((كلنا بأمر الحب انجنينا)) روايه كويتيه تجنن عن بنات كويتيات انصحكم فيها

[الغزلان]

لا يوقف

 

[ღ TőOőma ღ]

يلااا ترا طولتي
متى تنزلييين بارت يدييد ملينا واحنا ننطر
بس عذرج معاج حووبي وبليز خليه شوي طويل تعوييض

 

[عيون ابوها]

مرحبآآ سوري اني طولت راح انزل الحين بارت صغير والمغرب بنزل بارت ثاني اوكي ان شالله يعجبكم


حور : كملي
الجده: خالتج ميرنا شافتج مره وحده لما كان عمرج 3 سنين وجدتج شافتج لما كان عمرج 5 سنين
حور: وانتي للحين تكلمينهم
الجده: مرات يدقون على ومرات انا ادق عليهم اطمنهم عن حالج
حور: انزين انا بشوفهم
الجده: لا
حور: ليش يما
الجده: مافي بعدين انتي شنو تبين منهم
حور قعدت قبال جدتها ومسكت ايدها : يما انا كبرت ماعدت حور الصغيره انا بشوف اهل امي بعرف خالتي ابي يكون عندي خوال بشوف شكل امي يما اذا انتي خايفه اني اروح عنج لا لا تخافين انا بنتج وانتي امي وابوي واهلي وعزوتي يما انا من غيرج ما اسوي شي يما لاتغرج ضحكتي وسكوتي ترا انا داخلي هموم مهي بهموم اسأله يبيلها جواب يما انا ابي يكون عندي خوال ابي اشوف شكل امي شلون صاير مابي صوره قديمه بدخل غرفة امي بشوف اغراضها بشوف بيتها بعرف كل شي عنها يما حسي فيني انا ادري انج خايفه علي بس لا تخافين انتي علمتيني اشياء لو امي وابوي عايشين جان ماعرفو يعلموني اياها
الجده وعيونها كلها دموع: حور بنيتي انتي بنتي انا ماابيج تروحين عني انا فقدت ابوج وفقدت جدج بس مابي افقدج يما لاتبجين تعالي بحضني تعالي
حور ميته بجي تشاهق كلامها مو مفهوم : يمـــ ــ ......ـــــ ــ ــ.....ـــ ...ا انا مــ...ــراح اخــ ....ــ....ـليج انا احـــــــ.....بـ.ــج
الجده تمسح على شعر الحور اللي نايمه بحضن جدتها : خلاص ياعيون امج والله لوديج المكان اللي تبينه والله لوديج عند اهل امج واعرفج كل شي عنها
حور: صج
الجده: ايه صج ياعيوني






ساره : امانه
وصايف: والله
ساره : بس ماراح يمديج
وصايف: شفتي شلون
ساره: تدرين شلون كلمي جاسم وقوليله يأجل العرس
وصايف: لا شكو فشله
ساره: مدري .... اقول وصايف باي عندي خط ثاني
وصايف: من منو ؟؟
ساره: مشاري
وصايف:انزين لحظه متى تردون من دبي
ساره: الخميس باي
وصايف: باي









تـــدري بحلاهـــا وتسألني/ أنــــا حلــــوه..؟؟؟
هــذا اللي ذابحنـــــي بها كثرة تــــواضعهــا ,,
احلــى من الألــحـــان,, والشعـــر والغنـــوه,,
الزيـــن أخـوهــــا ويمكنـه مراضعهــــا..

حتى الــقــمر يستحــــي لما يطالعهــــــا ,,
من غيــــرها العمـــر والعالم ولا يســـوى/...


ساره : اوه هذي لي انا
مشاري : يعني تدرين انج حلوه
ساره: هههههههههههههههه ياي مشاري تحب تحرجني
مشاري: ياحبي لج اسمعي اول ماتدرين دقي علي بستقبلج بالمطار
ساره: نعم تبي اهلي يذبحوني
مشاري: مايقدرون لاني بحميج منهم
ساره: لا والله
مشاري: قوليها
ساره: شنهي
مشااري: احبــج
ساره: لأ مابي
مشاري: قلبي قوليها
ساره : اممممممم
مشاري : يلا
ساره: Ilove you
مشاري: لا بالعربي لها حلا
ساره: استحي
مشاري: وبعدين
ساره : احبك يابعدي
مشاري: ياويلي ويلا














الخميس احلى يوم عندها واغث يوم عنده يوم الكل ينطره هل الليله ليله العمر


( بأفخم قاعات الافراح واحلى الديكور واحلى زفه وازين عروس لابسه نفنوفها الابيض يوم كل بنت تنطره يوم كل وحده تتمناه تمشي بخجل عيونها الوساع حمرتها الورديه شعرها الناعم هيبتها اللي تخلي الكل يغير منها )

؛وصايف ؛

لو سألني الورد عنك علميني وش أقول
وإن وصفت أول جمالك كيف أبوصل آخرة

كيف وإنتي روضه من حلاها كحلت عين الفصول
رقتك ورده وروحك كـ الطبيعه الساحرة

عذبه الأطباع وأكثر , إنتي يالعف الخجول
من لفيتي الدنيا وإنتي , مثل غيمه ماطرة

عاليه أصل ومطرها كل ماجاد بنزول
مثلها إنتي كريمة , وهي مثلك طاهرة

ميزك ربي بملامح , زادها نور وقبول
وبعيون منها غارت ألف نجمة ساهرة

هذا غير الشمس ياللي جاها من حسنك ذهول
وكتبت في مدح زينك لين صارت شاعرة

مذهله في كل حاجه , إنتي يابنت الأصول
في هدوءك في كلامك والمعاني العاطرة

لك تفاصيل إبتسامه تاخذ ألباب العقول
باردة ع القلب كنها نسمه حلوة عابره

هذي إنتي وما أبالغ لو أقول إن العذول
من كثر طيبك دعالك بالسعاده الغامرة

صدقيني إنتي غير , وصدقيني لو اقول
إني يا روضة زمنناّ إنتي حاجة نادرة​

وكلللللللللللللللللللللللللللللللوووووووووووووووووووووووووووووووووووووووش
وكلللللللللللللللللللللللللللللللللللوووووووووووووووووووووووووووووووووووووش

صيحات الحريم واعجبابهم فيها صج عرف يختار اصوات الحريم ونظراتهم تتطايره
الكل يمدح والكل يهني والكل يسمي ماشالله


اما ام وصايف عيونها كلها دموع واهي تشوف بنتها حبيبت قلبها عروس حلمها تحقق وصارت احلى عروس اسفه ياوصايف زوجتج وانتي صغيره توج بعدج مااستانستي بحياتج الله يوفقج ويسعدج ويريحج امين

حور ياقلبي ياصوفي طول عمرج تتمنين تكونين عروس وكاج صرتي احلى عروس

ساره اختر صوفي تزوجتي مابغيتي الله يوفقج ويهنيج ويسعدج امين

مها صوفي ماشالله عليج قمر ياهني اخوي فيج تهبلين

فاطمه ماشالله صوفي طالعه تجنن الله تهبل الله يهنيها

وصايف تمشي وطالع المصوره اللي تقولها ابتسمي وطالعي مني ومني وطاحت عينها على بنات عمها لا خواتها هذول رفيجات عمرها خلاص بنتفرق احلى سنين عمري عشتها وياهم خلاص بروح كل شي لا مستحيل مر عليها شريط حياتها كلها
تذكرت بنفس هاليوم الصيف اللي طاف قاعده على الارض تطالع السما


وصايف: الله متى يجي اليوم اللي اتزوج
حور: ياي انتي همج العرس
وصايف: اكيد بنات تتوقعون منو راح ناخذ
مها: انا اتوقع حور بتاخذ واحد يدرس رياضيات لابس نظاره مخه كبير هههههههه يخرع
حور: جب
الكل: هههههههههههههههههههههههههه
وصايف: وانا وانا وانا
فاطمه : انتي بتاخذين واحد رومانسي يحب يشوف العيال دايم يجيب لج ورد ومثقف هههههههههههههههه
وصايف: ههههههههههههههههههههه ويشبه توم كروز
حور: أي هين بالعيد
الكل :هههههههههههههههههههههههههههههههههههههههههههههه

هذا اللي شايف نفسه
ماشي ولا معبرني
يتلفت هنا وهناك
ولا كنه شايفني
.................
والله لا أوريكم فيه
والله أنا لا ما اخليه
مو هوه لعب وياي
خلوه يتحملني
....................
نسى ليالي بيروت
لما قالي بحبك موت
وهلأ جنبي عم بيفوت
....................
ولا كنه شايفني
ولما التقيته بجده
شايل لي بايده ورده
يبغاني أبقى عنده
يحلف ولا يفارقني
....................
في القاهرة ع الكورنيش
قلي من غيرك ما اقدر اعيش
دلوقتي مابيعرفنيش
ولا كنه شايفني
........................
وأول لقا في الكويت
آمرني قلبي وحبيت
ولا كنه شايفني
.....................
في المغرب كان معايه
عشنا بالحب حكايه
مو باغوا داب حكايه
ولا كنه شايفني
..........................
وينه كلامه بدبي
غالي عندي وأغلى شي
والحين مايرمسني
ولا كنه شايفني
......................
والله انا لا اوريكم فيه
والله انا لا ما اخليه
مو هوه لعب وياي
خلوه يتحملني​

ا



هداء خاص من حور وفاطمه ومها وساره لاحلى عروس وصايف





رقصو واهم يتمايلون بجسمهم كل وحد تضحك وتأشر على وصايف يدرون انها تحبها من قدهم اختهم تزوجت بس بتفارقهم بتسافر من ثاني يوم بزوجها وصايف تطالع وحده وحده كل وحده فيهم لها جزء بحياتها اهم اللي وقت الفرح يفرحون وياهم وهم اللي وقت الحزن يحزنون وياها تشكي لهم تضحك وياهم تعلب وتغني وتبجي وتسوي كل شي وياهم














زفت المعرس جا جاسم اللي كان شكله قمت الروعه مزيون بكل معانى الكلمه الكل تخبل عليه وتمنى لهم السعاده





بالفندق وصايف قاعده على طرف السرير وجاسم واقف يطالعها

جاسم (( والله انها حلوه أي حلوه الا مزيونه ماشالله عليها )) : أأ وصايف ماتبين تاكلين

وصايف: ............................
جاسم : اكلم طوفه انا ماتبين
وصايف بصوت واطي : لأ (( هذا شفيه شنو هل الاسلوب ))
جاسم : كيفج




جاسم (( انا ليش كلمتها جذي احسن تستاهل مسويه فيها خجوله ياعمي طيري )) : وصايف
وصايف: نعم

جاسم : اسمعي باجر بنروح انا وانتي بنسافر النمسا انزين ابيج تقعدين من الصبح وتلبسين ترا طيراتنا الساعه 10

وصايف: ان شالله

جاسم : يلا الحين روحي نامي
وصايف(( مافيني نوم )) : انزين

نامت بالسرير واهو نام بالصاله وصايف طول الليل تفكر شلون بتكون حياتها مع جاسم وشلون بتعيش شهر بالنمسا بدون اهلها وشلون بتفارق امها وابوها ورفيجاتها وبنات عمها وشلون وشلون وشلون ........ الخ لما نامت




















بعد ماودعو اهلهم وركبو الطياره جاسم استسلم للنوم اما وصايف قعدت تقرا كتاب كل بنت كتبت فيه كلمه ومو بس البنات في غيرهم ...



مرحبآآآ بكـ يا احلى صوفي

اول شي مبرررروووك يا عروس وصج صج صج طلعتي مو هينه تزوجتي قبلي هههههههههههههههههههههه بس هين انا اوريج ديري بالج على جاسم ولاتزعلين منه ترا قلبه طيب وحنون انا اكثر وحده اعرفه امممممممم عرفتيني أي صح

مـــــــــــــــــــــــــــــــــــــهـــــــــــــــــــــــــــــــــــــــــــــــــــــــــــــا






هاي ثلونث ثخبارث عثاث بخير



اول شي مبررروك من كل قلبي والله يهني سعيد بسعيده خخخخخخخخخ صوفي ديري بالج على نفسج ولاتزعلين اعرفج زعووول ومو اذا زعلتي تبجين ترا الرياجيل مايحبون البنات اللي دايم يبجوون يسمونها ام بجيه ههههههههه دققي على الاسم شوفي اذا جاسم سوالج شي بس دقي دقه وسكري علي والله لجيج بأسرع طياره

وبث تحياتي ساررونه (( عاشقه الكوره )) القدم تحتها خطين ههههههههه





صوفي ياصوفي انا احب صوفي ياقمر ياعسل يا احلى وحده

تتذكرين هذي الاغنيه كنت دايم اغنيها لج وانتي صغيره يما ديري بالج على نفسج وعلى رجلج وماوصيج بالكلام اللي قلتلج اياه فاهمه انا ادري انج ماراح تخيبين ضني فيج زين ماما واي شي بينه دقي علي ترا حطيت لج قران اقريه كل يوم وان شالله ماتعوزين شي

امج دلال


وصايف حلمج تحقق صح حبج وقلبج وفارس احلامج صار يمج صار زوجج واخيرا صح عقبالي وصايف مو تنسيني واذا حبيتي تشكين تراني موجوده

حور


اخذتي اخوي مو مشكله .... دخلتي مثل تخصصي مو مشكله ... تتزوجين وصير عرسج قبلي مو مشكله ..... اما انج تسافرين النمسا قبلي لاااااااااااااااااااااااااااااااا لا لا لا لا لا لا تدرين اني احبها صوريلي كل شي ودزيه باليميل ههههههههههههههههههههههه احبج يا احلى وغلى وصايف

فطووووم





حسافه بتسافرين منو بتهاوش ويااه لا وصايف ردي والله بفقدج احبج حيل وكل يوم دقي علي اوكي
اخوج :احمد



احم احم شلونج مرت اخووي << كشخه

بسرعه جيبيلنا ولد او بنت بصير عم راح افقدج وافقد السهره وياج

صقر


وصايف احبج
رغوده


لا والله يازوجتي المصوون تتزوجين غيري لاتخليني اطلقج ههههههههه والله راح افقدج كل يوم دقي علي وقوليلي بأخر الاخبار عن النسما وعن جاسم حرا بتقعدين بروحج هههههههههههه احبج
نونو (( نوف ))

لبــــــــــــــــــــــــــى قلبج والله ولبــــــــــــــــــــــــــى اسمج والله ولبــــــــــــــــــى العروس والله وصايف اذا لقيتي رياجل مزين بالنمسا دزيلي اياه مسج او بالبريد هههههههههه والله بفقد القععده وياج
خوله الدجه على قولتج

يا احلى واغلى ماخلق ربي وصايف بابا لاتزعلين منى لاني ما أجلت عرسج والله من حبي لج واعرفي يابنتي اذا ضاقت عليج الوسيعه وصكت فيج الدنيا اذكري اني موجود وترا حطيت بحسابج فلوس خليهم لج اذا احتجتي تدرين يا وصايف انا فرحت بحياتي 3 مرات اول مره لما تخرجت من الثانويه وثاني مره لما تزوجت وثالث مره لما ولدت احلى بنوته بالعالم انتي ياوصايف كان شكلج قمر كنتي ماترضين تسكتين الا لما احطج بحضني بابا تراج غاليه عندي افرحي واستانسي قد ماتقدرين انزين ترا جاسم خوش رجال

ابوج فهد



سكرت الكتاب وعيونها مليانه دموع بتقفد اهلها وعزوتها بتفقد كل زاويه ببيتها بتفقد الحب والحنان و كل شي بحياتها طالعت جاسم كان شكله يجنن واهو ناايم محلق شوي من لحيته لان بالدول الاجنبيه صعب دخول المتدينين نايم بنوم عميق





ياترى شنو بصير مع وصايف وجاسم ؟؟
وحور ليش متضايقه ؟؟
ومها شنو الجديد بحياتها ؟؟

كل هذا بالبارت الجاي
شيهانه على كف صقار


المغرب بكمل البارت

 

[ღ TőOőma ღ]

روووووووووعه البااااارت فدييتج تسلميين وسووري عالحنه خخخخخ
مو اطولييين حووبي
يسلمووووووووووووووووو اقييييييييين

 

[Bq]

رووووووووووووووووووووووعه البارت تسلمين

 

[روح اهـلـها]

ثااانكس ع البارت رووعه

وناطرييينج

 

[dlo3t^baba]

مشكوووووووووووووووووووووووووووووووووووووووووووووووووووره
وناطريييينج المغرب

 

[دبة زمانها]

ثاااااااانكس قلبووو يالله كملي نااطريج...مع البارت...
والبارت شي ... بس جاسم لو يتعدل يصير خووش رياال....يلا ننطر البارت..

 

[اسيرة احزاني]

يسلمووووووووو على البارت
وبانتظااااااااااارج

 

[عيون ابوها]

النمسا

الهوا عليل والجو بديع والدنيا ربيع بالنمسا وصيف وغبار بالكويت
الساعه 7ونص مساء
دخلت وصايف شقتها كانت عباره عن 3 غرف نوم ومطبخ وصاله وحمامين وبلكونه تطل على الشارع وكان المنظر ولا اكثر من روعه
جاسم : وصايف حطي اغراضج بالكبت انا بروح شوي واجي
وصايف: جاسم
جاسم : خير
وصايف: الخير بوجهك بس أي كبت احط اغراضي فيه
جاسم ابستم لها : كيفج اختاري اللي تبينه .. تبين شي
وصايف ياي فديت هالوجه وراعيه : انزين لا سلامتك














الساعه 12 ونص وجاسم للحين ماجا وصايف تحاتي قعدت تنطره بالصاله لابسه قميص بيج وفاكه شعرها ومسويه بف خفيف وحاطه مكياج ناعم شكلها كيوت



جاسم : السلام
وصايف: وعليكم السلام
جاسم : مانمتي
وصايف: لا قعدت انطرك تأخرت قعدت احاتيك
جاسم : لا تاخرت ولا شي عادي
وصايف: بس انت طالع من الساعه 7 والحين الساعه 12
جاسم : يووو بدينا تحقيق هذا من اول يوم
وصايف هب ياوجهه هذا من اول يوم يزف انا الغبيه اللي كنت اسال عنه : لابس
جاسم: لا بس ولا شي كلمتي اهلج
وصايف : لا ما اعرف
جاسم : تعالي (( مسكها من ايدها )) وصايف < لا راح الزعل مع هل مسكه >



بعد ما كلمت اهلها ونام نامت وصايف من التعب ونام جاسم من كثر التفكير طول الوقت كان قاعد بكوفي يفكر شنو يسوي مع وصايف ينسى سحر ويبدى حياة جديده وعالم ثاني مثل ما سحر بدت حياة جديده وعالم ثاني ولا يخليها عنده بس مايعطيها أي اهتمام بس حرام هذي انسان ولازم ارحمها ولا يطلقها بس ان ابغض الحلال عند الله الطلاق واهله ماراح يخلونه وعمه بيزعل عليه والكل بيزعل ياربي خليها تروح بنصيبها قبل لا اورطها معاي بشي بس لا هي حلوه وحليوه ومؤدبه تخسي الدلوعه هذي انا كنت ماخذها عشان اعملها ان وراها رجال : اوف اوف اوف كل هذا والساعه 12 الله ماحسيت بالوقت أي ياراسي بينفجر من كثر التفكير





الصبح الساعه 9وخمس وصايف لابسه جينز سكني وبلوزه موف وحاطه قلوس ومسكرا ولامه شعرها




وصايف: صباح الورد
جاسم : هلا صباح الخير
وصايف: تبي ريوق
جاسم : أي جيبيلي اياه بالبلكونه
وصايف: ان شالله
جاسم : ولا اقول بدلي هدومج بنروح تريق برا
وصايف مستانسه : والله
جاسم يضحك لها :أي



الكويت ببيت العايله


بغرفه الجده مريم الجده منسدحه و حور تقرا الجريده ولفت نظرها سفريات سفره لبريطانيا وتذكرت موضوع امها



حور: يما
الجده: هلا
حور: يما شنو صار على موضوعي
الجده: أي موضوع
حور: يما تدرين شنو موضوع امي واهلها
الجده: انتي شنو تبين بالظبط
حور: ابي اروح اشوف خالتي وبشوف بيت امي وام امي
الجده: ان شالله خير
حور: يعني شنو متى اشوفهم
الجده: قريب
حور: اكيد
الجده: ان شالله





























خلونا نروح لمكان ثاني بالكويت بشركة ××××× للمقاولات قاعد على مكتبه زهقان من التعب والشغل وده يفكر بنفسه وبس من دخلت حياته واهو يفكر فيها دخلت حياته وغيرته من انسان يحب شغله ويحافظ عليه ودايم يداوم ومحبوب عند ربعه والكل اغلب وقته يقضيه بالدوانيه مع الشباب الى انسان يكره شغله دايم يحب يقعد بالبيت يفكر فيها بشكل جنون


حمد: آآآآآآآآآآآآآآآه
صقر: آآآآآآآآآآآه هذي مو آآآه عاديه
حمد: شقصدك
صقر: انا ملاحض عليك متغير هل الايام شنو فيك
حمد: ابد سلامتك مافيني الا العافيه
صقر: لا لا ماعلي من الهرج انت صاير هادي مو طبيعي
حمد: وذا صرت هادي يعني موطبيعي
صقر : لان الهدوء مو من عوديدك
حمد: آآآآآآآآآآآآآآآه
صقر: عاد هذي الآآآآآه مو عاديه
حمد: شلون يعني
صقر: يعني آآآآآه القلب آآآآه العشق
حمد: وانت صلج
صقر سحب كرسيه وقرب عند حمد: صج منهي منو تكون وين شفتها
حمد: هدي هدي ومن قالك بقوول
صقر: ياولد علامك قول اخلص انا يوم عشقت منو قلت له محد غيرك بس انا عشقي يوووه يجنن عليا يازينها
حمد: ياو ياصقر هذي غير هذي جننتني هبلتني خلتني ما اوحي شنو الناس تقول حمد انا الحين اعترف اني عاشق
صقر : منهي هي ؟؟؟











































باحلى مطاعم النمسا واحلى صباح واحلى عروسين قاعدين يتريقون

وصايف: الحين انت جم مره جيت النمسا
جاسم : مرتين مره قعدة فيها 3 شهور ومره جيتها ويا ربعي قعدت فيها 10 ايام
وصايف: وناسه تدري شنو ودي
جاسم : شنو
وصايف: ودي اروح الثلج
جاسم يطالعها ورفع حاجبه : شمعنه
وصايف ماقدرت تتحمل نظراته ونزلت عيونها واهي تضحك : لاني اموووت بالثلج والله لو ويانا ساره ومها هدهم هني والله ماتشوف خشتهم تلقاهم من سوق الى سوق
جاسم: ههههههههههههههه أي والله وحور
وصايف: ههههههههه حور قطها بالمكتبه او المتاحف ههههههههههههههههه
جاسم :هههههههه تقرا انزين وفاطمه
وصايف: فاطمه بالسينما او المطاعم
جاسم طالعها وغمزلها عين : وانتي
وصايف يووو لأ لأ ما اقدر اتحمل الغمزه جنه مكتوت علي ماي باري قالت بدلع : أنا
جاسم يقلدها: انا إيه
وصايف: هههههه شفت المكان هذاك (( تأشر على حضانه اطفال ))
جاسم : أي
وصايف: قطني هناك
جاسم : انتي تحبين الاطفال حيل
وصايف: وامووت فيهم ياربي في احد بالدنيا مايحبهم
جاسم : انزين بس هل المكان ماتبين مكان ثاني
وصايف أي في قطني بقلبك : في
جاسم : شنو
وصايف : مدينه الالعاب (ملاهي )
جاسم :هههههههههههههههه جد انتي جاهل
وصايف: لا ياشيخ
جاسم : أي والله هههههههههههههههههه ويضحك(( اكثر واكثر )) هههههههههههههههههههههههههههههههههه ههههههههههههههههههههههه هههههههههههههههههههههههههه ههههههههه هههههههههههههههههه
وصايف : بس عاد الناس قامت تطالعنا
جاسم: ههههههههه والله هههههههه ما اقدر مدينه العاب بنت شكبرج مدينه العاب هههههههههههههههههههههههههههههههههه ههههههههههههههههههه
وصايف انحرجت وزعلت شوي
جاسم بعد الضحك : يبا خلاص خلاص سكتنا لاتبوزين
وصايف:............
جاسم: يلا قومي نمشي
وصايف قامت :.......................


















مها: يعني احبه
ساره: اخس
مها: أي ساره بس انا خايفه ان خوله تزعل
ساره: وخوله شكو انتي تحبينه مثل ماهو يحبه بعدين شدعوه هو يدري عنكم كل وحده بقلبها
مها: آآآآه والله مدري تدرين انا قبل اضحك عليكم اذا عشقتو بس صج العشق حلو
ساره: انا اشهد ياحلو العشق
مها: ياحليل وصايف اشتقت لها
ساره: ياربي امس بجيت لما انبطت عيوني
مها: وانا بعد الحين احس راسي يعورني
ساره : شرايج ندق عليها
مها: لا خليها يوم ثاني فشله هم معاريس خليهم على راحتهم
ساره: اصلا هم مايبونا
مها: اكيد اانا لو اتزوج اهاجر عنكم بفتك منكم
ساره: والله ما اعرف اهلى هههههههههه
مها: ههههههههههههههههههه






















مرو اسبوعين على جاسم ووصايف وتغيرت نفسية جاسم قام كل يوم يتهاوش ويا وصايف بسبب ومن غير سبب على اتفهه الاشياء يزفها ووصايف ماكانت تشكي لاحد امها قالت لها ان لازم اول الايام تتهاوشون بس جاسم مزودها حيل هذا اول اسبوع وماسكها زف




جاسم بعصبيه : لا والله احد يتغدى توست وجبن
وصايف: شنو اسوي ما اعرف غيرهم
جاسم بصراخ : بنت شكبرج ماتعرفين تسوين غير توست وجبن
وصايف: بس انا توني عروس
جاسم: بلا عروس بلا بطيخ على القل سوي معكرون نقتس مو توست
وصايف: ...................
جاسم : الشرها مو عليج الشرها علي انا اللي ماجبت خدامه تطبخ ابرك منج
وصايف معصبه بس ساكته لان اذا تكلمت ماراح يصير خير : .......................

جاسم راح غرفته : وصايف وصايف
وصايف جت له حطيت ايدنها بمخباتها: نعم
جاسم : وين بلوزتي الزيتيه
وصايف : ماغسلتها
جاسم : نعم وليش بالله
وصايف ببرود: ما اعرف اغسل
جاسم بصراخ: وبعد انتي كل شي ماتعرفينه حتى هدوم ماتعرفين تغسلينهم ولا تعرفين تطبخين ولا تعرفين شي شنو تعرفين
وصايف: اعرف احط رجل على رجل واطالع التلفزيون
جاسم احتر وبكل صوته سحبها من ايدها وودها عند الغساله: شوفي هذي تسوين جذي وتطقين هذا وتغسلين (( وقعد يعلمها ))
وصايف: اح جاسم هدني
جاسم ماسكا حيل ومسكها بقوه لما قالت هدني من قوة مسكته لها على زدنها اصابعه دخلت داخلى جلدها وصايف تبجي : هدني .... هدني هدني ......
جاسم ما انتبه لوصايف ودموعها قعهد يضغط على زندها وويشرح لها بصراخ شلون تشتغل الغساله : فهمتي ............................................................. وصايف (( وهدها ))

وصايف قامت تركض وتبجي مقهوره من كلامه ومن تصرفاته اهي عروس بدال لا يدلعها ويضحكها قام كل يوم يزفها ويتهاوش معاها تبجي من العوار ومن فرقا اهلها ومن حياتها بجت لما سكتت ونامت على الارض وراسها فوق السرير ...




جاسم ماتحمل شكلها طلع راح الكوفي وندم الف مره على اللي سواه هي ماتستاهل توها بزر ماتعرف ووصايف مدلله مو متعوده على الاشياء هذي بعدين خواتي اللي هم خواتي مايعرفون للغساله واهم مو نفس وصايف اللي ماينرفض لها طلب اللي ماتعرف تحر الماي تبيها تغسل وتبطبخ وتكوي بس هم لازم اتعلم انا لازم اجيب خدامه مؤقته












حور: صج يما يعني واخيرا بشوف خالتي
الجده: أي اانا اعرف وين هي تشتغل وبوديج لها بس مو باجر يو الاحد لان باجر مافي دوام هذا اذا ما اخذت اجازه
حور: لا ان شالله بس هي وين تشتغل
الجده: تشتغل بالصحه سستر بس رجلها دكتور بحيرني ماشالله عليه
حور: الله متى يجي الاحد مشكوره يما مشكور
الجده: عشان تعرفين شكثر احبج
حور: انا اعرف من زمان يا احلى واغلى واحن قلب بالدنيا










رد من القهوه طل عليها شافها منزله راسها على السرير وركبها بالارض شالها ولحفها وقعد بالصاله لما نام












وصايف وجاسم وهواشهم ؟؟
ومنو اللي يدزز مسجات لجاسم ؟؟
وحور وخالتها بتشوفها ولا لا ؟؟
ومها وحمد ؟؟

كل هذا بالبارت الجاي وان شالله يكون طويل
تحياتي شيهانه على كف صقار

سامحوني على القصور بس والله نعسانه وان شالله باجر احاول اكمل

 

[q8ya-barby19]

وينج ناطرين << قبل التعديل


بعد التعديل

تسلم ايدينج يالغاليه ما قصرتي حبيبتي والله يوفقج

 

[almynoona]

ناطرينج حبووبه ​

 

[نون - راء]

:s142::e3::e3::e3::e3::e3:

جاسم هذا قاهرني لي متى مشاعره متخبطه و اللي تاكلها وصايف :eh_s(14):

 

[كلي انوثه]

حتى انا قهرني جاسم ابي اكسر خشمه



لا يوقف لا يوقف

 

[com-teacher]

يسلموووووو
مع ان احس بعض الناس زعلانين مني

 

[mo9a7ya]

thnx u 7bebti :**
waitting u

 

[ضحكه قمر]

مشكوووووووووره حبيبتي على البارت وننتظر البارت الجديد بفارغ الصبر

 

[ريماس21]

مشكوورة فديتج


وفي انتظااار التكمله

 

[تناهيد الجروح]

يسلموووووووووووووووووووووووووووووووووو يلااااااااااااا ننطرج

لاااااااااااااا تطولين

 

[ღ TőOőma ღ]

يسلموووووووووووووووووووووو ناااطرينج مواطولييييييييييين
جاسم باط جبدي صج