بسم الله الرحمن الرحيم
بعد ما عرفت انزل الصور راح ازهقم مني مواضيع
بس يارب ما تزهقون
بس يارب ما تزهقوننبي نغير في مطبخنا من الكبسات والزبيدي والمجبوس راح انزل اكلات نغير فيها عشان ما نمل
نبتدي اول شي الكفته بالارز مالت امريكانا بالطريقه المصريه ميه ميه:krkrkr:
هادي صورتها
وهادي من الداخل
بعدين نسويها كور وصوابع مثل صوابعكم
بس لازم كل ما نيجي نسوي وحده نحط شويه زيت بايدينا عشان ما تلصق وانتي تسوينها
وبعدين نروح للجدر الي فيه زيت غزير ونقليها لين ما تتحمر
هني بعد ما حمرناها وبتكون لذيذه تقدرين تعطي منها عيالك راح يحبونها قبل ما نسويلها الصلصه
نيجي للصلصه الحلوه
نجيب 7 فصوص ثوم كبيره ونقطعهم صغار ونجيب الجدر نحط فيه زيت وشويه زبده عشان الطعم يكون حلو ونحمر الثوم فيهم لين يشقر حاسبي ينحرق
بعد ها الخطوة نكون مجهزين حبه طماطم كبيره طريه مقطعه مكعبات ونضيفها على الثوم ونقلب بس دقيقه ونجيب معلقه خل صغيره ونضيفها ونقلب وبعدين نحط عليهم 2 علبه صلصه طماطم كيدي دي ونتركهم يتسبكو شوي مع التحريك بعدين نجيب 3 جلاص ماي ونضيفهم ونبهر ببهارات لحم وفلفل احمر وفلفل اسود وشوي ببريكا وشوي زعتر يعطي طعم حلو
معلش نسيت اصور ها الخطوة
نسيب الصلصه على النار 10 دقايق لين تتقل وتتسبك بعدين نضيف الكفته
اهني كنت قاليه مع الكفته حبه بطاط وحطيتها مع الكفته سعات احط وسعات لا
ويقدمونه مع رز بالشعريه طريقته سهله تغسلين العيش زين وتتركيه على جنب وتجيبين الجدر تحطين فيه زبده وتحمسين فيه شعريه مالت المطاحن وبعدين تحطين الماي وتملحينها ولما تغلي الماي ضيفي العيش على نار عاليه لين يتبخر الماي ويكون اعلى من الرز بشي بسيط بعدين تنقليه على اصغر عين وتوطين النار ياخذ تقريبا 20 دقيقه
وكوب الرز ياخذ 2 ماي وهادا شكله الزبد يخليه شايني يلمع
بالعافيه على قلوبكم
جربوها والله وايد حلوة انتظر ردودكم ترى تعبت من تنزيل الصور:eh_s(2):
انتظرو صنيه الدياي العجيبه:eh_s(15):
