بارت (1) ..
حديقه مليانه بالورود بينها بنت صغيرونه جميييييييييييييييييييله بمعنى الكلمه ..
بيضه .. عيونها رماديه .. شعرها طويل لي نص ظهرها ونااااعم .. حواجبها عراض شوي شفايفها احلى شي فيها .. وبشرتها تهبل .. جسمها يغري معنا طفله وبعمر الزهور .. واسمها معناته رذاذ وحبات المطر ( رزوف )
رزوف عمرها 9 سنين عاشت يتيمة الاب من اول ولادتها مالقت الحنان الا من يدتها ام امها .. وكانت امها لبنانيه ورزوف وارثه جمالها من امها ..
كانت الأكبر بين خواتها او بالاصح بعدها بس اخت وحده بذاك الوقت كان عمر اختها سنه .. اسمها سالي
للعــلم عايله فقيييييييره حيل ومعروفه بالبنان عن فقرها ..
رزوف : يماا خل نطلع مليت
الام ( وداد ) : يوووه رزوف حدج فاضيه من وينلي فلوس حق اكلكم وشربكم انا زين متحملتكم الشكوا لله روحي بس عن ويهي ..
وهاذي حالتهم .. ام رزوف ( وداد ) قلبها طيب بس عيشتها خلتها تقسي على بناتها شوي .. وطبعا مافي غير اليده الي تحنن قلبها عليهم ..
بعد مرور 6 سنين .. عاشو بفقر اكثر وساءت احوالهم اكثر واكثر ..
رزوف صار عمرها 15 سنه ..
رزوف : يماا انا قررت اشغتل واعيشكم انتي واختي
الام ( وداد ) : خليني افكر
رزوف : يماا حالنا صار زفت مو شايفه الظروف الي نمر فيها ؟
الام : خلاص براحتج روحي اشتغلي ..
راحت غرفتها بدلت ملابسها لبست نفنوف وربطت شعرها وقعدت تتمشى بشوارع بيروت .. لفت انتباهها محل مكتوب عليه ( مطلوب عامله ترتيب ملفات )
دخلت ..
رزوف : السلام عليكم
المدير : وعليكم السلام !! خير حبيبتي فيه شي ؟
رزوف : الصراحه قريت الإعلان وحابه اشتغل ! الله يخليك لاتقول صغيره والله اعرف جربني الله يخليك عيشتي حييييل سيئه
المدير استغرب حيييييل وكسرت خاطره : اممم انشالله لاتحاتين بس بعطيج وظيفه اسهل من هاذي
رزوف : صج !! مشكووووور انشالله بس قولي شنو اهيا
المدير : تاخذين المكاتيب وتوصلينهم البيوت بس طبعا راح تكون البيوت قريبه منها تشمين هوا ومنها تاخذين معاش
رزوف : جم المعاش ؟؟؟
المدير : اممم 45 دينار
رزوف استانست لإنه كانت تحلم بمبلغ اقل من هذا !! : صج ؟؟؟ راضيه يلا وين المكاتيب خل اوصلهم
المدير : تبين نبلش باجر ؟
رزوف : لالا الحين
المدير : يبا روحي ارتاحي فبيتكم بس قبل لاتروحين بعطيج معاش مقدم قزري حالج فيهم
رزوف استاااااانست حيييييل : اوكي
وعطاها المعاش وراحت تشتري بامبرز حق اختها وحليب وشرت اكل حق بيتهم وشالت 10 دنانير هديه حق امها ..
رجعت البيت وبيدها الاغراض الام استغربت وبنفس الوقت استانست ..
الام : رزووووووف !!!!!!!؟
رزوف ركضت حق امها ولمتها : اي يمااا اشتغلت والمدير عطاني معاش مقدم وهذيل اغراض حق سالي وهذيل اغراض حق البيت واليوم نبيج تطبخين احلى طبخه من عندج ..
الام : كفو عليج يا احلى بنت بالعالم الله يخليج لي ولا يحرمني منج
رزوف طلعت 10 دنانير : يما هذيل مني لج سامحيني ادري شوي بس حبيت اعطيج ياهم بيدج واي شي تبينه اشتريه حقج مو حق البيت
الام دمعت عينها وخذت الفلوس ودعت ربها الله يوفق بنتها وين ماتروح ..
انتهى البارت الاول وابي رايكم وااذا شفت تشجيع بكمل .. :>
