كله ولا رفيجتي...

[بكيزة هانم]

الحمدلله

 

[نعم نعم شنو]

صح انا حاسه في شي ولا مو معقوله مني والطريج يقولوها هالحجي ؟؟؟ اكيد في شي

بيني وبينج ماله داعي الكل يدري انكم كل يوم تكلمون بعض طلعوا بسكات واستانسوا

وعلى فكره العيييييييين حق وايد وايد سمعت وشفت بعيوني شلون كانوا رفيجات روح بالروح وافترقوا ماتصدقين

شكثر كانوا متعلقين ابعض بس الناس ماخلتهم وافترقوا وشي جايز احد محاجي اهلها عنج

وحتى لو اهلها سئلوها لا تتعمق بالاجابه وتقول لهم شنو سوت معاج هم اهيا لها دور شلون تقنعهم انه

حياتها تصير احسن لما تكون معاج انج تنصحينها يعني من هالحجي عشان لا يفكرون بشي ثاني

عسى الله يديم عليكم هالصداقه ولا يفرقكم يارب ويبعد عنكم عيون الحساد

 

[PuPa^^SWeeT]

يا انه ريلها شاكي من علاقتهم القوية


ولا اهي فعلا اهملت ببيتها و ابوها شايف طلعاتها على غير سنع


او اهي قاعدة اتقارن بين وضعج و وضعها بالزواج و الحياة


او ان الابوو شايف منها تصرف ولما قالها شنو هذا قالت فلانة علمتني



ماكو دخان من غير نار



واذا صار الدخان من دون النار

عيل اهي تبي اتقولج انخفف طلعات بس مو عارفة شلوون



عالعمووم خففي لقاءات


و خففي مكالمات

 

[اتعبني]

ان شاءالله خوااتي..

تعرفون شنو اكتشفت.. المشكله ف ريلهاا.. ابوها وريلها مايكلمون بعض وقاعد يتهااوش مع بنته ع ان ريلها معطيها الحريه ..ومخليها ع رااحتهاا..

الصرااحه رحت كلمت ريلهاااا.. قاالي.. انا وابوها بينا خلاف وااالحين اهو مايعرف شنو يسوي.. قاعده يحط حرته ب بنته..والله احس ابوهاا مو صااحي..قاعد يصااارخ ع بنته يقولهاا اذا ماخليت ريلج يطلقج.. معقووله ف ابوه جذي..وربي كل يوم تتصل وتصيح وقلبي يعورني عليهاا..

والله مااعرف شنو اسوي..