((كلنا بأمر الحب انجنينا)) روايه كويتيه تجنن عن بنات كويتيات انصحكم فيها

[دلوعة هلي]

يلا قلبووو كملي
بط جبدي جاسم انا احس بالاخير ماراح يقدر يستغني عن وصايف وراح يموت فيها

ونبي اكثر عن حور وفارس لان حوووووووور شخصيتها جنان

 

[دبة زمانها]

يلا عفييييييييه كملييييييهااا...
نبي اليوم بارت عفيه عفيه عفييييييييه...
يلا اب انتظار البارت..

 

[oceayana]

wain il part

 

[مـذهـلـهـ]

بلييييييز لاتطولين علينا
ناطرينج

على احر من الجمر

على قولة البنات

 

[Doodoo.star]

كنتنيوااااااااااا

 

[ღ TőOőma ღ]

ناااااااطريييييييييييييييييييييينج فدييتج مواطوليين

 

[ضحكه قمر]

تكفيين نزلي البارت القصه وايد حلوه

 

[dlo3t^baba]

وييييييييييين البارت <_>

 

[^_^ حبيبة زوجها ^_^]

القصه حلوه ويعطيج العافيه بس لا توقفين كملي

 

[Cl@s$ic]

يلاااااااااااااااااااااا
طولتي عليييييييييييييييييييييييييييييينا

 

[ريماس21]

جااري الانتظظاااااااااااااااااااااااااااااار ::

 

[Cl@s$ic]

واااااااااااي القصه عجيبه نزلي بارتات ورا بعض لا تعلقينا جذي

ماااااااااابي
>> اشتطت لووووووول :eh_s(13)::dddds:

 

[عــربــاويــة]

تكفين نزلي البارت يالله بسرررررررررررررررعه
ناطره على أحر من جمر
و تسلمين عالروايه الحلوه
ولا تطولين
و مشكووووووره مقدما عالبارت اليديد

 

[oceayana]

wain il part tarah wallah abchii

 

[جعدة أمي]

القصه واااااااااااااااايد

حلوه بلييييييييييييييز كلملييييييييييييييها ​

 

[Queena_85]

متابعيــــــــــن ...
بليــــــز لا تتأخريــن

 

[تناهيد الجروح]

لااااااااااااااا يلا ماااااااااااا صااااااااااارت
بليز لا تعلقينااااااااااااااااااااااااااااااااااااااااااا

 

[mano0no]

يعطييييييج الف عافيه القصه واااااايد حلوة ويلا لا اطولييين علينا

 

[عيون ابوها]

يوم جديد وصباح حلو على ربوع النمسا كل واحد زعلان على الثاني

وصايف قعدت خذت لها شور وصلت وقعدت تقرا قرأن جاسم قعد من النوم كان نايم بغرفه ثانيه بدل ملابسه وطلع​

..........: ادخل
حور: السلام عليكم
............: وعليكم السلام
حور: انت الدكتور أيمن داود
الدكتور: أي نعم امرييني بغيتي شي
حور: بغيت منك خدمه صغيره
الدكتور: تفضلي
حور: انا حور مشاري جاسم ال......... بنت عايشه الله يرحمها اخت زوجتك ميرنا وهذي جدتي ام محمد
الدكتور: هلا والله بام محمد وهلا فيج حور امريني أي خدمه
حور: ابي اشوف خالتي ميرنا
الدكتور: امممممم غالي والطلب رخيص تعالي معاي
الجده: وين
الدكتور: عند ميرنا اهي بقسم الفحوصات
حور والجده: يالله














حمد: يما شفيج مافيني شي عادي
العنود: علينا انت متغير حيل
حمد: يحوول
ام حمد: ياولدي اذا فيك شي قوول
شيماء : ياااي شفيكم على الولد صار لكم ساعه وانتو تستجوبونه خلاص يقول لكم مافيه شي شفيكم
حمد: مايفهمون
ضحى تطالع التلفزيون : تبون اقولكم شنو فيه
الكل طالع ضحى حمد بقلبه يحوول لايكون هذي تعرف يارب لا
ضحى: يبي يسافر
حمد الحمدالله : هههههههههه شدراج
العنود: عبالي عندج سالفه
ضحى :الله يعني بتسفرنا
حمد قام : لأ ... يما انا رايح
العنود: اقعد ماراح تودينا العرس
حمد: بروح شوي واذا رديت اوديكم
ام حمد: لا تأخر
حمد: لا شوي وارد انتو البسو مابي اتاخر على العرس
ام حمد: ان شالله
















مها: شرايكم
ساره: الله
حور: بتصكين على العروس
مها: احم احم ادري
ام جاسم : ليش مسويه تسريحه
مها: يوهو يما هذا بف حلو
ام جاسم : لا معفن جنه لج راسين
ساره: خاله انا ادري شنو تبين تبين الشعر يكون سيدا مافي ولا حركه جنج امي
ام جاسم : وهذا هو الزين
فاطمه توها قاعده من النوم : الله الله الله
مها تدور : حلو
فاطمه: يجنن
مها: ههههههه ادري
حور: ترا انا ماراح اروح
مها: لا والله
ساره: ولا انا
مها: يلا عاد وحده فيكم تروح ما احب اروح بروحي
حور: مو بروحج وياج امي وامج خالتي دلال
مها: ولو ابي بنت اسولف وياها
ساره: خلاص انا بروح
مها: هياا يلا البسي على ما اروح اضبط مكياجي
حور: خلاص جم مره تعدلين
مها: مالكم شغل يووو نسيت لا احط لي بخور
حور وفاطمه: ههههههههههههههههههه خبله











وصايف: نعم
جاسم ومعاه وحده : هذي الخدامه لبنانيه جبتها عشان تطبخ وتنظف
وصايف: أي شسمها
جاسم: نسرين بس ماتنام هني لا بليل تروح بيتها قريب من عندنا
وصايف: انزين
جاسم : تعالي اعرفج عليها
وصايف: مرحبا
نسرين : اهلا مدام
جاسم: نسرين هذي زوجتي مدام وصايف كل شي تبيه تسوينه لها اهي اللي تامر وتنهي بالبيت اوكي
نسرين: حاظر استاز(( حاظر استاذ ))
وصايف الله وناسه مدام وصايف وزوجتي ياهنيي : تعرفين تطبخين اكل كويتي
نسرين: أي انا اشتغلت قبل بالكويت 3 سنين وبعرف اطبخ
جاسم: زين روحي ويا وصايف تدليج على البيت
نسرين: اوكي












فاطمه: كملي شنو صار لما رحتي عند خالتج
حور: أي رحت وداني انا وجدتي داخل قسم للفحوصات ولا اشوف وحده طويله شقرا لابسه لبس سستر وحاطه عليها ملفع بس مو ظابط يعني كل دقيق يطيح لما لفت وشفتها تخيلت ان امي جدامي ودي اروح احظنها والمها ودي اقولها يما يما اشتقت لج يما ابيج محتاجتلج تشبه امي اللي بالصور حيل طويله وبيضه صوتها في بحه خفيفه حلوه عليها

الدكتور: ميرنا
ميرنا : نعم أيمن
الدكتور: في ناس يبونج
ميرنا: منو
حور: انا
ميرنا قربت من حور: اهلا بغيتي مني شي (( ميرنا تتكلم كويتي بحت لانها عاشت بالكويت 15 سنه ))
حور: أي انا حور بنت اختج عايشه نيكول
ميرنا منصدمه بعد كل هالسنين شافت بنت اختها كانت دايم تتمنى انها تبوسها وتحظنها وتشوفها وتعرف اخبارها والحين شافتها حور ضمتها ضمتها لصدرها الحنون وقعدت تبجي : حور ...... انـــــا مـــن زمـــ...ـــــ...ــــان كـــ..نـــ..ت ودي ...... ودي اشوفج
حورساكته ماتبي شي تبي تبقى بحظن خالتها توام امها تحس انها تظم امها مو خالتها

بعد فتره من الصمت والبجي حور: خالتي انا جيتج اليوم عشان ودي اعرف كل شي عن امي ودي اعرف شنو كانت تسوي وشلون حبت ابوي وكل شي وودي ودي اروح بريطانيا ازور ام امي جدتي
ميرنا: ان شالله كل شي بعلمج اياه وبقولج عنها اللي تبين

فاطمه: وبعد
حور: سوالفنا وسوالفنا وضحكنا وبجينا وكل شي خذيت رقمها واهي باجر عازمتني في بيتها
فاطمه: وبتروحين
حور: اكيد
فاطمه: تعالي طول كل هل اليوم امي مريم شنو سوت
حور: توقعت انها ماتخليني توقعتها بتبجي بس كانت فرحانه حيل لما سالتها يما شفيج سرحانه تدرين شنو قالت لي
فاطمه: شنو
حور: قالت واخيرا خليتج تعرفين اهل امج كنت ابيج انتي تجين وتقولين ابي اعرف عنهم ما ابيج تطلعين قليله اصل وتنكرينهم
فاطمه: صج
حور: والله







نسرين : عن جد الساعه 12 ولهلأ ما تروأتي (( من صج الحين الساعه12 وللحين ماتريقتي ))
وصايف: أي
نسرين : بس منو منيح
وصايف: عاد حدي جوعانه
نسرين : هلأ بعمل لك ام ليت بتاكل اصابيعك وراه
وصايف: يلا
















حمد: ها شلون العرس
العنود: يجنن
ام حمد: شفتي ساره بنت ام فارس تفضخ القلب
حمد من قالو ساره فز قلبه وقام يضحك
العنود: أي ماشالله عليها الا هي جم عمرها
شيماء: 18 توها كامله ال 18
ام محمد: ياحليها تهبل
العنود: هي متزوجه صح
ام حمد: جنه ملجه
حمد انصدم مها مها متزوجه مستحيل لا
شيماء: شكو مها مو متزوجه المتزوجه وصايف وحور وساره ملجات
ام حمد: لا انا اعرف ان بنت ام جاسم ملجه وعرسها السنه هذي
شيماء: هذي فاطمه اكبر من مها بسنه
حمد يما ضحك ياما فرح بس اخر شي تاكد ان مها مو متزوجه






شيماء: حمد
حمد: هلا شيماء
شيماء: بغيتك بموضوع
حمد: مالي خلق بروح انام
شيماء: موضوع يخص مها
حم لف على شيماء: نعم
شيماء: كنت متاكده انك تحبها
حمد: شنو قصري حسج وتعالي بداري
شيماء بعدل ماقالها حمد كل اللي بقلبه : صج يعني بتتزوج
حمد: مدري
شيماء: انزين تبيني اقولها
حمد: لا لا تقولين بس تدرين جسي نبضها جيبي طاريي
شيماء: اوكي
حمد : شيماء
شيماء: هلا
حمد: قوليلي عن مها
شيماء: ما اقول الا انك عرفت تختار
حمد: هي زينه
شيماء: تهبل واليوم بالعرس شكلها روووعه كل الناس انجنو عليها تبي نصيحتي اخطبها لانك ماعدت صغير خلاص فكر بنفسك الى متى تفكر فينا
حمد: والله مدري
شيماء: حمد انصحك تفكر هالايام لان اكيد راح تنخطب اليوم الكل يسال عنها
حمد: بفكر
شيماء: ابي اقعد باجر واشوفك تقول لامي اخطبيلي مها انزين
حمد: هههههههههههه انزين









جاسم: وصايف احبج
وصايف: تحبني
جاسم : وامووت فيج
وصايف: جاسم انت تدري وش تقول انا من يوم حبيتك تمنيتك تقول لي هل الكلمه
جاسم حد ايدينه على شفيفها : اووص لا تكلمين ابي اسمع كلمه وحده قوليها
وصايف: احبك واموت فيك واعشقك

طبعاً هذا كان حلم وصايف اللي تتمنى يكون صج بس بالحلم قعدت على احلى حلم طلت بالدريشه الجوو روعه غيم وصوت العصافير يغرد بالأذن قامت وقررت انها تبتدي مع جاسم يوم حلو ملت من الهواش بعد ما بدلت اهدومها راحت عند نسرين تقول لها زهبي الريوق وصايف لابسه بنطلون جينز وبلوزه بونيه لقت جاسم قاعد يتريق بالبلكونه


وصايف: صباح الخير
جاسم مستغرب من نشاطها: هلا صباح النور
وصايف: الله الجو يجنن
جاسم: توه طاق مطر
وصايف: صج حسافه ماشفته
جاسم : يمكن يطق مره ثانيه
وصايف: جاسم
جاسم : هلا
وصايف: ابي اروح السوق بشتري اغراض
جاسم : ان شالله












باحلى اسواق النمسا ووصايف تتسوق وجاسم واقف برا ينطرها لقى ولد صغير يلعب كوره راح يلعب معاه




ودي اكون اقرب
(من الرمش للعين )
واكون انا عينك ومالك نظرها






جاسم : غريبه من المرسل
وصايف جت لجاسم : اه خلصت يلا نمشي
جاسم :............
وصايف: جاسم شفيك امش نمشي
جاسم :ها
وصايف: سرحان اممم اللي في بالك يتهنى
وراحت
جاسم شنو قصدها : ومنو هذي اللي دازه









حور: وهذا كل اللي صار
ساره: انزين متى بتروحين
حور: اليوم تروحين وياي
ساره: لا مالي خلق بس حضج عندج بنات خاله بحرينين
حور: أي شفتي شلون
فارس: قلبي هني وانا اقول البيت منور
حور نزلت راسها
ساره: يووو بدينا
فارس قعد يم حور : شلوونج
حور بخجل : تمام
ساره : حور امشي غرفتي
حور قامت مسكها جاسم من ايدينها : وين
حور :فارس هدني بروح
فارس: مافي روحه
حور: فارس وخر لاتجي خالتي
فارس: مافي كيفي زوجتي وانا حر مو زوجتي صح
حور : أي بس هدني
فارس: ماراح اهدج الا لما تقولين لي احبك
حور: لا مابي
فارس: حور قوليها
حور شمخت ايدين فارس : انت ماينفع معاك الا جذي
فارس: اح اح الله استغفر الله
حور: ههههههههههه تعيش وتاكل غيرها














ياشوق قله (صاحبك)
دووم يطريك!!
وانك (بقلبه)
لوتطول المسافة!!



جاسم بغرفته فتح تلفونه وقرا الرساله : ياربي منو هذا وشكو يدزون مسجات خل ادق

ودق بس محد رد دز مسج (( منو معاي))

طبعا مافي رد

طول الليل والمسجات تهل من كل صوب شعر حب ووله ومدح بس منو صاحب المسجات؟؟ محد يدري..!! جاسم مايرد بس يقرا عباله احد يلعب بعصابة










ميرنا: اهلين
حور: هلا والله شلونج خاله
ميرنا : الحمدالله
حور: اعرفج بنت عمي فاطمه ومها
ميرنا: اهلين تشرفنا .... تفضلوو تحبون تشربون شي

مها: لا مشكوره
ميرنا : يابنات بنات بعرفكم على بناتي
دخلو البنات اللي هم


((1- هند 20 سنه تدرس بجامعه الكويت تخصص علوم سياسيه طويله جسمها حلو عيونها عسليه وساع مو متحجبه شعرها بندقي طويل شوي برونزيه شوي حبوبه وطيوبه بس فيها شويه غرور
2- اوضاح 16 سنه بيضه شعرها اسود قصير بثالثه ثانوي حلوه وحبوبه وتضحك
مو متحجبة

3فوز 12 سنه بالصف الثامن حدها كيوت تشبه امها وشخصيتها مثل شخصيه اوضاح مو متحجبه
4زيد 9 سنين حلو حيل طيب لابعد الحدود


بنات ميرنا فري حيل اللي يشوفهم يقول انهم رايحين فيها بس العكس الصحيح محترمات حيل
فوز : وناسه انتي بنت خالتي كشخه
حور: أي انا طايره من الفرحه
اوضاح: ماشفتي يدتي
حور: لا ولا احد يعرف امي غيركم
هند: عاد احنا يوم الخميس بنروح بريطانيا تروحين
حور: صج ودي بس اشوف
مها: ماعليكم منها بتروح والله لقنع جدتي
فاطمه: بس منو تروح وياه
ميرنا: معانا
فاطمه: بروحها ماضنتي
فوز: خلاص انتو امشو معانا
حور: بحاول اقنع جدتي تروح وياي
ميرنا: أي والله راح اوريج بيتنا
حور:ياي وناسه















بعد اسبوعين جاسم تعود على المجات اللي كل يوم تجيه يستانس ان احد يهتم فيه دخلت عليه وصايف : جاسم
جاسم :.............
وصايف: جاسم
جاسم :..................
وصايف : جاسم جاسم
جاسم : هااا
وصايف: لي ساعه اناديك اشفيك ماترد
جاسم بعصبيه : اازعجتيني اخلصي شنو تبين
وصايف: شنو ازعجيتي شنو تبين شنو هل الاسلوب ماني بزر عندك تكلمني جذي
جاسم قام ووقف قبال وصايف وبين طوله ورجولته وحط ادينه على اكتافه : بالله شلون تبيني اكلمج مدام وصايف
وصايف: بحترام مو جذي انا موقاعده اطر منك
جاسم : اخلصي شنو تبين
وصايف: ابي اروح السوق
جاسم : سوق سوق سوق مامليتي بسج فراره انتي مقطوط سرج بالسوق
وصايف: نعم متى رحت السوق مارحت الا مرتين اول مره معاك وثاني مره مع نسرين
جاسم: ماكووو
وصاايف: شنو ماكو بروح انا محتاجه اغراض بشتريهم ضروري
جاسم: مافي يعني مافي كيفي انا زوجج وانا اتحكم فيج
وصايف: تخسي
جاسم :شنو
وصايف: انت ماتتحكم فيني انا اعرف اتحكم بنفسي وبروح يعني بروح
جاسم تلها من ايدها وطالعها وبصراخ: ان عتبتي عند باب البيت ماتلومين الا نفسك ولسانج هذا بقصه لج قص فاهمه
وصايف :يوهوه






حور: يما امانه تكفين الله يخليج
مها: امانه يما خليها تروح تكفين
الجده: مافي يعني مافي انتو فاهمين
فاطمه: جده عادي انتي روحي وياها
الجده: انا ما اقدر اروح ارجيلاتي تعورني
مها: خلاص نقوول لعمي فهد او عمي بندر او فارس يروح وياها
حور: أي صح عمي فهد انا بروح اكلمه
مها: لحظه لا تروحين دقي على وصايف تقنعه
فاطمه: أي اذا تبين بسرعه يوافق
حور : أي صح


وصايف بغرفتها تبجي دق تلفونها ماردت دق ودق ودق هم ماردت ماتبي تكلمهم واهي تبجي لانها راح تضعف وتقول أي ابجي

حور: ماترد
مها: يمكن نايمه
فاطمه: أي نايمه الساعه 12 الظهر دقي بعد
حور: دقيت خمس مرات ماترد
مها: انا بدق على جاسم
حور: إي امانه
جاسم :الووو
مها: هلا والله بالمعرس
جاسم معرس طل : هلا فيج
مها: شلونكم شخباركم
جاسم: والله بخير انتو شلون الكويت شخبارها
مها: زينه بس تنطركم تردون اقوول جاسم
جاسم: هلا
مها: وصايف عندك
جاسم : لابغرفتها تبين شي
مها: حور تبيها عفيه جاسم نادلي اياها
جاسم: مالي خلق اقووم
مها: يوهو مالك خلق ولا ماتبي احد يكلمها غيرك
جاسم الا ابيها تنقلع عن وجهي : لا ههههههه شكو
مها: اعترف اعترف بسرعه نادها
جاسم : زين

راح لغرفة وصايف وطق الباب : وصايف وصايف حور ومها يبونج بالتلفون
وصايف قامت وعيونها حمره ومشت وجهها وبطلت الباب جاسم شافها تبجي شكلها يكسر الخاطر : نعم
جاسم: يبونج
وصايف : الووو
مها: ووجع ووجع ووجع يعني عروس ماتبين تكلمينا ليش ماتردين ها
وصايف تبتسم :شسوي تلفوني صامت
مها: شلونش شخبارش
وصايف: زينه خير شنو تبون
مها: دوووم يارب هاج
حور: هلا بالغلا كله وحشتيني يالحلوه
وصايف: هلا فيج اخلصي شنو عندج
حور: شفيج تبجين
وصايف تطالع جاسم : لأ بس منشوله
جاسم حمد ربه انها ماقالت انها كانت تبجي
حور: اها سلامات اسمعي ابي منج طلب اذا صج صج تحبيني
وصايف: شنو ؟
حور: ابي تقنعين ابوج انه يروح معاي بريطانيا عشان اشوف خوالي
وصايف: امممم مدري ماراح يرضى
حور: تكفين ياوصايف نخيتج مانخيت الرخوم
وصايف: خلاص خلاص ازهليها جم حور عندي بس متى بتروحون
حور: اهم بيرحون يوم الخميس
وصايف: منو هم
حور: خالتي ميرنا وبناتها وبروح وياهم عشان يعرفوني عليهم
وصايف: اها خلاص ابشري
حور: يابعدهم والله
وصايف: يلا الحين بدق عليه
حور: لا توه راد من الدوام
وصايف: انا اعرف ابوي اذا باخذ منه شي اكلمه الحين عشان يوافق واهو مايدري شنو اقوول هههههه
حور: ههههههههههههه يالعوبه هههههههههه
وصايف: يلا باي
حور: باي
جاسم : شنو يبون
وصايف طالعته من فوق الى تحت وراحت
جاسم : وصايف
وصايف: نعم
جاسم : لما اكلمج ردي
وصايف: مالي كلام وياك
جاسم: انا زوجج ولازم تكلميني
وصايف: ها زين توك تتذكر انك زوجي
جاسم: ليش انا شنو مسويلج
وصايف: اسأل نفسك




مر ثلاث ايام جاسم فقد المسجات ماقامت تدز وقرر يدز لها مسج

مدري علامي أنتظر منك مردود ،،،
يمكن لأني ماأهقى منك حقران ،،،​

ظل طول الليل ينطر الرد بس ماردت









حور: يابعد قلبي والله طول عمري ماراح انسى هالشي ياقلبي
وصايف: جب حنا خوات

حور: واحلى خوات
وصايف: ياحيوانه لاتخليني ابجي
حور: ...............
وصايف: حور بسج بجي
حور: شدراج اني ابجي
وصايف: اعرفج اختي واعرفج زين
حور: مستانسه
وصايف: عسى دوم
حور: بس منو بيروح ويانا
وصايف: ابوي يقول انتي واهو وفارس وامي مريم
حور: لا فارس بيروح
وصايف: يعني مو مستانسه
حور: امبلا ههههههههه
وصايف: صوريلي اهل امج اوكي
حور: ان شالله
وصايف: مستانسه
حور: عله دووم
وصايف: واخيرا بتشوفين بيت امج
حور: ياي ياي وناسه وصايف ادق عليج امي تناديني
وصايف: اوكي
سكرت التلفون وحدها مستانسه انها فرحت قلب حور هذا حلم حور وتحقق
جاسم : شفيج
وصايف : مستانسه مستانسه حدي يا جاسم
جاسم : ان شالله دوم بس ليش
وصايف: حور بتشوف اهل امها
جاسم : صج ليش
وصايف: شنو ليش بتعرف عن اهل امها
جاسم: اها بس شتبي فيهم هم ماسألو عنها ليش تسال عنهم
وصايف: شنو شتبي اهل امها بعدين هم كانو يسالون بس ام مريم ماقالت لها
جاسم: أي
وصايف: الله شوف جاسم مطر
جاسم : أي امشي نطلع
وصايف: صج يلا
جاسم : جيبي جاكيتي بغرفتي انطرج تحت
وصايف: انزين









فارس: اممممممممممم يعني ماقالت شي
ساره: البنت منحرجه شنو تقول
فارس: بس انا ابي اكلمها بالتلفون
ساره: ماضنتي حور الحين لاهيه باهل امها والسفر
فارس: انتي افتحيلها الموضوع
ساره: بحاول
فارس : ليش ماتروحين معانا
ساره: ودي بس ابوي ماراح يرضى
فارس: انا اقتعه
ساره: ياريت






ام جاسم : مها
مها: هلا يما
ام جاسم : أأ ام حمد اللي بناتها العنود وضحى وشيماء دقت علي
مها: أي
ام جاسم : وتبي تخطبج لولدها حمد

مها تبلعمت جنه كاتين عليها ماي بارد حمد حمد خطبني انا بحلم ولا بعلم بس شلون وخوله خوله تقول انها تحبها معقوله اقدر فيها لأ لأ ماراح اوافق ​

مها بتوافق على حمد ؟؟ وخوله شنو راح تقول؟؟
وحور واهل امها ؟؟
وجاسم ووصايف ؟؟

كل هذا بالبارت الجاي تحياتي
شيهانه على كف صقار

الحين ماراح اكمل البارت الجاي الا لما تعطوني رايكم بالقصه وشنو اللي عجبكم فيها ؟؟ وشنو توقعاتكم للقصه ؟؟

 

[دبة زمانها]

وااااااااااااي لا عفقيه 3 ايام انتحر ..... لا لا لا لا لا عفيه الله يخليج كمليها الحين عفيه عفيه عفيه...
توقعاتي ماراح اتوقع كمليها الحين ....يلا انطر التكمله.....ويعطيج العافيه ع البارت لوول توني اتذكر.....