كفراات باسطنبول فيدي واستفيدي

[شانييل]

أنا قبل أسبوعين رادة من تركيا
أحلى الكفرات وعجبة ومافي منها بالكويت
بمكانين فقط لا غير
محل في مجمع أوروبا بارك في بورصة الكفرات على شوارفسكي تينن
وهمن محل الحرير بازار الحرير هذا في كفرات مرسومة ومطبوعة تينن مو طبيعية

أما الكفرات الكشكش تلاقينهم باسطنبول بابازار المصري شفت محل عجيب وروعة بس ها مو رخاص

والمواعين اشتريهم من محل عثمان بتقسيم قبال فندق أوزتنيك واااااااايد روعة وفناتك
وهمن بسوق الحرير الماعين الكشخة والغالية

 

[وردة زوجي]

أنا قبل أسبوعين رادة من تركيا
أحلى الكفرات وعجبة ومافي منها بالكويت
بمكانين فقط لا غير
محل في مجمع أوروبا بارك في بورصة الكفرات على شوارفسكي تينن
وهمن محل الحرير بازار الحرير هذا في كفرات مرسومة ومطبوعة تينن مو طبيعية

أما الكفرات الكشكش تلاقينهم باسطنبول بابازار المصري شفت محل عجيب وروعة بس ها مو رخاص

والمواعين اشتريهم من محل عثمان بتقسيم قبال فندق أوزتنيك واااااااايد روعة وفناتك
وهمن بسوق الحرير الماعين الكشخة والغالية

فديتج يالغاليه ما قصرتي جنج حاسه الوالده موصيتنا على مواعيين ومحتاره من وين اييبهم لها مشكوووووووره على الافاده ولا خلا ولا عدم منكم يااغلا كويتيات
بالنسبه لسوق لحرير وين هذا ببورصه ولا باسطنبول ؟؟؟؟؟؟
تدرين عاد احنا جدمنا ردتنا للديره كافي على اسطنبول اسبوعين كان حجزنا الى 10 اغسطس جدمناها الى تاريخ 2

 

[شانييل]

حرام تروحين تركيا بس باسطنبول
لا ياروحي
مري بورصة وقعدي فيها على الاقل 3 ايام
فيها الجبل أولدوج وشوي بالجبل والجو خيالي والجاكيتات والدلاغات شغل الايد ورخاااااااااااااص

وهمن في الشلال الصغير فيه قعدات حلوة بس الشلال الكبير ما أنصحج تروحين له لأنه بعيد يمكن ساعتين طريج وما في حوالية مطاعم
لكن بالردة في جنة الطيور ومطعم جنة كشتة شوي يونس
وصراحة الاسوقة ببورصة أرخص دبلات من اسطنبول وكلة sale وهمن حيدقة لونا بارك فيها ألعاب
وكافي الحمامات المعدنية تتسبحين فيها تينن مجابل فندق أنا توليا

وهمن سوق الحرير ينن كلة مواعين رخاص

وهمن طقم القهوة التركية فيها غطا حوالين الفجال وغطا فوقة يون في فضة وملونيين
لا والصينية ومالت التقديم الي تمسكينها من فوق شريت منها روعة

 

[شانييل]

قبل لا أنسى همن أبانت روعة وخيالية
كافي الجو والمطر والخيول الي تمشى بروحها إهية فندقين بس وبحيرة وفوق الجبال يعني منتجع بمعنى الكلمة مال يومين

 

[أبلة كويتية]

بغيت أسألج يالغالية ....الإنترنت بالفندق إبلاش أو بفلوس ؟؟؟؟

إنتي شلون تشبكين هناك ؟؟؟

لأن السنة إللي طافت قالوا لنا الإنترنت بفلوس ..

ومشكوووورة مقدما على الرد

 

[وردة زوجي]

قبل لا أنسى همن أبانت روعة وخيالية
كافي الجو والمطر والخيول الي تمشى بروحها إهية فندقين بس وبحيرة وفوق الجبال يعني منتجع بمعنى الكلمة مال يومين

t]
فديت عمرج يالغاليه مشكوره على الافاده بس والله ابنت وبورصه انا كل سفراتي اروح لها وكنا عايله كبيره الحين بس انا واختي واليهال وريلي مو حلوه بورصه وابنت بروحنا يبي لها يمعه بس ان شاء الله اروح لها السنه اليايه هالسفره انا مخليتها لاسطنبول بس ومشكووووووووووووووره يالغاليه