كله ولا رفيجتي...

[اتعبني]

السلااام عليكم..
اشحاالكم خواااتي..
عسااكم بخير يااارب..
مشكلتي يمكن عاديه بس بالنسبه لي وااايد تعبتني نفستي..
رفيجتي...
هاي انسااانه اعتبرها اعز من اخت وربي لو اقووول من الحين لين بااجر ما ررراح اخلص من كثر مااتسويلي واتسااعدني..
رفيجتي معااي لما كنت ف الصف 2 ابتدائ لين انا تزوجت وعقب هي تزوجت ويبنا اعيال..والحين بناتي كبر بنااتي لازم ف اسبوع ع اقل انشوف بعض..
بس المشكله مب اهني..
المشكله اهلهااا..
قاعدين يحااولون يفرقونا من بعض..وي اص
ع قولت ابوها اخاف اضعيين واتخربين بيتج..معقوله انا اخرب بيت رفيجتي وحيااتي كله.. وربي كله اصيح وقلبي يعورني ع عمري..

هذي قلبي اشلووون اقدر ابتعد عنهااا..انا الصرااحه وحيده ماعندي حد غيرها وكل اسراري تعرفهاا..

والحين هي كاره اتروح بيت ابوها لانهم كل يوم نفس الموااال...


خواااتي ساااعدوني شنو اسووي..قاعده افكر اروح بيت اهلهاا واكلمهم..بس مستحيه..

 

[أم علي المندوبة]

اعطيج فكرة، لا تييب طاريج عند أهلها كلللللللللللللش و اهلها بيسكتون و عموما حل المسألة بيدها هي، تقدر تقول كلمة وحدة بحقج تنصفج عند أبوها، ما خربتي حياتها قبل بتخربينها الحين؟ سبحان الله على هالبشر و خلي طلعتكم مرتين بالشهر و التلفون موجود و الله لا يفرقكم

 

[* ليــــدي *]

قولوا لهم إنكم قطعتوآ عن بعض مآلكم حيله غيرهآ

 

[اتعبني]

اوكي ماراح نطلع مع بعض غير ف شهر مره..بس اعيالها يقعدون يحنون ع امهم يبون اايون عند اعياالي..
وتلفون لازم كل يوم نسمع صوت بعض اذا يوم مادقيت والله ثاني يوم اتي لين البيت تساال شنو فيج..

والله العظيم خواتي الي هم خواتي مايساالون عني كثرها..

 

[goOog]

يا حياتي والله من جد شي ينرفز ليه يحطون علج انج راح تخربين مستقبلها
والله الصديق في وقت الضيق وانا بعد
نفسج عندي بنت اعزها
ولازم اسمع صوتها
تدرين اني انجن
اذا ما سمعت
صوتها يوم


(( و ياربي انشاء الله ما يفرقكم من بعض وتزداد محبتج لها قولي ااامين ))

 

[Patcholli]

شنو السبب اللي خلاهم عقب هالعمر يفكرون هالتفكير ؟؟

اذا في سوء فهم تقدرين تروحين تزورينهم وتقعدين مع امها وخواتها وتحاولين تتناقشين معاهم وتعرفين شنو السبب
واذا مافي سبب خل تريح راسها وتقول خلاص وخرت عنها مو لازم يعرفون انكم ليلحين متواصلين

 

[عرش الأنوثه]

الله يعين ..
البنات ماقصروا

 

[عاشقة الاسلام]

نفس اللي مرايت فيه بس موا من اهلي ولا اهلها من الناس اللي حولينا حسدونا علي صداقتنا لما فرقونا
حسبي الله ونعم الوكيل

 

[اتعبني]

شنو السبب اللي خلاهم عقب هالعمر يفكرون هالتفكير ؟؟

اذا في سوء فهم تقدرين تروحين تزورينهم وتقعدين مع امها وخواتها وتحاولين تتناقشين معاهم وتعرفين شنو السبب
واذا مافي سبب خل تريح راسها وتقول خلاص وخرت عنها مو لازم يعرفون انكم ليلحين متواصلين

ماكوه سبب بس هم عبالهم كثر مانطلع مع بعض يمكن انا ابي اخرب بيتها او اسوي لها ساالفه..
مع اني اعرف امها وخواتها احيانا ازورهم.. بس القهر من خواتهااا يعرفوني عدل بس بعد ..

انا اقوول يمكن خواتها يغاارون مني لان مره قالت لهم رفيجتي الوحيده الي اثق فيهاا..

 

[بيلسسان]

حبيبتي .. خففو طلعاتكم بدال كل اسبوع مرا
خليها كل اسبوعين ..

وعسسسى ربي مايفرقكم ان شاء الله

 

[اتعبني]

ان شاااء الله...

 

[Patcholli]

اتعبني ..

اهي مره متزوجه مو ياهل عشان خواتها يخلونها توخر عنج مو معقوله ماتقدر تسكتهم ..؟؟

اخاف اهي الي ودها تفج عنج ومستحيه تقولج وتعذرت بخواتها ..؟؟ مجرد احتمال ماقولج شكي بالبنيه

بس اذا انتي واثقه ان من خواتها .. فماعليج منهم مثل ماقتلج اهي مو ياهل والمفروض توثقهم عند حدهم وتدافع عنج انتي بحسبة اختها مو وحده غريبه ولا رفيجه يومين صارلكم عشرة عمر

وفعلا بعض الاقارب احيانا يغارون ..

مثل ارفيجتي بنت خالتها تغار مني وتكرهني معني ماشفتها الا مرتين ومابينا غير سلام ..
بس تغار على ارفيجتي تبي تتملكها بروحها .. بس ارفيجتي ماردت عليها وقالتلها حدج على فلانه اللي اهي انا ..

وهاذا الصح لو تحبج بتدافع عنج وماتسمح لاحد يتكلم عنج بسوء

ومثل ماقتلج مو لازم يدرون بطلعاتكم او زواراتكم عشان تفتكون من الحنه والكلام ..

 

[al-musk]

هي مفروض توقفهم عند حدهم وهذا مشكلتها هي مو مشكلتج انتي

 

[جنون العاطفه]

الله يعين
لاتعليق ​

 

[بكيزة هانم]

هالناس طواري..الله المستعان

 

[متيمة بالشعر]

​

الحـل بيـدهآ هي بـ جميع الآحوال

آنتي حآولي تكسبينهم ..
خففوا طلعآت مع بعض ,
كلميها فون او مسجآت يعني مو بالضروره الكل يعرف انها تكلمج على طول !
و انتي متزوجه وعندج عيال وهي بعد
يعني المفروض يشوفون انها كبيرة وناضجه وتعرف مصلحة بيتها اذا كانوا يعتقدون انج بتخربين بيتها ! ,

اذا هي متمسكه فيج ماراح تفرط بـ عشرة العمر , و بتظل تحآول و بتظل تكلمج , .. ​

 

[اميره1980]

شلون ابوها يتحكم فيها و هي متزوجة و ام عيال ؟؟
عموما فهمت من كلامج ان علاقتكم حيل مع بعض و احتمال ان اهلج شايفين ان علاقتكم مع بعض مؤتثرة على بيتج و عيالج و احتمال كبير ان زوجها اللي مكلم ابوها علشان تبتعد عنج
خير الامور الوسط خففي علاقتج فيها و مو كل يوم تلفونات و طلعات كافي بالاسبوع مره او اقل بعد

 

[^_^ الراقيه]

لاااااااا حرااااااام وربــــــي

لا تفترقـــــوووون

طيب بقلبي سؤال لــــك

لو مثـــــــــلا مثلا اهي اللي ما تبـــيك شنو راح تسويـــن ؟؟؟؟؟؟؟؟؟؟؟؟

والله لا يفرقكم ي رب

 

[^_^ الراقيه]

علــــى قولتــــــك

كــــــــــــــــــــــله ولا رفيجتــــــك

 

[شندوخه]

حبيبتي في حلقه مفقوده بالموضوع
ليش ابوها قاعد يقول هالكلام ؟؟ هل انتي شرتي عليها شور وماكان مناسب بنظر ابوها واهلها؟؟
اكيد مو مني والطريج بيقول هالكلام وانتوا ربع من الابتدائي شمعنى الحين يبيها تنهي علاقتها فيج!!