كــــــرهت منتدى هـــــواة التصـــــــوير

[Horror Lady]

برآيي السالفة مـو سالفة متخصصة و فاهمة بالتصوير و بس !
لاء يعني الناس اذواق
اذا شفت شي يعجبني اكيد بقول إبداع و واااو حتى لو مـو فاهمة بالتصوير
و اذا شي مـو عاجبني بقول مـو حلو وايد حتى لو المتخصصة و المحترفة بالتصوير عجبها
فالموضوع سالفة اذواق مـو بس احتراف

و شكرًا

 

[LA TROO7]

اي و الله صااااجه من ناحيه المبالغه بالمبااالغه بالمدح . . لاحظتها خاااصه لما نكون احنا تونا مبتدئين واييلج تعليق يقووولج " ابداااع " << شدعوووه




بس من ناحيه انتقااد البنااات لما يقولون ابتعدي عن الاقتصاااص والتوسيط او وازني الصوره او الصووره فيها تشتيت بالععكس يعجبني هالانتقااد احس ان الي تقولي جذي تنبهني وتكون صج فاااهمه يعني لو تدشين على فلكر الي انتقدتج رااح تشوفين اهي صج فاااهمه بالتصوير . .






انا من ناحيتي احترم الانتقااد . . واغلب البنات الصرااحه انتقااادهم بمحله . .

حياج الله حبوبه

بس مثلا وحده مبتدئه تقولها ابتعدي عن التوسط شلون راح تفهم !

 

[لوحه معقده]

عااادي كلنا نقول جميله وروعه وواااو بس القصد من الموضوع الصور اللي اقل من العاديه الصوره اللي مافيا زوود ليش نمدحها

اذا مدحنا مااستفادت البنيه شي بيكون تصويرها نفس هالمستوى
اما اذا نقد وعلماناها شنهيا اخطأها راح تستفيد وتصور احلى من هالمستوى

كلامج :eh_s(15):

 

[كريستال]

هلا حبيبتي

انا مالي بالتصوير بس ابي اقولج شلونج يالغاليه ووحشتيني <===داخله عرض

 

[LA TROO7]

هلا حبيبتي

انا مالي بالتصوير بس ابي اقولج شلونج يالغاليه ووحشتيني <===داخله عرض

هلاا وغلااا فيج االخير يالغالية

والله انتي اكثر واني احبج في الله يالراقيه:eh_s(17):

 

[[ نور عيني ]]

.














الموهبه تنصقل من خلال النقد ..
لان المجامله عمرها ما تفيد الشخص بشيء ..
بالعكس ممكن انها توقف الموهبه لحد معين بدون اي تطورات ..
ذلك انا معاج اختي صاحبه الموضوع بس بعيدا كل البعد عن التجريح والنقد يكون بناءاً ومفييد ..
وقواكم الله ..















..

 

[Nanoosa]

بنات ترى يمكن مو مجاملة .. الاذواق تختلف

يعني في وايد صور شفتها عاديه حييييل حييييل تيي وحدة تقول (الله!!! شلون صورتيها علميني حدها عجيبة)

ترى يمكن يكون من صجها و عاجبتها انا في وااايد صور ما تعجبني بس تعجب غيري و اكو العكس

 

[willa]

و أخيرا لقيت موضوع برد جبدي

وهالكلام ودي اقوله من زمان يعني صج اشوف صور للأسف تلوع الجبد و الردود رووووعة وتهبل و واصلي يا مبدعة

بعرف وين الإبداع بالموضوع و تخلون البنية تحس إنها سوت شي

المفروض الواحد يعرف عيوبه حاطه الصورة عشان تبي رايكم الصجي مو تمدحون عالفاضي

وشكرا =)

 

[Haibara Ai]

أحسسسنتِ !


البعـد عن المجامله و العاطفه أهم شي بالتصوير أصلااً :/


لّمن نجامل و نعطي هالمصطـحات " واو , مبدعه , روعه "


محد راح يتطور ب مجال التصوير ..


وأتمنى من الكل يبدون رايهم بِ صرّاحه :eh_s(17): !

الله يعطيج العافيه ماقصرّتي ..

​

 

[سميرة العوضي]

بأختصار


ان اكثر الاعضاء و للاسف ما يحبون النقد و في ناس تعتبر النقد هدام وليس بناء
مع ان ترى اللي خلاني اوصل ما انا عليه الحين اهو نقدي ببداية تصويري الهدااااام

و هذا اللي خلاني ابتعد ترى بالفتره الاخيره عن القسم و ما ارد على المواضيع

و في جملة شدتني

والا تجي الثانيه تقول ابتعدي عن الوسطيه ونظريه الثلاثي والاقتصاص <<<بلفيت ترا انا اعرف كل شي عن التصوير !!!!

ما عليه اختي انا معاج و بنفس الوقت مو معاج
ماتبين الاعضاء نرد بمجاملات ( روعه و واااو ) و لا بالنقد اللي جذي علشان لفت ان نعرف كل شي

عيل تبينهم يردون بشنو !!