كلة مشغول عنى

[نور وشموع]

صباح الخيررررررررررررر


مساء الخيرررررررررررررررررررررر



اخواتى حبيباتى ريلي ماخذ اجازة من الدوام عاد قاعدة احن علية اقول خن نسافر نغير جو حسيت انة مايبى يسافر قلت مابي احنا علية


قلت يمكن علشان مشغول بسالفة اختة زعلانة مع ريلها 0000عقب مانحلة مشكلة اختها قلت لة خن نحجز شالية يومين مو

اكثر نغير قال ماقدر مشغول

انا عصبت ضاق خلقي قلت ليش ماعندك عذر اذا بطالع اشغل مايخلص 000 عقب ماشافنى متضايقة


ونفسية خايسة قال خلاص كيفج تبين تسافرين تبين شالية حجزي

احس خلاص كرهتة السفرة احس اذا ماطلعت من طيبت خاطر مو لازم 000


انتم نفسي بنات تكرهين الطلعة كان قبلها حنة
ا

 

[eman84]

طبيعي ,, بس خلاص دام قالج حجزي انا برايي تحجزين مو يقول هذي تحن وبس !!

عالاقل تحنين وتنفذين و ميخالف وقت السفره او الشاليه راح يستانس بس الحين شوفي يمكن مشغول بسالفة اخته او مضغوط من شي ماتدرين شنو بداخله !!

واجازه سعيده :*

 

[لطوووفه]

يمكن صج مشغووووووووول
بس كلامج عدل الوحده لازم تغير روتين حياتها



انا اقووووول السفره احسن

 

[هيبة ملك]

يمكن عنده مشاكل

خليه على راحته

 

[شنوووفه]

رد : كلة مشغول عنى

قطيييعه هذوول الريااييل لو رفييجه داق عليه وقايله خنسافر جان ركض وحجز
دام قالج حجزي حجزي وروحي واستانسي :>
وانشالله تستانسوون موفقه

 

[حرم_طيار]

رد : كلة مشغول عنى

عليج بالعافيه السفرة حبوبه

روحي سافري و استانسي و غيري جو

 

[بنت فينا]

انا بعض المرات اقول حق ريلي خل نقعد بكافيه يقولي لا مو اليوم اقوله ليش يقولي اليوم زحمه (يقصد الويك اند)

واذا شافني تضايقت يقولي خلاص لبسي خل نطلع لكن ها عالسريع سامعه؟

اقوله اي انشالله هههههههه طبعا اكون مضايقه من اسلوبه بس داخل قلبي اقول انا اللي مشيت كلامي بالنهايه هههههه
ويوم عن يوم اذا شافج ما تندقرين ماراح يقول لأ << سألي مجربه هههههههه وبالطريج اذا سولفنا شوي تتغير النفسيه :eh_s(15):

المهم امشي كلامي عليه ما اخليه دايما يقول لأ خوفج باجر يتعود عليها ويقولها بمبرر ومن غير مبرر

فا انتي يا حلوه قومي طيران دوري حجز وسافري اسبوع غيري جو وصدقيني اذا سافر معاج بيقط همومه كلها ورى ظهره وهوا بعد بتتغير نفسيته وبيغير جو معاااااااااج موفقه

 

[miss-winter]

لا عادي اغلب الرياييل جذي بس قالج حجزي خلا حجزي

 

[دانة الدنيا1]

سااافري وغيري جوه واستاااانسي وشكريه وكله مدحيه مو تقوليله ايه انا قتلك خنسافر شفت شلون استانست لو مو سامع كلامي جان تحسف لالالا تتمنين عليه خلاص اهو كان مشغول وتدرين كل الرياييل جذيه مايوافقون من اول شي لازم شوية حنه عشان الموضوع اللي تبينه يمشي استانسي معاه وخليها احلى سفره عشان مره ثانيه يسمع كلامج ويعرف انج راعية وناسه عشان يحس بوناسة الاجازه اوكييييي حتى لو رحتو شاليه وطيرييه بالسما جدام اهلج لو ما اهوا وهذي فكرته ويعطيه العافيه سوي جنه الموضوع من اختراعه عشان ترفعين اسهمج عنده ويسوي كل اللي تبينه لانه الريال يحب المدح مو التدقر واحنا ماشاءالله كلش مانحب ندقر ههههههه
موفقه حبيبتي وهاف فن مقدما

 

[@ام ضاري@]

رد : كلة مشغول عنى

الحنه لابد منها ياقلبي انا وحده من الناس ماحب الحنه

اخلي عيالي هم اللي يحنون ع ابوهم عشان يقتنع ولا يسكر بخاطرهم

انتي الحين اخذتي الموافقه منه اذا بعد حنه اولا خلاص طلعي غيري جو منتى خسرانه شي

لاتقولين طابت نفسي بعد الحنه وافق هذول الرجال جذي

 

[قلبي سلومي]

يمكن يفكر بشغلة ثانية يمكن مشاكل
انتي حجزي للسفرة او شاليه
واستانسي وونسيه

 

[Un-6be3iya]

انا من رااييي سفرة أحسن لان لو حجزتي شاليه يمكن احد يرز ويهه و ايي معاكم
شوفيلج سفرة حلوة و قريبة يعني البحرين ولا دبي ولا قطر منها تغيرون جو و تكسرون الروتين
وصدقيني عقب مايسافر ويغير جو ويستانس بيقولج ياليتني انا الي حنيت مو انتي : )

 

[روح مغليها]

سافري واذا سافرتي سووي حركات وخرابيط ودلع وونسيه

 

[انتظر حبه]

انا لو منج علي طوووووووووووول احجز احجز

 

[كتكات احمر]

رد: رد : كلة مشغول عنى

قطيييعه هذوول الريااييل لو رفييجه داق عليه وقايله خنسافر جان ركض وحجز
دام قالج حجزي حجزي وروحي واستانسي :>
وانشالله تستانسوون موفقه

اي والله :nocommint:

 

[انا مو هني]

انتي علميه ان لازم تطلعون شاليهات وفنادق وسفرات حتا لو انتي جم مرا تحجزين له وتفاجئينه
وبعدين اهوا راح يتعود

 

[نور الكوثر]

انا اقول حجزي شاليه دام رمضان مضايق او سافري بو اسبوع غيري جو

 

[(100%)]

انا نفس طريقتج اذا مو من طيب خاطر ما احب