((كلنا بأمر الحب انجنينا)) روايه كويتيه تجنن عن بنات كويتيات انصحكم فيها

[oceayana]

lail7een no part

 

[oceayana]

inzaain bint uboha entai tiktbeen il 89ah wala copy paste? itha copy paste ma ya5th minch wakit bas itha intai katbat'ha hatha shai thany ehni akoon
3athritch
fa plz lat6awleen 3alaina

 

[[***غلا***]]

يلااااااااااااا
ناطرينج...
يعطيج العافيه:eh_s(6):

 

[كادي::::]

يالله قلتي يوم الجمعة ويناااااااااااااااااااااااا

 

[جهراويه قمر]

عيون ابوها الظاهر انج متأثره بقصة سمه دلع سمه غرور سمه اللي تسميه؟؟؟ عشان جذي قاعده تأخرين البارتات وشكلج اخر شي بتعلقينا وماراح تكملين الروايه

 

[Bq]

ييينيج اليوم يوم اليمعه

 

[miss disaster]

وين البارت؟؟
خلاص عاد لين متى راح ننطر؟
افففففففففففففففففففففففففففففففففففففففففففففففففففففففففففففف
شكلج ماراح تكملين القصة!!!

 

[oceayana]

lail7een manzal part

 

[عيون ابوها]

مها: لا يما مابي اتزوج
نوره:وليش كل البنات تزوجو زانتي شنوالي ناقصج؟؟؟؟؟
مها : بس ما ابي اتزوج توني صغيره
نوره:وبنات عمج كبرج واعرسو
مها: يووووووو ما لي خلق بروح انام

(((راحت مها وعيونها مليانه دموع)))

فاطمه : شفيكم ليش الصراخ
نوره : اختج جننتني ماتبي تتزوج
فاطمه: وليش بلا شنو ناقصها عشان ماتوافق
نوره: مدري عنها روحي حاجيها يمكن تقتنع بنات عمج كلهم اعرسو الا هي
فاطمه: ان شالله يما انتي لاتكدرين خاطرج انا بروح اكلمها










بالطياره
حور: الله جده والله ماني مصدقه بروح اشوف اهل امي
الجده: ههههههه لا صدقي الا حنا جم باقيلنا ونوصل
حور: اممم حوالي 3 ساعات هانت مابقى شي
الجده: عجل انا بنام بريحلي شوي لا وصلنا قعديني
حور: ان شالله





خوله: شنو حمد خطب مها متى وليش وشلون ؟؟
نوف: شنو ليش خطبها بعد رجال وبيتزوج ومها مافي احسن منها
خوله : بس .... تتوقعين مها توافق ؟؟
نوف: والله مدري بس توافق ليش ماتوافق حمد شنو فيه رجال ومزيون ومايعيبة شي
خوله: بس كبير عليها
نوف: اوووه لا كبير ولا شي عادي
مشاري : شنو تسوون ؟؟
نوف : مانسوي شي نسولف
خوله: انت مو قلت بتروح المباره ليش مارحت
مشاري: مالي خلق ودي اقعد اسولف وياكم والله اشتقت لكم
نوف: غريبة مو من عوايدك العاده قاعد بدارك وتقرقر بالتلفون
مشاري: هي استحي شنو اقرقر بالتلفون
خوله: وهي صاجه غريبه ليش بينكم شي زعلانه ؟
مشاري : منهي هي
نوف: اللي ميت فيها سويره
مشاري: أي ههههههه اولا اسمها ساره وثانيا نايمه عند بيت خولها عشان جذي ما اقدر اكلمها
نوف: اهاااااااااا
خوله : تدرون حور سافرت
نوف: أي صح
مشاري: حور اللي امها بريطانيه
نوف: أي راحت عند اهل امها
دق تلفون مشاري: الووو ....... هلا هلا بو مشعل ..... يلا جايك الحين
خوله: بو مشعل ولا
مشاري: لا لا ابو مشعل يلا انا بطلع توبن شي
خوله ونوف: سلامتك


بالعالم الغربي ببلد الغربه قاعده بغرفتها تبجي تبجي من الوحده من الحقران من الهواش تبجي من الشوق من الغربه من كل شي من توقع وصايف تصير جذي كل يوم يمر عليها لازم تبجي فيه جاسم مايدري عنها لاهي بين دراسته وبين المسجات اللي تجيه يوميا واللي صار مايترك تلفونه منه وصايف لاحضت هالشي وحست بأنه مايقدر يستغنى عن تلفونه تحبة وتموت فيه وتغار عليه من كل شي من تلفونه من ربعه حتى من ملابسة بس جاسم مايدري عن وصايف يشوفها بس بالاكل يعني اذا تعشو واذا تغدو واذا تريقو ومرات مايجتمعون


تذكرت الايام اللي غلاها بالحشا محفور
عجزت انسى وناستنا وفرحتنا وضحكتنا
زمان حاجتة يضحك سعيد من الفرح مسرور
وتلقى كل ركن فيه صجتنا ولجتنا
وراحت مابقى بعده ياكود الخاطر
المكسور وقلبن قال:

}هذا في زمان الهم قسمتنا {


بالعالم الشرقي وبالكويت تحديدا بعد ماشبعت من البجي وفرقت كل الدموع اللي عندها وسمعت كل كلام فاطمه وامها بمحاولتهم انهم يقنعونها تتزوج حمد دزت هذا المسج لوصايف وندمت انها تدزت مها عمرها مابجت عند احد ومابينت ضعفها بس خالص ماتقدر تصبر تبي حمد بس ماتبي تزعل خوله خوله اللي اعترفت لها بكل اللي بقلبها مها: اااه ياربي صبرني على اللي انا فيه يارب ياربي انا الحين ليش ادز لوصايف هذا الشعر اخاف تبجي البنت مسافره شهر عسل عشان تستانس وانا انكد عليها

(( مسكينه مها ماتدري ان وصايف متنكده من اول يوم بعرسها ))



بعد ماصلت لها ركعتين قامت تشوف المسج من منو ولما شافت وقرت الشعر ردت لنوبه البجي مره ثانيه بجت وبجت وتزت لمها :


وصايف

(والله اشتقت لكم كلكم شلونج شخبارج وحشتوني موت )



مها

( اي باين اني انج اشتقتيلي والدليل ماتسألين عني اخاف نسيتيني )



وصايف
( ..ماغبتي عن فكري في كل الاحيان..
ياما ذكرتك والمخاليق لاهين ..
عليك قلبي دايم الدوم ولهان؟؟..
منساك مادمنا على الكون حيين ..)


مها
( تعبانه )

وصايف

( سلامتج من التعب اشفيج )

مها

( ااااااه هم هم كبير بداخلي )



وصايف دقت على مها : الووو
مها وصوتها المبحوح من كثر البجي : الووو
وصايف: اشفيج ليش تبجين ؟؟
مها: تعبانه وانتي ليش تبجين ؟؟
وصايف: الحال من بعضه
مها: مو مرتاحه ويا جاسم
وصايف: انا داقه اعرف شنو فيج مو تساليني فضفضي قولي كل اللي بقلبج
مها : محد فاهمني محد فاهم ياوصايف انا بختنق بموت مافي احد عندي الكل لاهي عني فاطمه تجهز لعرسها وحور سافرت وساره نايمه ببيت خوالها صارلها اسبوعين وانتي موعندي تعبت تعبت الوحده بتاكلني انا ابي اتزوج تدرين اني احتر لما اشوف كل وحده فيكم تحب ولما حبيت ولقيت اللي ابيه ااااه غيري يبيه
وصايف: منو اللي يبيه ؟؟ شنو قصدج
مها وصوتها متقطع من البجي : وصايف انـــ...ا انا احـــبـ حمـد وابيه بس .............................................. بس خوله ما اقدر اخاذه
وصايف: شنو وخوله شكو؟؟
مها: خوله تحبه اهي قالت لي لما كنا بالمزرعه وانا شفته ببيت ايمان وماقدرت ابعد عنه حبيته اكثر واكثر تدرين اهلي للحين يقنعوني بس انا ماني داريه شنو اسوي
وصايف: ماعليج انتي صلي صلاه استخاره وان شالله خير
مها: صليت
وصايف:وبعدين
مها: قلبي وعقلي وتفكيري كله مرتاح ويبيه بس كل ما اتذكر كلام خوله وشلون تقول انها تموت فيه انقد على نفسي انا ما احب اكون بهالصوره وما أبي اخسر خوله خوله اكثر من اختي
وصايف: بس خوله صغيره وحبها حب عادي واهو اختارج مايبيها وش دارج يمكن اهي ماتبيه اساليها وشوفيها شنو تقول
مها: مادري ما ادري
وصايف: شنو ماتدرين مها لاتخسرين حمد انا لما قلت لجاسم انه خطبج استانس ومدحه حيل
مها تقاطعها : انا ادري ان زين الكل مدحه لي بس قلتلج خوله ما ابي اخسرها بسبب واحد مجرد انه خاطبني ... بعدين تعالي انتي شفيج قوليلي شنو همج
وصايف: ااااااااااااه شقول وشنو اخلي
مها: مو مستانسه
وصايف: لا
مها: ليش

وصايف قالت لمها كل اللي بقلبها واللي صار وياها






جاسم : نسرين نسرين
نسرين : نعم استاز
جاسم : وين وصايف ؟
نسرين : مدام وصايف بغرفتها
جاسم : ماتعشت ؟؟
نسرين : لا ولا تغدت طول الوقت جوا بس خلتني اروح اشتري لها كرت للموبايل ورجعت جوا الغرفيه
جاسم : امم خلاص روحي انتي (( اها كرت للتلفون ردت حليمه لعادتها القديمه حتى واهي متزوجه وعندها رجال تغازل بس هين يا وصايف والله لوريج ))

دخل جاسم على وصايف ولقاها تتكلم بالتفون وصايف من الخرعه سكرت التلفون بوجه مها
جاسم : منو تكلمين ؟؟
وصايف: ليش داخل علي فجاه ماتعرف تطق الباب
جاسم : جب هذي الغرفه غرفتي وادخل مثل ما ابي
وصايف: دامها غرفتك ليش ماتقعد ولا تنام فيها
جاسم : كيفي عطيني تلفونج
وصايف وقفت جدامه : ماراح اعطيك بعدين مو من حقك تاخذ تلفوني
جاسم : أي ماتبين اشوف سوالفج الخايسه اللي جنها وجهج عبالج ما ادري عنج تكلمين بليل ومن وراي يا ام المغازل
(( بدون شعور ومن كثر ما في قلبها حره له وصايف عطت جاسم كف خلت خده يحمر من قوه ))
وصايف : جب اكل تبن انا مو مال هالسوالف ياحيوان

كل واحد منهم منصدم وصايف منصدمه شلون تجرأت وسوتها وجاسم منصدم شلون بنت تطقه بعد لحظه صمت جاسم طلع من البيت وراح ......

اما وصايف ظلت تبجي ليش ليش انا من بد البشر يصير فيني جذي ليتني سمعت كلامج ياحور وماحبيت جاسم هذا واحد بدون احساس مايستاهل بجت وبجت وبجت



جاسم تطقني هذي الورعه تطقني انا يوم اني صغير ما انطقيت تجي هذي وتطقني والله ما اخيج والله لوريج نجوم الظهر بس هين هين يا وصايف انا لج بهل الوقت جاله مسج من المجهوله اللي دايم تدز له مسجات :

































































































مالعبوا اهل المغازل عليه ويخسـون
ماشيه في حشمةاللي مشى في حشمتي
من تربي مثلي ف بيت عزٍ مايخـون
غاليه بالحيل بالحيل عنـدي سمعتـي
ماسهرنـا بالليالـي ندقـدق تليفـون
امحشوم اللي نواه الجليـل بقسمتـي.


جاسم مو مستوعب الوضع شكو هل المسج يعني معقوله هذي وصايف وصايف اهي صاحبه المسجات يعني مو سحر ولا وحده ثانيه بس شكو وصايف رقمها غير تعال انا شلون اقول رقمها غير وانا ماعندي رقمها ولا فكرت مره اني اخذ رقمها والله اني غبي

قطع تفكيره تلفونه جاسم : الووو هلا والله ببو بندر
فارس : هلا بك شلونك شخبارك
جاسم: بخير جعلك بخير وانت شعلومك
فارس: والله تمام اقول انت وينك
جاسم : ها أأ بحديقه
فارس: معاك وصايف
جاسم: ها لا وصايف بالشقه
فارس: افا افا افا مخلي اختي بروحها بالشقه وقاعد بالحديقه لايكون مزعلها ؟
جاسم: لا شنو مزعلها بس انا ناطر واحد من الربع يبيني بسالفه
فارس: اها اشوه والله لو انك مزعلها والله لذبحك هههههههههههه
جاسم:هههههههههه تذبحني عاد لا والله ما اقوى على زعلها انتو شخباركم وشلون بريطانيا
فارس : والله تمام شوف حنا مسوين لكم مفاجاه بس مدام بقولك ماراح تصير مفاجاه لك خلها مفاجاه لوصايف حنا بعد 6 ساعات وبنزوركم
جاسم : صج
فارس : أي والله صج
جاسم : انت ومنو
فارس: انا وحور وامي مريم وعمي فهد
جاسم: حياكم الله قبل لا توصلون المطار بغلني زين
فارس: ان شالله سلملي على وصايف ولاتقول لها ان بنجي
جاسم: اابشر وسلامك واصل


جاسم خايف لا وصايف تقول لبوها عن اللي سواها فيها وتصير مشاكل ركض على طول للشقه وراح غرفة وصايف وطق الباب طبعا وصايف ماردت دخل ولقاها نايمه وعيونها حمرا ومليانه دموع لحفها وسحب تلفونها ودق من تلفونها الى تلفونه

والصدمه كانت






























































وصايف صاحبه المسجات ردت تلفونه لما حس انها بتقوم وراح غرفته واهو براسه الف سوال وسوال ؟




بعد ثلاث ساعات وصايف قامت بتاخذ لها عصير جاسم سمع صوت وراح لها
جاسم: وصايف
وصايف :...............
جاسم: قاعده اكلمج
وصايف: ...........................
جاسم مسك ايدها : وصايف ردي
وصايف: جاسم وخر مالي خلق لك
جاسم : ولا انا لي خلق لج اسمعي الصبح بجون حور وامي مريم وفارس و ....... و ابوج
وصايف استانست : صج
جاسم : أي صج بس قالو لي لا تقول لوصايف بس انا قلت لج عشان ........ اأأ عشان
وصايف: لا تخاف ماني قايله لبوي ان كل واحد ينام بغرفه
جاسم : انتي تقرين افكاري
وصايف: لا بعدين وين راح يسكنون
جاسم: اكيد اهني اسمعي بخلي غرفتي لعمي وفارس والغرفه الثانيه لجدتي وحور وغرفتج ننام فيها انا وانتي
وصايف: اممممممم خلاص انا بروح انام
جاسم : لحظه ماراح تنظفين البيت
وصايف: اذا جت نسرين تنظف
جاسم : هم بجون قبل نسرين امشي ننظف انا وانتي قبل لايجون
وصايف: انزين بس بشرب عصير واتسبح واجي
جاسم: انزين

قام واخذ اغراضه من غرفته الى غرفة وصايف ونظف الصاله على ما خلصت وصايف نظفت الغرف وبخرت البيت واذن الفجر


الله اكبر الله اكبر
الله اكبر الله اكبر

اشهد ان لا إله إلا الله
اشهد ان لا إلا إلا الله

اشهد ان محمد رسوال الله
اشهد ان محمد رسوال الله

حي على الصلاه
حي على الصلاه


حي على الفلاح
حي على الفلاح

الله اكبر الله اكبر
الله اكبر الله اكبر


لا إله الا الله





وصايف : الله ياصوت الاذان يفرح القلب
جاسم : أي والله
وصايف: تدري اول مره ادري ان يأذن
جاسم : من صجج ترا كاهو المسجد قريب عندنا
وصايف: صج
جاسم : والله
وصايف: أأأأااااااه انا بروح اصلي
جاسم: وانا بعد






على تغريد العصافير وعلى ريحه البخور وعلى طقت الباب وصايف قاعده تنطر اهلها بطلت الباب حور: مفاااااااااااااااااااااااااااااااجأه
وصايف: حووووور
حور ضمت وصايف : ههههههههه اشتقت لج
وصايف: وانا اكثر

بعدت البجي والدموع والفلم

فهد : وانا ما اشتقتي لي
وصايف: بابا
فهد: ههههههه قلب بابا
وصايف: وحشتني والله اشتقت لك
فهد: بسج بسج دموع ارحمي عينج
وصايف تبجي : وين جدتي
فهد: الحين تجي ويا فارس وجاسم
حور: بتخلينه نوقف عند الباب مافي تفضلو
وصايف: هههههههههه حياكم الشقه شقتكم هههههههه
حور وفهد: هههههههههههههه
فهد: الله شنو هالبيت روعه صح
حور: يجنن اقول صوفي شلون النمسا وياج
وصايف: زينه بس الكويت احلى
فهد: طبعا احلى
فارس: منو انا
وصايف وعيونها مغمضه بادين فارس: فارس
فارس: ههههههههههه اوه صايره حلوه
وصايف: ياشقول اشتقت لك
الجده: وانا مالي وحشه
وصايف: يما
الجده: هلا بعيونها


وطول الوقت ووصايف واهلها يسولفون ويضحكون جاسم ووصايف بينو جنهم عادي زوجين محبين بس الخافي اعظم


سوري اذا طولت عليكم وهم سوري اذا البارت قصير بس عندي ظروف منعتني اني اكتب لكم بس لا تحاتون انا وعدتكم اني اكمل القصه لو مهما كان وحبيت اقول لكم اني اول شي كنت كاتبه ان القصه منقوله بس الحقيقه اني انا اللي اكتب القصه انا عيون ابوها اهي شهانه على كف صقار ومانزلت الروايه الا في منتدى كويتيات ومنتدى جروح الوقت واتمنى منكم ردود حلوه لانكم زعلتوني منكم اشوف تجريح واجد وهذا اللي خلاني اطول في كتابه البارت واهم اتمنى اشوف ردود حلوه البارت الجاي راح اطول في كتابته لان هم عندي ظروف اعذروني وما ابيكم تزعلون منى ..

عنوان البارت الجاي
بيــــــــــكون بدايـــــــــــــه فـــــــــرح ونهـــــــــــــايه حــــــــــــزن

بسألكم سوال : ابي كل وحده منكم تقول لي احسن شخصيه بالقصه ؟؟ وتحللي اياها ؟؟

وشكرا
تحياتي شيهانه على كف صقار

 

[مـذهـلـهـ]

اول ماشفت اسمج دشييييت على طووووووووووووووول
بقرا البارت الحين وبقولج رايي بس والله صج نسيت كل الاحداث لانج من فتره مومنزله بس بقرا آخر بارت عشان اتذكر>>>>>لووووول

بس بلييييييز لاطولين علينا بعد

 

[بالحيل مختلفه ..}]

اي والله لاتطووولين علينا

 

[almynoona]

اولا : شكرا ع القصه الحلوه
ثانيا : بنسبه حق احسن شخصيه
* وصاايف *ََ
1- انساانه حبووبه
2- ما تبين مشااكلهاا حق اهلها (بس حق البنات لانهم قلب وااحد)
3- تحب ايهاال
4- تفهم مشااكل
ومره ثاانيه شكرا ع القصه الحلوه
​

 

[~*~الملكة~*~]

مشكووره على البااارت


ليش ماتكتبين اكثر من بارت وتحفظينهم عندج وبين يوم ويوم تنزلين

واحلى شخصيه عندي وصايف وحوور

وصايف قووويه وحور مادري عجبتني

ويعطييج العافيه

 

[ماسيتي]

يعطيج العافيه انا اكثر شخصيه احبها وصايف لأنها على صغر عمرها كبيره بعثلخا ويعيطح العافيه حبوبه بس بليز لا طولين علينا

 

[دانوو ام كشه]

مشكوره حبيبتي ع القصه بس لا تطولييييين


ووحوور لانها مانست اهلها وووخووش بنت

ووصايف بعد صغيره بالعمر وكبيره بالتفكييير ودلووعه بس هم هذا مأثر فيها وبتفكيييرها

 

[نسايه]

حدي حبيت هالرواااااااااااايه

اكثر شخصيه حبيتها اهي وصايف وفارس وحور والجددددده

وصايف حبيتها لان تصويرج لها انها ماشيه على النيه وبقلب صافي
دلوعه بس شالت نفسها انصدمت بحبها لجاسم والله يعين عالاحدااااااث اليايه يااااااااااارب حلوه خليها تفرح وصايف تستاهل الخيييييير

وفارس لانه مانسي حبه حوور وظل على وعده يااااااااااااااااااي احب الرومنسيه

حوور حبيتها وكسرت خاطري الطيبة كلها بقلب حوور

الجده فديتها حبيتهااااااا حدي وحبيت سوالفها



يااااااااااااااااي عيشتينااااااااااا الجووووووووووووو جناا بينهم

شوقتيناااااااااااا للنهايه
وكمليهاااااااااااااا بليييييييييييييييييز

 

[ღ TőOőma ღ]

حبيبتي يسلموووووووووووووووووووووووووووووووووو عالبارت ومعذوره المهم تخلص
وانا عاجبتني شخصيه وصايف لو وحده غيرها جان ماتحملت كثرها وجاسم اكيد اخر شي راح يحبها
خخ والله جنا عايشين وياهم وانشالله حور ترد العلاقه ويا اهلها
وااي شوقتيني ههههههههههه
يلا ناطرينج

 

[نور البدر]

القصة روعة بس متى البارت الجديد
وجم بقى على نهايتها
عورت قلبي وصايف حبيتها حييييييييييييييييييييل

 

[Bq]

تسلمين على البارت الحلو حبوبه أحنا مقدرين ظروفج ناطرينج احر من الجمر

 

[دبة زمانها]

لييييييييييش بداية حزن؟؟؟؟ حراام مانبي اهئ اهئ مانبي بجي...
ماعليه بس القصه كلها حلوه مادري...
وصايف وحوور وساره حبوبين مها عادي بس لاني مو وايد اعيش معاها اكشن واايد....
يلا كملي والقصه رووووووعه....
يلا ننطر التكمله....وسااره عفيه ما شفناها بالبارت...
يلا ننطر التكمله..
فدييييييتج يا احلى كاتبه...