- إنضم
- 20 أبريل 2010
- المشاركات
- 3,913
- مستوى التفاعل
- 3
- النقاط
- 0
بسم الله الرحمن الرحيم
الي جميع من في المنتدى الكراام
اخوتنا في الله >>لانها تبي تحج طوفوا
كتبت لكم هالموضوع
وهو عباره عن قصه لناقه من قديم الزمان وقت الحصى تمر ابام قبل يوم الربيع الزين 2002 ربيع طيب وفقع >>طمرت الرصيف
وحبيت اخلي لي بصمه في ذا المنتدى قبل اموت بالحج ولا اعود وتذكروني فيها واحرصوا على عيالي >>قلبتها منااحه
الموهيم مالجن بالطويله ياراعيات الجديله
>>والي ماله جديله تستعمل دابر املا وتحمل ريحته وتطلع لها جديله
.......
في مراح ابو الجردا عنده ذود طيب وحلال يسر الخاطر والناظر
وعنده هكالناقه الي يقالها طرخومه
عقيم وماتجيب النمى مير انها ناقتن فيها العنق الزين والطخامه والشئ الي يتمناه كل الراعي لحلاله
ويضربها عدد من البعارين مير مامن جدوى
وعمك اصمخ
ودايم تردد لا جتها الدوره :
مابي من الدنيا لا مال ولا جاه
ابي طفلن لاضاقت بي الدنيا قال يمه
يمه
يمه
ومن زينها مابقى ابو الجردا يبيعها وقال يبي يتطبب فيها جود يجني من وراها رزق وخير
ومع مرور الزمن شرا ابو الجردا هكالبعير
الي من زينه ماودك تعطيه اليمنى اليسرى
وضرب طرخومه >>العزابيات براا شوي ممكن .؟
والمفاااجأه
لقحه طرخوووووومه
وجابت هكالناقه الي من زينها سماها ابو الجردا باسم بنته الجردااااا >>ابوك يالغلا
وكبرت الجردا وصارت مره وكلن يخطبهاا
وكلن يبي القرب منهااا ويقولون من زينها صكه على باسكال >>زين البدو
وجسمها يقولون صك على هيفاء >>احلى من كيم
....
وقلبها هوى رماان وعشقته >>عاد عشق البدو يجيب الواحد من اقصاه
و القلب مايبي الا رمااااان
>>رمان قصته قصه لو ابي اقولها طلعتوا من الموضوع وخليتوني اهرج على روحي
الموهيم
رمان رجالن فيه خير وكل بنت تتمناه وماله حلي بالمزايين واطخمن مادوج بالاسواق
حتى من زينه حبته الجردا بنت ابو الجردا الاصليه ماهيب الناااقه
مير هو يصد عنها ولا يبي الا النااقه الجرداا
وشأت الاقدار الي ان الجرداااااا انباااااااااااااااعت
ابو الجردا جتله سومتن حلوه وباعها وغرته الفلوس
والنفس طماعه
الوكاد ان حان الفراق وكلن حي يبي يموت >>من اليوم تفاول
وقالت الجرداااا لرماااااان :
لو بغيت اصد عنك ماقويت
وان بغيت افارقك قلبي خفق
من يقول اني على هجرك نوييت
قله ان قلبي بحبك محترق
وقله اني في محبتك اعتليت
رافع الهامه على حد الشفق
وقله اني في بحر حبك رسيت
فوق مجداف الهوى قلبي غرق
ويوم راحت لمراحن ثاني ماجازلها المراح ومهوب بيئتها ولا سلومها ولا عاداتها
جاها المرض والكبر وصارت ماهيب الجردا الي انتوا خابرين
وصاروا يسمونها الفاطر الجومه
وعقب الشباب والزين صارت عجيز محد يبيهاااا
وقامت تردد :
اشهد ان اشباب اقفى وخلاني
راح ماعاد له بالوجه ماريه
وقمت ماعاد اسير يم جيراني
ومطري البر في الروحات والجيه
يالله انك تهون كل ماجاني
تحسن الخاتمه وتزيين النيه
