كلام زوجي صدمني ?

[حمووشه المطيري]

بنات قررت اني ما احاجيه بانستقرام مابي قلبي يعورني لاني صج
تضايقت من كلامه يقول كلام ما يقول لي انا بالذات اصلن ف قلت بتركه فوق نفسيتي زفت وازيدها طين بله
الحين اللي عمره 24 لفوق صار مراهق والاقل تلقينه عقله اكبر من عمره

 

[شادن33]

صح كلامج لا اتابعينه ولاشي وخليها على الله حبيبتي

 

[أم حسوون]

السلام عليكم

أنت غلطت من البداية وقعدتي تفتشين بتلفونه ، التجسس حرام ، وبعدين شلش بعوار الرأس ، ولا تحاولين تكلمينه بالإنستجرام ، ما حد راح يتعب غيرج ، يمكن زوجج ما في باله شي وعادي عنده ويتكلم بأشياء عامة ، وفعلا هالبرامج خلطت الأمور وصار الحلال مختلط بالحرام أعوذ بالله وقاموا الحريم يناقشون الرياجيل بهالبرامج ، على أساس حرية وهذا الشر بعينه وعلمه ، وأنت اهتمي بنفسج وراحتج النفسيه وحاولي لا تتعبين نفسج خصوصا أنج حامل وقومي بواجباتج وعامليه زين وراح تكسبينه إن شا الله.

 

[هيبة ملك]

بعدي عنه وعن برنامجه وكانج ماشفتي شي

كل شاب له هفوات عطيه فرصه ولاتخربين بيتج بيدج. طيعي شوري

وهذي فتره وتعدي كل الناس منهبله ع هالبرامج

 

[Dream2013]

نفس مشكلتي سبحان الله
كأنج توصفين حياتي مع زوجي ، غامض مايتكلم
بس ساكت ، و كل واحد بصوب مايدري عن الثاني
الله يعين بس

 

[حمووشه المطيري]

ام حسون انا ما غلطت بشي اهو يفتش فوني من وراي ومرات ياخذه مني فجاه وما تبيني افتشه من حقي زوجته وبعرف عنه مرات انصدم من شغلات بالمحادثات يحاجي ربعه ولا اهله شغلات انا ما اعرفها
وانا ببعد عن البرامج لاني لو احاجيه فكرت اني ماراح استفيد شي لاني منقهررره

 

[Dream2013]

و ترا نفس الشي
كلهم بالبرامج يقولون انا مو سعيد
ماعندي احد يفهمني مو لاقي احد يحبني
كلام يتصيدون فيه مو اكثر

 

[حمووشه المطيري]

Dream
شنسوي الشكوه لله عاد زوجي غير شكل الحين ينام ويقعد بوقت اللي انام فيه ولي قعدت انا راح نام
كل واحد نومه بروح قسم بالله ما ااحس بطعم الزواج الحمدلله ع كل حال الله يجازي صبري عليه

 

[Dream2013]

اي و الله نفس كلامي
مو حاسه اني متزوجه
الله يفرج همنا و يسخرهم لنا

 

[جامعيه طموحه]

حبيبتي تركي عنج سالفة البرنامج والمراقبه انتي بفترة حمال نفسيتج ﻻ تتعب بزياده
وصح بعض البنات قالو حبي نفسج يحبج واهتمي بنفسج لنفسج

ترى له حق انها تهتم فيه لنفسه ﻻنها تحبه ولها حق انه يحس ويبادلها

شلون بيبادلها وهو ﻻهي عنها؟ ﻻزم تشغله

ابسط اﻻشياء شغليه بشغﻻت الطفل مﻻبسه اسمه لو ولد قوليله اتمنى يطلع نسختك حبيبي ومن هالسوالف ناقشيه وخلي لسانج ينقط عسل كل كلمه والثانيه حبي حياتي دلعي اسمه

تقولين له هد فونك وكلمني بيعاند حبيبتي ﻻنه انا لمن اهلي وﻻ رفيجاتي يقولون هدي الفون اعاند ﻻ إراديآ

انتي المفروض تعرفين طبيعته وشلون تجذبينه اول شي اسعدي جوج ترى بينعكس ع ويهج وبالتالي بينعكس عليه ويستانس

طلبي منه يسويلج مساج تدلعي قوليله حبيبي ظهري يعورني
فرفشي الجو خليه يطلعج قوليله بعيد الشر عنج بروح دكتور وجذبي وعقب ما تطلعون من الدكتور قوليله حبيبي ﻻ نرد البيت خنروح فﻻن مكان بس مو تروحين جمعيه اخر شي اذا تمنع قوليله عفيه حبيبي ودي اطلع معاك بخاطري
وترى ﻻ يا الياهل بسﻻمه بينشغل فيه عاد لعبتج هني بالتغيير فترة النفاس

وبدعيلج بصﻻتي يارب يبعد عن هالبرامج ويسخره لج

 

[جامعيه طموحه]

اي ونسيت بفترة انه ينام بغير وقتج تدلعي وﻻ قوليله ماني عارفه انام وانت مو يمي واغفي بحضنه غصب طيب هههههه انتي ﻻزم تبادرين طالما هالبرامج قام تسحبه سحبيه انتي مو تنطرين ﻻ شبع ويالج

 

[حمووشه المطيري]

والله الرجال لو تبنين له ذهب ما ينفع معاااه

خليها على الله بسسس