كـل عروسـه تدش هالقسم دايم لازم تقرا موضوعي

[يآحوبني لي]

كلامك عين العقل
جد تعجبني سوالفك وصراحتك
يعني المفروض كل وحده تجهز على قد مهرها والسوق مو طاير لا تزوجت
حتى الوحده فينا بشهر العسل بتنزل السوق وتشتري
أنا عن نفسي ما أخذت شنط ماركه لسبب واحد اروح الجامعه ألقى نص البنات معاهم نفس الشنطه درجه اولى وثانيه وثالثه من الهنود لان الكل يبي شنط ماركه بغظ النظر عن الجوده وربي تكرهين الشنطه أنا معظم شناطي من ناين ويست وميلانو وكذا ماركه عاديه
وعطور أخذت ٤ فرنسيه واحد عربي ودهن عود
ودراريع مرتاحين منها لأننا مانلبسها ابد اشتريت بدل خروج وفساتين ناعمه وبسيطه وهيك شغلات والميك اب أخذت اللي أنا استخدمه بس
والحمدالله مبسوطه
حبيبتي مشتطه يعطيك الف عافيه كلامك يريح كثير عرايس*

 

[Mjnont '3lay]

والله يبيلج حبه عالراس على موضوعج هذا
انا ما يذبحني الا البنت اللي تقول انا اشتري من انور ومن الطاهر ومن مدري وين قمصان نومي
واللي تقول رحت الافنيو شريت لي ساعه ب200 وشي @@
واللي تقول شريت لي جنطه ب60 وشي @@
واللي تقول شريت لي عطر ب30 وشي @@
وبعديييييييييييين يجووون يقولون وي ماكفاني مهري ومهري شويه وبسرعه خلص @@ ايه من الفسق والله
لا والمشكله انا ما تكسر خاطري الا البنت اللي فوق مهرها تاخذ من اهلها ومن منحتها او معاشها وفوق كل هذا ماخلصت تجهيزها وما كفتها فلوسها
انا رفيجتي من عايله فلانيه واهلها شركاتهم تاااارسه الديره ومعرووفين حيل يوم انخطبت تجهيييزها كله من دبي ولندن وكله كله من بره ماجهزت ولا شي من الكويت لا وازيدكم من الشعر بيت تجهيزها هديه من ابوها ومهرها حطته بحساابها بالبنك وما صرفت منه ولا شي وتجهيزها من احلى مااايكون والله واصلا اهيا متعووده من قبل لا تنخطب كله تشتري ملابسها من بره وفسقانه عالاخر الله يوفقها ياااااااارب بس عالاقل رفيجتي اذا قطت 400 على جنطه قلبها مايعورها لانه الفلوس عندها تروح وتجي غيرها وتامر وكل شي يوصلها لي مكانها بس في بعض البنات على الله وعلى مهرها وفوق كل هذا تطلب من اهلها بس عشان يكون تجهيزها كل شي ماركه وغالي ليييش وربي حراااااام باجر اذا طاح سووقها الماركه الفلانيه قطيتووها بالكبت ورحتو شريتو غيرها والله حرام الفسق شلون الله بيبارك لنا بزواجنا وحنا نقط بهالفلوس على اشياء ما تسوى
وفيييه بنات يقهروووني والله تحسووونهم اول واخر ناس تزوجوو ومحد تزوج غيرهم يخمون الاكووو والماكو تحسوون انهم بيهاجرووون وحتى اللي مو محتاجينه يشتروونه والله حرام
والله من جم يوم رحت المباركيه شريت لي فوق 10 بجامات يمكن ب15 دينار وقسم بالله لو تششوووفوونهم تقولون من ماكس اسبرنسر واووشوو يعني ترى الذوق يلعب دووور مو شرط كل شي غالي حلو بالعكس انا اشتري الرخيص بس ذوقي لا يعلى عليه ومايبين انه رخيص
وانا ما اقووول لا تشترووون انا اقووول اللي تقدر تشتري ومقتدره عليها بالف عااافيه واللي ماتقدر ماله داعي تضغط على عمرها غصب ترى السنع بالذووق واللسان الحلو والنظافه والكلمه الطيبه والابتسااامه مو بالتهويل والماركات
وسوري طولت عليكم < بس من حر مافي قلبي من هالبنات اللي يقطون فلوسهم وهم مو عارفين من الاساس شنو اشترو وشنو خلو والمشكله مايعرفووون المهم واللي ماله داعي يكون من ضمن الجهاز
والله يوفق الجمييييع يااارب

 

[Mjnont '3lay]

بنااااااااات بقووولكم شغله يمكن تعجب الكل ويمكن ماتعجب احد ويمكن تعجب البعض منكم
انا قبل الملجه وقبل لا انخطب حتى كنت اشتري كل شي يعجبني يعني اوقات السيل اروح اتشرى والوقت اللي القى شي حلو ورخيص اشتريه واخشه والعطور اللي عليها تنزيلات اشتري واخش ومرات تاجرات بالمنتدى يسوون عروض حلوووه على بضااعتهم انتهز الفرصه اشتري واخش وسوالف كريمات وجذي كنت اشتري واخش الا المكياج ما اشتري كلش بس سوالف شوزات عليها سيل كنت كل شي كل شي اشتري واخش حتى دراعات كانوو يسوون عرووض على دراريع كنت اشتري واخش
فيه وحده اعرفها تفصل دراريع عاد درااعاتها نااااااااار قسم بالله اسعارها من 80 وفوووق مره دقت علي قالت لي فلانه تعالي انا بسوي عروووض الدراعه على 15 دينار وانا ماصدقت خبر طرررت عندها وخميت لي 6 دراعات وخشيتهم
يعني كنت قبل لا انخطب كل شي اشتريه اخشه ويوم وصلني المهر ما اهتميت للتجهيز ولا خفت انه الفلوس تطير لانه عندي شغلات شكثر محد شاافها كلش كلها خاشتها وبعدها بقراطيسها وعليها اسعارها ماشلتها
بس اللهم فكرت بالليزر والاسنان والعنايه والصالون والنفنوف والذهب وشوية عبايات على شوية مكياج وتناتيف مثل اغراض جمعيه وجذي

ومن جم يوووم رحت المباركيه قلت لكم عشان اشتري بجامات عاد وانا راده بالصدفه دخلت محل قلت خل اشوف الشبكات هالايام على جم وتطييييييير عيني على شبكه ذهب اصفر وفخم حيييل والله يوم سالته قلت له بجم قالي هذا مو ذهب بس نفس ذهب انا بققت عيوني ماشاءالله جنه ذهههب بالضبط قلت له بجم قالي 350 واذا تبين اسوي لج نفسه ابيض عادي اسوي وقالي رووحي المحل اللي جنبي رح تلقييين نفس هذا الذهب الاصفر بالضبط يسويه لج ب6 الالاف انا جذي @@ وقالي اذا تبينه الحين انا انزل سعر اعطيج ب320 بدون خاتم بس عقد وتراجي وناااسه قلت زين والله انته خوووش رجال < هندي لازم تمدحوونه لوووول عشان ينزل لكم بس والله لو تمسكوونه ثقيل جنه ذهب اصفر بالضبببط عجبني يمكن اخذه بعدين هديه حق اختي وقت عرسها انشاءالله
المهم وخذيت كرت محله قلت برروح له مره ثانيه اسوي لي طقم نااعم فضه حق زوارات وجذي
الخلاصه من كلامي انه مو شرط الوحده لاااازم تقط نص مهرها عشان شبكه اتقو الله بانفسكم

 

[مشتطـه]

تستاهلون يا عسل وعسى الله يسهل عليكم
الموضوع لوجه الله لان في بنات ماينامون الليل لوول

حياكم الرحمن
نورتو بردودكم يا حلوين

واللي فوقي فديت راسج :*

 

[sh_mashael]

ترا عدل كلامج
بعض البنات يحسسوني انهم ماراح يروحون السوق بعد عرسهم هههههههه

تسلمين

 

[الحــور]

الله يجزاج خيرر
صح اللي ماعندها ميزانيه راهيه ماله داعي تتعب نفسيتها

واللي ما قدرت اشتريه بالتجهيززر اشتريه بعدين لاحقه اذا الله عطانا عمررر



ولازم الوحده ترضى عن نفسها و اهم شي زوجها

 

[مشتطـه]

حياكم الرحمن

 

[كيوت قطر]

Thanx 70bi

 

[نواتل]

كلام منطقي

قواج الله

 

[الله يشفيني]

جزااااج ياربي كل خير
والله يوووفقج وهالكلام اعتقد الكل بحاجته
ما قصرتي يا اختي


ونصيحه للكل تصدقي من مهرج لوو دينار او عشرة براحتج بس اهم شي تتصدقين عشان ربي يبارك لج

 

[تبيني آرضى عليك]

صح لساااااااانك

 

[FAS']

مشكورة حياتي وماتقصرين على النصيحة

 

[مشتطـه]

العفووووووووووووو

تسلمون على القراءة والرد

 

[ببي جونسون]

والله انااقاعده اجهز من معااشي وسهالات وكل اشتري شي نعوم وحلو وبسيط وعملي والسوق ماهو طاير

 

[lferj]

يعطيج العافية

 

[Miss Basma ..}]

فعلا ، أهم شي عندي شكل الشغلة نفسها مو سعرها
ياما شغلات رخيصة و يهبلون

 

[م.الحمد]

ههههههه
توني انا وخواتي نتكلم بالموضوع
والله فـِ♡ـيْ ناس تهول وتبالغ
اختي مهرها ٣ الاف والله انهم هبلو فيها
لازم ماركات ولازم مصممين ولازم مشاغل
والله شغل المشاغل كله لقيناه بالعربيد ورخيص
وماركات شرت تقليد مو اصلي لان لبستين ثلاث وتقطهم
صّـْْ(☑)ـْْحّ لسانج

 

[جامعيه طموحه]

uppp uppp

 

[^جود^]

ااااااب

 

[Q8fenyale]