كريم استخدمتيه وبيض بشرتك وصابونه استخدمتيها وبيضتك (موضوع خاص لتبييض البشره)

[مزيونه وشقره]

كريم استخدمتيه وبيض بشرتك وصابونه استخدمتيها وبيضتك (موضوع خاص لتبييض البشره)(())(())

بسم الله الرحمن الرحيم


بنات حبايبي
الكريم اللي استخدمتيه وبيض بشرتك والصابونه اللي استخدمتيها وبيضتك او حتى سنفره او خلطة استخدمتيها وفتحت بشرتج ياليت تقولين لنا عنها

لان انا ودي اشوف احسن كريم تفتيح وصابونه تفتيح يعني نبي هالموضوع خاص بس حق تفتيح لون الوجه والجسم وتوحيده

انا ببتدي احسن كريم استخدمته للتفتيح كريم ماجيك

و صابونه البابايا 3+1 اللي تكون شفافه وفيها قطع برتقالي بس للاسف خلصت ومالقيتها بالحواويج والصيدليات موجود مثلها بس 4+1

والخلطات بصراحه استخدمت وايد لكن احسن شي الهرده وبعد احب السفيد اب المطحون احطه عالبشره عجيب

 

[دلـــــ ابوها ــــــع]

حياتي انتي نفسي استخدمت
صابونه البابايا 3+1

الحين مو موجودة

وما ني عارفة شنو استخدم

 

[روزالكويت]

مزيونه قلبي شلون طريقتج بالسفيداب بالتفصيل لانى عندى بس موعارفه شلون استخدمه؟

 

[ناني سيكرتس]

انا جربت كريم اللولو ما زين الاتات وايد حلو وبيض ويهي ,وقناع النشا مع ماي الورد هم حلو, وصابونه البابايا بس ما حطيتها على ويهي لانها تنشف الويه وانا اصلا بشرتي جافه بس كنت اغسل ايدي فيها وبيضت ايدي, والحين قاعده استخدم كريم كلينك للتبييض وايد روعه مع الماسك ماله.

 

[أم الطيب]

استخدمت صابون البابايا ممتااااااااااااازه لونها برتقالي
للوجه استخدمت perfect Whitening +Vc من جيرلان يهبل بس غاااااااااالي 30 د.ك

 

[ارنوووبه]

قناع النشا وماي الورد واليمون والحليب وكريم نينا رتشي مال التبيض هذي ثاني علبه اخلصها حق الصبح اهيه والسيرم ماله الحين خلص النينا رتشي وقربو علبي يخلصون واستخدم غسول ركسول بفيتامين سي وغسول ركسول
بصراحه استخدمت كريم قنال الصايغ طلع علي بمبلغ وقدره بس ماسوالي شي كثر الركسول وبنات عفيه الي تدري من وين احصل نينا رتشي تقولي لان انقطع بس صج كريمهم حلو

 

[مزيونه وشقره]

روز الكويت الطريقه اهي >> تطحنين السفيد ( انا احكه بالسكين ويطلع لي البودر )
واحط على ويهي ماي ورد بالبخاخ واحط بودره السفيد اب على ويهي افركه بالخفيييف واخليه 10 دقايق ربع ساعه او اكثر بصراحه حلو وايد


=

 

[روزالكويت]

مرسي يامزيونه ياقمر يالزين كله.

 

[مزيونه وشقره]

حياج الله ياروزه

 

[HoNeY_GirL]

وييييه وايد شغلات استخدمت بس اللي اذكره وصج بين النتيجه عدل صابونه البابايا البرتقاليه عجييبه كنت استخدمها لويهي بس صار لونه ابيض وحلو ورقبتي حسيتها سوده ! فقمت استخدمها حق رقبتي وكل مكان حلووه مااستغني عنها

ومره حطيت على ويهي عسل ياييبنه من شمال ايران ووايد كان زين بيض ويهي ورد لونه وكل اليهال بعد لانه كنا رادين من الشاليه وصايرين سود بس خمس دقايق وغسلنا فتحت لون بشترتنا حييييل والكل لاحظ

ونسيت بعد شنو بس اذكر شيء راح ارجع للموضوع

ومشكوره قلبي عالموضوع الحلووووو

 

[مزيونه وشقره]

هني جيرل مشكوره قلبي ننتظرج

 

[أم الجوري]

انا حاليا استخدم صابونة الكركم

نتيجتها حاليا حلوه بس ما اقدر احكم الا لما استخدمها اكثر

 

[xxx]

انا جربت كريم الفلبينات بنفاسي مره وحده روعه الصراحه

وصابونة البابايا 4×1 خوووش صابونة

وفي منها عند الحواي

 

[مزيونه وشقره]

بنت الكويت كريم الفلبينيا ت ايهو قصدج اللي علبته زجاج وغطاه كحلي

وهل استخدمتيه فتره وتركتيه والا دايم واذا كنتي مستخدمته بس فتره رجع ويهج مثل اول او لا ياليت تشرحين لنا اكثر

 

[حنون المزيون]

شنو يعني السفيداب؟؟؟؟؟؟

اما عن خلطات التبييض حاليا استخدم كريمات عطتنياهم الصيدلانيه وقالت لي خلطيهم مع بعض وصار لي اسبوع عليهم وان شاء الله ان شفت نتيجه حلوه راح اقولكم الكريمات شنوو
ومشكوره على هالموضوع وايد حلو بس ننطر تجارب باقي البنات

 

[مزيونه وشقره]

مون14 السفيداب حجر ابيض عند الحواي

 

[xxx]

بنت الكويت كريم الفلبينيا ت ايهو قصدج اللي علبته زجاج وغطاه كحلي

وهل استخدمتيه فتره وتركتيه والا دايم واذا كنتي مستخدمته بس فتره رجع ويهج مثل اول او لا ياليت تشرحين لنا اكثر

اي هذا اهوا وفي أصلي وفي تقليد

وانا كنت منزله الفرق بينهم وبالصور

انا ماكملت العلبه والحمدالله مارد ويهي

:eh_s(17): :eh_s(17):​

 

[مـــــــذهـلـة]

انا الصابونه الي بيضتني هي صابونه البابايا الاندونيسيه والقناع الي بيضني هو للبشره الدهنيه بس احسه يبيض ملعقه بياض البيض وعسل واحط علي كل اسبوع

 

[مزيونه وشقره]

ياربي يازينكم ويازين ردودكم المفيده

اشكركم حبايبي

 

[الجــادل]

غسول ريكسول اللي مع فيتامين سي

وتونيك من ماركة بلوك اند وايت للتبييض

وكريم الليل والنهارة من مجموعة التبييض مالت فوتو ديرم


وكلهم واصفتهم لي الدكتورة قنال ولي سنة

استخدمهم والحمدالله مرتاحة عليهم