تحياتي الوردية
بالطبع فيه ناس تحب التونة وهم بعد ناس ما تحبه
اني اقول للي ما يحبون التونة يجربون هالطريقة اللي راح اعطيكم اياها
شخصيا اسوي هالكفته واخليه في البوفيه ومافي احد يذوق منه الا ويقول لي كفته الدجاج عجيبة
بالطبع اني اسكت لاني ما ابي اخرب عليهم مزاجهم الرايق جايز انهم مايبون التونة
غير اللي اكلوه وانبسطوا بعدين قالوا لي : شنسوي احنا ما ناكل تونة
خير ان شاء الله عليكم بالف عافية
وانتوا بعد تعلموا هالطريقة تنفع للزنقات
اللي بتحتاجونه
علبتين تونة تصفونها من الماي او الزيت
5 حبات بطاط بحجم اصابع اليد يعني مو تكثرون واذا مافيه
صغير يكونون 2 متوسطين ، ولا تنسون تسلقوهم
1 بيضة
ملح وفلفل اسود فقط
ونص كاس بقصات
هالمقادير كلها بتحطونها في الفرامة الكهربائية وتبخلطونهم عدل مدل
لين ما يطلع لكم عجينة متماسكة بهالشكل
تكورونهم وترصونهم في صينية وتتركوهم في الثلاجة نص ساعة وتقدروا تجهزوا من يوم ليوم بس ما تثلجوه
بس في الثلاجة حق يتماسك
بعدين راح تقلونه في الزيت وترفعونه على ورق ماص للزيت
وراح تنقلونه لطبق التقديم
المقادير بسيطة جدا والطريقة سهلة والطعم حلو..
واتمنى من اللي يمروا من الموضوع يستفيدوا واني حاضرة لكم لأي سؤال
