كلام ام فيصل مو مقنع؟بليز دخلو

[مع الخيل ياشقره]

السلام عليكم

بنات اليوم رحت حق ام فيصل بجابر العلي

قالت انتي مافيج شي بس اللي فيج ماي الرجال عندج ينزل مايقعد؟؟؟؟؟؟؟؟؟؟؟

قلت ليش جان تقول البويضه ماتسحب الحيوان المنوي حدي استغربت من هالكلام

بنات هل معقول عرفت كل هذا بس من حطت ايدها علي بطني؟؟

انتم شنو رايكم

 

[*سبحان الله*]

وجه نظر ليش لا ياما حريم تعالجوا

 

[توكلت على ربي]

انا من السعووديه وماعرفهاا ام فيصل الله يستر عليناا وعليهاا


لكن ترى بعض الحريم المعالجاات يعرفوون اذا في تبويض او لا من مجرد ماتحط ايدهاا على البطن


انا وحده مرختني ولما حطت ايدها على بطني قالت سليمه الحمد الله مافيك شي بس الرحم خفيف عندك وعطتني للهوماات تقول انهاا تقووي الرحم بأذن الله
والله يتمم على خيرر ويرزقناا الذريه الطيبه المبااركه

 

[chanel N22]

عسى ربي يشافيج ويرزقج يارب

 

[*ماي الورد*]

انتي قاعدة تردين على نفسج
خليها على الله
و روحي عند دكتورة ثقة

 

[madam_cake]

والله مادري ؟؟

حبيبتي الله يرزقج ويرزقنا الذرية الصالحة ياارب

 

[bint_al8omar]

انا سبق وقلتلج بنت خالتي راحتلها وقالتها مافيج شي ومانفعتها بعدها راحت لام مفلح وماشالله حملت من اول شهر
والرزق من الله سبحانه الله يرزقج يارب الذريه الصالحه

 

[القلب المجروووح]

اهلين ياقلبي انا صراحه من السعوديه ولااعرفها الله يستر علينا وعليها

اذا كنتي تعانين ان ماء الرجل ينكب على طول انا اعاني من هذي المشكله ولما رحت لوحده طب شعبي قالت معك قرينه وهي الي تمنع دخول المني الى الرحم واعطتني علاجات ومازلت عندها ادعي لي فديتك

حبيت والله افيدك الله يرزق كل محروم ولاتخافين يمكن مايكون عندك مثل ماعندي

 

[دنياالوله]

خرااااااااااافات
وخرابيط
بس يبون يسحبون فلوس على الفاضي
شنو ايدها اللي حطتها سونار
حبيبتي هذا نوع يديد من التجاره
يستغلون حاجتنا للحمال
انا افول هالكلام من تجربه
انا رحت لام سعد بالصليبيه
تعالج
طلعت فيني عيوب الدنيا
التصاقات والرحم ضعيف مايشيل يهال
وخرااااابيط
وطلبت مني 2800 دينار عشان تعالجني
وعقب التحاليل طلع المشكله في زوجي
مع انه الاول المشكله مني
كان عندي ضعف شديد

 

[خشف بدو]

حبيبتي الحريم عندهم خبره وخصوصا ام فيصل ماسمعت احد يذمها وانها مو استغلالبه وماتاخذ منج فلوس واجد...

 

[~ذات السُبحه~]

هلا حبيبتي
انا سويت استخاره يوم اروح للحرمه الي مرختني
وبعد مامرختني قالت لي مممم
ان حركة الرحم بطيئه
ومادري شنو يعني ؟؟
وعطتني اعشاب وتحاميل ملح
وبخار للارحام
وتوكلت على الله وسويتهم
والله اعلم صحيح كلامها ولا موب صحيح
والله يرزقنا جميع

 

[TeAcHeR_BeZaRiN]

نعم!!

البويضه مو مغناطيس عشان تسحب المني !!

شوفي اختي انا كانت عندي نفس المشكله وعالجت عند ام مالك بالجهرى صج تعنيت لها بس ولله الضنى يسوى حملت من ثاني شهر وبعد ماولدت حملت مرة ثانيه على طول بعد النفاس والحين انا على ويه ولادة ادعيلي

لله يسلمج اهي فحصتني طبعا من برة صوب الرحم وقامت اتفقص وجذي فقالت لي بروحها انتي الماي ينكب منج كله صح ! قتلها اي

وكان تفسيرها انه الرحم عندي مايل او مجفوس عنق الرحم ما فهمت بالظبط بس تفسيرها كان منطقي

وهم قالتي كذا شغله وكلها كانت في محلها

قالت اني رحمج طافح الدورة ما تنزل عليج الا جم يوم وتخلص وفعلا دورتي كانت 7 وصارت 4 ايام بس

وهم رحمي في هوى وهم هذا كنت احس فيه

وقالت انه جبدي ثقيله من اكل الدسم ولا زم انظف جسمي من داخل

وكل الي قالته كنت احس فيه فعلا ولله الحمد مثل ماقالت بعد ماعالجتني قالت اذا ماحملتي هالشهر راح اتحملين الشهر الي ورا وهذا الي صار عالجتني ويتني الدورة تكرمين 10 ايام طلعت كل البلاوي الي في رحمي وتالي حملت مباشرة

وخذت مني وقتها 100 دينار بس الحين اتعالج ب150 لان الاعشاب ارتفع سعرها عليها

جربيها اختي وان شاء لله على ايدها بتلقين الشفى قادريارب يا كريم

سوري قرقت عليج وايد

 

[اشتياق]

نفس الكلام اللي قالتلي اياه لمن رحتلها

ام فيصل جابر العلي تحت بالسرداب مو جذي؟

المني ينزل ومايقعد والدورة اتييج لونها اسود وفعلا كانت صاجه

بصراحه ماخسرت شي اشتريت ادويتها ب40دينار اول زيارة عسل ودوا الكبسه وكاسات هوا

الثانية دوا الكبسه بس

الزيارة الثالثة عطتني تحميلة(عبارة عن مره) جنها فص تمر تحميلة وحده صغيييييره بس وقالتلي ببلاش

الزيارة الرابعة مارحت لها رحت لماجد الشمري وبعد فحص الانابيب والكلوميد والتفجير حملت لله الحمد نفس الشهر يعني انا بديت عند ام فيصل شهر 12 وقالتلي لاتروحين اطبه ولا شي نهائيا وبشهر 2 ماقدرت اصبر ورحت للدكتور ماجد

وحملت شهر 3

مرات اقول يمكن علاجها +علاج الدكتور سوا معاي شغل زين لان اعشاب اذا مانفعت ماتضر

وهذي اسباب وربج الرزاق

 

[الزيزفونه]

هم انا بعد اراجع صارلي ثلاث سنين من دكتور لدكتور وكل تحاليلي سليمه هالشهر اختي حنت الا اروح حق ام محمد الرشيدي ورحت لها ثاني يوم من الدوره قالت نفس الحجي هوا وتكيس على الرحم ومايل بعد وخذيت منها علاج واحس كلامه صج لان الدوره صارت تجي علا يومين وثلاث والماي الزوج كله ينزيل وهي اكدت على اكثر وكنت ناويه اسوي عملية حقن المجهري هذا الشهر بس هي قالت لا تسوينها ماراح تنجح بسبب التكيسات على الرحم بعد ثلاث شهور على الاقل وقالت معلومه ان كثر الابر والمنشطات تسوي تكيس

 

[bnt_kwt]

مع احترامي لكل الحريم اللي يعالجون
ومع احترامي لكل البنات اللي يراجعون عند حريم

انا اختلف معاكم بالراي ما اعتقد فيهم نهائيا ولا اصدقهم
انا اعترف بشي واحد العلاج بالقرآن والرقيه الشرعيه
واعترف بعلاج الاطبه وبسسسسسسس
غير جذي ما يدخل مخي

يعني الدكتور يفحط ويدرس سنين وسنين وسنين
ما يفهم شي واتييج مره بس تحط ايدها على بطنج اتشخص خالتج من الالف الى الياء ؟

شي ما يدش المخ

بالنهايه هذي وجهه نظري الشخصيه واختلاف الاراء لا يفسد للود قضيه

 

[Coffee-Girl]

حبيبتي انا دايما الماي ينزل مني كله ولما قلت لدكتور قالي ماله دخل اصلا حيوان واحد بس الي يتصل مع البويضه مو كل الحيوانات

والحمدلله حملت ويبت بنوته عسسسسسسسسسسل الله يرزقكم جميعا

 

[دنياالوله]

وجهات نظر
والاختلاف بالراي لا يفسد للود قضيه

 

[كويتية ورديه]

ياحياتي اتركي عنج الجريم وهالسوالف .. خلج على سورة البقره وراجعي الطبيب افضل لج وحسب كلام دكتورتي ان لازم شوي ينزل منج الماي مو شي غريب هذا حيوان منوي واحد بس يكفي يلقح البويضه

 

[مع الخيل ياشقره]

تسلمون علي الردود

شوفو شنو سويت بعد مارحت عند ام فيصل شكيت شوي بكلامها جان اروح حق ام ملفي هذي من بعد الله سبحانه احملت

خالتي عندها المهم جان تقول انتي عندج ضعف شديدددددددددددددددددددد؟؟؟ والله مادري ابجي ولا اضحك وحده تقول ضعف

ووحده تقول عقم مؤقت؟:0bee2e8d89:

 

[كويتية ورديه]

ياامي ياحبيبتي تركي عنج الحريم انتي ليش مصممه انج تروحين لهم ... روحي عند دكتورج اهي تشوف تبويضج ويبين عندها كل شي بالسونار واذا عندج ضعف في منشطات تخلي بويضتج بحجم المناسب .. الله يهديج بس ..تركي عنج هالخرابيط وكشفي عن طريق السونار وسوي فحص الدوره يوم 21 شوفي هرمون المسؤول عن التبويض اهو يحدد فيج ضعف ولا تبويض قوي ..