوفينهم

اللي لاحظته ان خريطة تايلند ادق التفاصيل مكتوبة وكل الاماكن السياحية والترفيهية مكتوبة
خريطة اليابان مافيها هالشيء هذا 00 حاط لج بس اهم المعابد وموحاط لا دزني سي ولاغيره


والحين عقب التسونامي شكلي بكنسل الروحة بكبرها لاني خايفة من الاشعاعات وخصوصا اني ناوية احمل بالعطلة
احس اني محتارة : ودي اروح عشان اطيب خاطري
وبنفس الوقت خايفة من الاشعاعات

 

[ماعرفتك زين!!!]

اب اب اب اب

 

[latkt7as]

مشكوره

 

[عذوٍق الوٍرٍد]

وااااااااااااااااااااااااااااااااااااااي

حلم حياااتي اروج الياباااان
حتى جم مرة احلم اني رحت اليابان واقعد من النوم وانا منقهرة ههههههههههههههه
والله حلللللللللللللللم
احس ماكو امل اروح اصلا
يبيله فلووووس وصرررف وزوجي مو حول هالسوالف يحس هالاشياء بياخه وفي اشياء أبدا من اشياء

بس والله والله امنية حياااتي اروح اليابااان
كنت قبل عااشقه الدراما اليابانيه وشفت برنامج عن اليااباان وانضمتهم واخلاقهم وادبهم وتطورهم و...الخ
خلااص حبييييتها حددددي

انزين بس ابي اروح صوب بيوت الفقرا عندهم
سوالف ماروكو وطقتها لووووووووووووول

بالتوفيق حبيبتي صاحبة الموضوع والي بتروح

 

[القصيدة]

السلام عليكم و رحمة الله و بركاته

اليابان خاشّه مزاجي كثير هاليومين و جالسة أقرأ تقارير عنها

إن شاء الله راح آخذ معلوماتك أكثر منك

الله يعطيك العافيــــــــة :eh_s(17):​

 

[شهرزاد الحكاية]

وااااااااااااااااااااااااااااااااااااااي

حلم حياااتي اروج الياباااان
حتى جم مرة احلم اني رحت اليابان واقعد من النوم وانا منقهرة ههههههههههههههه
والله حلللللللللللللللم
احس ماكو امل اروح اصلا
يبيله فلووووس وصرررف وزوجي مو حول هالسوالف يحس هالاشياء بياخه وفي اشياء أبدا من اشياء

بس والله والله امنية حياااتي اروح اليابااان
كنت قبل عااشقه الدراما اليابانيه وشفت برنامج عن اليااباان وانضمتهم واخلاقهم وادبهم وتطورهم و...الخ
خلااص حبييييتها حددددي

انزين بس ابي اروح صوب بيوت الفقرا عندهم
سوالف ماروكو وطقتها لووووووووووووول

بالتوفيق حبيبتي صاحبة الموضوع والي بتروح

ان شاء الله يااارب تروحين قريب وتستمتعين ...
ومافي شي بعيد عن الله
اللله يوفقج وييسر لج كل خير ياااارب :yaaaaaarb:​

 

[شهرزاد الحكاية]

الله يعافيج قصيدة وحياج الله باي وقت​

 

[bigsmile66]

موضوع لذيذ شكرااا احبهااا اليابان

 

[oum^zozo]

من عقب مارحت اليابان كل شي طاح من عيني احلى ديييييره