كـل بــنات الكويت دشـو

[حكستار]

الله يفرج همج ويفرح قلبج يا رب

 

[تمنيـت اهمـكـ]

شوفي حبيبتي الزواج قسمة ونصيب ..
وبعدين يمكن رفض أمة خيرة لج .. حياتي بقولج شي بس لاتزعلين أنتي مثل أختي تعارف بادي بطريقة غير شرعية ما أظن راح ينتهي بزواج ناجح ...
طيب مافكرتي بيوم بعد ماتتزوجون إن راح يشك فيج بيقول مثل ماعرفتيني شنو اللي يضمن لي إن ماتعرفين غيري ؟؟؟
صدقيني ماقلت هالكلام من فراغ لأن صار الموقف هذا لكذا بنت...
حبيبتي ادعي بان الله يرزقج بالزوج الصالح و الذرية الصالحة وكثري من الاستغفار .. والله يكتب اللي فيه خير لج انشاالله ..

 

[3emya_Berry]

وييييييييييييييييه الله يعينج حبيبتي يارب يحنن قلبها وتوافق عاد بعدين لي خطبوج واهلج ما وافقو تصير سالفه الله يوفقكم يارب لي كنتو حق بعض لو لا الله يوفقج مع الي يستاهلج انشاء الله

 

[RoWaIsHeDyA]

الله يوفقج وتكونون لبعض بس حبيبتي لو نصيبج بسابع ارض وسما بتاخذينه غصب طيب هذا الي مكتوب واذا اهوا مو نصيبج ماتقدرين تسوين شئ خلوا السالفه تعدي هالكم يوم وبعدين خليه يرد يفتح الموضوع مع امه يقولها ماني ماخذن غيرها ,, ويسكت عنها .. وخليه يتجرا ويكلم ابوه يقوله انج اخت صديقه او شئ جذي وان اخته شافتج وقالت لامه بس امه مو موافقه لانها اهيا ماشافتج ,, واتكلى على الله وادعى ربج يفرجها

 

[أسيرة إنسآن]

يا بعد قلبي حاسه فيج

اول شي حبيبتي كثري من الدعاء

وثاني شي خليه يحاول كل يوم كل يوم لا يمل لا يكلمها من فتره لي فتره

خليه يحن عليها

وخلي خالته تحاول مره ثانيه واخته بعد تكلمها واذا عنده احد من عماته تمون عليها بعد تكلمها

واذا عنده عم يمون عليه خليه يكلم ابوه

واذا جده بعد عايش خل يكلمه هذا راس العود اذا وافق الكل بيوافق

عشرة 10 سنين مو سهله خل يحاول والله يكتب الي فيه الخير

 

[زوزو العوبه]

استخيري واذا كان هالريال زين لج ربي راح يقرب المسافه بينكم واذا كان مو زين راح تتعقد السالفه اكثر وانتي افهميها وامشي بنصيبج

 

[ذكـرى]

يابعد عمري والله حاسه فيج

حسبي الله على كل ام تحرم ولدها من الي يبيها وتحرم حبيبين من بعض

خل يقولها يمه انتي تفرقين بين اثنين متعلقين ابعض

باجر تدور الدنيا وبسرعه هالايام الحوبه تبين الله يحرمج من شي غالي وتحبينه

من ابوي مني انا من اخواني خواتي بسبب يجي هادم اللذات الموت وياخذ من عينج من تحبين

ويحرمج مثل ما حرمتي قلبين مايقدرون يفترقون عن بعض

خل يقولها لو انتي امي وتبين سعادتي وهناي تخليني اخذ الي بنفسي وبخاطري

وتفرحين لفرحي انا ما يبت وحده من الشارع او وحده من برة الديرة او وحده اكبر مني

عشان يكون عذر فرضا

خل يقول انا وياها عشره عمر وحب 10 سنين يايمه رحميني ولا تخلينها تروح من ايدي وباجر اعيش بحسرتي

لا تستهينين فيني وتقولين حب مراهقه وتنسى لا يمه لا تضلميني ما بنت غيرها لاني ماقددر اعيش مع غيرها ما اتقبل

وبيكون الطلاق سريع وبقولها ماراح اقرب يمج لاني مجبور عليج واحب غيرج بس امي خطبتج وتدري

او خل يقول ماراح اتزوج طول حياتي لو طبقت السما عالارض الا هالمركب ولا ماركب هل يبين لها شكثر متعلق قلبه فيج

يعني اذا الواحد حب ووفى يصير مسحور واذا لعب ببنت الناس وجذب عليها وعاش خبيث يصير ريال!! مالت على عقول الناس الزباله

شوفي باصراره عليج راح يرضخون كثر الدق يفج اللحام ياقلبي ولا تيأسيين واهم شي قبل لا ترفضين دقي عليه وقوليله انا قاعد يخطبوني
وامي تبي تزوجني بس انا موراضيه ما اخون عشرتنا والعشرة ما تهون الا على ولد الحرام والي حسيته انه ما يفرقنا الا الموت
يا ولد الناس انا بنت ولي عمر معين للزواج وانا سمعه وشرف اذا انت صج تبيني وشاريني وبتاخذني مهما صار وبتحدى كل العالم

وتروض اكبر راس انا وعطني ياها كلمه رجال وبشرفك وانا والله مستعده اتحدى الدنيا عشانك وما اخليك بس اول شي تعطيني وعد رجال
..واذا حاس انك مو قد الشي وامك اهي الي تمشي حياتك وتختار زوجتك وانته راضي وراضخ قولي يا ولد الناس عشان لا تعلقني اكثر انته عندك خوات واهل وعرض وما ترضى احد يبور فيهم ويعشمهم وتالي يعطيهم ضهره ترى الدنيا دواره ياحبيبي وربك ما يرضى بالظلم


قوليله هالكلام وقبلها كوني قاريه سورة البقرة وانويها حق موضوعج وياه ودايمن قولي يا مؤلف القلوب وراد يوسف ليعقوب األف بين قلبي وقلب فلان واقر عيني به كما قريت عين يعقوب بيوسف ويا جامع الناس ليوم لا ريب فيه اجمع بيني وبين فلان بالحلال وارزقني ياه ولا يكون نصيبي غيره بحق قولك انك على كل شيئ قدير يامن بالاجابه جدير وبحق السماء الي رفعتها بغير عند وبحق الم ...
وادعي وادعي وتقربي من ربج وكثري استغفار ودايمن رددي الودود الودود لجلب المحبه هذا من اسماء الله الحسنى

وقبل لا تكلمينه اقري الم نشرح لك صدرك لها مفعول بالتحبيب وشوفي شيرد عليج حبوبه لانه قطار الزواج سريع ما تلقين جك بوم الا صكيتي ال30 وفرصه الزواج ابهالعمر مو مثل العشرينات واهوا ريال ما يعيبه شي وياخذ اصغر بنت
واذا في مجال خلي يخلي شيخ دين ولا داعيه تكلمها بالتلفون تقنعها وتيي لها من باب الدين يمكن تخاف انها جذي تحرض عالفاحشه

سوي الي قتلج عليه حبيبتي ورديلنا خبر وشنو رده وانشالله يارب توافق ويحنن قلبها عليج وتصير مثل المعجزة ونشوفج بقسم العروس آمين

معاها بكل كلمه

والله يجعله من نصيبج يارب

حسيت باحساسج

 

[يوآش يوآش]

حبيبتي اذا لج نصيب بتاخذينه قصبن عن الكل : )

وانا برايي انج تنسين هالعايله وما تاخذين منهم

لان امه من الحين تقول انتي ساحرته ..!!

باجر اذا صرتي منهم شتقول عنج ..؟

الله يفرج همج : /

 

[جوزائيه مغروره]

الله يوفقج يارب

 

[خلود الأيام]

يا قلبي
انتي ما فيج عيب واهو ما فيه عيب

وكل منكم بعمر الزواج
واهلكم ما عليهم قصور

بس::: ما فيه لحظه فكرتي بهالشي

ربج اللي مأخر كل شي

وانا ادري صعبه تنسين اللي تحبينه

بس اذا جاج واحد يخطب غيره

صلي الاستخاره

وشوفي ربج شيكتبلج فيه

واجد السوالف اللي تشيب الراس

وواجد البنات اللي يقعدون عند رياجيل سنين

يدورون علاج عشان يجيبون عيال ومالله كتب لهم يستمرون مع بعض

ولما ينفصلون وياخذون غير بعض الله يوفقهم بحياتهم

والنصيب محد يعرفه غير ربج

عسى الله يكتبلج الخيره سواء معاه أو مع غيره

 

[سعوديه وافتخر*]

الله يوفقج ويستر عليج يارب

 

[يارب تفرج همي]

الله يجزااااااااااكم الف خيـــر وماقـصــرتتو على كل شيـ ولله العظيم نحاول والباقي على الله وانشاااااااء الله ربي يكتبه لي انا املـي بالله كبــيــر ... سبحانه صحيح كل شي قسمه ونصيب بس انشااااء الله ربي ماراح يخيب ظني باذن الله الواحد الاحد يحقق لي مناي ياااااااااااارب وماقــصــرتو وامه لما قالت ساحرته يمكن ماتعرفني يمكن بكره اذا اعرفتني تحسف على كل كلمه قالتها بحقي ... انا الحمدلله بنت ناس اجاااويد وهو بعد ... بس انشااء الله بكره اثبت لها انها غلطانه وتحسف على كل يووم ضيعته وانا مو مرت ولدها يارب وتكتب لي نصيب ياااارب

 

[Qumaar]

يابعد عمري والله حاسه فيج

حسبي الله على كل ام تحرم ولدها من الي يبيها وتحرم حبيبين من بعض

خل يقولها يمه انتي تفرقين بين اثنين متعلقين ابعض

باجر تدور الدنيا وبسرعه هالايام الحوبه تبين الله يحرمج من شي غالي وتحبينه

من ابوي مني انا من اخواني خواتي بسبب يجي هادم اللذات الموت وياخذ من عينج من تحبين

ويحرمج مثل ما حرمتي قلبين مايقدرون يفترقون عن بعض

خل يقولها لو انتي امي وتبين سعادتي وهناي تخليني اخذ الي بنفسي وبخاطري

وتفرحين لفرحي انا ما يبت وحده من الشارع او وحده من برة الديرة او وحده اكبر مني

عشان يكون عذر فرضا

خل يقول انا وياها عشره عمر وحب 10 سنين يايمه رحميني ولا تخلينها تروح من ايدي وباجر اعيش بحسرتي

لا تستهينين فيني وتقولين حب مراهقه وتنسى لا يمه لا تضلميني ما بنت غيرها لاني ماقددر اعيش مع غيرها ما اتقبل

وبيكون الطلاق سريع وبقولها ماراح اقرب يمج لاني مجبور عليج واحب غيرج بس امي خطبتج وتدري

او خل يقول ماراح اتزوج طول حياتي لو طبقت السما عالارض الا هالمركب ولا ماركب هل يبين لها شكثر متعلق قلبه فيج

يعني اذا الواحد حب ووفى يصير مسحور واذا لعب ببنت الناس وجذب عليها وعاش خبيث يصير ريال!! مالت على عقول الناس الزباله

شوفي باصراره عليج راح يرضخون كثر الدق يفج اللحام ياقلبي ولا تيأسيين واهم شي قبل لا ترفضين دقي عليه وقوليله انا قاعد يخطبوني
وامي تبي تزوجني بس انا موراضيه ما اخون عشرتنا والعشرة ما تهون الا على ولد الحرام والي حسيته انه ما يفرقنا الا الموت
يا ولد الناس انا بنت ولي عمر معين للزواج وانا سمعه وشرف اذا انت صج تبيني وشاريني وبتاخذني مهما صار وبتحدى كل العالم

وتروض اكبر راس انا وعطني ياها كلمه رجال وبشرفك وانا والله مستعده اتحدى الدنيا عشانك وما اخليك بس اول شي تعطيني وعد رجال
..واذا حاس انك مو قد الشي وامك اهي الي تمشي حياتك وتختار زوجتك وانته راضي وراضخ قولي يا ولد الناس عشان لا تعلقني اكثر انته عندك خوات واهل وعرض وما ترضى احد يبور فيهم ويعشمهم وتالي يعطيهم ضهره ترى الدنيا دواره ياحبيبي وربك ما يرضى بالظلم


قوليله هالكلام وقبلها كوني قاريه سورة البقرة وانويها حق موضوعج وياه ودايمن قولي يا مؤلف القلوب وراد يوسف ليعقوب األف بين قلبي وقلب فلان واقر عيني به كما قريت عين يعقوب بيوسف ويا جامع الناس ليوم لا ريب فيه اجمع بيني وبين فلان بالحلال وارزقني ياه ولا يكون نصيبي غيره بحق قولك انك على كل شيئ قدير يامن بالاجابه جدير وبحق السماء الي رفعتها بغير عند وبحق الم ...
وادعي وادعي وتقربي من ربج وكثري استغفار ودايمن رددي الودود الودود لجلب المحبه هذا من اسماء الله الحسنى

وقبل لا تكلمينه اقري الم نشرح لك صدرك لها مفعول بالتحبيب وشوفي شيرد عليج حبوبه لانه قطار الزواج سريع ما تلقين جك بوم الا صكيتي ال30 وفرصه الزواج ابهالعمر مو مثل العشرينات واهوا ريال ما يعيبه شي وياخذ اصغر بنت
واذا في مجال خلي يخلي شيخ دين ولا داعيه تكلمها بالتلفون تقنعها وتيي لها من باب الدين يمكن تخاف انها جذي تحرض عالفاحشه

سوي الي قتلج عليه حبيبتي ورديلنا خبر وشنو رده وانشالله يارب توافق ويحنن قلبها عليج وتصير مثل المعجزة ونشوفج بقسم العروس آمين

ما شاء الله عليج باربي كفيتي ووفيتي حبيبتي

كلامها صح

شوفي يا قلبي ما راح أزيد شي بعد كلامها

الزواج قسمة ونصيب والله يهدي أمه ويحنن قلبها عليج ويجعله من نصيبج

 

[يارب تفرج همي]

الله يجزاج خيررر ياقلـبي وباربي ماقــصــرت كلامها طيب مثل طيبها وباقي الخوات والله العظيم كلامهم طيب وشرح صدري حيل

 

[يارب تفرج همي]

بنات تكفوووون انا حسيت لما حطيت موضووعي صارت مواضيع تشن الهجووم علي او على غيري من البنات .... افهموني اناا ماقـصـدت اني اخرب او احث على شي غلط بالعكس انا اقووول واعيد واكرر ياااااااااليت كل بنت ملتزمه ولا تتعب طريق الغلط ....

بس والله العظيم اني كتبت المشكله لانكم خواتي .... ومادري انا حسيت كاني مقصووده مادري انا حساااااسه شوووي فعشان كذااااا اذاا مووضوووعي ... سبب ازمه وبنات تقوول بمواضيع ثانيه ناس ماتستحي ومااافي وجهها حيااا ومادري ايش ومشااركاات قليله .. صح انا والله العظيم من زماااااااان بهذا المنتدى مووو شرط اني ااشاشاااااارك بمواضيع او ارد او انزل او اقوول اي شي بس متاااااااااابع مستمره فيه حيل لدرجه محد يتوقعهاااا .. بس مااا سجلت فيه لاني ماحسيت اني لازم اسجل يعني اي موضووع ابيه سوا للبيع او الشراااء القاها حاطه رقمها اسجله وادق يعني مو الاا اشاااااااارك بس يووم حسيت ودي افض فض شاااااااااركت يعني مو معناتها اني جايه اخرب



بعدين عيب والله عيب ياابنات ... الله لا يحدنا على الناس اللي نفس الانواع اللي تطرد العرب هذا منتدى لووو اني جايه في بيت احد منكم تسوون كذا استغفر الله والله العظيم شي يفــشــل ..

وانا اقوول من جديد المنتدى ناقصه مشــرفات يتم مرااقبه المواضيع وهي اللي تحل السااالفه وتغير المواااضيع وتحذف وتسووي كل شي مووووو انتوو اللي تقوولوون خل نطرد ونحذف وندز للمراقبه ؟؟ هاه اجل شنوووو سالفه الاشــراف ديكووور؟؟؟


بس ماقول الاا جعل ربي مايجعل لكم سـلطه علينا ....

وانا ما اقصد بكلامي احد بس ياليت ياابنات ما تعمون تخصوووووووووووون لانه العم يجرح ناس كثــيــره وكل بنت لها اسبابها في طرح موضوووعها ولازم كل بنت تقبل وجه النظر وانا بموضووعي متقبله كل شي ...


وماقــصــرتو كل من رد على مووضــوعي سوا بالنصح او بالدعاااء

 

[G!RLY-PAci]

اذا اهوا الله كاتبه من نصيييييبج لو الدنييييييييا كلللللللللها توقف بويهكم
محد راح يقدر يفرقكم لو شنو يصير
ولو ربج مو كاتبه من نصيبج
لو شنوووووووووو ما تسوون ولا تخططون او تفكرون او تسايسوون امه او ابوه
ماكو فايده لانه مو من نصيبج
شوفي ربج شنو كاتب لج والله كريم
واذا انشالله كان فيه خيرة وصلاح لج عسى ربي يخليه من نصيبج ويجمع بينكم عالخير
واذا كان فيه شر وتعب وشقا لج
الله يبعده عنج ويكتب لج الخير بغيرة
الله كريم حبيبتي والله يفج ضيجتج وييسر امورج ياااااااااااااااااارب

 

[يارب تفرج همي]

تسلمين وماتقــصــرين والله يســتر عليج ويرزقج ياارب وياارب يفرج همي

 

[كتكوته ورديه]

ان شاء ياخذك ونفتك منك هههههههههههه ترا ضحكه والله عورتي قبلي اذا اخوووي يبي وحد واهلها ناس زينين وهي زينه وكل يمدح فيهم ليش لا احرم اخوي من فرحته

 

[modern]

حسبي الله و نعم الوكيل
ادعي ربك ما يردك ان شاءالله

 

[يارب تفرج همي]

الله يجزاكم خيررررر وماقـصــرتو والله العظيم والله مو نفااااق على رفضها لي والله اني احبها والله العظيم .... واحب اهله كلـهم من اولهم لا اخرهم ... عسى ربي يسخرها لي ويهديها يااارب