.......: الووووو
ساره : الووو منو ؟؟
.......: انا ايمان يا ساره
ساره: ايمان ؟؟ خير في شي
ايمان: ممكن اشوفج
ساره: نعم
ايمان : ساره انا ابيج ضروري والحين
ساره : شنو ؟؟ شنو تبين
ايمان : لا شفتج تعرفين اسمعي اذا تهمج مصلحتج تعالي بيتنا الحين
ساره : ايمان انتي شنو تخربطين شنو اجيج تبين شي انتي تعالي
ايمان : شوفي بنطرج عند الباب وتعالي
ساره : اوكي باي
ايمان : باي
مها: شتبي ؟؟
ساره :مدري تقول تبيني ضروري الحين شي يهمج ما فهمت لها
مها: وبتروحين لها
ساره: اكيد بشوف شعندها وخصوصا موضوع الفيديو يمكن بتنشره
مها: تخسي انا بروح وياج
ساره : أي تكفين
مها: يلا امشي
ساره : يلا
ايمان : اهلين
مها : خلصينا شعندج
ايمان : انا ما ابيج انا ابي ساره
مها: حبيبتي ساره بنت عمي واعرفي ان أي شي تسوينه فيها ما تلومين الا نفسج
ايمان : نعم تهدديني
ساره: مها بس
مها: اهددج والعن ابو خامسج وخلصيني بسرعه قولي شعندج
ايمان: ماراح اقولج انا ابي اقول لساره
ساره : خلاص مها اقعدي هني وانا اتفاهم وياها
مها تكلم ساره: شنو اقعد هني فشله
ساره : اقول استريحي
ايمان : لاخلصتو مساسر ألحقيني يا (( تطالع ساره )) ساره
مها تقلد ايمان : الحقيني يا ياغثها هذي ما ابلعها شوفي مو تقص عليج أي شي أي تهديد ناديي
ساره: يعنني فازعه انا اعرف ادافع عن نفسي عدل
مها: أي واضح
وصايف: وين مها وساره
حور: مدري تلقينهم فوق
فاطمه: لا انا توني جايه من فوق مافي احد
حور: انزين وين راحو
وصايف: مدري بدق عليهم
بغرفه ايمان
ايمان : شوفي ساره بدخل بالموضوع على طول انا ناديتج اليوم عشان اعطيج الفيديو اللي صورته واقولج اني ماراح انشره بس كنت احاول استفزج
ساره: نعم وشنو اللي غير رايج
ايمان:شي خاص فيني
ساره : ايمان ممكن اسألج سوال
ايمان: اسالي
ساره: انتي ليش صورتيني وليش غيرتي رايج
ايمان : ليش صورتج جذي قلت بلعب معاج ااما ليش غيرت راي هذا شي ثاني
ساره: ممكن اعرف ليش
ايمان: ما اقدر اقول
ساره: انزين شنو الدليل انج ما عندج فيديو ثاني وتنشرينه وانج ما تجذبين علي
ايمان: بحلفلج بالمصحف
ساره: اتمنى
ايمان راحت وجابت المصحف : اقسم بالله ان ماعندي غيره وان لو عندي ثاني ماراح انشره
ساره: مشكوره باي
ايمان : ساره
ساره لفت : نعم
ايمان : انا اسفه
ساره : عاتي (( عادي )) بس لا تعيدينها حتى مع غيري
ايمان : ابشري
بهل الاثناء تسألون مها شنو تسوي طبعا قاعده بالصاله وحاطه رجل على رجل وتغني لساريه سواس (( بس اسمع مني ياللي مجنني بس اسمع مني ياللي مجنني انا المتعذب وانتي المتهني اسمع بس اسمع يالي عينك تدمع ....))
وقامت تطالع بالوحات اللي على الطوفه وتكمل الاغنيه ........... : بقلبه (( طاع هذي اكيد ايمان اخس صايره تعرف ساره من عقب مادونا صارت ساريه هههههههههه لا هذي مو ايمان هذي احلى ))
................. : أحم أحم أحم
ساره اخترعت ووقفت مكانها : (( حمد))
حمد : السلام عليكم
ساره: وعليكم السلام (( ياو يازينك فديت هل الزول ))
وراح
ساره: مهيه مهيه وصمخ صارلي ساعه اناديج شفيج وين سرحانه
مها: امشي وانا اقولج
عند الباب
مها: يو يا ساره يو على اللي شفته يازينه ويازين زوله يفضخ القلب
ساره: استحي على وجهج انتي شنو تخربطين
مها: داخل داخل بيتهم واحد
ساره: شنو اول جذبتج ام ايمان ماعندها الا ايمان وبس وابوها مسافر ليش تجذبين اخاف شايفه جني
مها: ورب الكعبه قسم بآيات الله شفته هذا اللي اسمه حمد اخو شيماء
ساره: حمد حمد والله ما اعرفه
مها: ياغثج المهم اقولج يفضخ القلب
ساره: والله عبالي عندج سالفه امشي بس وصايف دقت 7 مكالمات
مها: أي شنو صاره مع الفاهيه ايمانو
ساره: افا عليج اعجبج انا ههههاااااااااااااي ااقولج بالبيت امشي
مها: يالله
حمد اللي طول المده قاعد بسيارته يسمعهم ويضحك بس ما شافوه لان سيارته مغيمه
وصايف: شنو بعد شهرين لا مابي
دلال : شنو ماتبين هذا عرس مو لعبه
وصايف: يما انا توني مخلصه تو الناس
دلال: يا ماما جاسم يبي يكمل الماستر برا ولازم يكون احد وياه
قاطعتها وصايف : وليش مايروح ابوه او رفيجه وليش مايروح احد ثاني احد غيري
دلال: الاحد اهو انتي
وصايف: يما يما افهميني انا ابيكم انا مابي اتزوج انا صج ابي بس مو الحين تو الناس
دلال: ياماما مو بيدنا
وصايف: لا بيدي وانا بروح اكلمه
دلال: شنو عيب والله ان سمعتج قايله لهم شي لذبحج
وصايف : اوووووووووووف
وراحت غرفتها تبجي تبجي على حالها توها صغيره وعرسها بعد شهرين ليش ليش انا قبل ليش مو حور انا بستانس بالصيف بضحك وبهيص مابي اتزوج واقعد اجهز لا لا لا
بعد اسبوع
وصايف: يبا
فهد : بابا انا عارف شنو بتقولين بس هذا نصيبج وقدرج لازم توافقين الى متى بتضلين وصايف الصغيره وصايف حبيبتي انا وامج ماراح نضل معاج طول العمر
وصايف: اسم مالله عليكم بس
فهد: يابابا افهميني العرس بيصير بيصير الحين او بعدين
وصايف: بس انا مايمديني اجهز يبيلي اغراض واجد
فهد: يابابا شهرين يمديج تخلصين كل اغراضج واي شي انا جاهز انا جم وصايف عندي
وصايف: خلاص سو اللي تبي انا راضي
فهد: عفيه على بنتي الحلو وصدقيني راح يمديج عندج وقت
وصايف: اوكي
فهد: انزين ماراح تروحين مع امج السوق
وصايف: ليش
فهد: تشترين ملابس للسفره
وصايف: سفره شنو
فهد: مصر ولا انتي ماتدرين
وصايف: صج (( قعدت بحض ابوها )) مشكووور يا احلى ابو بهدنيا
فهد: ههههههههههههههههههههه لا وابشرج بتشوفين ريما
وصايف: ريما يااااااااااااااي والله اني اشتقت لها بروح اراسالها
بعد اسبوعين كالعاده مثل هالسنه ............
السفر حل طاريه
الكل سافر ما بقى الا اهي متلحفه بالكمبل وجنبها كوب كابتشينو وتغير بهل قنوات ملل في ملل مقصره على الصوت لان الجده نايمه حور تفكر
آآآآآآآآآآه يا يبا لو انك اهني جان سفرتني لبريطانيا عند اهل امي امي اللي ما اتذكر الا عيونها الخضره مايله للزراق ياي يا يما مشتاقتلج
تعدلت بقعدتها ها انا ليش ما اسال عن اهل امي ياتر وينهم اهي عندها اهل انا ما اعرف عن امي شي بسأل جدتي بس جدتي ما تعرف شي ياربي شنو اسوي اممممممم عمي فهد اكيد يعرف لان اهو كان يدرس وياه ابوي ببريطانيا بدق على وصايف
وصايف: هلا وغلا بالحور كله
حور: هلا فيج ها شنو تسوين
وصايف: تونا رادين من السوق اسكتي شريتلج بدله تجنن زوووووغه
حور: صج أي كثري كثري من الهدايا
وصايف: افا عليج
حور : شخبار مصر واهلها
وصايف: اقدع ناس دوول يقننو (( يجننو ))
حور : اسمعي
وصايف: هلا
حور: متى تجوون
وصايف: والله مدري ليش فيج شي
حور: لا بس ابيج بموضوع
وصايف: حور امانه فيج شي
حور: لا لا والله بس شي عادي
وصايف: اها لو انج جايه ويانا جان احسن
حور: لا وناسه هني
وصايف: والله مللل
حور (( وانتي صاجه)) : بالعكس تدرين امس زوجج سافر الطايف ويا مها وفاطمه
وصايف: ادري ما يتحمل الديره بدوني
حور: ههههههههههههههههه الا قب ماصدق على الله تسافرين ههههههههههه
وصايف: هههههههههههه حورو وبعدين معاج
حور: يوووو بدينا يلا يلا باي
وصايف: باي
حور : هلا في بنت دبي
ساره: مررررررررحبا الساع
حور: مررررررحبا مليون
ساره : هلا وغلا
حور: ها شلوون دبي
ساره : تجنن تدرين شفنا الممثله ............. ياي تجنن صورنا وياها
حور: ههههههههههه ياحظكم ياخرا متى تجون
ساره: يانعال قريب ان شالله
حور: البيت من دونج وع
ساره : من دوني ولا من دون احم احم
حور: طبعا من دون احم احم وانتي يعني
ساره: ووجع ان شالله انا حماتج
حور: ههههههههههههههههه
اخر زمن انا و الوحده صرنا ربع
وضلت على هل الحال اذا ملت دقت على وحده فيهم ماعندها احد يونسها ولا يلهيها حور وحيده بين اربع طوف لا حد يونسها ولا يلهيها
بعد 3 اسابيع
حور: واخيرا ابيج بسالفه
وصايف: هذا بدال لاتقولين لي حمدالله على السلامه
حور: حمدالله على الف سلامه زين ابيج بسالفه
وصايف: امري
حور: وصايف انا ابي اعرف عن اامي واهلها
وصايف : وانا شكو
حور: شنو اونتي شكو انا ابيج انتي تعرفين
وصايف: شلون ؟؟
حور: تروحين تسألين ابوج
وصايف: اها وليش ماتسألينه انتي مو انا
حور : لان انتي بنته وانا استحي واخاف مايقول لي الصج
وصايف: امممممم انزين شرايج نروح انا وانتي ونكلمه وانا اقوله انه يقول الصج
حور: اوكي
وصايف: بس انتي شنو تبين تعرفين ؟؟
حور: الصراحه انا ابي اعرف كل شي عن امي يعني شلون تعرفت على ابوي واهو كان يحبها وشلون صار الحادث بالضبط وامي عندها اهل وكل شي
فهد: بس وانا عمج ماراح تستفيدين شي
حور: شلون ما استفيد عمي انا براسي الف سالفه وسالفه ابي اعرف منو هم اهل امي
وصايف: يبا تكفا قول كل شي تعرفه واتمني انه صج
فهد: يعني انا اجذب
حور: لا مو قصدها قصدها قول اللي تعرفه
فهد : ان شالله .... شوفي وانا عمج ابوج تعرف على امج ايام الدراسه انا كنت بآخر سنه وابوج بثاني سنه حب امج وامج حبت ابوج صارت بينهم قصة حب حلوه بس انا كنت دايم انصح ابوج انه يوخر عن امج
حور: ليش ؟؟
فهد: لانه توه صغير وامج يعني ما كانت مسلمه ومو كويتيه وابوج قرر يتزوجها وحنا متفقين ان بعد الجامعه نتزوج بس ابوج غير هذي القوانين وانا شكيت ان امج مسويتله سحر بس شكي مو بمحله وبعد قلت يمكن تلعب عليه بعدين ابوج قرر يتزوجها وجا الكويت وجابها وياها وابوي الله يرحمه عصب عليه وصارت مشاكل وردت امج بريطانيا بدون لا احد يدري وكنا كلنا محتارين شلون ردت
وصايف: وبعدين
حور : كمل
فهد : لما عرفنا انها عندها اخت هني تشتغل بالكويت
حور: شنو اخت ؟؟
فهد: أي ولا متزوجه من بحريني وعايشين بالكويت
وصايف : صج
حور : كمل عمي
فهد : ابوي الله يرحمه وافق انه يزوج ابوج من امج بس شرط عليهم انها تسلم وتعيش بالكويت وامج وافقت وتزوجو
حور: وبعدين
فهد: بس هذي كل السالفه
حور: لا بعرف عن اهل امي
فهد: والله ما اذكر الا انها عندها اخت توأم اسمها ميرنا
حور: توأم
فهد : أي وعندها اخو اسمه متعب
حور : نعم
وصايف : شنو
فهد : هههههههههههههههههه لا اضحك اخو اسمه جين وبس وامها وابوها عايشين
حور: وبعد
فهد: بس
حور: انزين عمي ممكن اشوفهم ماتعرف عنوانهم او أي شي عنهم
فهد: لا والله ما اعرف
حور: انزين شنو صار بعد ماتوفت امي وابوي اهل امي ماقالو شي
فهد: يووووه سوو بلاوي كانو يبونج بس امي ما وافقت ورفضت انج تعيشين هناك
وصايف: اوووخ حور لو انج هناك جان علووم كشخه
حور: هههههه وبعد كمل عمي شنو سوو
فهد: رفعو قضيه بس اخسروها بس عيال الحلال كانو دايم يدقون يسألون عليج وللحين
حور: شنو للحين
فهد: أي يدقون على امي ويدرون انج ملجتي حتى خالتج ميرنا عاد تدرين اني شفتها من ثلاث شهور
حور: شنو وليش ماقلتولي
فهد : امي ماتبيج تتعلقين فيهم
حور: لا والله انزين هم ليش ما حاولو يشوفوني
فهد : امي منعتهم بس ترا يوم كنتي صغيره كانو دايم يجون هني
حور: صج بس انا ما اذكر
فهد: يلا انا بروح تبون شي
حور: لحضه ابي اعرف عناوينهم ابي اكلمهم
فهد: اذا تبين تعرفين اكثر اسألي امي ترا عندها كل شي
وخلها واهي مصدومه براسها اساله كثيره تبي لها اجوبه ؟؟؟
وصايف: حور شفيج ؟؟
حور : مصدومه مصدومه يا وصايف
وصايف: انزين شنو تبين تسوين
حور: بروح لجدتني بسألها ليش كل اللي سوته
وصايف: انزين تبين شي انا بروح انام
حور: لا روحي
ياترى شنو بتسوي حور مع جدتها ؟؟
وصايف بتسوي عرس قبل عرس فاطمه ؟؟
ومها ليش ساكته ؟؟
كل هذا بالبارت الجاي
تحياتي شيهانه على كف صقار
اتمني البارت عجبكم 
