باااك رديت لكم بهذا الجزء وان شالله يعجبكم
لساعه 10 صباحا
مها: ها بنات اكيد اليوم السهره
حور: لا خلوها اخر يوم احسن
وصايف: لا شنو بعيد
نوف: لا صح كلام حور اخر يوم ختامها مسك
وصايف: لا
مها: تدرون شلون خلوها قبل لا نروح بيوم او يومين احسن
وصايف: كيفكم
ساره : يالمصخره قومي امشي نلعب كوره نبي نلعب بلنتيات
نوف: يوووو مالي خلق عاد جسمي مكسر
ساره: أي رقعي رقعي ماتبين تلعبين وياي
وصايف: انا العب
مها: اقول اقعدي ولي يرحم والديج انتي شوت ماتعرفين
وصايف: نعم حبيبتي انا احسن وحده فيكم في اللعب
مها: أي واضح
نوف: هههههههههههههه تذكرون لما طاحت وعطيناها فاول قامت تبجي هههههههه
مها: ههههههههههههههههههه وتقول والله لعلم ابوي
وصايف بحزن : جااااااااااااااااااااااااااااب
ساره: هههههههههههههههههههههههه ولا لما مره اقولها شوتي باص باص اخذت الكوره وقطتها برا غبيييييييه هههههههههههه
مها:ههههههههههههههههههههههه
نوف:هههههههههههههههههههههههههههههههههه
وصايف عصبت :بسكم عااااد صج مو كفو الواحد يقعد وياكم
حور: بس عاد حرام تعالي عندي يا ماما
وصايف: اقلبي وجهج
وراحت زعلانه تمشي وتكلم نفسها (( هين اوريهم يتطنزون علي والله لعلم ابووي ودمعت عيونها )) جاسم معصب : وصايف
وصايف: شتبي
جاسم الحيوانه فوق شينها قوات عينها : روحي برا روحي بسرعه
وصايف استوعبت الوضع انها بقسم الرياجيل وعند الحيوانات وكان قاعد جاسم ومشاري وحمد بس لما شافو وصايف لفوو وصايف (( امبيه انا ويني ياربي يافشله الحين شنو بقولون عني يافضحي يما شقول )) وقامت تطالع المكان : أأأأأ
جاسم عصب زياده أي جايه تترزز جدام الرياجيل انا اوريج ياالدلوعه وقرب منها ومسك ايده وضغط عليها حيل وعيونه حمرا وقام يسحبها بطلعها : تعالي يالدلوعه جايه تتمخطرين ها شنو جايبج هني
وصايف: أأي أأي اح ايدي جاسم هدني شوي شوي
جاسم :جب ولا كلمه يلا روحي وإياني وياج اشوفج هني مره ثانيه فاهمه
وصايف طالعته بنظره غرور : مو انت اللي تهددني (( وراحت ))
ساره: وصايف تعالي نبي نعلبج ويانا
وصايف طالعتهم بنظره وعيونها كلها دموع وراحت
حور: شفيها
فاطمه: الله يستر انا بروح اشوف
فاطمه: صوفي
وصايف: روحي خليني بروحي
فاطمه قريت منها وقامت تلمس شعرها : صوفي حبيبتي شفيج
وصايف: وخررري وخرري وبجت بحض فاطمه
فاطمه سكتت بعد ربع ساعه هت وصايف هدت
فاطمه: ماراح تقوليلي شفيج
وصايف: جا.... جاسم مايحبي / وبجت
فاطمه: لا من قالج هالكلام
وصايف قالت لها الموقف
فاطمه:ههههههههههههه ياغبيه هذي اسمها غيره مايبي احد يشوفج غيره بعدين حتى انا لو شافني فهد بسوي جذي وحتى ابوج لوشافج بعصب عيب وحده منا تدخل عند الرياجيل
وصايف : بس انا مدري
فاطمه: ولو كاج دريتي لاتعدينها والحين يلا امسحي دموعج وبطلي دلع امشي تحت خلينا نشجع المباراه
وصايف: زين
الجده: حور يما عطيني من الريش
دلال:ههههه اسمها ريش ياخاله
الجده: الله هو
حور: ان شالله يما
ديمه: امممممممم امووت بالمشويات
فاطمه: نفسي غرامي
ايمان : ويع ريحه الشوي خايسه
مها: سدي خشمج
ايمان : مالج شغل ضحى امشي نتمشى
ضحى: قاعده اكل
ايمان: خلصي بسرعه وتعاليلي
ضحى :اوكي
نوف: تامرها اختج غبيه
شيماء: شسوي فيها ياما نصحتها
نوف: وصايف تبين كباب
وصايف: يس
عهود: ماتبونا نسوي مسيره
البنات: أي ..... الله ..... أي أي
ام فهد : ههههههههه ياحبكم لهسوالف
رفعه : لا مالها معني
دلال: شنو مالها معني لازم هذي عيد وطني ولازم نحتفل فيه
ام مشاري : وانتي الصاجه
اخت رفعه ام شيماء : يلا خلونا نسوي
عهود: باجر ان شالله
مها: لا اليوم الحين امانه حنا جايبين كل شي
دلال: هههههههههههههههه يلا عندكم نص ساعه كلكم جاهزين
البنات :هياااااااااااااااااااااا
وصايف: انا بروح البس يلا خوله
خوله : يلا
عهود: كملو اكل
مها: مانبي وراحت
من سمعو الخبر كلهم قاموو ينقزون واللي خلا اكله وراحوو يبدلوون
حور: نوف ارسميلي علم الكويت هني
فاطمه: مها وين بلوزتي اللي على صوره الشيخ صباح
مها: بالجنطه
وصايف& خوله : شرايكم
حور: وااو
مها: الله شنو مسوين
ساره : منو ملوته
وصايف: احم احم احم فكرتي وتنفيذ خوله
طبعا تسألون شنو مسوين لابسين دشاديش رجاليه وحاطيت عليها اعلام الكويت وحاطين باجات ولابسين شماغ متلثمين يعني
نوف: حضكم
خوله:ههههه احم احم
مها: ليش ماقلتولنا
وصايف: لا هذا سر ماخلصوتو
ساره : لا
خوله : ننطركم تحت ... امشي وصايف نوري الحريم
وصايف يلا
وصايف تقلد صوت الرجال : احم احم ياهو ياعرب اقلط
خوله: مساكم الله بالخير
االجده: هذووله منهوو
دلال: ههههههههههههه وصايف شنو مسويه
عهود:هههههههههههههه منو انتي خوله
خوله: هههههههه ابو صلوح معاج هههههههههه
ام مشاري: من وين لكم هذول
وصايف: مصادر خاصه
خوله: ملوت احمد
وصايف: اسكتي لاتفضحينا
بالحديقه الكل يتش على الثاني رغوه وحاطين اغاني كلهم يرقصون مسوين جو
الشباب يسمعون ومحترين
الصبح
حور : يما امانه تكفين نبي نروح
مها: أي يما تكفين الله يخليج
الجده: مافي خلاص امس مو سويتو خلاص لازم يعني
ساره: يما قوليلهم تكفين خل ياخذونا
الجده: بس خلاص مافي
دلال: يابنات بسكم امس مو سويتو لازم اليوم
وصايف: يما الصبيان كلهم بيروحون خل ياخذونا
عهود: شفيهم؟
دلال: يبون يرحون ويا الصبيان المسيره
عهود: أي مسيره
وصايف: هناك عند اخر الشارع
عهود: خل يرحون
دلال: عيب وين يرحون خلاص امس سوو واستانسو
ساره : يما تكفين
رغد : وصايف ابوي يبيج
وصايف: وين ؟؟
رغد: بالدوانيه
وصايف: في احد
رغد : لا
وراحت الدوانيه
فهد: هلا هلا وغلا بالزين كله
وصايف زعلانه : هلا بابا
فهد: شفيج زعلانه ؟
وصايف: تخيل يبا الناس كلها تروح المسيره الا حنا احمد اخوي وصقر يحرونا حتى رفيجتي جنا راحت عاد تنطرني هناك انا وعدتها
فهد:هههههههه عشان جذي
وصايف تحب ابوها: بابا ودني
فهد: يابابا انا بروح عزيمه عند رفيجي
وصايف: يبا
فهد: خلي جاسم يوديج
جاسم ببتسامه : شلونج وصايف ؟
وصايف اوف هذا من متى هني سمعني فشله : أأ زينه
فهد: ها شقلت توديهم
جاسم : والله مدري كيفكم
فهد: اخذهم كل البنات
جاسم : ان شالله يلا انا انطركم بالسياره
وصايف مستانسه هيا مشكور يبا (( تحب راس ابوها ))
جاسم ياحلوها هيه انا شنو قاعده اخربط خل تولي : ياحليلج
فهد: يلا انا بروح
وصايف: يلا يلا بسرعه
مها: ايوا كل هذا عشانج الله يرزقني بواحد مثل جاسم يحبج
وصايف مستانسه ااااااااه ياحبي لك ياجاسم : ههههه خلصووو
فاطمه: امشووو
بالمسيره الكل مستانس هيصو واستانسووو
حور: شوفي وصايف شوفي جنا كاهي
وصايف : هي جنا وراحت تسلم عليها
جنا : هلا وغلا وبهمس : هذا جاسم
وصايف: يس حلو
جنا: حلو شكله مؤدب
وصايف: حده لا وعصبي
جنا:هههههههه يلا اخليج
وصايف: باي
نوف: ونااااااااااااسه طاعو مشاري اخوي يرقص
ساره على طول طالعت :ههههه ياحليله
حور تكلم ساره: ياحليله هاا قولي يازينه
ساره: جب
حور:هههههههههههههه
فهد: واخيرا شفتج
فاطمه: استكت مت رعب على ماجيت
فهد:هههههههههه يلا بوديج مكان
فاطمه: وين لا لاتطلع برا المخيم خلنا هني
فهد: ماعليج لاتخافين
وراحو
فاطمه: حنا وينا فيه ؟
فهد : قريب شوي عند المخيم
فاطمه: فهد انا خايفه
فهد : ياقلبي لا تخافين ماعليج
بالمزرعه الساعه 2 اونص ناس حسو بالتعب والارهاق ونامو وناس حسو بالحب والشوق وما نامو
وصايف: مرحبآ
جاسم: وصايف .. هلا شنو مقعدج لي هل حزه ليش مانمتي
وصايف: والله لما رديت من المسيره نمت وتوني قاعده
جاسم : بروحج قاعده
وصايف: لا ساره ونوف يسولفون وانا لاعت جبدي قلت اتمشى انت الي شنو مقعدك ؟؟
جاسم: ماكو ماجاني نوم وو
وصايف: وو شنو ؟؟
جاسم ياربي اقولها ولا لا اه لوتدرين اني افكر اني اطلقج : سالفه ببالي وقاعده ادور لها حل
وصايف: اممممم انزين اصير ملقوفه اذا قلت لك شنو (( امبيه انا شنو قاعده اسوي صج لزقه أي قصب تعرفين ))
جايم وليه شقولها خل ألمح يمكن تفهم : عندي واحد من ربعي خاطبين له وحده ومايبيها ويبي وحده ثانيه ويقول لي شنو اسوي
وصايف طاع السالفه المليغه ههههههه : اممم مو مشكله لا يخطبها يروح يخط حبيبته
جاسم ياسلام يعني حليتيها : مو الشكله الاكبر اهله مصرين واهو مايقدر يرقض رايهم
وصايف :ااها عادي يروح يقول للبنت انه مايبيها ويفهمها وضعه
جاسم : والله ما ادري
وصايف: الله ورد
جاسم : وين
وصايف: هناك عند السور حظكم عندكم ورد مو حنا ماعندنا الا حمام سباحه لا ومال جهال
جاسم :ههههههههه تحبين الورد
وصايف : امووت فيه
جاسم : انزين تعالي معاي
وصايف :وين
جاسم مسكها من ايدها وتلها : تعالي
مشاري: شنو تسوين
ساره: يمااا اووف مشاري خرعتني
مشاري: اسم الله عليج من الخرع شنو تسوين
ساره : انت اللي شنو تسوي
مشاري قعد يمها : ضايق خلقي قلت اجي اسولف وياج
ساره: نعم بالله قالولك وين قاعدين حنا عيب وخر لو شافك احد اهني والله لتقوم القيامه عليك
مشاري : هههههههه لو شافنوي بيقولون مجنون ساره
ساره استحت ونزلت راسها
مشاري: اوب اوب اوب الحلو استحي ... ساره حبي قلبي
ساره: مشاري وبعدين عيب ولا ترا والله اروح
مشاري: روحي
ساره: والله
مشاري يهز راسه : إي
ساره قامت : تصبح على خير
مشاري مسك ايدها: تعالي تعالي وين رايحه
ساره: بروح شفيك مو توك ماتبيني
مشاري: لا ابيج اقعدي بقولج شي
ساره: نعم
مشاري: ليش ماتردين على رسايلي
ساره : أي رسايل
مشاري: اللي ادزلج اياهم بالتلفون
ساره : هذا انت
مشاري : أي انا تسوين نفسج ماتدرين
ساره: لا والله مدري بعدين بأمارت شنو ارد
مشاري: بأمارت حبيبج وبعد جم يوم خطيبج وبعد اسبوع زوجج وبعد جم شهر معرس
ساره دنفت
مشاري: تحبيني
((ساره اه لوتدري اني امووت فيك ))
مشاري: شنو افهم ان السكوت علامه الرضى
ساره :هههههههههه تشتغلي فلم مصري
مشاري : لا جد سويره تحبيني
ساره قامت وقبل لاتروح قالت : باجر اقولك
مشاري: تعالي ليش باجر
ساره: افكر ههههههههههههه
مشاري: سويره ساره تعالي
وراحت ساره
جاسم : يلا اختاري أي ورده تبين واقطعيها
وصايف: من صجج مايصير
جاسم : على مسؤوليتي
وصايف:هههه بس اخاف راعي المزرعه يعصب
جاسم: مالج شغل فيه يعصب ويقعد
وصايف: انزين .... امممممممم ابي ابي ابي الحمره
جاسم :هذي
وصايف: أي
جاسم: وهاذي الحمره تبين بعد
وصايف: أي ابي الحمره الثانيه
جاسم: انزين ........ وهذي الحمره الثانيه وبعد
وصايف :بس
جاسم: اكيد
وصايف:أي يلا الحين هذي حقي وهذي حقق (( عطته وحده))
جاسم: بس انا ما ابي ورد ما احب
وصايف بدلع: بتزعلني منك اخذها ولا تزعل ترا الهديه ماتنرد
جاسم:هههههههههههههه هديه مبيوقه
وصايف:لا والله من قال اصلا هذي مقطوعه مو انت تقول على مسؤوليتك خلاص خذها
جاسم مشكور
وصايف:يو ولكم يماااااااااااااااا(( طاحت بحظنه))
جاسم :اشفيج
وصايف: قطوه يما اخاف وخرها وخرها
جاسم : انزين شوي شوي هدي وقصري صوتج
وصايف اللي مغطيه عيونها بجاكيت جاسم : جاسم امانه شيلها شيلها تكفا
اسم : انزين .......... ها شفتي راحت
وصايف : وين ....... يما خرعتني ( ولفت على جاسم اللي سرحان بوجهها واهو محتظنها وماسك ايدها ))
وصايف استحت وقامت تطالعه جاسم ضمها لصدره وقام يشم عطرها
(( الله ياسحر ياني مشتاق لج ااااااااه )) وقال : احبج
وصايف منصدمه مستانسه الله قالها واخيرا اانا ويني فيه انا بحضن احلى انسان عندي انا بحضن حبيبي وزوجي وقالي احبج ااااااااه ودي اصارخ واقول للناس كلها وينج ياحور تجين وتشوفين جاسم حرااا ههههههه وانا امووت فيك : أأأ جاسم
جاسم استوعب الموضوع استغفر الله انا شنو اسوي اصحي ياجاسم هذي مو سحر هذي وصايف الدلوعه العوبه هذي انت ماخذها بس جذي ترضي اهلك وتربيها وبس (طالع وصايف ومسك ايدها بقوه ) والله لأبدج : امشى اوديج قبل لا يجي احد ويشوفنا
وصايف ااااااااه ياغثك انطر شوي وبعدين خل يشوفون عادي حبيبي ويحق لي هههه: ان شالله
مها: تحبينه
خوله: قال تحبينه قال قولي امووت فيه اعشقه بجنون مو بس احبه
مها: من صجج
خوله تنهدت: ااااااه والله ماتشوفيني طاقه الصحبه ويا شيماء ههههههه
مها: مصلحه يعني حرام عليج
خوله:هههههههه لا والله موعشان جذي بس جد انا احبه تدرين شنو اللي قاهرني
مها: شنو ؟؟
خوله: ان لحد الحين ماتزوج اف مايفكر بالزواج ابيه
مها: خوش خوش انزين اهو شافج او يعرفج
خوله: أي يعرفني بس مايدري اني احبه
مها: احسن لج بس اهو ليش لحد الحين ماتزوج وجم عمره
خوله: امم عمره 28والله للي فهمته من شيماء ان بعد ماتوفى ابوهم اهو تولى مسوليت البيت تدرين ان المفروض يكون مهندس بس خلى دراسته واشتغل عشان يصرف على اهله ياحلوه طيب وحبوب وكريم ونفسه تجنن بس يستحي شوي
مها: إي (( انا الا اشوفه))
نوف: ممكن تنجعمون عشان انام
فاطمه: السلام عليكم
حور وصايف / وعليكم السلام
حور: يلا قوليلي انتي الثانيه شنو سويتي
فاطمه : مالي خلق بروح انام
وصايف : وانا بعد
حور: وانا منو يقعد عندي
ساره:دقي على فروس يكلمج
حور : انتي جيتي بعد يلا قوليلي شنو صار
سااره: لا لا لا بنام وباجر يصير خير
حور: انتو مو كفو ادق على قلبي احسن
ساره:هههههههههه دقي
ونامو بعد ماعشوا احلى ليله عندهم
الصبح
حور: سارررررررررررررررره
وصايف: يماا ساره
الكل ركض لها
ساره طاحت من البانشي خذوها وودوها المستشفى
ابو فارس بندر: دكتور ها بشرنا
الدكتور : والله ما ادري شنو اقولكم اهي الحمدالله زينه بس فيها كسور برجلها وايدها اليمنى وشويه رضوض بس احنا عطيناها منوم لان فيها جرح بظهرها يألمها وان شالله خير
بندر ابو فارس : انزين الكسور هذي الى متى تتم
الدكتور : اسبوعين او شهر على حسب
فارس : انزين دكتور الجرح الي بظهرها من شنو
الدكتور : والله انا لما شفته لقيت سيم لازق بظهرها وشاق نصه بس خيطناه ومع الايام بيروح ماراح يكون له اثر اللي ابيه منكم انكم تخلونها تنام وتيونها العصر لان ماله داعي قعدتكم كلكم
بندر: لا حنا بنحجز لها غرفه او ننقلها مستشفى ثاني
الدكتور: هم المستشفى مالها داعي بس المطلوب انكم تخلونها يومين او ثلاث ايام بالكثير وتقدر تطلع
عهود : انا بنام عندها
فارس : يما ماله داعي نومتج انا اقعد عندها وانتوو روحو
عهود: يويلي واخلي بنيتي لا والله
فهد ابو وصايف : السلام عليكم ها شنو صار
فارس : وعليكم السلام لا الحمدالله كل خير شويه رضوض وكسور
فهد: واهي وينها الحين
بندر: داخل معطينها منوم عشان تنام
دلال ام وصايف : ومتى بطلعونها
عهود ونبرات البجي : مدري ياويلي على بنيتي تكسرت واهي توها صغيره
دلال : عهود شنو هالكلام ادعيلها بالصحه وان الله يشافيها
بندر: يلا امشوو
فارس : يبا انا بقعد هني
بندر : خلاص اخذ جيب لها هذول الادويه
فارس : ان شالله
دلال : يلا عهود
عهود: لا ماني برايحه بقعد عند بنيتي
فهد: يا ام فارس الله يهديج فارس عندها
بندر: عهود امشي وشوي العصر انا اجيبج هني
عهود : الله يخليكم خلوني
دلال : تعوذي من بليس وامشي قعدتج هني مالها معنى
شافها وقلبه يتقطع على حبيبته اللي المفروض اليوم تعترف انها تحبه لا يامشاري لاتبجي ان شالله خير ليتني انا المريض مهو بأنتي
لاباس انا يالغالية قلتها لك..
من قلب يخلص لك يحبك ويغليك
..ياليتني كنت المنوم بدالك.
.وليت المرض يابنت فيني ولافيك!!!
فارس : مشاري
مشاري : هلا فارس
فارس : شنو الي جابك هني
مشاري : جاي اقعد عندك واسليك على مايجون الاهل
فارس : اها
بين ازعاج الاهل وكلمت حمدالله على السلام اللي انقالت اكثر من 50 مره من كذا حلج ساره قاعده ورجةلها معلقه وايدينها مجبسه يعني (( ملفوفه )) وشويه رضوض بجسمها وظهرها اللي يعورها من الشلخ نادت حور
حور: هلا
ساره : شوفي شنو داز لي الرقم الغريب
حور : شنو
لاباس انا يالغالية قلتها لك..
من قلب يخلص لك يحبك ويغليك..
ياليتني كنت المنوم بدالك..
وليت المرض يابنت فيني ولافيك!!!
حور: يحوول منو هذا وشدراه انج مريضه
ساره : انا شاكه بمشاري بس من وين له رقمي
نوف : تتساسرون بشنو
ساره: ولا شي
نوف : اممم يعني ماتبون تعلموون هين
حور : لا والله بس تقول لي ان الدكتور اللي جبسها مزيوون
نوف : يما منج مريضه وتلخصين الدكاتره
ساره: تربيتج هههههههههههههه
نوف:ههههههههههههههههههههههههههههههههه
نوف: ساره
ساره:عنونها
نوف: ابيج بسالفه بس بعدين اوكي
ساره: اوكيك ياحلوه
نوف: احم احم احم
الساعه7 ليلا
بعد ما الكل راح قعدت نوف ومها وحور ووصايف
ساره: يلا نوف قولي شنو سالفتج
نوف: أأأ بعدين اقولج
مها: لاقولي جدامنا يعني سالفه خاصه
نوف: أي سالفه خاصه يا الملقوفه
ساره: قولي عادي مامن غريب
نوف: لا لا بعدين اقولج سر
حور: سر يخصج
نوف: لا يخص ساره
وصايف : يعني شنو
نوف: مالكم شغل
مها: اذااللي ببالي ترا كلنا نعرف
نوف: شنو اللي ببالج
حور: مها ووجع
مها : شفيج
وصايف: انتي ماتعرفين تنجعمين
مها : لا
نوف : شفيكم
ساره: بنات خلونا بروحنا
حور : خوش تصريفه
مها: لا والله
نوف : جد بقولها شي عن
ساره: نوف قولي بس اذا شي يخصج لاتقولين اما اذا يخصني عادي ترا يعرفون بكل شي
نوف: ويعرفوون بموضوع مشاري
ساره اختبصت :أأأ
مها: أي نعرف
حور: يس نعرف
وصايف: يلا قولي
نوف: ساره مشاري يبي يخطبج ومايقدر يستغنى عنج
ساره: بس انا شوفت عينج كلي كسور ورضوض وشموخ شنو يبي فيني
حور: مافيج الا العافيه هذول كلهم يروحون مع الايام
نوف: مشاري يقول يبيج حتى لوانج جثه
وصايف: اهب اسم الله عليها
ساره: انزين اهو اللي يدز لي مسجات
نوف: أي
حور: وانتي شدراج
نوف: هو قالي
مها: دام يحبها ليش من زمان ماخطبها
نوف: على باله انها للحين مخطوبه ويبي يعرف اذا تحبه ولا لا
حور: اها
نوف: سويره شنو قلتي
ساره : بشنو
نوف : شنو بشنو انتي تبين مشاري ولا لا
ساره: ...................
مها: اهي تحبه بس تبيه يخطبها عشان تتأكد ان كلامه صح واذا ملجوو تقدر تكلمه
نوف: انا سالت ساره
ساره: مها قالت كل اللي بقلبي هذا اللي انا ابيه
نوف: اوكي بس ابي اعرف انتتي تحبينه
ساره: اعشقه بجنون
حور: ايواااااا
مها:ههههههههههههههه
وصايف: اعتراف خطير
نوف: بروح ابشر مشاري
مها: شنو ولاده هي
نوف: بلاج ماتدرين انه يحاتيها
حور: اوف اوف كل هذا لسويره
مها : متى يجيني حبيب
نوف: دوري وتلقين
الكل :ههههههههههههههههههههههههههههههههه
مشاري : يابعد حيي ياساره
نوف: بدال لاتقول يابعد حيي يانوف مشكوره انج جبتي لي هل خبر
مشاري:ههههههههههه مشكور فديتج والله يلا انا بروح
نوف : وين
مشاري: بروح وارد
وراح واهو مستانس اااااااااه واخيرا الدنيا ضحكت لك يامشاري وبتعيش احلى قصه حب مع احلى بنت
الصبح بالمزرعه مشاري قاعد بسياره ويدخن دز لساره مسج
وينك ..؟؟*حبيبي* كل صبح
...... بدونك ماهو صبح...
ساره تتريق وامها بالحمام تكرمون شافت المسج : ياقلبي فديتك اانا
ودز مسج :
تحبيني
ساره :
احبك كثر ماقالو بهالحزه صباح الخير
مشاري
كنت اتمنى هالكلمه امنيه وهذي هي صارت
ساره
انت دخلت حياتي وغيرتني كلي على بعضي
مشاري
تحبيني
ساره
٪◊ أحـبــــــك ..
وأستحــي منـــك ..
ولا أدري وش أســـوي بك..؟؟؟ ◊٪
مشاري
/^تعبان^/
ساره
سلامتك من التعب وش فيك
مشاري
إخذني[ بحضنك] مبطي ماغفيت
وإن لمحت دموع عيني سو نفسك مالمحت خذني [فحضنك] وفتش جروحي وان قضيت هزلي بالحيل كتفي وقلي عيب تبكي لوسمحت [ضمني] يمك و[ضحكني] لامني بكيت ودي أذكر كيف كانت ضحكتي لامني [فرحت ]
ساره
سلامتك من الجروح والتعب
تبيني اضحكك
اسمع النكته
...
يقول لك فيه اثنين راحوا يتصيدون
واحد صاد والثاني ضاد
...
هع هع هع ملاقه صح
مشاري
ههههههههه لا حلوه
انزين اسمعي نكتتي
فيه بدوية قرت جواز رجلها لقت المهنه رجل اعمال قامت مسحتها وكتبت رجل نوره
ساره
ههههههههههههههههه
حلوه
وضلو على هل حاله طول الصبح مسجات وسوالف ونكت ساره نست نفسها ونست ان في ناس قاعدين ومشاري نسى انه صار له 5 ساعات قاعد بالسياره
حور : أي وبعد
ساره: بس جذي انا ادز واهو يدز
حور: وناسه
ساره: أي والله ياي احبه
حور: هههههههههههههه
فارس : اووه وانا اقول ليش المستشفى منوره اثريج هني
حور دنقت راسها وبخجل : هههه
ساره: شدعوه يعنى انا مظلمتها
فارس يحط الاغراض على الطاوله وطالع حور : شلونج
حور: تمام
ساره: لا والله انا المريضه شنو جايب معاك
فارس : يو نسيتج ( يطالع حور) شفتي نسيتيني اختى
ساره : لا والله بسك البنت ماتت من الخجل
فارس: هاج امي دازتلج هل الاكل
ساره : الله عاد حدي جوعانه
حور: عطيني بحطلج بصحن
ساره : ثانكس
فارس: الله مرتي سنعه
ساره: افا عليك تعجبك
حور: ههههههه بسكم عاد
وصايف: هااااااااااي الله تاكلوون
فارس : هلا وغلا هلا بالزين كله
وصايف : فرووسي وينك ماشفتك من زمان (( وتسلم عليه ))
فارس : تصدقين حتى انا والله لج وحشه يالخبله (( يطقها براسها ))
ساره: والله احس ان وصايف اختك مو انا
فارس: قلبي وصايف اختى من الرضاعه
ساره: ادري بس تدلعها اكثر مني
فارس: اذا سالفه دلع فالدلع كله لهاذي (( يأشر على حور ))
وصايف: ايووو
ساره: رحنا وطي
حور: بسكم عااد
فارس: منو جابج
وصايف: ابوي برا يكلم بالتلفوون
ضحى: شفتيهم
ايمان: أي قبل لا تسوي الحادث بيوم
ضحى: ومشاري شنو قالج
ايمان: قلت له غريبه قاعد هني وقال انه يشم هوا الخبل مايدري اني سمعت كل كلامهم
ضحى : وقلتي لنوف
ايمان: لأ بس صورتهم واهم مايدرون
ضحى: وين بشوف
ايمان : شوفي
مها: لا لا لا لا مالي شغل الحفله اليوم
فاطمه : وساره
حور: أي صح مايصير عيب
ساره: مالكم شغل انا راح البس اللبس واسوي وياكم عادي
عهود: لا يما خليها مرا ثانيه
حور: لما تصير رجلج زينه هذيك الساعه نسويها في بيتنا
مها: حسافه
نوره ام جاسم : مهيا ووجع
ساره : ههههههههههههههههههه خليها صح نبي نستانس
الجده: ماكو وناسه الا لما تطيبين
بعد مرور شهر موعد الحفله التنكريا
حور: هلا وغلا تفضلو
نوف: اهلين دام فضلج اوه والله عبالي كانتي خدامتكم
حور:ههههههههههههه لا والله
خوله : وين سويره بشوفها مابغت تشيل الجبس
حور: مسويه لكم مفاجأه
وصايف: بخلي جاسم يشوفني بسوي نفسي جني ما ادري
مها: يالعوبه
وصايف: ههههههه شسوي الصراحه ما ابي اطوف كشختي ببلاش
مها: انزين انا بناديه بقوله على ابو انه يعدل ليت الحمام وانتي مري اوكي
وصايف : اوكيك عقبال اساعدتج بعرسج
مها: ههههههههه لا مطول (( الله يسمع منج وينك يا حمد ))
خوله: هاااي صبايا
مها: اهلين اوه اوه شنو هالزين
خوله: شرايكم بلبسي مو اصلح اشتغل بسرك
وصايف:ههههههههههههههههه وانتي الصاجه
نوف: فطومه شنو هل اللبس يالعجووز
فاطمه:هههههههههه فصله مو
نوف: انا اشهد
فاطمه: ماشفتي لبس حور
نوف: أي شفته اليوني فورم مال الخدم ههههههههههههههههه
شيماء : هلا فيج ترا ايمان وضحى الحين يجون
حور: حياهم الله اوه شنو هالزين
شيماء: عجبج لبس قطوه ههههههههه
حور: ههههههه حلو
ضحى: قوه
حور : هلا
ايمان : شلونكم
حور: زنين وانتو شخباركم
ضحى: تمام شنو هالبس
حور: حلو صح هههههههههه
ايمان : اما الملاس شي هههههههههه
حور: موصج بس لبسكم حلو
ساره : تراااااااااااااااااااااااااا
الكل تجمع عليها
نوف: حمدالله على السلامه
خوله: طالعه تجننين
ايمان: مبروك شيل الجبس
ضحى: الله
ساره : تسلموون هههههههههههه شرايكم بلبسي
خوله: جنان
نوف: الله ياسناوايت
ساره: ههههههههههههههههههههه ناقصني الاقزام
طبعا الحفله كانت تجنن حور لابسه لبس خدم وفاطمه لبس عجوز ومها لبس خباز بنطلون مخطط وفنيله وباروكه رجاله وحاطتلها شوارب اما وصايف لابسه دشداشه وشماغ ونعول نجديه (تكرمون) ومسباح اما ايمان لابسه لبس دكتورا وضحى لبس سندرلا وشيماء لبس قطوه وخوله لبس ساحره ونوف لبس ارنب
جاسم : بسم الله منو انت
وصايف : ...................
جاسم : هي انت منو وليش جاي هني
وصايف كانت متلثمه وشالت الشماغ : ماعرفتني
جاسم ميت من الضحك: ههههههههههههههههههههههههه وصايف ههههههه ليش مسويه جذي هههههههههههههههه
وصايف: حق الحفله التنكريه
جاسم : اها ومن وين لج هلبس
وصايف: احمد اخوي معطيني اياه .... بس ها شرايك فيني مو مزيون (( وتغمز عين ))
جاسم الا سيد الخشوف : ههههه جنج ترف هههههههههههه
وصايف: ووجع ترف عاد هههههههههه
جاسم يمسك كتفها : واحلى ترف
وصايف انحرجت : أأأأ انا بروح للحفله
جاسم : اه يازينج ......... تخسي
نوف: لو شافج مشاري جان مات عليج
ساره : سم الله عليه
نوف: لا والله
ايمان : قوه
ساره : هلا
نوف: اهلين
ايمان : سارونه ممكن شويه
ساره مستغربه: أي ممكن خير في شي
ايمان : ابيج بموضوع خاص
ساره: اوكي
ايمان: شوفي شرايج بهذا
ساره منصدمه حيوانه حقيره كلبه لا لازم ابين لها ان عادي : من وين لج هذا
ايمان بعد ماورتها الفيديو : مالج شغل من وين شرايج فيه
ساره : ايمان بهدوء شنو تبين
ايمان : عبالج يحبج
ساره : مالج شغل ورجاءا امسحيه وياويلج ان شافه احد
ايمان : ههههههههه ضحكتيني اسمعي انا اقدر اوريه اهلج وانشره بكل مكان و
قاطعتها ساره : سوي اللي تسووينه مايهم
ايمان : يعني مو خايفه
ساره لفت عليها وبغرور : منج لأ
ايمان حيوانه ماينفع معاها : اسمعيني وخري عن مشاري احسن لج
ساره : تحبينه
ايمان : يخسي مو من مستواي
ساره : اللي يخسي اهو انتي يو نسيت ان مستواج تحت
ايمان : احترمي نفسج ولا شفتي امج اللي تضحك بخليها تبجيج من الطق هذا اقل شي
ساره: تخسين الا انتي ومشاري ماراح اخليه وحره (( دزتها )) وخري
ضحى : من صجج
ايمان : والله
ضحى :هذي ماينفع معاها تدرين شلون انشريه
ايمان : مدري
مشاري: ها شلون السهره
نوف: تجنن وو (( تساسره )) ساره قمر شالت الجبس طالعه رووعه
مشاري: هي من عمر روعه
ام مشاري : منهي هي
نوف : أأأأأأ خوله
مشاري : لا يما هذا موضوع ابي اكلمج فيه
نوف: من صجك
مشاري : أي يما انا ابي اتزوج
ام مشاري : مابغيت وانا احن عليك سنين والحين تبي تتزوج
مشاري : شفتي شلون الله هداني ههههههههههه
نوف: ماسألتي منهي العروس
ام مشاري : منهي
مشاري : ساره
نوف : بنت خالتي عهود
ام مشاري : ساره والنعم البنت بس مو جنها صغيره
مشاري: لا مهي بصغيره يما انا ساره ابيها ناطرها لما تفك الجبس والحين ابيها
ام مشاري : خير ان شالله انا بسأل امها ويصير خير بس قل لبوك
مشاري :ابشري
نوف: الله وناسه اخوي بيتزوج
ام مشاري: بس ما راح نخطب الا لما اجي من العمره
مشاري: يعني بعد اسبوعين
ام مشاري: أي
نوف: أي عادي
مشاري: شنو عادي يطوول
نوف: انت ليش تبي كل شي بسرعه انطر كلها اسبوعين
مشاري قام متضايق : اول ماتردين من العمره من المطار الى بيت ساره
ام مشاري: ان شالله
نوف: صار بيت ساره
مشاري: أي بيتها يما انا ماشي تبين شي
ام مشاري: سلامتك
نوف: سلم على ساره ههههههههه
مشاري: يوصل ههههههههههه
وصايف: تخسي تنشره انتي ليش ماقلتيلي لما كلمتج
ساره : يعني شنو بتسوين لها
وصايف: اطقها طق واخذ منها الفيديو
ساره :تلقينها حاطته بمكان ثاني بس تدرين انا عندي عادي مدري ليش مو خايفه لان الفيديو مافي شي بس انا اتكلم معاه ولما مسكني وقالي اقعدي
وصايف: انتي للحين تكلمينه ؟؟
ساره : لا بس بينا مسجات اصلا انا ماكلمته ولا مره اهو بعد مايرضى بس من فتره وفتره يصير بينا مسجات
وصايف :اها انزين شنو بتسوين بموضوعها وشكو هي بمشاري
ساره : مو هذا اللي حارني شرايج اقول لمشاري
وصايف: مدري امشي نسأل حور وفاطمه ومها
ساره: يلا
حور: شنو
فاطمه: متى هذا وليش ماقلتيلي
مها: تخسي تسوي شي والله لذبحها
ساره: شنو اسوي
فاطمه: مدري لازم نلقى حل
ساره : عاد تدرون والله ماهني
حور: شلون ماهمج انتي تدرين لما يتوزع شنو بصير امج ابوج اخوج عمامي بتصير مشاكل وهواش وتصير فضيحه عايلتنا على كل لسان والله حتى مشاري ماراح ياخذج ط
ساره: شكو
مها: شنو شكو واعبر واعبرين
ساره : امبيه والله ماكنت متصوره بصير جذي
فاطمه: دامج مو متصوره ليش تكلمينه
ساره : انا ما اكلمه بينا مسجات بعدين كا انتي وفهد وحور وفارس
فاطمه: لا والله مسجات نفس الشي بعدين انا وفهد متزوجين وحلال ويحق لنا ومحد بلومنا وحور نفس الشي اما انتي لا حتى خطبه مو خاطبج ليش مايخطبج مو هو يحبج انا ادري ليش لان ماراح ياخذ وحده رضت انها تكلم واحد
ساره:جب احترمي نفسج
فاطمه : جب انتي وبعدين كلامي كله صح كا وصايف ليش ما كلمت جاسم مع انه زوجها
ساره : لان جاسم مايبيها
وصايف منصدمه : شنو
مها ياويلي لاتخورها انا شنو اللي خلاني اقول لساره ان جاسم مايبي وصايف : ساره شنو هل الكلام
ساره : وانا صاجه اهو مايبيها مو هذا كلامج ياست مها وبعدين انتو بدال لاتنتقدوني شوفو نفسكم انتي يا فاطمه ذابحتنا من الصبح زوجي وزوجي وحلال مو هذا زوجج اللي حقرج لما ماخليتيه يمسك ايدج مو هذا زوجج اللي زفج لانج كل دقيقه تدقين عليه
حور: سويره جب عيب فاطمه صح كلامها تبي تنصحج
ساره: فكينا زين انا ما احتاج نصايح احد انتو بدال لاتساعدوني تقعدون تزفوني
مها: حنا ما زفيناج حنا ننصحج
ساره: نصيحتكم خلوها لكم ما ابيها
حور: انتي وحده مو كفو وماتستحين على وجهج
ساره : جب انتي اللي ماتستحين يا يابنت اليهوديه
ماوعت ولا الطراق اللي على خدها حور تطق ساره : جب امي مسلمه واشرف منج ياحيوانه
مها : صج ماتستحين بدال لا تعيبين علينا شوفي نفسج ( وراحت )
فاطمه: هذي آخرت ثقتنا فيج عطيناج اسرارنا واخرتها تفضحينا ( وراحت )
وصايف : قويه قويه يا ساره يا بنت عمي وخالتي (وراحت )
ساره منصدمه راحت غرفتها واهي تبجي
انا انا ليش سويت جذي هذول بنات عمي هذول خواتي انا شنو قلت لفاطمه انا جرحت حور انا اذيت وصايف انا فضحت مها ليش ليش
بعد 5 ايام
الساعه 2 الفجر ساره تبجي مشتاقه لخواتها واكثر من خواتها هم خوتها هم حبيابها هم كل شي دزت مسج لمشاري
تعبت اقول لضيقتي سهود ومهود
اليا متى هالعذر بيكون عذري
البارحه يوم اكثر العالم ارقود
عادت علي اللي تجي منين مدري
الضيقه اللي كل ماراحت تعود
مكانها مابين قلبي وصدري
ناسن تنام مدهته في دهن عود
وناسن تنام مدهنه بزيت مقري
مشاري
لويخذلك كل البشر ماخذلتك
مايفرحون بشوف دمعتك وانا حي
ومر اسبوعين وساره بغرفتها ماتطلع دايم صاكه على روحها الباب ووصايف انجرحت بعد كلام ساره بس مها جذبت ساره ماتبي تخسر وصاايف وفاطمه كل يوم تخفف على حور حور اللي صارت ماتحب احد يتكلم وياها عمرها مافكرت بموضوع امها بس اللي جرحها ان اقرب الناس لها يعايرها بأمها من عذر الغريب
حتى اذا راحو المدرسه ماجنهم يعرفون بعض بالسياره صمت واذا احد تكلم طلب من السايق انه يسكر التكيف او يطول عليه وبالمدرسه ساره تتمشى مع بدور
حور ومها ووصايف قاعدين ياكلون تحت الدرج
مها: وصايف شوفي ساره تكسر الخاطر
وصايف: ياويل قلبي والله ما اتحمل
حور: خلوها هي اللي جابته لنفسها
وصايف: صح تتحمل الللي قالته
مها: بس ولو هذي بنت عمنا تدرون البنات قامو يطلعون عنا اشاعات عبالهم احد ميت عندنا يقولون ليش ساكتين
حور: اهب ياوجيهم
وصايف: جيكو على ساره بدور تتكلم وساره مو يمها سرحانه ومرات تطالعنا
مها: خولها
بدور: أي واكمل لج بعدين رحنا المعرض تخيلي لقيت الشاعر ....... يما يجنن صج صج مزيون ووقعلي ياربي لوتشوفينه
ساره ااااااااااه يابنات ياني مشتاقه لكم مشتاقه لسوالفكم وخبالكم :.............
بدور: ماراح تروحين المعرض ؟؟؟
ساره لو بيدي ارد الأيام الى ورا وامسح كل شي : ..................
بدور : ساره هيه نحن هنا قاعده اكلمج
ساره اتنبهت : ها لا هلا
بدور: شنو لا شنو هلا بتروحين المعرض
ساره: أأأ مدري مدري
خزنه تأشر من بعيد : ساره ساره تعالي
بدور: شنو تبي
ساره : مدري
خزنه : حيالله بالسنافيه
ساره: الله يحيج
خزنه : جايبتلكم فطاير حاره امشى عند حور
ساره حور لا : ها لا مابي
خزنه تتل ساره من ايدها : امشي زين البنات بنطرون
ساره ينطرونج بس مايبوني : شوي شوي ايدي
بدور: افا وانا مو معزومه
خزنه: انتي المكان كله لج
بدور: ياااي يلا امشووو
حور: يو ساره جت
وصايف: سوو نفسكم عادي مانبي نشكك البنات
مها: أي صح كفايه اللي فينا
خزنه: مرحبا
وصايف: ارحبووو
خزنه تقعد : ببصط (( بقعد )) تحت
مها: اقعدي
بدور: اخباركم بنات
وصايف: تمام
بدور : ساره شفيج اقعدي
ساره تقعد : ............
خزنه : يلا مها جبتلج فطيره جبن بالزعتر
مها: الله لذيذ
خزنه خزنه واهي تفتح جيس الفطاير : ههههههه اعرفج تحبينها ...إلا صج حور شنو صار على امتحان القدرات اللي قدمتيه نجحتي ولا لا
حور تطالع يساره يعني اخذي البيبسي : للحين ماطلعت النتيجه
ساره بصوت خفيف : مشكوره
خزنه :الا صج ساره متى مباراتج
ساره : يوم السبت
خزنه: الله وناسه تدربتو
بدور: الغبيه ماراح تلعب
وصايف شهقت
وحور لفت على ساره : شنو
ومها : ليش مو على كيفج
خونه: شنو ماراح تعلبين
ساره مستاسه للحين مهتمين فيني : بس ما اقدر مابي وبقلبها (( اه لو تدرون اني محتاجه لدعمكم لي ما اقدر العب وانتو مو معاي وانتي يا مها ابيج تكونين وياي انتي اللي تفهمين لي وانا العب ))
بدور: خبله مع ان الابله ازعلت لما درت انها ماراح تلعب
خزنه : مو على كيفج لازم تعلبين
وصايف : ساره فكري هذي المباراه اللي كنت تحلمين فيها
ساره : مدري
ابله حصه : ياسلام مسوين عزيمه يلا قومو طق الجرس
خزنه: ابله حصه هلا وغلا حياج ياحلوه وهذي احلى فطيره لج
ابله حصه : مشكوره يلا الحين كل وحده لصفها
ساره : يلا بدور
بدور: لحظه مها يلا امشي علينا عربي
مها ماودها تروح ويا ساره : أأأ انا بروح اوصل حور واجيكم
بدور : اوكي
بالسياره
ساره: بابو وين البنات
بابو : ماما حور ومها يطلع من زمان ماماوصايف موجود داخل سكول(( حور ومها طلعو من المدرسه ووصايف بالمدرسه ))
دخلت وصايف: السلام عليكم
ساره: وعليكم السلام
بالطريج هدوء
بابو : تفتيش
الشرطي : ها رفيق وين اجازه
بابو : فضل (( تفضل))
الشرطي : ها بنات جاين من المدرسه
وصايف هزت راسها يعني أي
الشرطي : الله يوفقكم
وصايف: تطالع ساره
ساره تطالع وصايف : مزيون
وصايف: الا افدع يازينه
ساره تضحك :يو انا اول ماشفته كنت بقولج يو يو يو يازينه
وصايف: هههههههه أي وانا اقول لازم سويره ماتخلين عوايدج ههههههههه ياحلو نظارته ههههههه
ساره : هههههههههههههههههههههه
وصمت
ساره : للحين زعلانه مني
وصايف لا عمري ما زعلت منج : ها شوي
ساره : انا اسفه
وصايف تطالع ساره الي بجت : سويره تبجين
ساره: اشتقت لكم
وصايف: وانا اكثر وكلنا مشتاقين لج والله الغرفه من دونج ولا شي
ساره : صج يعني مسامحتني
وصايف: أي
ولمو بعض ساره: يخرب بيتج سوينا فلم هندي
وصايف: ههههههه ناقص الترجمه تحت ههههههه
ساره: هههههههههه مليقه بس ببلعها
وصايف: ههههههههههههههههههههههه
ساره ردت غرفتها واهي مستانسه فتحت تلفونها لقت رساله وارده كانت من مشاري
لاضقت من همك وضيم الليالي
اذكر وراك انسان كنه قبيله
ساره : ياي محد يحس فيني الا انت
حور: لا ماراح اكلمها
مها : ترا حنا غلطانين زودناها
وصايف: صح البنت عرفت غلطها وخلاص
فاطمه: لا محنا غلطانين خل تحس شتعرف شلون تحفظ الاسرار مو كل شي تقوله
حور: أي حنا محنا بجهال تقعد تعيب علينا وتعايرنا
وصايف: بنات الله يسامح وانتو ماتسامحوون
عهود: أي خطبج وابوج يمدحه واخوج يقول انه خوش ولد
ساره : بس
عهود:يما انا ما اغصبج بس فكري واستخيري وان شالله خير
ساره : ان شالله
ساره على طول لبست ملفعها بتروح تبشر البنات اول ماتبي تنزل تذكرت انهم متزاعلين وردت غرفتها فتحت تلفونها ودزت دقت لوصايف
وصايف: هذي ساره داقه
مها: ردي عليها
وصايف: الو
ساره: مرحبا
وصايف: مراحب
ساره : امم شلونج
وصايف: تمام
ساره : اسمعي اخر خبر توه طازه
وصايف: شنو؟؟
ساره : مشاري خطبني
وصايف منصدمه : صج مبروك متى
ساره: اليوم وامي تقول اذا وفقتي بسوون ملجه حفله صغيره
وصايف: مبروك والله يهنيج ومنج المال ومنه العيال هههههههه
ساره:ههههههه الله يبارك فيج بس توني ماوفقت
وصايف: ليش
ساره : مبدأيا انا موافقه بس بسأل ابوي عنه
وصايف: الله يوفقج
ساره: يلا تبين شي
وصايف: لا سلامتج باي
ساري : باي
وصايف :ساره انخطبت
الكل: شنو
مها: صج منو
وصايف: مشاري خطبها
فاطمه: متى
وصايف: اليوم واذا وافقت الملجه بعد اسبوع لا وبسوون حفله
حور :الله يهنيها
بالملجه
وصايف: الله ماشالله من يصدق ان بدلتج خلصت بسبوع اللي يشوف يقول صارلنا 3 شهور واحنا نجهز
مها: قولي ماشالله
ساره: بنات انا خايفه
فاطمه: انا جذي يوم بملجتي كنت حدي خايفه
ساره: قلبي يدق يارب مايدخل
وصايف: تستحين ايواا
مها: اكيد عروس
حور : السلام عليكم
ساره: وعليكم السلام
حور: ممكن تخلوني مع ساره شوي
مها: اوكي
حور: أأأ مبروك
ساره: الله يبارك فيج
حور بهدوء: ساره
ساره : نعم
حور قربت من ساره : انا اتشرف بأمي حتى لو انتي ماشفتها حتى لو كانت يهوديه
ساره تبجي: اانا اسفه والله مو قصدي
حور: مو قصدج أأأ ياساره جرحتيني حيل
ساره: اسفه
حور: لا تبجين امسحي دموعج انا جايه ارد المياه لمجاريها وبسنا زعل وتذكرين لما كنا صغار انا قلتلج اذا ملجتي بشتريلج ساعه
ساره: ويه شخباري
حور: وانا عند وعدي وهذي الساعه
ساره: حور ليش مكلفه على نفسج
حور: لا تكلفه ولا شي هذا وعد وهديه بفس الوقت
ساره: مشكور
وصايف: ماخلصتوو
عهود: يلا الحريم بنطرون تحت
الملجه كانت حلوه وفيها ناس واجد كانت ببيت ساره ساره كان شكلها رووعه ودخلتها محمد عبدو اميره الورد واهي تمشى شكلها ناعم وضحكتها جنان اما مشاري اللى ماشال عينه من على ساره اللي مو مصدق مسك ايدها ولبسها الشبكه وساره ترجف مستحيه منه ومن الناس ومن البنات اللي يعلقون ويصفرون وعيون الكل عليهم ليله من العمر حلوه وماتتكرر
بعد شهرين تخرجو من الثانوي تخرج ولا اروع حفله نهايه الثانويه اه بخلصون التعب بخلصون من الدراسه بخلصون من الابله ومن كلمه مدرسه وبروحون لحياه جديده حياه اول مره يدخلونها حلوه بس المر فيها انهم بيتفرقون
كل سنه باخر كل عام دراسي دفعه تتخرج وتنسي كل سنين التعب والهم والغم والدرسه وسهر الليالي بس بتفقد سنين الضحك والوناسه بيقدون بعض رفيجات تعدو على بعض تعود يكونون بصف واحد تعود على صوت الطابور صياح الابلات زفهم للمخالفات والمتاخرات امتحانات الفاينل وما ادراك ما امتحانات الفاينل بجي وسهر وقله نوم واهم شي دررررررررراسه
حور: يما باقيلي واجد ماخلصت
الجده: ياقلبي روحي نامي بسج والله بتنسين اللي درستيه
حور: يما ما اقدر لازم اخلص فصل كامل
وصايف: مليت والله مليت مابي ادرس
ابو وصايف: يابابا ادرسي والله لوديج المكان اللي تبينه بس جيبيلي نسبه حلوه
وصايف: انا قلت لكم لو مهما اجيب راح ادخل تخصص رياض اطفال هذا الي انا ابيه
دلال: حرام تجيبين نسبه حلوه وتصيرين مدرسه روضه دشي علوم اداريه او سياسيه او اجتماعيه
وصايف: لا ويع ما احب
ساره: ها مها
مها: ما اوصيج ترا جد بشد حيلي ودي ادخل تربيه
ساره : انزين والله بغششج بس خليني ادري
مها: بخليج بروح ادق على ام قليب وصايف
ساره: قولي ماشالله وادري بدال لاتغشين
مها: ماشالله ترا عيني بارده وماراح ادرس مالي خلق
ساره: بااااااااااي
مها: هههههههههههه الخبله سدته
جاسم: انا بفهم الكل يدرس الا انتي
مها: مالي خلق بصراحه ودي ادخل تربيه
فاطمه: بالعيد
مها: تحدين
فاطمه: بطراق
مها: يلا
النتايج بالجريده
وصايف فهد جاسم ........ 96.9%
حور مشاري جاسم ....... 95.3%
ساره بندر جاسم .......... 95.1%
مها بندر جاسم ........... 78.5%
كلووووووووووووووووووووووووووووووووووش
حور: مابغينا نخلص
مها: بقط كل الكتب بالزباله
فاطمه: مبرووووووووووك
مها: طراقي بطقج اياه لما تشوفين قبولي بالتربيه
فاطمه : اوكي
وصايف: بنات مشاري جايب لساره كيكه كبيره كاتب مبروك النجاح حضها
مها: وناسه
حور: انا فارس عطاني هديه وجاب لي كيكه الظهر
فاطمه دزت مسج لجاسم
(( يالي ماتستحي كل الناس هنت زوجتك وجابت لها كيكه الا انت ))
جاسم دز مسج (( ياشقول انا جاي بالطريج وجايب لها كيكه ))
فاطمه(( زين تعرف والله ))
جاسم (( الربكه في امج ذبحتني من الزف ))
فاطمه(( اها يعني قصبن عليك مو طيب منك ))
جاسم (( بالظبط ))
وصايف: الله يبارك فيك
جاسم: وين ناويه تدخلين
وصايف: الله مدري بس الاكيد رياض الاطفال
جاسم : شمعنه
وصايف: لاني اموت بهل التخصص واحب الجهال
جاسم : اممممممممم حلو نفس فاطمه
تحياتي شيهانه على كف صقار اتمنى ان البارت عجبكم وبنزل لكم بارت ثاني قريب
_03BA:
