هاي بنات شلونكم وشمسوين مع الحمال ان شالله بس تكونون مرتاحين ؟
انا الحين حامل وتوني ماصارلي شهر عسى ربي يثبته ان شالله ويعافيه ويفرحني بلمته بين ايديني انا وياااااكم يااارب
بس مو معناته اني انا حامل اهمل روحي و
عنايتي بنفسي وبجسمي عشان هيك سويتلي جدول راح اتبعه بإذن الواحد الاحد طوااااااال هالتسع شهور الله يتممهم ويعديهم على خير يااارب وحتى لو تغير لوني شوي وغمجت مو مشكله بس اهم شي انا قاعده اهتم واشتغل على روحي عشان انشاااااالله لي قمت بالسلامه وبديت اشتغل على نفسي الشغل الجدددد يبين معاي بسرعه لأن اكون مو باديه من الصفرر عرفتوو شلووون ؟!
يعني لازم عنايه حلوه وتغذيه حلوه عشان بفترة الحمال اكون مقبوله وحلوه وبعد ماقوم بالسلامه اصير صاااااااروووووخ ههههه*
وهمن قررت شغله ووعدت نفسي اني ما اهمل كشختي ولا اناقتي وماصير جني مريضه مثل بعض الحريم الله يهداهم ،، امبي وربي اشوف حريم عبالهم انهم حمّل خلاااااص عادي ان الويه يكون اصفر واللبس اي شي وهمن النظافه اي شي*
وهذا بصراحه واقع انا قاعده اشوفه بعيوووني من حريم خوالي وحريم عمامي وبنات خالاتي الله يهداهم قبل الحمال الوحده جنها وررررررده ذرابه واناقه وريحه تدوووخ ومن تحمل خلاص هذا كله يروووح ياربي ليييييش ؟؟
انتي صج حامل وتعبانه ونساة بس بعددددج انثــــى
مره كنت بدار خالتي اتضبط قبل ما يجي ريلي ياخذني ولا اسمع خالي يقول لمرته : تحسسيني انج اول وحده تحملين بالدنيا ومحد حمل قبلج ماقلنا شي حامل والله يعينج بس خليني احس انج مره مايسوى علينا هالحمال ترا ....!!!!*
كسررررت خاطري والله حسيت نفسي مكانها*
انا ما انكر ملاقة خالي السخيييييييف بس همن مرته الله يقومها بالسلامه غلطانه المفروض تخصص وقت من اليوم تهتم بعمرها وتضبط شكلها وتستقبل ريلها بنفس حلوه وريحه حلوه ولبس مرتب
وبصراحه انا خايفه انه يقلب لوني وخصووووصا رقبتي اشوف وايد حريم من يحملون يتغير اللوووووون فوق تحت*
فكل وحده الحين من الانثيات الجميلات الحاملات سواء كانت توها بأول الشهوووور او خلاص مو باجي عليها شي تقولنا شنو عنايتها بنفسها الحين واذا ماتسوين شي الحين قوليلنا شنو مخططه تسوينه عشان تهتمين بنفسج وجسمج وصحتج ...
يعني من خلطات طبيعيــــه وماسكات وتغذيه خاصه وهيك شغلات يعني ..!
وهم تقولنا شنو ستايلها لمن تكون بشقتهااا مع ريلهاا لأن اكيد معروف انه مع الحموله دراريع وجذي بس انا ابي لمن تكونين بشقتج مع ريلج
مابي وحده تجيني وتقول مو مهم .!! إلا مهم ومهم ومهم ع الاقل بالنسبه لي انااا
عشان معنوياني وهم عشششششان امتع عوينات ريلي لوووول مابيه ينصدم انا بيضا وجسمي حلووو مابي عقب جم شهر يقعد يدور مرته الحلوه ومايلقاها وعليااا
ابي اظل حلوه ومرتبه وانيقه*
وانا اول وحده ببدي بس ابي اشوووووف تفااااااااعل اوكيك ..؟!
ستايلي بشقتي بما اني راح اصير كروشه عندي كذا فكره منهم
*
- البدي يكون حفر او كت او علاق مع كسره صوب الكروشه والبس معاه شورت مع تايتس ملون حلووو راح يكون شكلج حدده فنكي و وااااااااو*
- الستايل الثاني حده مريح فستان طويل مع حزام صوب البطن وطبعا بكسره صوب الكروشه الحلوه مع هير باند وشحاطه حلوه
- الستايل هذا حق بالليل لمن تبين تكشخين لريلج كشخه نعووومه ... اكو فساتين حلوووه عند الطاهر وانور واتيكيت ومونافي تجي خامتها نااااعمه وشوي شفافه او حراير تطلع تينن مع اندروير فيه حركه*
- الستايل هذا هم حلو ومريح ... البجامات الحراير والستانات تطلعين تيننيييين وبنفس الوقت ماتتعبين بالتضبط
- واخر شي طبعا البجامااات اللي مالنا غنى عنهم ابدن بس حاولي تنقين البجامات الكيووووت والوان فرايحيه برسمات وحركات وهيك شغلات يعني
- جقينز مع بلوزه واااااااسعه وحزام تحت الصدر وشحاطه حلوه
- فستان قصير كت او حفر او علاق يكون ضيج صوب الصدر وواسع حيل صوب البطن
بهالستايلات تصيرين حدج كيوووت وكشخه وذربه وانيقه وتخفين الاشياءات اللي ماتبينها تبين*
شراااايكم فيها؟؟؟؟
اما عنايتي فأهيا كالتالي ..
وجهي : ماي ورد وفيتامين سي - ماسكات طبيعيه هرده ليمون حليب بودر او سائل بطاطه مفيوحه *روب عااادي اي شي بالثلاجه حطيه *- غسولي كليروجين مع اللوشن ماله - بدورلي غسول للتفتيح مضمووون مع الكريم ماله او السيروم واهم شي يكون آمن - كمادات جاي اخضر تهببببل توخر التعب - منقوع المره عشان ماتطلع حبوب وتنشد البشره وتكون واااااو >>>> طبعا كيفج تتبعين اي شي تبينه*
ماي بيوتييييفل بودي ؛$ : خلطة مزيونه وشقرا للسبوح - سنفراتي( المشمش . واللوز والسكر والليمون) - باكج ورده سلفر أحس عجبني وطق ببالي - خلطة ( سودو .جليسوليد .زيت اللوز والجلسرين والليمون والمر.كركم الجسم.فكس.زيت زيتون.جنين القمح) حلوووه للتفتيح - خلطه ثانيه ( كوكو بتر وشيا بتر والوفيرا بتر مع بيو اويل وزيت الزيتون وزيت اللوز) هذي بخليها لبطني وببدي فيها من الحين دامني بالشهر الاول عشان مايخطط بطني ويغمج وهمن بحطها ع صدري وفخوذي عشان مابيهم يترهلووون
اقدامي : فكس وفازلين وكركم وزيت اللوز وزيت المر والجلسرين عشااان يلقووون ويمكن اضيف عليهم شوويه من دم الغزال
التغذيه طبعاااا واهيا الاهممم ... اكثر عصيرات طبيعيه واكل فواكه "طبعا المسموح فيها بسسس" والخضره الخضرااا مع اني ماحبها وايد بس مفيده للدم وللبشره ولصحة البيبي فديته واقلل نشويات وسكريات عشان ما امتن واحافظ ع جسمي والتزم بالفيتامينات مالت الدكتوره
يالله كل وحده تدلو بدلوهااا .. 3>
