كـروؤوؤشـــه بس حددج أنيقه وحلــووه ومغــريه .. :)

[~ M!sS D!oR ~]

هذي صوووره السنفرره روووووعه اسمها يوراج ب8 دك حتا استعملووها من الحييييييييين بالاسبووع مرتين

 

[pinkigigi]

شفتو ألهام الفضاله في فرصه ثانيه ميني دراعه و دريسات و شحاطات غريبه هذا ستايلي

و شعري دايم ذيل حصان ماادري ليش من احمل اسحب كل شعري ذيل حصان و دايما اقصه !

كريمات جسمي كلها من الصيديله للستريج مارك و الترطيب
و آخذ من باث اند بودي لوشنات و معطرات و صنفرات من زمان عليهم

و البجامات عاديه نفس بجاماتي بس اذا كبر بطني آخذ شغلات تكون كلوش شوي

المكياج صراحه ما احبه اول 3 اشهر النساة تلعب بوجهي كله

عموما انا من اللي ما يحبون الاوفر ميك اب

 

[رحيل]

اهتمامي نفس قبل الحمال ماكو شي تغير بس انه زاد اكثر بشوي وماشالله ماقصرتي قلتي كل الستايلات
واي حته قمصان النوم تغيرت يعني قمت اخذ الوساع صوب البطن لازم عشان يطلع احلا وصح كلامج لازم الوحده تعتني بنفسها حته لو شوي يعني ماتوصل لدرجه الاهمال وطفش ريلها

 

[طيــــــــــــف]

يسلموووووووو

 

[kuwaitya_zoGaa]

حبيبتى ما ابي احبطج ترا انا نفسج بجر وكنت مستانسه وحالتي حاله
بس من النسات ماقدرت اقوم من الفراش من التعب وكل العطور وريحه الاكل والخلطات حتي البخور تكرهينهم
يالله اذا ارتفعت النسات شويه تقدرين تشوفين العافيه
وبالنسبه لعنايتي
كريم تشققات البطن وكريم ستيفنز للكولاجين وبس هذا اللى اقدر اتقبله حاليا

 

[khawla&tito]

اب

اب

اب

 

[opera]

الحامل ما تنلام

في حوامل صج يتعبون وينها ووين الكشخه واللبس وعموما الحامل تدور شي مريح ما يضايقها

يمكن هذا اول شهر لج فللحين بالبدايه بعدين راح تشوفين شلون بيصير مالج خلق الكشخه وتدورين شي مريح

خصوصا اذا كنتي من النوع اللي يمتن بالحمل(وهالشي مو انتي اللي تحددينه) راح تكرهين نفسج وجسمج وبتشوفين انه كل شهر يبيلج هدوم يدد لانه كل شهر بتمتنين

لا وعاد بالاشهر الاخيره كل اسبوعين ملابس يديده عشان جذي احسن شي بالبيت النفانيف القطن ملوت بي اتش اس (عجيبين ومريحين)

اما من ناحيه سنفره المشمش وماي ورد ومادري شنو ترا في حوامل وانا منهم تلوع جبدي من الروايح فكنت ما ارش ولا نوع عطر ولا احاول اشم شي عشان لا اكرهه بعدين (اخيييه كنت بحمالي الاول وقبل لاينزل توم فورد الكويت شاريته وهابه فيه والكل يسأل عن ريحتي لين تنسيت وكرهته ولي يومج وهالحجي من 4 سنين اكرهه ومن اشمه على احد جبدي تقلب )

والاكل همن ماتقدرين تتحكمين فييييه ... اي لي كرهتي شي لو شنو مايطب ببطنج ولي تنسيتي علي شي واشتهيته يابوووي حتى لو شي مضر بتمين تاكلينه



يعني بعد هالقرقه كلها

الحامل امرها مو بيدها .. بيد البيبي ومشتهاه

 

[Ms.electric]

و الله ضحاوي موضوعج يخلي الواحد يتحمس ...

بس صدقيني حملة عن حملة تفرق ... يمكن انتي ما ياتج النساة القوية و انشالله ما تييج ...

انا نساتي كانت بريلي و الشقة تلوع جبدي اذا قعدت عنده و طول الحمل ليلحين انا بالرابع و كله ترجيع وين اكشخ و اسوي

للأمانة اهتم بنظافتي بس شوي طخيت عن كشختي و لأسباب ان مابي احرك مشاعره لأن الجماع مو زين حقي لأن ينزل علي دم

علشان جذي شوي اهملت اللبس بس متوعدتله بعد ما اطلع من الاربعين شكل ثاني بيشوف لأن انا مو طبعي الاهمال ...

و الله يتمم عليج هالاهتمام يا رب و يوصلج لتمامه

 

[ريانا]

حاولت اهتم بس موقاده نساتي موطبيعيه لوعه وترجيع وانتي بكرامه والله حتى اكل مو قادره اكل ريلي يزفني يقولي حرام عليج شلون بحط مكياج اذا انا موقادره اقوم من الفراش واللوعه غير اني كنت مجهضه من قبل فاخاف اقعد فتره عالتسريحه اتمكيج او افرك ريولي حيل واعور بطني فصايره موسوسه درجه اولى يدوب شور كل يوم عطر وياله اتحمله وحمام زيت لشعري دقايق واغسله بس وطبعا اغسل جسمي بجيل بدي شوب الفراوله غير جذي موقادره اتحمل والله تعبت

 

[ضحاوي الديره]

مشكوريييين بنات ع الردود بس للأسف اغلبكم حبطووووني
الحين خلصت الثاني ومبلشه بالثالث والحمدلله ماشاء الله تبارك الرحمن نساتي مو ذاك الزود حتى مرات تمر علي ايام انسى اني حامل هههههههه اللوعه خفيفه حيل شي لايذكر اما الدوخه بس لي سويت مجهود
وملابسي للحينهم مقاسي الا جينز واحد مو راضي يسكر
انشالله يارب استمر ع حالي هذا لي التاسع ههههه

 

[frfr]

كلامج كله حلو و حماسج احلى بس من تدخل الوحده الشهر الثالث لين الخامس كل اللي قلتييه ما ينفع طبعا كل وحده نساتها تختلف وان شاء الله تكونين من الحمل اللي ما يحوشهم نساه

بنسبه لي من دخلت الثالث ما ارش ولا عطر ما اتحمل حتى السبوح صعب علي من ريحه الشاور جيل والشامبو يعني عالاكثر 5 دقايق وانا طالعه اقل شي اقدر اسويه احط لي كريم ترطيب حق ويهي وهم تقلب جبدي بنسبه للبس ادور لي اي شي مريح وواسع

حاليا الحمدلله النساه تقريبا راحت تقدرين تقولين قمت احط لي بيبي اويل حق جسمي لانه الوحيد اللي ريحه عطره خفيفه ورديت عل مكياج و قمت احط لي عطر بس مو وايد عشان اقدر اتحمل والحمدلله رحت السووق وشريت لي جم شغله حلوه للبيت و جم قميص للطلعه

بختصار الله يعين الحوامل والله مو بيدنا يعني الوحده تحاول كثر ما تقدر وان شاء الله بعد الولاده الاهتمام يزيد

 

[camilia]

انا وحدة احب اهتم بنفسي واكره شي عندي لا شفت وحدة ويها كركم اصفر يخرع
علبو ماتحب تحط ميك اب ترضى تخرع الناس بويها
ماتحبين تحطين ميك اب كيفج بس دام بشرتج مو نضرة ولونها باهت مايمنع شوية بلشر ينور هالويه ويخليه يضوي..نفسيا الواحد لما يشوفج ويكلمج بيرتاح!

المهم انا من حملت صرت اعييز وااااااايد وااايد
والله لدرجة اني حصرانة ابي الحمام بس مااقدر اقووم جنه شي مدبسني بمكاني هههه
مع هذا ما اهملت نفسي
صرت اكثف زيارتي للصالون يسشورون لي شعري يصبغون اظافري

وانا رادة من الدوام امر الصالون يدلعوني واطلع ارد شقتي واكون على سنقة 10..صج الصالونات نعمة لاني مافيني حيل ولا لي نفس حتا اصبغ اظافري هههه ياربي مدري شهالهرمونات اللي جذي تلعب بالنفسية؟

بالنسبة للملابس صرت البس نفانيف اللي تكون هالطقة حدها تهههبل مع كرشة الحمال





وهذيل بس طولهم يكون تحت الركبة بشوي مو طوال حيل



اريح من البنطرون..واذا بلبس بنطرون البس ليقينق ..عاد اهو صج اسمه ليقينق بس اختار الوسيع لان ريلي ريول سيلانية ضعييفة فيصير مثل البنطلون باارد ومريييح

 

[camilia]

فرفر حيا الله بنت تجمعنااا

تصدقين بخصوص سالفتج مع السباحة نفسيييي ماحب اطول بالحمام حدي 10 دقايق
ولاني ما اسبح غير بماي حار فلما الحمام يضبب صايرة اختنق مااقدر اتحمل واطلع سيده

وبخصوص الكريمات الصراحة ما اعذب نفسي والطخ جسمي بهالكريمات لان مرد اللون الغامج والكلف بيروووح..اهم شي الترطيب وبس..وصايرة ارطب جسمي بزيت يايبته من برة الكويت ممتاز حق التشققات والتجاعيد
كافي ان الزيت داافي مو الكريم لي حطيته جني غايصة بالقطب الجنوبي بااااااارد

 

[ضحاوي الديره]

اب 