السلام عليكم
حبيت انزللكم طريقتي بعمل كعك العيد لانها كتير طيبه
وبتدوب بالتم متل الزبده
بناءا على طلب العزيزه هبوش
وكتير من البنات
حبيت انزللكم طريقتي بعمل كعك العيد لانها كتير طيبه
وبتدوب بالتم متل الزبده
بناءا على طلب العزيزه هبوش
وكتير من البنات
يالله نبدأ
3 كيلو سميد فرخه ناعم بلدي
كيلو سمنة مازولا يفضل انها تكون مازولا
3 اصابع زبدة لورباك يعني 300 غم
كوب او كوب ونص سكر
8 ملاعق حليب ناشف مليانين مو عالريحه
ملعقه صغيره مستكه مليانه
ملعقه صغيره محلب مليانه
ملعقه صغيره دقة الكعك او(روائح العكك)مليانه
ملعقه كبيره يانسون مليانه
ملعقه كبيره شومر مليانه
كل هادي المقادير نفركهم مع بعض قبل بيوم او بيومين افضل عشان تطلع طريه
بعدين نقسمهم اربع اقسام وكل قسم
نضع عليه ملعقه صغيره خميره بس مو مليانه هالمره ونعجنه بالحليب الدافيبس مو متل مابنعجن العجين العادي لا بخف يعني يادوب نحرك المواد مع بعض لحد مايصير طري وومكن نشكله يعني لا ناشف ولا طري كتير
وبنشكله متل مابدنا
بالقوالب
او متل ما انا عملته
وبنقشه بالملقط الخاص بالكعك
وكل ما نخلص قسم بنعجن التاني
انا ما بعجنه كله عشان مايخمر كتير
لانه بوخد وقت وانت بتشكلي فيه
وهاد شكل ملقط الكعك
الشكل الي انا عملتها كان اني بعمل كره من العجين بحشيها تمر وبعدين بعمل فتحه بالوسط بعود او قلم
بعدين بزبط الشكل بأيدي عشان يصير السطح مستوي شوي وبالملقط بنقشه من تحت لفوق وبالعرض مو بالطول
شوفوا كيف بتنقش بالطول انا عكسها بنقش بالعرض ومن تحت لفوق
صحيح التمر بعجنه مع قالب زبده وهيل مطحون وقرفه وروائح الكعك
وصحتين وعافيه
واي سؤال انا حاضره
