كـورس خبيـرة الاعشـاب مـن تصويـري الشخصـي (تقـريـر + صـور تفصيليـه)

[ام يوسف الكويت]

رد: رد : كـورس خبيـرة الاعشـاب مـن تصويـري الشخصـي (تقـريـر + صـور تفصيليـه)

:krkrkr:


اختي اخذت من ام خالد ادويه وصار لها حااارج وشوية نزيف وزوجها عصبببب


قال لازم تقطعييينهم بسرعه وعلى طول المستشفى قالت طبيبتها انتى ماكله


اعشاب مخلوطه غير معروفه ويمكن منتهيه صلاحيتها

راح العطار اخذلها لهوم ورشاد وحلبه ومرميه

وحلف عليها مااااتشترى من اى مره ادويه


رغم ان الادويه عندها للحين

هالاقتباس كان بموضوع اخر

فيه وحده اسمها ام سالم حجيه قديمه امي للحين تشتري لنا منها


من عشرين سنه الله يطول بعمرها ان شالله

مضمووونه وشغلها نظييف حيل تسوي ادويه قمممه بالجوده والنظافه



واعرف حريم كبااار يشترون منها للحين


واقسم بالله العظيم الله يشهد على هالكلام


الله يوفقها ويوفق الجميع واوصيكم فيها تراها قديييمه



وتعرف تضبط الشغل وعندها خلطات خاصه فيها تبيض الوجه والجسم رووووعه



وانا وخواتي وحريم اخواني نشهد لها والله يوفقها

:yaaaaaarb:
ا

مادري شنو هالتناقض؟؟! :nocommint:



نترك المقارنه للخوات الفاضلات !!!!!

 

[دلــــع البنــــات]

رد : كـورس خبيـرة الاعشـاب مـن تصويـري الشخصـي (تقـريـر + صـور تفصيليـه)

عليج بالعافية

 

[ام يوسف الكويت]

رد: رد : كـورس خبيـرة الاعشـاب مـن تصويـري الشخصـي (تقـريـر + صـور تفصيليـه)

السلام عليكم

:aha:

حبيباتي


و الله صراحة ما ادري شقول ؟؟؟

دمعت عيوني ...؟؟؟ :eh_s(2)::eh_s(2):


احب اشكر الاخت المبدعة ام يوسف على مواضيعها الشفافة اول شي و مصداقيتها و حبها للافادة

و اشكرها خصوصا على نقل التجربة الحية بكل مصداقية و شفافية

و اشكر ايضا الاخوات الي ردودهم منورة بالموضوع


و في الواقع اختي ام يوسف ..اسعدني جداا التعامل معك , و تمنيت لو انج عرفتيني على نفسج لان فعلا انا من

اشد المعجبات بمواضيعج , و كنت اتمنى اني اخدمج

و الحمد لله خدمناج بالنفاس بس حرمتينا من شرف معرفتج

و عموما الله يعوضج ان شاء الله بالذرية الصالحة ..,, و يرزق كل محرومة ان شاء الله

و سامحينا على القصور


تحياتي

ام خالد الهاجري

خبيرة اعشاب​

بعد عمري والله .... دميعاتج غاليه علينا
والله هالكلام قليل بحقج ولي الشرف اني اتعرف عليج
وانشالله نتعرف على بعض بالافراح مو بالاحزان





شوفي اختي ام خالد
انا شريت اغراض وااااااايد من تاجرات المنتدى
بس كنت اتصل من رقمي الثاني من غيــر لحد يعرفني
ما قتلهم انا تاجره ام يوسف عشان مايجاملوني...
ولعلمج ...... بعض التاجرات وللأسف اذا شافو تاجره داقه تطلب منهم يزيدون عليها السعر ... حسبالهم مليونيره هالتاجره وله تحتها نفط!!
عشان جذي ماحب ادق واطلب من رقمي!



والله ثم والله يا اختي
انكشفت كل وحده على حقيقتها من التاجرات اللي تعاملت معاهم <<(من غير مايعرفوني طبعا)
وطاحت الاقنعه
اكتشفت اللي نفسها خاااايسه
اكتشفت اللي اسلوبها همجي
اكتشفت اللي تحقرج وتطنشج
اكتشفت اللي من تقبض فلوسها تسحب عليييييييج سحبه محترمه حتى لو تسألينها شلون استخدم هالشي او هالشي مايشتغل تعطيج احلى طاف
ومع هذا اكتشفت ناااس عسسسسسسسسل مثلج ومثل ام عمار ومثل ام عفاف وفي كذا وحده عسسسسسسسسل من التاجرات ولا هانو الباقي !
وبصراحه في تاجرات ناويه اتعامل معاهم واتمنى مايخذلوني !



وشريت اغراض وايد من المنتدى بس ماحسيت انه له داعي انزل موضوع عنهم ..يعني اشياء عاديه
يعني مثلا عندج المنتجات الزوجيه تستخدمينها ليله او ليلتين وخلاص
الاكل ... كليتيه وخلاص
مناكير ... حطيتيه وخلاص
نفنوف ... لبستيه وخلاص
ماحس لو نزلت موضوع عنهم بنفع شريحه كبيره من البنات


عشان جذي لمن حسيت ان موضوعج مهم ومفيــد وبينفع شريحه كبيييييره من الحوامل والوالدات
ونفعه يدوم مو يوم
عشان جذي حبيت اطرح هالمووضوع واوريهم تجربتي
لان اكيد في عليميات مثلي واكيد في بنات امهاتهم مثل امي مايعرفون شي بالاعشاب


وهالشي بيريح ناس وايد ..
الحمدلله انا وحده اقط فلوسي بالشمس واقعد بالظلال




بالنهايه مشكوره مره ثانيه عالاهتمام والمتابعه اثناء النفاس
ربي يسخرلج زوجج ويبلغج بعيالج




دمتي بحفظ الرحمن :eh_s(17):
والله يطول لنا بعمرج

 

[الصعيريه]

رد : كـورس خبيـرة الاعشـاب مـن تصويـري الشخصـي (تقـريـر + صـور تفصيليـه)

يعطيييج العافيه ياقلبي عالموضوع المفييد
والمجهود الروووعه
وعسى الله يرزقج بالذريه الصالحه وتبشريناا ياقلبي

وأم خالد
بإذن الله بطلب منهاا لنفاسي بس أنطر أدش التاسع


وعساج عالقوووه ياقلبي مواضيعج مميزه ومفيده
وإن شاءالله بميـزان حسنـاااتج

 

[للحين ناطره]

تسلمين ماتفصرين

 

[الــــغاليـــه]

رد : كـورس خبيـرة الاعشـاب مـن تصويـري الشخصـي (تقـريـر + صـور تفصيليـه)

ام خالد ناطرتج عشان تردين على اسئلتي يالغاليه اللي في الصفحه 2.

 

[ام يوسف الكويت]

رد: رد : كـورس خبيـرة الاعشـاب مـن تصويـري الشخصـي (تقـريـر + صـور تفصيليـه)

جزاكم الله الف خير وان شالله باخذ كورسي من ام خالد,صج كنت محتاره ومتردده من منو اخذه :080402ask_prv:,بس باذن الله باخذه من ام خالد الله يعطيها العافيه,بس حبيت اسالج ام خالد انا اللحين بالسادس متى احسن وقت اقدر اطلبه منج؟وانا اول مره باخذ ادويه مع انه هذي رابع ولاده حقي بس انا عليميه بهالسوالف :eh_s(10): وامي بعد ماتعرف هالسوالف :bbbiu:,يعني اكيد انا خربانه خراب جايد بعد :eh_s(16): لووول :23_asmilies-com:وان شالله في ميزان حسناتج ياااارب.:yaaaaaarb:​

اي وصج وانا بعد ابي هديه:wqedqw:​

:tek:​

مرحبا حبيبتي


بجاوبج باللي اقدر عليه علما تيي الخبيره

انا اذكر كلمتها وانا بالشهر الثاني وكلما اقولها ابي الكورس حجزيلي موعد عشان تجهزينه لي تقولي بعدين طلبي ويصير الشهر اللي وراه واقولها حجزيلي بجدول مواعيدج عشان تسويلي الكورس تقولي بعدين طلبي وقالتلي انا كل شهر اجدد الدفتر وقالتلي طلبي ابدايت التاسع
لمن دشيت التاسع كلمتها واتفقت معاها


الزبـده تطلبين منها ابدايت التاسع :eh_s(8):

 

[غلاي غير]

مشكوووووووووووووووره

ويارب ياكريم ياعظيم ان الله يعوضج خير ويرزقج عاجلا غير اجلا

 

[بحر الذكريات]

ماشاء الله الله يعوضج خير ويعوضني ويعوض كل محروم ومحرومه يارب

وفعلا ام خالد شهادتي فيها مجروحه وبرد اطلب منها مره ثانيه ان شاء الله

 

[ام يوسف الكويت]

مشكورين عالمرور لاهنتو
وعسى الله يتقبل دعائكم اللهم امين


نبي تجاااارب

 

[ام - وهابي]

بنات انا طلبته واليوم وصلني بليل
بس خايفه لا كون طلبته مبجر لانه قمت احس بعوار دوره قالي الدكتور ممكن اولد مبجر فا خفت وطلبته مبجر
مايخترب اذا طولت بالولاده ؟؟ >>> بجريه

 

[حبيبة سعيد]

مرحبا ام يوسف طيبه ان شاالله

بجريه ليش يخترب ام خالد تقول مدة صلاحيتهم سنه تقريبا وانا سائلتها

نور التفاؤل اختج تقولين صار معاها حارج مافهمت حموضه يعني كلنا نحس بحموضه كلينا اعشاب والا ماكلينا عادي والا اختج تاكل اعشاب من غير اكل وتغذيه اذا جذيه بتحترق مو يصير فيها حارج

وبعدين زوج اختج عصب عليها على شوية نزيف تقولين شوية نزيف انا اشك ان اختج مجربه الكورس اذا فعلا مجربته وينها خل نتناقش ؟؟

 

[خبيرة اعشاب]

رد : كـورس خبيـرة الاعشـاب مـن تصويـري الشخصـي (تقـريـر + صـور تفصيليـه)

جزاكم الله خير حبيباتي ما قصرتوا بردودكم الي اتخلي الوحدة تتقدم و تعطي اكثر في شغلها


ام يوسف يا حياتي و الله من جد احرجتيني ,,,,

و انتي ما شاء الله ما قصرتي موضوع شامل ..

انا الي اسوي الادوية و عجزت لا اصورهم لي اكثر من 5 سنوات البنات يحنون علي ام خالد صوري صوري و انا اليوم باجر ....


عموما بالنسبة للبنات الي يستفسرون عن الادوية تلقون تفاصيل المجموعة في الموضوع المثبت فوووق


و الكورس من الافضل الطلب بداية التاسع

و تحياتي

 

[خبيرة اعشاب]

رد : كـورس خبيـرة الاعشـاب مـن تصويـري الشخصـي (تقـريـر + صـور تفصيليـه)

ام يوسف فعلا صدقتي بالنسبة لبعض التاجرات لان انا بعد اطلب من رقم ثاني و ما احب اقول لهم اني انا بعد تاجرة بالمنتدى لاني ما احب اتعب غيري بمعاملة متميزة و شكثر اتصير مواقف .. من نفسية و من تاخير و الي تسحب عليج ... الخ

مع ان المفروض حنا بعد تاجرات و انعرف ظروف التاجرات .. و مشاكل الزباين ... الخ
و حنا بعد شغلنا متعب و هم بعد نضغط على نفسنا عشان نعطي كل واحد حقققه :stars:

و ارد و اقول ان في تاجرااات عسل ,, ودي اشتري منهم على طول .. و في بنات فاهمين التجارة غلط

الله يهدي الجميع بس

 

[خبيرة اعشاب]

رد : كـورس خبيـرة الاعشـاب مـن تصويـري الشخصـي (تقـريـر + صـور تفصيليـه)

الغالية

اختي الطلب ببداية التاسع

و كل ما طلبتي مبجر كل ما صار في مجال انج تختارين الموعد او اليوم الي يناسبج للتوصيل

و طبعا الادوةي ما اتخرب مدة صلاحيتها اكثر من سنة :ggdw:
بس انا احب اتكون فررش و جديدة حززة الولادة
:aha:

 

[حبيبة سعيد]

بنت فينا شكلها الخلطه الي هي السفوف مثل ما قالت ام خالد قويه ومنظف فعال مثل ماقالت وانا اتوقع ان بعض الحريم يحتاجونها وبعضهم لا اللهوم كافي

واذكر ان الرداده قالتلي لا تاكلين اعشاب انتي صغيره الاعشاب حق الحريم جريب ال30 واكثر ووالدات اكثر من مره بس طبعا مالي شغل فيها لانه الصراحه مايضر ومن قطعت السفوف انتهت المشكله يعني الضرر مو جايد

انا خفت لاني متعوده اصلي باخير انفاسي حسيت هالمره طولت لكن الصراحه النزيف اللي صارلي مو كثرج تاكدي يااختي انج ماخذه قفشه صغيره مو زود

 

[حبيبة سعيد]

مرحبا ام خالد عساج طيبه الله يعطيج العافيه على جهودج الطيبه

وميخالف اخذ من وقتج شوي اذا ماعليج امر

بالنسبه للاعشاب وعمر الفتاه وعدد مرات ولادتها هل له دخل ؟

زين بالنسبه اخلطة السفوف انا اقترح تكون قفشه باليوم بدل 2 وانها تكون 10 ايام وليس الى اخر النفاس وبجذيه يكون الحل الاكيد واعتقد ان الفتره اللي مشيت عليها كانت كافيه

بس للامانه ياام خالد انا فحصت عند دكتوره وقالتلي وضعج تمام ورحمج ما فيه دم هذا عقب ما قطعت السفوف بيومين او 3 مع ان كان معاي دم خفيف

 

[الــــغاليـــه]

رد : كـورس خبيـرة الاعشـاب مـن تصويـري الشخصـي (تقـريـر + صـور تفصيليـه)

مشكوره ام يوسف على هالموضوع اللي نورنا واثرانا وماقصرتي وان شالله في ميزان حسناتج يارب,والله يعوضج خير يارب والضنى الصالح.
مشكوووووره ام خالد وعساج عالقوه,والله ماتقصرون وتخلون الوحده تحس انها بين خواتها واهلها مشكورين والله يرزقكم من رزقه يارب.

 

[}{نرجسيهـ}{]

مشكوره ام يوسف ع ذكر تجربتج

وان شاءالله نكون من زباين ام خالد اللهم آمين

 

[اللهم الجنة]

مشكورة