كفر العرس ( بسرعه بنات ) الله يوفقكم يارب

[يمنعني الحيا :(]

السلام عليكم

شلونكم يا احلى عرايس ؟

بنات ابي افصل كفر العرس عند مشغل من مشاغل الحريم الديباج مع كوشياته و تلبيس سلة زبالة تكرمون و علبة كلينكس و سلة ملابس و قالت اذا تبين اباجورة بعد اسوي لج و معاه ناموسية

اشرايكم اسوي جذي و لا تحسون اوفر ؟؟

على فكرة نظام الديباج فيه نثر شوارفسكي و ترتر و طبقات تحت مثل الكشكش

فهمتوا ؟؟؟

طبعاً لونه افوايت بذهبي

و سعره بـ100 او 110 د.ك


شرايكم فكرتي اوكي و لا انا غلط ؟؟؟؟؟؟؟

 

[السنافيه]

السالفه واضحه انها دعايه موباقي الا تحطين الرقم وتخلصين

 

[يمنعني الحيا :(]

رد : رد: كفر العرس ( بسرعه بنات ) الله يوفقكم يارب

السالفه واضحه انها دعايه موباقي الا تحطين الرقم وتخلصين

اسمحي لي حياتو لا ارادياً تحسبت عليج

يعني بفهم عقلج العبقري هذا اللي قال لج ان هذي دعاية ما قال لج اني ما ذكرت الاسم و لا ذكرت حتى بأي منطقه ؟؟ و ما قال لج ان شلون اقول عنه اوفر و لا لا ؟؟

لنفرض ردت وحده من البنات و قالت وييييع مو حلو وايد اوفر جذي راح تذم و يطلع مشغلي عشتو اللي بسوي له دعايه يطلع دفش !! و راح ينحاشون باقي البنات !!

و بعدين يا ماما انا قلت عند مشغل من مشاغل الحريم

ياااااااااااااااااا كثرهم مشاغل الحريم مو واحد و لا عشر

و يا كثر اللي يفصلون طقم مو طالعه فيها فنتق ترى


الحمدلله و الشكر ناس عقولها صغيرة

و الله ما تسوى طيرتي و لهفتي ع بالي اجابه فيها خير

الله يكمل عقلج بس

 

[عروس فبراير]

رد : كفر العرس ( بسرعه بنات ) الله يوفقكم يارب

حياتي يمنعني الحيا ميخالف ما عليج وسعي صدرج :eh_s(21):
انا اقول عاادي اشتري الكفر العاادي من السووقه لانه هذا الي حاطته ابالج احسه اووفر
خلي فكرة انج تفصلين كفر خليها حق الاربعين يعني حق ولادتج اما اللحين اشتري كفر حلوو وذرب وراقي
وموفقه حياتي

 

[جوديq8]

رد : كفر العرس ( بسرعه بنات ) الله يوفقكم يارب

حبيبتي اذا بخاطرج سوية لاتخلية بخاطرج عادي مافيها شي

 

[يمنعني الحيا :(]

رد : كفر العرس ( بسرعه بنات ) الله يوفقكم يارب

عروس فبراير فديتج والله لا تلوميني وين اوسع صدري بروحي عروس و مضغوطة ما علينا

مشكورة على الرد و صح هو تقريبا نفس اللي يفصلونه بالاربعين بس انا قلت ابي شي اكشخ من اللي معاي اقصد العرايس اللي بوقتي بطلع اكشخ من عرايس فبرااااااااااااااااااااير كللللللللللهم لوووووووووووووووووول

لأن انا بعد من عرايس فبراير مو بس انتي


يسلمو حبيبتي ع الاجابة

 

[يمنعني الحيا :(]

رد : كفر العرس ( بسرعه بنات ) الله يوفقكم يارب

جودي تسلمين يالغلا ع الرد مشكورة

و هو بخاطري لأن احس انه اكشخ
و تحسين اني متكلفه مبين و تعبانه على الكفر و التطقيم

لكن اذا شي غلط شحقه اسويه !!

 

[فطوم الكويتيه]

رد : كفر العرس ( بسرعه بنات ) الله يوفقكم يارب

و الله حبيبتي انا من راي عروس فبراير خليها حق الاربعين
بعدي الكفر اهل المعرس الي تسويه مو انتي
وذا على السعر ترى حيييييل حلو
انا امي مسويه بس الكفر مع الكوش 450 ومع انا ناعم مواوفر
سوري طولت عليكم

 

[عروس فبراير]

رد : كفر العرس ( بسرعه بنات ) الله يوفقكم يارب

هااااااااااا اثاريج بتطلعين اكشخ من عراايس فبرووري :s141:
حيااتي مووفقه حيااج تجمع عراايس فبرااير
متى عرسج جم من فبراير ؟ :eh_s(15):

 

[L A T T E]

اتمنى انج تغيرين رايج .. والله احسلج

ماله داعي تسوين كفر..

اوكي اهوا حلو بس حق استقبال ولادة مو حق زواج..

والشوارفسكي مو عملي بتنامين يعني بفراش ترتر و شوارفسكي ؟

ياريت اختي تعيدين حساباتج و خلي الكفر على المعرس واهله

 

[يمنعني الحيا :(]

رد : كفر العرس ( بسرعه بنات ) الله يوفقكم يارب

L a t t e حبيبتي يمكن العادات تختلف عاداتنا لاااازم ايييب كفر و الغالبية اذا اهل العروس حطوا اغراضها يشيلون كفر المعرس و يحطون كفر بنتهم

و عندنا اهل المعرس مو لازم يهتمون وايد بالكفر لأن هذا على العروس

و لا ياقلبي انا ما راح انام فيه هو بس عرض عشان اذا دخلوا الناس يشوفون داري يحسون فيها فخامة يحسون انها طلة عروس فاهمه علي ؟؟

يعني بالليل اذا بغيت انام راح اشيله و احط كفر يصلح للنوم

و الظاهر اني راح اعيد حساباتي

 

[يمنعني الحيا :(]

رد : كفر العرس ( بسرعه بنات ) الله يوفقكم يارب

و الله حبيبتي انا من راي عروس فبراير خليها حق الاربعين
بعدي الكفر اهل المعرس الي تسويه مو انتي
وذا على السعر ترى حيييييل حلو
انا امي مسويه بس الكفر مع الكوش 450 ومع انا ناعم مواوفر
سوري طولت عليكم

اني اخليها للاربعين ممكن !

لكن ان اني ما اييب كفر مستحيل ما يتقبلونها مجتمعنا يتوقعون اني ما اعرف ما يقولون هي وجهة نظرها جذي

و اذا على السعر السعر اللي امج مسويته وااااااايد غالي انا 100 و منقهرة بموت

لقيت نفسه بسويت هوم لكن الفرق الوحيد الناموسية و تلبيس السلال و الكلينكس و الاباجورة اذا ابي بس انا بكنسل الاباجورة

و مشكوووووووووووووووورة وايد يالغالية على الإفادة

 

[يمنعني الحيا :(]

رد : كفر العرس ( بسرعه بنات ) الله يوفقكم يارب

عروس فبروري حياتو اقول لج على الخاص افضل

 

[عروس فبراير]

رد : كفر العرس ( بسرعه بنات ) الله يوفقكم يارب

اوكي حياج الخاص
بس البنات توهم يقولون خلي الرجال يجيب الكفر مدري انا شريت كفرين لان حنا عندنا لازم العروس تجيب

 

[يمنعني الحيا :(]

رد : كفر العرس ( بسرعه بنات ) الله يوفقكم يارب

على فكرة بنات انا ما راح احط الناموسية راح اسويها و احتفظ فيها عندي بس ما احطها

و ماراح اسوي اباجوره يمكن هذا يخليه ابسط

 

[يمنعني الحيا :(]

رد : كفر العرس ( بسرعه بنات ) الله يوفقكم يارب

عروس فبراير يا قلبي انتوا نفسنا بالضبط انا بعد مفكرة اشتري اثنين واحد فخم لأول يوم وواحد وسط عشان ابدل فيه

 

[&&بروق&&]

حبيبتي اول شي بقولج عسى الله يوفقج ويهنييج ولا يحوس امركم وامر كل مسلم
وما يحول حولج الا وانتي محتاره بكفر نفاسج يارب

اول شي انا اقول هالشغلات والله صارت قديمه كشاكش ووترتر

ابي انصحج نصيحه
بما ان تونا مجهزين حق شقق اخواني الله يهنييهم
روحي حق المصنع الكويتي للكفرات ورا الافنيووو والله حده راقي وعنده كتالوجات تحسين انج ذررررررررررربه مافيه ترتر وتور وكرستال بس فيه فخامه
واسعاره مو رخيصه

او روحي حق نيو لاين اللي بالضجيج عند المسجد
في ماركه (( فيذر))
ايطاليه والخام فرنسي او العكس عنده كفرات جديده توه منزلهم تحسين تقطيع خامات ومخيطينهم على بعض والالوان روعه ب72 دينار
والله بعد ما فصلنالهم قلنا بناخذ شي عملي رحنا شفنا هذول طاحت جبدي عليهم
ترى مو خام وتور لا في نوعيه ثانيه جديده اساليه عنها

واقتنعي بشي واحد ان الناس اللحين ماتحب الاوفر ولا تحب ان كل مكان نفس الطقم لان هذي حتى بنات النفاس اللحين ما يشترون جذي راحت موضتهم وصارت قديمه

واخذي عملي خفيف بعد من فيذر بــ نيولاين تلقينه ب15 خفيف وفخم ودرجاته تهبل في مطرز وفي بس مضرب بنفس اللون

والله يوفقج وسوري اذا قرقت ​

 

[جوري الغرام]

رد : كفر العرس ( بسرعه بنات ) الله يوفقكم يارب

أنا رايي غييييييييييير عن البنات

أنا أشوف ان اللي قلتي عنه فخم وحلو

أنا أشوف أغلب شغل المصممات كله شوارفسكي ودانتيل وكشكش وجذيه وسالفه التطقيم أحلى

يعني حلو يكون مع الكفر مفرش للتسريحه والكوميدينو وكلينكس وزباله ولا شلون بتحسين ان غرفة عروس الا

من هالفخامه والشغل الراقي واذا عندج ميزانيه أخذي بعد كفر ناعم بس يكون راقي من السوق جاهز عشان تبدلين مع الكفر الفخم

وهذا رايي ان شاء الله يعجبج

 

[الأميرة جوري]

رد : كفر العرس ( بسرعه بنات ) الله يوفقكم يارب

العروس يبيلها شيء فخم مو ناعم .........

 

[وآحشنــي زمآنـك]

رد : كفر العرس ( بسرعه بنات ) الله يوفقكم يارب




أناا أقوول نري زارا هووم حده ذرب ..