كـــــلام الـــــنـــــاس فـي تـــــأخــــر زواج البـــنــــت ..

[حبي لله اشد]

السلام عليكم ورحمة الله وبركاته ..​

بناات انا حاطه هالموضوع بصراحه ابي منكم الدعاااء
خواتي الحمدلله ماشاء الله عليهم جمال واخلاق ووظيفه كل وظيفه احسن من الثانيه
وشهاداتهم احسن منها ماكو بس المشكله ...
اهوا مو مشكله بس بصراحه انا ماودي اشوف خواتي مو متزوجيين او متزوجين
واحد مطلق وعنده عيال ومن هالسوالف
يعني اهما مو حيل كبار بس بعايلتنا بالنسبه لهم كبار لانه الكل تزوج صغار
بس احنا اساساً محد مفكر يتزوج عمره 18 19 جذي لا كلنا الحمدلله
عندنا ثقه بشي اسمه احلى شي الزواج وانا متوظفه ..
فـ عندي اختين الحين اعمارهم مابقى شي ويصيرون 30 ادري مو كبار
بس المشكله ماكو نصيب بالمره ..!!
واذا صار في احد بيخطب فجأه يعتفس كل الموضوع !!
واختي ملجت واستانسنا والله من بعدها صارت مشاكل بس الحمدلله قبل العرس
وماصار نصيب بينهم !
انا ودي افرح بخواتي واشوف عرسهم وامي ودها تفرح
وانا اصغر وحده احس ودي اشوف خواتي قبلي متزوجين ..
مافكر بعمري ابداً افكر اول شي فيهم
والمشكله انه اهلنا اذا وحده تزوجت امها احسها تتحجى جنا يقولون
انه ولا وحده فيهم تزوجت واهما اكبر بنات بالعايله ..
فـ هالكلام كله ساعات يبعد احد اذا بيخطب عرفتوا انه جنا فينا عيب ..!
وللأسف والله انه خواتي محترمات لدرجه مو طبيعيه
يعني من اهلنا اللي تزوجوا ميتين عالزواج وتزوجوا صغااار حيل وبعد متحسفين
وفوق هذا كله في وحده تسوي نفسها مو متزوجه وتطلع وترد على كيفها
وتقول حق الناس انها مو متزوجه لانه توها صغيره ودها تشوف حياتها !
وقبلها ميته عالزواج !!
وفوق هذا كله انه اخوي قاعد يشك فينا شي وايد يعاير للحين محد خطبهم وليش وشفيهم
واخوي يدري انه خواته مو بس ملكات جمال والله مابي اوصف لكم شلون مشالله
خواتي جميييلاااات !! يعني لو جكر قلنا اووكي ممكن بصراحه يعني
يعني لو جياكر اخوي ممكن يقول جياكر منو يبيكم بس اخوي الحين فكرته شي ثاني!
للأسف ولحد يقول اخوج مايستحي لا اهوا جد كلامه حتى انا قمت افكر فيه
لانه خواتي شي غريب جماااااال جمااال وماكو احد طق الباب ..!!
حتى قبل اول ماتزوج صارت جم سنه قعد يحسسنا انه جنا مرته شريفه عشان جذي تزوجت
للأسف هاذي فكرته اهوا يقط كلام ويتحسف بس صج عباله جذي !
ويدري انه خواتي حيل احلى من مرته ومرته مسكينه على نياتها والله ماترضى علينا
حتى اهوا يتحجى فينا واهيا توقفه عند حده وتقوله خواتك انا كل يوم وياهم ولا شفت عليهم
شي ! واهيا عايشه ويانا ومنصدمه انه يقول هالحجي واتيي اتقولنا انا مارضى اخوكم
يقول هالكلام وجذي وتقوله انت ماشفت بنات الناس في بنات الله يستر عليهم
ليش حاط هالفكره براسك !!
بس الحمدلله اخوي الحين كلش مايقول جذي نفس قبل هذا كله كلام قبل
بس انا حطيت الموضوع ودي تدعون الله يوفق خواتي ويعطيهم نصيبهم يارب مايوقف
علماً بأن اخوي قبل لما يشوفنا بنطلع يقول اكيد شايفينكم طالعين ولابسين ومتكشخين
منو يبي جذي :eh_s(1):
يعني تبينا نطلع مبهذلين عشان احد يشوفنا !!
واحنا بصراحه ذوق وكشخه وكلشي ماعلينا قاصر حتى الكل يمشي ويمدح فينا
بس للأسف اخوي حتى ياريت شايف شي علينا لا مو شايف ..!
بس يمكن قعد يشك عشان ماتزوجنا خو اهوا تزوج الصبي اهوا يخطب البنيه
تنطر احد يخطبها !
والكل مقتنع وكلنا راضين انه خواتي للحين مايبون يتزوجون اصلا يقولون تو الناس
بس الناس من يسألون جم عمر اختج اقولها تقول متزوجه اقول لا يقولون ليش ؟!
يعني مادري هل وصل الغباء لكل الناس انه يسألون هالسؤال ؟!
والله اكثر من وحده والمصيبه الكل يقول توهم مو كبااار عيايز مادري ليش
الحين صار تفكير الناس انه الوحده اذا تعدت 25 كبيره ..
وان ماتزوجت مصيبه شكبرها وماتزوجت
وانا اشوف الوحده بالعشرينات توها ورده توها داشه بعمرها
مادري ليش صارت الناس تقول اذا وحده تعدت 25 جنها كبرت حيل !
حتى اختي الكبيره قعدت تقول احنا فينا عله يمكن احد مسويلنا عمل !!
وانا ماتوقع لانه احنا نذكر ربنا ونقرا سورة البقره مو معقوله طول هالسنين
وللحين جذي لانه سورة البقره تشفي من كل داء وكل سحر تبطله ..
المصيبه الاكبر انه اختي اللي بالجامعه شقامت تقول !
قامت تقولي انتي ليش ماتشوفين حياتج وتكلمين وتطلعين وتستانسين
يبا شوفي حياتج احسن من باجر تكبرين محد بيطل بويهج
يعني قصدها (كلمي على لعب) مو على حب وشوفي حياتج انه
احد يمكن يخطبج لا تقول محد بيخطبج لا يكون عبالج بتتزوجين ؟
محد فينا بيتزوج ! كلامها يحسسني احنا طايحين حظ وللأسف احنا عايله
اصل وفصل وشهايد وجمال واخلاق
وفي سالفه غثتني شوي !
انا واختي مو متحجبين بس اختي الكبيره متحجبه ..
شافتنا رفيجة مرت اخوي وقالتلها انا هالثنتين اللي مو متحجبين
عاجبيني حيل حلوين وابي اخطب حق ولدي بس البنات
مو متحجبين !
احس هالانسانه حيل متناقضه بصراحه ماعجبها غيري انا واختي
وتدرين مو متحجبين ماشافت اختي الكبيره متحجبه ليش ماتحجت !؟
والله مو سالفة حجاب يعني احنا شي طبيعي بنتحجب ومحد قال
مايبي يتحجب بس عرفتوا الناس شلون صايره !
الحين انتي ماحطيتي عينج الا علي انا واختي وتدرين مو متحجبين
اختي الثانيه متحجبه ماشفتيها ؟!؟!
استغفر الله والله جد ماعندها سالفه
والوحده مو شرط تتحجب معناته الكل بيتزوجها في وايد متحجبين اعرفهم
للحين ماكو نصيب مو مسألة حجاب ..
للأسف في ناس مايعرفون شيقولون خلاص ماتبين وحده مو متحجبه
ليش متعبه نفسج ومكلمه مرت اخوي:eh_s(10):
والله انا بصراحه ماحب اغير نفسي عشان يخطبوني احب اكون على حقيقتي
وعلى رضاي يعني عندي قناعه انه اللي صج يبيني
يبيني على اللي انا فيه
وانا راح اتحجب انشاء الله بس مو عشان زواج عشان ربي !!

ولا شرايكم ؟!​

سوري طولت عليكم بس ياريت تدعون لخواتي بالزواج والله ابي اغير فكرة اخوي
وابي اهلي يفرحون وانا افرح فيهم وشاكرتلكم ​

 

[hazel eyes]

الخط حييييل حيييييل صغير بس جاهدت وقريت اولالموضوع

برايي انكم تقرون يوميا البقره بالبيت يمكن يكون عين او حسد او لاسمح الله سحر كل شي جايز بهالوقت وعليكم بالدعاء والصدقه

 

[محتارة وبصيح]

؟؟؟؟؟؟؟؟؟ كل بنات الخليج متحجبات من اعمارهم 13 بس ماعرف على العموم براحتكم وكل واحد بياخذ نصيبه

 

[الأميرة جوري]

الله يرزقج يارب بس ماعجبتنى فكرة اختج بدال ماتقول ادعي ربج وتقربي له بسهام الليل اللي ماترد والله مايرد عبده ....واكيد تاخير زواجكم فيه خير ....احمدي ربج ..( وعســـى أن تحبــــــــوا شيئـــاً وهــو شـــر لــكــم )

 

[amal ksa]

والله مادري وش اقولك بس الناس لازم تتكلم واذا بنسمع كلامهم نتعب
انا عمري 24 والكل يسال ماما حياتي ليه اموله للحين ماتزوجت المشكله الناس ناسين انه هذا مو بيدنا بيد رب العالمين هو الرزاق المهم انا مطنشششششششه وماعلي من احد اخر همي الناس لاوبعد صديقاتي المتزوجات يقولون لي شوفيلك حل لازم تتزوجين ههههههههه وانا اقولهم محد خطبني عادي زوجوني ازواجكم هههههههه عشان اسكتهن

 

[tt2tt]

موكل شي هو الزواج الانسان لازم يقتنع بالله هو يقدر له كل شي

 

[Tom ♥ Jerry]

,



لا حول و لا قوة الا بالله العلي العظيمـ .!

مآ آحب نظره الناس هاذي نظره الشفقه
يشوفون الي ليلحين مآ تزوجت جنهآ فيها بلى و مسكينه و تكسر الخآطر
مآ يدرون آنه الزوآج مو بآيدها و لا بآيد اي آنسان على وجهه الكون الزوآج و النصيب
مآ اييبه الا رب العآلمين .!


انا اقول يا قلبي .، بالهدآيه و التقرب من الله و الدعاء و سورة البقره كل شي يصير ,!
يمكن ليه تحجبتي و سويتي هالشي لـ وجه الله عزوجل يمكن اييلكم نصيبكم .،

يمكن نص الـ رياييل و الآمهآت يدورون حق عيالهم الوحده المتحجبه ,.!
للآسف لآنه نظره الـ مجتمع " بعضهم " على بالهم آنه البنت السفور مو زينه ! :/

انا مو قاعده اقووول سوي هالشي عشانهم لا و العياذ بالله !
سوي هالشي عشان ربج ، آنتي قلتي آنج كبيره و تتوظفين آنتي و خوآتج
شنو المآنع ليه استعيلتي في موضوع الحجآب ،
دآم مو نآقصكم شي بس الحجآب .! و ديري بآلج يقصون عليج
يقولون كلمي شباب و لعبي عليهم عشان تتزوجين !.

عمره الحرآم مآ ياب شي زين يرضي ربج !
لا تطيحين بالمعصيه .! كل الي عليج تسوينه ترضين ربج و وآلدينج .،
و تدعووووون

و انا لآحظت وآيد تكلمتي عن الجمآل و الوظيفه ووووو آلخ .!
ترا يا قلبي النصيب مآ آييبه جمآل و لا شي :/
النصيب بآيد الله يا ما بنات مو حلوين تزوجو و عيلووو و البنات الحلوين قعدوو
و ياما الوحده الآميه لا تعرف تقرا و لا تكتب مشا حظها و ياما الـ دكتورة مآ تزوجت .!
مآله شغل هاذا بالنصيب ,.!

الزوآج نصيب .!
بعدين لا تفكرون 24 ساعه بالموضوع !
جنه مآ عندكم شغل و لا مشغله الا هالسالفه .،
يبه خلاااص سلموو آمركم لله عزوجل .،

روحوآ و استانسووو و لاحقين على الزوآج
آن شاء الله تتزوجون : *

 

[مودي كويتي]

انا عمري 24 وشايله فكره الزواج الحين لين اصير شي وثلاثين وكيييييييييييييفي شنو المشكله اللي يسمعك عاد يقول كلش المتزوجين مستانسين

 

[Yostina]

انا عمري 24 وشايله فكره الزواج الحين لين اصير شي وثلاثين وكيييييييييييييفي شنو المشكله اللي يسمعك عاد يقول كلش المتزوجين مستانسين

:rerrerek::rerrerek::rerrerek:
آنا وياااج

ما همني كلام الناس وتخلفهم
أهم شي قناعتي وثقتي ورضاي بربي أولا وبنفسي ثانيا! لأن الأول يترتب عليه الثاني..

أتمنى أتزوج وأستعيل ويمكن اختار غلط وأتعب نفسيتي وأعقد عمري عشان بس أرضي الناس وأسكتهم؟ لا والله أي شي
وحلوج الناس ما تسكت لو شنو وإذا بتتمين تعطينهم هالكثر اهتمام راح تتعبين تتعبين تتعبين وايد

نصيحة طنشي وثقي بربج ونفسج أكثر
والصبر والقناعة كنز يغني عن وااايد شغلات

أبدا الزواج مو كل شي بالحياة
لا تظنين انه اييب السعادة
يمكن اييب العكس الله لا يقوله خصوصا لو كان في استعيال بالموضوع ومبني على رضا الناس وبس
السعادة بالقلب وبالرضا النفسي

والجمال مو كل شي
صحيح له دور
بس اهو مو كل شي ولا اييب السعادة أو الزواج
في مفاهيم أكبر بالحياة ضروري نفهمها قبل كل شي عشان نتوفق ونعيش براحة وسعادة

لا تتحجبين إلا إذا كانت النية نابعة من قلبج لأن وقتها بس راح يحتسب لج
وياما متحجبات عالطل وبس مظهر وياما مو متحجبات وماشالله أخلاقهم عالية
وكذلك العكس صحيح
هذا أبد مو مقياس
ومو شرط الناس تفهم هالكلام يكفي انج انتي فاهمته وراضية
وراح الله يعرفج عالناس اللي تقدر وتثمن هالكلام بالوقت المناسب بس انتي قوي صبرج

شيلي فكرة طايحين حظ لأنها غلط وراح تصير صج لو انتي غذيتي هالفكرة باعتقادج لها
محد طايح حظه لأن الله ما ينسى أحد وأكيد يبي لج الأحسن

وبس ادعي ربج وتقربي منه وراح ترتاحين
الله يوفقكم كلكم يا رب :eh_s(7):

 

[من يشابه ديرتي]

النصيب ماتدرين متى يجي
والله اعرف بنات وصلوا للاربعين و جاهم نصيبهم بهالعمر وتزوجوا ..
ادعي واستغفري على طول وربج يرزقكم امييييييييييييين

 

[سفيره الكويت]

كثرو من روحتكم للعروس تسنعو رزو نفسكم وبيخطبونكم قاعده بمكانج وماتبين تكلمين الا رفيجاتج ماينفع احتكي بالناس وشوفي

والله يرزق كل بنت بالزوج الصالح اللي يسعدها ويكون مصلي ومسمي

 

[^ريما^]

كله نصيب واذا الله كاتب نصيب لخواتج ولج بتشوفونه والله يرزقكم بالزوج الصالح
ويرزقني بالزوج امين ياررررررررررررررررب

 

[شاي ونعناع]

والله كل شي بيد رب العالمين ونصيحه حجي ناس قطي بحر وييييين تتعبين منه كله حجي مايرحم بكل شي يت علي تاخر زواج البنت جنه بكيفها تتزوج ولاتعيل كل شيي مكتوب عند رب العباد لي البنت ماتزوجت يتكلمون تزوجت ماحملت يتكلمون لي تزوج زوجها تكلمو طلقها تكلمو طااف اذا الله كاتب لهم بيتزوجون يتزوجون مايوقف علي جمال او وظيفه الله يرزقهم ويرزقج انتي بعد زوج الصالح ااااااااامين

 

[عزتي مالها حد]

عسى الله يرزقنا ويرزقكم بالزوج الصالح التقي النقي الغني

 

[غمزه وإبتسامه]

الله يرزقكم يارب

 

[سمو الغلآ]

لاحول ولاقوة الابالله

هو مايبط الجبد الا كلام الناس ونظراتهم ..,


الله يسسامحهم .,



والله ان شاء الله يرزق خواتج وجميع بنات المسلمين.,.

 

[جوك احلى جو]

والله لو شنو تسوون اللي الله كاتبه يصير

لكن هااا

مايرد القضاء الا الدعاء

كثري دعاء كثري صدقات واستغفار وصلاة عالنبي والقران لاتهجرينه وربج يفرجها


بعدين وايد بنات اخلاق وجمال وسنع وماتزوجو وايضا تلقين
وحده رايحه فيها ومتزوجه


بالنهايه الزواج الموت الوظيفه رزق الله كاتبه مالج اي دخل فيه


وكلوا اموركم لربكم وعسا الله يرزقكم احسن من اللي ببالكم

 

[توتا الكتكوته]

انتوا بهالمنتدى كله بايرات و طايحين بجبود نفسكم و من قال الحين الناس تدور ااجمال الجمال صار ينشرا بالفلوس حدج قديمه انتي و بالنسبه للحجاب اغلب الشباب يفضلها محجبه انا نفسج تقدمولي شكثر شرطهم الحجاب حتا الرجال تاغير ملتزم يبي وحده متغطيه بطبع رالرجل ااشرقي غيور و يحب يكون مثل اهله و تقاليده هذا شي حلو صراحه و اذا بياخذ سفور وجمال يروح برا اقدعها فرنسيه و جميلا اوربا يعني شحاده عليكم اذا مو ملتزمه كون الاغلبيه يربطون الالتزام بالحجاب حتئ مره في وحده تبي تخطب حق ولدها شافت بنت بالمدرسه خلووقه
وشاطره و مدرسات الاسلاميه ميتين عليها المهم يوم شافتها بس علشان حافه حواجبها قالت ما ابيها دام اهيا تعدت على شي حرمه الله
انا ما ابيها ؟!؟؟؟

متخيله تفكير يختلف من شخص لي شخص ؟! يعني زين الوحده تلقى لها واحد يصلي و يخاف الله مو بس يتزوجها اسم ؟!؟
شالفايده ،، و اغلب الرجال السنعين الملتزمين يبون وحده سنعه ملتزمه مو باجر لي خذاها تبي تعيش مراهقه و متزوجه كل ما يبون يطلعون
تنقعه سااعه علشان تسنع شعرها و لا تلبس قصير رجل الخليجي الاصيل غير تفكيره
و الله يرزق الجميع
وين ما امشي اسمع بنات بالجامعه متشفقين عالزوااج بنات الديره شفيكم محد قام يعبركم ههههههههه
اتغشمر حيااااتي فدييبتكم

 

[حكايه قلب]

الله يــــــــــــــرزقهم ويرزق بنــــاات المسلميــــــن

 

[Leila]

الله يرزقهم ان شاءااااااااالله كل شي قصمه ونصيب