كلمتها حيل ضايقتني

[Namlah]

حبيبتي خلج عادي معاها ولاتحسسين من هالكلمه حتى لوكانت مقصوده...ودام انتي تدرين انها تغار منج وتعرفين طبعها ....بس لاتكثرين اتصالات او مسجات ان دقت ردي وان دزت مسج دزي بس...خلج رسميه معاها اذا انتي تضايقين من اسلوبها..
والله يوفقج

 

[kekat kakaw]

بريتي حبيبتي طنشي


يختج الدفاااااااشة مشكلة و انا قاعده اعاني منهاااا مع وحدة تحب تستفزني كثر ماتقدر طبعا كل هذا من الغيرة

احسن شي الطناش على شنو تحريييييييين روووووووووووحج طننننننننننننشي

 

[Ba$ko0oTa]

ما عليه يا قلبي
انتي مبين عليج انساانه خلووقه وتحبين تبدين الخير
كبري عقلج واظاهر اهي عقلها يااهل
انا من رااييي مدام قالتلج قديمه طنشيها
انتي فجي شوي عنها واذا دقت قوليلها والله لاهيه ومن هالحجي
وصدقني اذا بدققين على كل راح تتعبين

 

[مرمر1]

عشان تعيشين مرتاحه لا تكونين علاقات مع ناس مايربطك فيهم علاقات رحم...... خلي العلاقه سلام عليكم السلام . اما مسجات وتشره و...و.....و...... ماراح تفيد والناس لو تعطينهم اعيونج مايبين بعينهم الا من رحم ربي....... ماعليه اذا امرضت او جتها مناسبه لاتقصرين وسويه لله مو عشان ترده لج وانشالله تعيشين مرتاحه

 

[##سبحان الله##]

باين انه عقليتها طفولية

لا تطيحين الميانة وااايد معاها اللي تغار لازم تغث

 

[يمة يادلبي]

انتي حساسة ازيادة عن اللزوم
الكلمة مافيها شي ولاهي مسبة ولا شي

 

[UM^LEEN]

يمكن انتي عشان مو متقبلتها من قبل حاستها كلمة مو حلوة وهي بصراحة كلمة عادية تنقال

نصيحة خلي علاقتج فيها رسمية لاتدقين الا ضرورة ريحي نفسج

 

[Om eL-3a9aGeeL]

انتي حساسة زيادة عن اللزوم

 

[بنات حواء2]

حبيبتي من كلامج انتي عارفتها انها ياهل و الياهل ما عليه حرج تركيها عنج و لا تعورين راسج بس خليج على طيب اصلج و تأدية الواجب و لا تخلين الناس تغيرج لاكن انتي غيري الناس الى سلوكيات افضل

 

[دلوعة حمني]

حبيبتي طنش تعش تنتعش... انت تقولين انها تغار منج من جذي راح تقول او تسوي اي شيء يزعجج عاد انت حبيبتي طوفي و كل ما طنشتي هي تزيد في نارها لين تصير رماد

 

[المـــــها]

حبيبتي سواء كانت قاصدتها ولا لأ ،،

انت احسني النية
ولا تصيرين حساسة زيادة

يمكن حسيتي إنها نقزة لأنج تعرفين طبيعتها و غيرتها ،،
بس أنا أشوف إن كلمتها عادية ما فيها شي ،،

و حتى لو كانت قاصدتها ليش تفكرين تقطعين عنها ؟؟
ما فيها شي هالكلمة

الله يوفقج
و أتمنى إني أفدتج

 

[bambena]

انتي حساسه
الكلمه مو لبقه بس طوفي

 

[ملح بدويه]

انت حساسه وايد

وحاولي تلاقيلها عذر

 

[حامله القنديل]

عديهاا
في ناس تقط الكلمه شكبرهاا.ولاتحسب لها حسساب..!!

 

[Japanese]

انا هالكلمات البايخه ماحبها ،، شنو قديمه ؟!!!

:/ في ناس على انه يمونون عليج يتمادون وايد بالكلمات مثل << وااايد ياسخفج ياغبائج شفيج ماتفهمين والخ

تصير وياي ساعات وانصددددم صراحه !! اتم منتحه ! شالسالفه من صجها ذي تكلمني بهالآسلوب ؟

:/ مدري صراحه اذا تحسينها صج تغار منج وجذي خلها تولي وتموت بحرتها ولا تضايقين نفسج برفجه ناس من هالنوعيه :x

 

[كويتيه شقره]

تكفين عطيني كلمه وحده عشان تقولين ضايقتج !!!

حرام عليج ماكو شي يزعل او يضاايق حبيبتي
انا وايد اقول ويقولون لي شخبااري انتي
من باب الغشمره وليس من باااب الاستفزاااز

هذي وجهة نظري لا اقل ولا اكثرر

 

[العين الكحيله]

احس الكلمه حييل عااديه وما يحتااج تضاايقين
انتى حاولي تكونين علاقتج معاها سطحيه