كلير بلو

[زينب 12]

مرحبا اخر. دوره كانت بتاريخ 4 اكتوبر
خلصت منها. تاريخ 11
تاريخ 19 جاني الم في بطني مثل الهواء. مادري شلون ونزل دم
انا اتوقع دورتي كل 28 يوم لاني لاحظت كل. شهر تقدم يومين
ابي احلل بكلير بلو متى احلل كلش ماعندي صبر ومره خايفه ان هالشهر بعد مايكون فيه حمل
خصوصا ان مو حاسه باي اعراض
وتو اليوم بطني مع صدري. شوي يعوروني
ساعدوني الله يعافيكم :eh_s(2):

 

[مذهلة2013]

حبيبتي كلير بلو الديجيتال يطلع النتيجه قبل الدوره ب٤ ايام
ودايم نتيجته مضمونه
ربي يرزقج ويرزقنا

 

[latkt7as]

تبين ترتاحين

افضل انج تسوين تحليل حمل هرموني
لانه ادق وتبين اذا حامل او لا

عليج بالاستغفار

الله يرزقج ويفرح قلبج بالذريه الصالحه

 

[زينب 12]

حللت بكلير بلو وطلعت مو حامل مره ضاقت فيني الدنيا الوسيعه وصارت الدموع اربع اربع وماغير نومت نفسي طول اليوم عشان اهرب من الواقع الحمدلله ع كل حال

 

[زينب 12]

وواضح ان الدوره بتجي لان اعصابي ونفسيتي زفت ومعصبه

 

[مذهلة2013]

حبيبتي متى المفروض تييلج الدورة ؟

 

[baa6aa]

مو شرط انه مضبوط

انا شريت الديجيتال و العادي و سويتهم كل جم يوم اسوي لان وقتها الدورة متاخرة 10 ايام وكان يطلع لي مو حامل

لين رحت حللت هرموني قالولي طفت 5 اسابيع بالحمل

فانتي اذا شاكة نطري موعد الدورة الياي و روحي حللي هروموني احسن لج

 

[زينب 12]

انا الدوره كل شهر تقدم يومين
يعني الشهر اللي طاف يات تاريخ 4
وهالشهر لان 31 يوم يعني المفروض تيي تاريخ 1
يعني باقي جم يوم
المهم ان قبل جم ساعه نزل علي دم يعني اكيد دوره والحين شيكت ماكو
يعني الدوره سبقتني5 ايام مادري 4
ولاني في غربه تلوع جبدي من المستشفيات لان مستشافيتهم يكبرون السالفه وتقعدين 4 او 5 ع ماتخلصين
ومايعترفون الا بتحليل البول للحمل

 

[مذهلة2013]

حبيبتي يمكن مو دورة
روحي الطبيب سوي تحليل بول احسن
وان شاءالله خير

 

[fofo90]

احسن شي تحليل الهرموني
يبين واضح ودقيييق
الله يرزقج حبيبتي

 

[نبض السعاده]

الله يرزقج يارب

لا تفكرين بالحمل
احسني الظن بالله استغفري اقري البقره

انطري اشووي


ربي يبي يرزقج

 

[زين ودلال]

الله يرزقج ان شاء الله

 

[مسـك]

الديجيتال سويته بنفس اليوم البي مفروض تنزل وبين خط واضح وخط خفيف حييييييل انصدمت عبالي راح يبين كل شي واضح

حللي دم اضمن

 

[# غنوجة بيبي #]

الله يرزقج و يرزق كل محرومه بالضنا السليم المعافى

 

[زينب 12]

بصبر يومين اذا مانزلت الدوره بروح المستشفى لان امس نزل دم شوي واليوم مافيه شي و واول مره يصير فيني جذي وقمت حللت مره ٢ اول ماقعدت من النوم طلع لي مو حامل

 

[كوكيز بالكريمة]

كلير بلو الديجيتال اضبط نتيجة له قبل الدورة بيومين او يوم .. حملي هذا حللت قبل الدورة عزكم الله بثلاث ايام طلع سلبي و رحت بنفس اليوم حللت دم هرموني طلعت حمل ضعيف و بعد خمس ايام رجعت حللت و الحمدالله ثبتت الرؤيه ههه

الله يرزقج بالحمل السليم انتي و كل مشتاقه للضنا..اللهم امين

 

[كوكيز بالكريمة]

كلير بلو الديجيتال اضبط نتيجة له قبل الدورة بيومين او يوم .. حملي هذا حللت قبل الدورة عزكم الله بثلاث ايام طلع سلبي و رحت بنفس اليوم حللت دم هرموني طلعت حمل ضعيف و بعد خمس ايام رجعت حللت و الحمدالله ثبتت الرؤيه ههه

الله يرزقج بالحمل السليم انتي و كل مشتاقه للضنا..اللهم امين

 

[فيلسوفة قلبي]

لمآ حملت ما حسيت بأعراض .. بس كآنت أعراض دورة المعتآدة .

أن شاءالله حآمل وتبشرينا يارب

 

[زينب 12]

للحين ماياتني الدوره المفروض امس تيي ولايات و كل يوم احلل تحليل منزلي يطلع مو حامل
بس مثل ماقلت لكم قبل كم يوم نزل دم خفيف وبعدها مانزل ولاشي والله يكتب اللي فيه الخير وطبعا الم في صدري واحس بتقلصات في بطني واعراض خفيفه للدوره مو وايد