كلام زوجي صدمني ?

[حمووشه المطيري]

قوووه بنات ،،


بدش بالموضووووع وربي محتارة يا بنات

المهم مره من المرات زوجي كان يمي طبعا ماسك الفون ويلعب اهو جذي من تزوجته
وانا لهيت وشفته وانه نايم وتليفونه مفتوح اهو نووووومه ثقيل هذا احسن ما فيه لوووووووول ،
جان اسحب الفون منه والا اشوووف الصدمه منزل برامج بالرينقو انستقرام دخلت ع اكوانته بالانستقرام وحفظته عندي ورديت الفون بمكانه بعدها نزلت الانستقرام وضفته وقام يعطيني لايكات ويعلق ع صوري طبعا صوري رمزيات مو شغلات خاصه اي وشفت البرايفت عنده يحااجي بنات وانا انقهرت حدي والمشكله كاتبلي تعلق انا فقير حب وانا رديت عليه شنو يعني وكتب انا مو لاقي شخص يفهمني عدل تخيلو انصدمت بنات شنو اسوي اكلمه ع اساس اني مو انا او اواجهه بصج سنتين زواج واحسه بعيد عني

 

[جامعيه طموحه]

هالبرامج والتكنولوجيا نقمه

بس الخطا كله ما يقع عالبرامج والزوج شوفي شنو الي وصله لهاﻻمور من خﻻل تصرفاتج معاه وانتي بنفسج تقولين بعيد عني هذا وهي بس سنتين يعني توكم لو مرت 10 سنين شبصير !

بدال ﻻ تصارحينه وتصير مشكله اكبر حليها بذكاء وخليه هو من نفسه يبطل هالسوالف ﻻنج لو صارحتيه اول شي بيقلب عليج سالفة (ليش تفتشين بتلفوني ) وباﻻخر تطلعين انتي الغلطانه وماستفدتي شي وحتى لنفترض تأسف بيتم فتره عقبه يرد ويطون حريص اكثر عشان ما تكشفينه

انا اقول تقربي منه وجددي حياتج الزوجيه توكم باول الطريج شوفي شنو يحب سويه حرام تصير مشاكل بينكم وفتور بزياده من اولها قغدي تكلمي معاه سولفي بدون ما تحنين ضحكيه ريلج وانتي ادرى من عندنا شنو الي يخليه يقرب منج سواء نيولوك وﻻ اكله وﻻ سفر او مفاجأة او جورومانسي ومساج

وخليه يحب سوالفج ويقرق معاج شغلي وقته مو تقعدين يمه واهو ماسك الفون لو رحتي نمتي مادرى عنج ! انتي الي ممعطيتهفرصه يمسك هالزفت ويجابله وينشغل عنج عزميه بيوم وﻻ طالعو فلم مع بعض تحرشي فيه واهو قاعد مو عيب هذا ريلج مع الوقت بتﻻقينه تعود عليج وتعلق فيج كل ما شفتيه مسك الفون سولفي معاه وﻻ حضنيه وﻻ سوي اي حركه طبعآ مو بدفاشه ﻻ بنعومه ومع شوي كﻻم حلو بتﻻقينه هد كل شي وانشغل فيج اهتمي بريلج يهتم فيج

والله يسخره لج

 

[حمووشه المطيري]

حبيبتي مشكووووره ع الرد والكلام الحلووووو

والله كل شي اسويه له بس مشكلته ما يسولف معاي لما اسولف معاه احاول اجذبه بشي مني مناك ما يعطيني مجال طبعه غمووووض صعب اعرف شخصيته شنو اهي ولما اتقرب منه يقوول بعدي مالي خلق يعني عباله اني ابي ،،،،،،، فهمتوا وانا ماحب احد يكسر فيني فا ما اقررب له والله قبل لا نتزوج ايام الملجه شحلاته معاي كل شي نقوله لبعض كان تصرفاته غيررر حتئ بعد الزواج من حملت تغير مرات ادزله اشعار يرد لي شكرا كاني صاحبه ، يعني لا صرنا مقصرين يروحون يسون الحرام وانا حلاله ليش ما يتقربون لنا انا تغيرت معاه لانه صارت مواقف شكثر مابي اوريه اني اموت عليه وانا لجئت لكم ابي حلووووول ابغير من روتين الزواج الفاشل اي واهو من يقعد يطلع براااا ما يجي الا اذا يبي ينااام هالشي اللي مخلي بينا فاصل

 

[نونه المنكوشه]

قعدي معاه قعده حلوه وصارحيه بكل اللي تبين موأنه شفتي تلفونه وجذي لاراح يقلبها عليج قوليله إنت مقصر وماتدري عني ووووو كل اللي بقلبج قوليه ودزيله مقاطع دينيه ع التقصر بحق الزوجه وشنو عقابه ههههه أدري ماينفع فيهم بس لعل وعسي وبعدين لاتنطرين منه شي أنتي بادري وأنتي عيشي إذا ماتجاوب نفشيه وطلعي كل شي إنج شفتي بصدفه بس لاتقولين تعبث بتلفونك شدي عليه طبعا قبل كل هذا أنتي أتعرفين زوجج شنو الأسلوب اللي يمشي معاه الشده أم المساحل والنصب والإحتيال مادري إذا عندج عيال أو لأ إذا ماعندج يمكن بعد العيال يتغير الروتين وأهوه يتغير يعني يخونون وبعد نفسيه ومالهم خلق مادري ليش يتزوجون الله يسخره ويهديه لج ويصلح مابينكم

 

[بمبة المفترسة]

كلميه بالانستغرام شوفي شنو ناقصه وسأليه انت متزوج ولا لا تحب زوجتك ومن هالكلام

 

[ابدا يالغالي مانساك]

لا يبههه غلططططط لتكلمينه ولو عرفج راح يشك فيج بعدين لعترفتي لو انو انتي انا اقوول فتررة وبيتركوو الحين هبة كل الشباب هالبرامج وبيتركونها الله يسخره لج ويخليه لج

 

[بنوته ستايل]

سوي الي عليج لاتحملين نفسج فوق طاقتها يعني الي تقول كشخي له ولبسي له وتمكيجي له وسوي له وعطيه ووكليه وشربيه لااااااااا كل هالاشيا سويها لنفسج اول شي انتي اذا حبيتي نفسج اول هو راح يحبج ونصيحه سكري هالاكاونت وانسي اكاونته ولا تشوفييين شي لان محد بيتعب غييرج نفسيتج راح تتعب ع سوالف مراهقين مرده بيكبر ع هالشغلات وبيعقل عشان جذي لاتعبين نفسج ولا تضايقين عمرج ادعي له بالهدايه وسوي واجباتج الزوجيه ع اكمل وجهه وبيض الله وجهج ترا مو ملزومه تشبيت له اصابعج العشر شمع عشان يترك هالخرابيط لان ماراح يتركهم الا لما يشبع من هواه ومثل ماقلتلج سوالف مراهقين مرده بينضج ويترك هالشغلات ويلهئ بمسؤلياته بس اهم شي انتي هالاشيا لاتشوفينها لان المرا تسامح بس ماتنسا هالاشيا تجرح وتعور قلب كل مرا غمضي عيونج عنها وعيشي لنفسج وللبيبي الي جاي بالطريج لاتغثين عمرج ع نزوات شيطان ...

 

[م.الحمد]

لاتقوليله ولاتكملين معاه بالانستغرام
بس حاولي تقربين منه وتعطينه اهتمامج حتى لو اهو بعيد قربي منه
والله يهدي سركم

 

[حمووشه المطيري]

والله بنات هوووو كله طالع وين اقدر اصارحه اذا يبي يجيني يا يكون نعسان او يلعب بفونه واكلمه اقوله اترك الفون سولف معاي بس جني احاجي طوفه هذا اللي يغثني ماا اضغط عليه بنات تخيلو تسولفون لاحد وهو ساكت بس يقول اي اي شلون تعرفين تسولفين اللي الرجال يحب يفكر بعقله ما يحب السوالف ف جذي مرات اخليه ع راحته واطالع التلفزيون وتبون الصراحه الحمال مغير نفسيتي صايره مالي خلق لنفسي حتئ لبس مالبس كل الملابس ضيجات علي وتعرفون تعب الحمل مالي خلق لشي �� قااعده افكر بعد النفاس اغير من شكلي كله واحاول اغير الروتين وان شاء الله يتغير

 

[دانة_ دبي]

سوي اللي يريحج
بس نصيحة نصيحة لا تعترفين له انها انتي


انا ما بقول انج مقصرة ان شاء الله ما تكونين مقصرة
بس ما على خلج معاه و حاولي تكسبينه

 

[ميمو الشماليه]

انا اتفق مع دانة دبي

 

[نعم نعم شنو]

حبيبتي نصحيه ادعي له بكل صلاتج انه ربي يسخره لج والله الدعاء مثل السحر ما تتخيلين شلون مفعوله عجييييييب

وتصدقي وشوفي شلون حياتج بتتغير

وعلى طاري سالفتج اكو وحده مثلج بالضبط كانت كاتبه مشكلتها هني تدرين شلون حلتها ؟؟؟
قعدت تسولف معاه وعرفت شنو الي يحبه وشنو الي ما يحبه وكانت تطبقه بحياتها اليومية معاه وصارت حياتهم احسن من قبل
خليج ذكيه وطبقي كيد النساء هههههه الحذر ثم الحذر انج تعترفين له انج انتي
مو انتي تقولين غامض يعني اي سؤال بخاطرج سئليه

شوفي بعد البوصلة الشخصية راح تتعرفين على شخصية ريلج اكثر

دخلي هالموضوع واقريه كامل راح يفيدج وايد

http://www.q8yat.com/t279878-2.html

بالتوفيق حبيبتي

 

[دايم على البال]

مادري شقولج غير الله يفرج همج ويسر لج امرج

ويهدي زوجج ويهديج يارب

كثري استغفار وادعي لربج انه يشرح صدره

انا مع جامعيه طموحه كلامها عين العقل
لا تقولي له انج طحتي عليه وانج تكلمينه راح يشك فيج وتخربين حياتج بيدج
خلج معاه بالانستغرام وشوفي شنو يحب ويكره وطبقي بالواقع
الله يسهل عليج ولادتج
مادري هالرياييل صايرين بيزه يخربون ومالهم خلق زواج

 

[مـهـاآ]

اااب

 

[مظلومة حيل]

مع دانة دبي

ان درا راح يشك فيج
حاولي تنسين و ان شالله مردة بينسا واجهيه انة يكلم بنات امسكي فونة قولي بشوف شغله بالاعدادات وافتحي البرنامج قدامة و صارحية

بس لا تقولين له انج كلمتيه واهو ما يدري

وعسالله يسخرة لج يا رب

 

[ملامح بريئة]

عادي زوجي عنده تويتر وانستجرام وماعرف نكه ولا ابي اعرف ومع اني مرة سالت وقال كله بالاشياء اللي يحبها بر ومابر وهذي فتنه اخر الزمان اللي كل بيت تدخله التكنولوجيا وصدقيني البرامج هذي حذفت الحياء سواء من الحريم او الرجال لان صارت الوحدة تضيف مسؤولينها بالدوام وزملاء العمل ويعلقون والله قمة العيب والمتزوجات بعد بعضهم من الفراغ النفسي لان الكل لاهي بايفونه تلقينها تسوي اكثر من حساب تاخذ حريتها وتضيف اللي تبي وتعلق فشلون برجل وبالعقل هل اللي بيشكيلها بتكبر بعينه اقل شي مكلمة رجال غريب ماراح يحترمها ولاتهدمين بيتك عشان برنامج الفتن انتشرت بشكل مو طبيعي وحاولي تقللين من قيمة هالبرامج وسخافتها عنده وانها مالها فضول عندك

 

[ملامح بريئة]

والله بنات هوووو كله طالع وين اقدر اصارحه اذا يبي يجيني يا يكون نعسان او يلعب بفونه واكلمه اقوله اترك الفون سولف معاي بس جني احاجي طوفه هذا اللي يغثني ماا اضغط عليه بنات تخيلو تسولفون لاحد وهو ساكت بس يقول اي اي شلون تعرفين تسولفين اللي الرجال يحب يفكر بعقله ما يحب السوالف ف جذي مرات اخليه ع راحته واطالع التلفزيون وتبون الصراحه الحمال مغير نفسيتي صايره مالي خلق لنفسي حتئ لبس مالبس كل الملابس ضيجات علي وتعرفون تعب الحمل مالي خلق لشي �� قااعده افكر بعد النفاس اغير من شكلي كله واحاول اغير الروتين وان شاء الله يتغير

نفس الحالة كلهم جذي ههههههه

 

[مارياq8]

ما فيه احلى من المواجهه واجهيه

وخليه يحس بغلطته وانه يدور ع شي موجود بيته ومراه تصونه وتحبه

وع فكره مهما سوينا حق ريايلنا خير ومحبه ما يبين فيهم
(وجهة نظري)

 

[$كشوخه$]

لا تحممملي تواجهينه اكبر غلط راح تفتحين لنفسج باب ثاني

اول شي تسوينه حبي نفسج وانشغلي فيها .. بآيام الملجه كان غير لانج كنتي بعيد عنه وماتجمعكم غير مكالمات وكان فيه فضول يعرفج .. الحين كل شي جدآمه وقل اهتمامه .. الحل انج تحبين نفسج وتسوين اللي يسعدج انتي

سويلج خلطآت جسم وشعر .. اهتمي بنفسج .. خليج دوم مبتسمه ومشغوله بآي شي تحبينه .. صدقيني هو اللي بيجيج يبي يتكشف شفيج

واذآ حابه تكملين معآه بانستقرآم كملي بذكآء لا تخلينه يصيدج .. شوفي الآشياء اللي فاقدها ويبيها .. وانتي سويها بطريقه غير مباشره

 

[um_3l7lwen]

اقووول انتي مراح ترتاااحين ولا راح تتقبلينه لانج شفتي بعيينج
فنصيحه من مجربه وطايحه بالموقف وااااجهيه وقوليله انج بالصدفه شفتي ولا نيتج تفتشين
بالهداااوه شنو قلناا بالهداوه اما اذا بتجينه بصيحه بهدج ويمشي وانتي تحترين
ولاا تبجين خليج قويييه نصيييحه