كلمۂ تُحًطٌم نٌفُسًيّتُڪِ؟!

[حكايه قلب]

كــــلمه .... تحطم نفسيــــتكــ....... مـــــــآآآهي؟؟؟
الكثير في يومه وفي عمله يسمع الكثير من الكلام
البعض منها شكر وثناء على عمل أديته
وتكون فخور به وتفرح لكونك احسنت العمل
والبعض الآخر يكون جارح ومؤلم
وجميعنا نعلم ان الكلمة الجارحة تبقى ترن بآذن صاحبها
الى يأتي امر الله وينساها
والبعض الآخر لايمكن ان ينساها خاصة
ان كانت من اقرب الناس اليه
كالحبيب .. او الأخ ... او الصديق
يتذكرها بمجرد ان يرى صاحبها امامه
كل يوم وكل لحظة تذكره بهذه الكلمة وبهذا الموقف

احياناً الكلمة تدمرك وتحطمك
كلمة تستحق نفسيتك وتبقى تعاني منها
ربما هي مخطئة في حقك .. ولكنها تبقى كلمة
تكسر ظهرك .. تجعلك تفقد الثقة بمن حولك

كلمة او ربما جملة قيلت في حقكم
وتألمتم لها وتركت اثرها في نفسكم

ماهي هذه الكلمة او الجمله

بأنتظار ردودكم
ودي لكـم :eh_s(8): :eh_s(8): :eh_s(8):

 

[نجداويه نجد]

ـ

جبتيها علي الجرح يعني أنا أذكر مره أخطأت في شي بالشغل مع إني أؤدي عملي بإخلاص لكن قدر الله وأخطأت وللعلم الخطأ مشترك بيني وبين مُديرتي يعني هي اللي وقعت علي المعامله المهم أجتمعت فيني وقعدت اتناقش وياها بالمسأله فقلت لها يافلانه انتي تشوفيني أشتغل بالاخلاص وأكرف وانا من النوع اللي احرص علي الدوام وعلي هالخطأ سويتيي فيني كذا فقالت لي إيه ادري بس شسوي انتي زي اللي يقول الشعره التي قصمت ظهر البعير ...!!! فبجد ذلك اليوم وانا اتحسب عليها الانها قيمتني ظلم بسب هالخطأ,,

لاهنتي علي الطرح

 

[حكايه قلب]

انشاء الله ربي ياخذ حقك منه""ا
يعطيك العافيه ي عسسل

 

[بنت ديرتها]

اكثر كلمه تضيق خلقي

متنانه !!

والله البعض يشوفها تافها بس جد تصك فيني الدنيا

يعطيج العافيه حبيبتي

 

[Velvet Girl]

انا اكثر شي يحبطني صج

يوم اكون وااايد متحمسه على شي ابي احققه بحياتي
و اي شخص اييني و يقولي مثلا ( انتي من صجج عبالج تقدرين ، لا شي تافهه ماله معنى غيريه )

اتحبط ابشكل مو طبيعي

لانه اتحطين شي قبال عيونج و اتشوفينه شي حابته وايد
و شخص يقولج تافه

قويه الصراحه

 

[HoT CHocoLaTE ~]

اذا حد قالي متنتي ؟ كااااااااااك

 

[ام سعود ديكسون]

الألفاظ الغير موزونة
او
اللي يغلط وما يثمن كلامه

واللي متعود في بيتهم علي كلام يعف عنه اللسان
و يسمعج اياه يدام العموم هذا صج يغثج

 

[Ray.Bana =$]

انا عكسكم اذا قالوا ضعفانه اتحطم لأني اصلاً ضعيفه ابي امتن

 

[متى بتعود]

انتي بارده هذي اكثر كلمة تحطمني مع اني موجذي بس اني من كثر الخجل اصير جذي:eh_s(22):

 

[مموريز]

والله الكلمات الي تحطمني كثيرة.
بس اللي تعور قلبي وتحطمني بقوة , لما ابوالشباب يجيني في اخر الاسبوع وهو موداري عني انا وعيالي ويحاسبني على كل شي
ويقول..........................(مصدقه عمرك انت , على بالك انت شي وانت اصلا ولا حاجة, والا مابقى الااشاورك ) انت اصل مين.

اذا قالي كذا.اتحطم وتهتز ثقتي بنفسي.واكرهه كره .
رغم اني اسوي كل شي وساده مكانه.

 

[تُخْفِي غَلَاها]

,’
لا اله الا الله
ليش تحبين قعدت البيت


.,​

 

[غززلان]

اللي يححبطني امي تقولي مغروره وشايفه نفسك ...



















​‏​‏​‏​‏​سُبحّآن آللّہ ۈ بحّمدِه ،
.. عدّد خّلقہ ۈ رضّآ نفّسہ ،
...ۈ زِنـۃ عّرشِہ ، ۈ مِدّآدَ گلِمآتَہُ . .

 

[حلآ الدنيآ]

مــتــنــتــي



:flower:

 

[فيونكه..~!]

لمآ أححد يقولـي [ صآيره متينه ]!

أقععد طول آلووقت أفكر أسسوي ريجيم ..،

بسس آلحين نححفت << تقول قصصه حيآأتهـآ

 

[تعويذة]

...


أولا ً مشكووورة عالموضوع جا بوقته صحيح
معاي وحدة بالدوام دفشة و خبيثة .. و أقدم مني و أكبر مني بالعمر هي دفشة و ما تعرف تسولف يعني بالعربي \
ما تنعطا وجة لا سولفتي معاها .. قامت بدفااشة تعلق عليج المهم أنا رسمية نوعا ما معاها و أميز كلامي إللي أقولـــه لها حلوو ..

أنا مريت بفترة .. مرضت فيها .. و الحمدالله تشافيت نوعا ما بس تغير شكلي ضعفت أكثر من قبل \المهم
هــي دشت علي غرفة الإستراحة معاها رفيجتها و بكل جرأة و دفااااااااااااااااااشة قالت .. إكلي .. طالعي خشمج خلاص صار طويل من الضعف .. أنا بصراحة من الصدمة سكتت .. و حاولت أبين إني مو متأثرة لأنها أصلا كل ما قطت قنبلة تقول شفيج قاعدة أضحك \\
المهم الكلمة ضايقتني صج .. لأني في بداية مشروع تغيير جديد أبي أمتن بشكل صحي .. و أبي أغير من نفسيتي أكثر
فسبحان الله كلمتها رغم إنها طالعة من إنسانة سفيييهه ... إلا أنها وقتها أثرت فيني .. بس أبشركم تجاوزتها ..

مسكتها ثاني يوم مباشرة و قلت لها ما أسمح لج المرة الجاية تعلقين و تتكلمين عني بالهالطريقة جدام الناس ..
لأن بصراحة تعليقاتج ما تطلع و إحنا قاعدين بروحنا .. سبحان الله حدة الإبصـار ما تشتغل عندها إلا إذا صار أكثر من شخص موجود بالغرفة ...


و شكرا يا قلبي عالموضوع


أحس فرغت هههه \\

 

[منو انت]

( كلمه من فتره قالها لي اخوي بنص كلامه معاي مااقول حطمتني لا بس صدمتني لان استغربت انه يفكر بالطريقه هذي )


وبشكل عام احاول قد مااقدر استقبل اي كلمه مهما كانت كبيره على انها صغيره واني احسن واكبر من هالشي لان بصراحه انا من الناس اذا تضايقت او انقهرت امرض علشان جذي احاول قد مااقدر ادلع عمري واهون على حالي كل شي * _ *