كرهت نفسي وكرهت الناس والسبب ؟؟

[(أم نونو)]

رد : كرهت نفسي وكرهت الناس والسبب ؟؟

الله يعينج انا نفسج ينتي كملت سنتسن وانا تعورة قبل 8 شهور والكل يسأل حتى الاكل يطالعوني فيه ليش اكلج قليل واذا ويوم تعبانه يسألون عن موعد الدورة بس شقول غير الله كريم

 

[كول سلو]

رد : كرهت نفسي وكرهت الناس والسبب ؟؟

مشكورين بنات والله خففتوا عني شوي

طلعت موبروحي في ناس تعاني نفسي

الله يرحم بحالنا ويرزقنا عاجلا غير اجلا

 

[ننوشــآ]

رد : كرهت نفسي وكرهت الناس والسبب ؟؟

يوووووووووووووه أنآ عانيت من المشكله وحتى ماصارلي سنه حتى اذا احد سألني يبين بوجهي يطلع أحمررر واحس بحراره
حتى اهل زوجي كنت اخاف اذا جتني الدوررره انقل هم .. بس الحمدلله محد يسألني لان زوجي بعد عمري كنت ابكي واتضايق من أسئلة الناس اللي مدري شتبي كان يقولي اذا احد سألك قولي اكل حبوب مانع الحمل انا وزوجي اتفقنا سنتين مانبي بيبي والحمدلله صار محد يسألني ..

 

[ربي ارزقني بيبي]

رد : كرهت نفسي وكرهت الناس والسبب ؟؟

يا حبيبتي انا نفسج الحين صارلي سنة و سبع شهور وليما الحين ماصار شئ و البنات الي تزوجو معاي وبعدي كلهم يابو عيال
و عسى مالبست نفنوف او شئ وسيع قالولي حامل لا وتكون يايتني الدورة او متاخرة وماكو شئ .......
لا وبعد من المنشطات زدة جم كيلو كنت ضعيفة بس الحين جسمي تغير و تعالي سمعي احباط حدة
لا تضايقين ولا شئ ولا تحطين ببالج وانتي غلطان لا تعطينهم مجال ايسألونج ويدشون بحياتج الخاصة روحي لبسي وكشخي و تمكيجي وطقيلج الكعب حرقي جبودهم وإذ احد تكلم لاتردين عليهم ولا تعبرينهم دشي بسوالف ثانية كلش كلش لاتعطينهم مجال ايغثونج انتي غثيهم و إذا كلش توهقتني قوليلهم الرزق من الله ومثل ما الله رزقكم ورزق غيركم انشاءالله بيرزقني......
ياعمري انتي غلطتي لاتقولين حق الريال الي صار و بذات ان العيب فية ولا تفنحين مجال معاه بهلموضوعى لان راح ايحس بنقص والريال مو نفس المره ولا تحسسينه انج تبين اتحملين وانج ميته علي الحمال ترى هذا كله يأثر فية بالعكس قوليلة انا مابي الحين ومتي ماصار صار خنستانس انروح انسافر ونروح نطلع لاحقين علي التعب.....
والله يرزقج ويرزق كل محروم انشاء الله

 

[boliana_q8]

رد : كرهت نفسي وكرهت الناس والسبب ؟؟

اشرايج اذا قلتلج وحدة من اهلنا حطت ايدها على بطني وقالتلي مبروك عالحمال
ليش حامل وخاشة علينا
انا صارلي سنة من تزوجت
وهرمون البروجسترون ضعيف عندي
بطت جبدي
قلتلها الله يسمع منج
واذا حامل اول وحدة بتعرفين انتي

 

[ام دانه ورنا]

ياقلبي انتي كلنا حاسين فيك ومرينا ومازلنا نمر بنفس الشي
عيشي حياتك ولاتنكدين على نفسك وزجك محد بينفعك والله روحي وتعالي وانبسطي ولاتعطين احد فرصه عليك
واذا احد سالك قولي الله عطاكم قادر يعطينا واذا كرروا الاسئله طيب مارحتي حللتي او راجعتي بيحاولون يستفزونك ويشوفون وش مااخر حملك اذا العيب منك او من زوجك >> طبعهم يعرفون عشان ينشرون اخبار
ارفعي صوتك وردي بحده الله كريم ان ماانطموا
هم كذا شغلتهم بعض الناس فلانه حملت والا تزوجت 000الخ
اسال الله العلي العظيم ان يرزقنا جميعا وكل محرومه على وجه الارض بالذريه الصالحه عاجل غير اجل

 

[منور الإماراتية]

هههههه

فماا باالج انـــا

اللي صج انــي عرووس للحيــن

هالشهــــر بكمل خمس شهوور على عرســى

تخيلــي

للحيييييين يسالووني حملتــي ؟؟

او شو فييج روحي شيكلي ع حالـج

اون شو الوحده الي مافيهاا شي تحمل اول شهرين

واذ ماحملت يعني فيهاا شي او ف ريلهــا ..

اناا اقووول يلله ان شاء الله الله يكتب لنا الي فيه الخير ...

مع اني هالشهرين شوي متنانه تعرفون ع البرد

ووالواحد نفسه مفتوحه ع الاكل وجـي ..

اول ما يسلمون ها شوو متننانه اكييد حاامل ..

ولا بعد لمن اقوول لهم لالا ما يصدقووون عيني عينك يجذبوني هع

هذاا فصووووب واللي يووم تسلم تطاالع كرشتج اوو بطنج ههههههه

ما عرف شو القصد من هالحركه هع

الله يرزززقنا كل خيير

ياااااااااااارب ^^

حبيت ادخل افضض شوووي

 

[lovemyself]

اختى الغالية
ترى كلنا نحس فيج ونفس المعاناة نعانيها
انتى تعلمى تردين برد واحد بس
ما فيننا شى والله كريم وبسسسسسسسسسسسسسسسسسس
لا تعطين احد مجال يفتح الموضوع معاج
اما من ناحية النفسية اقول الله يصبرج انا ماقدر انصحج خل انصح نفسى قبل لانى نفس الاحساس احسه بس الله يجبر بخاطرنا

 

[الزيـــــ^^ـــــن]

نفس الحاله

الله كريم

 

[عيون مها]

يالغلا أنا نفسج وربي كنت


ولا بعد أم دميعه وكرهت تجمعات وهذا موحل وربي

حتى أقرب ناس لي يدرون أنه ماحب هاموضوع يطرونه صج حريم

بس بعد ماأحسنت النيه لله وقلت شهر جاي أنا حامل وكثرت الاستغفار بنيه أحمل وهم صلات فجر حرصت عليها وعهدت ع نفسي ماخليها ولقيت فيها راحه واحساس عجيبه واللإحاح بدعاء وهم حرصت على قراءهـ معوذات

والله ماصار لي على هاطريقه شهر الا وحملت واللحين عرفت أنه الانسان لازم يحسن نيه ومافي صعب ع رب العالمين لو فيج عقم أذا الله كتب راح يرزقج ​

 

[غلا عيوني]

بلعكــــــــــــــــــــــــــــس عادي اقولهم بس كلمتين اذا ربي كل شي يجيبه خير ان شالله والحمدلله على كل حال

 

[أحلى همبه كويتية]

ربي يرزقكم كلككم بليلة وحدة


الناس ما عندهم الا الكلام
والا انتوا شكووووووووووووو
احملت ما أحملت
بس اهي سالفة وخلاص


قوي ايمانك ولا يهزك ريح
لأن النفسية تأثر وايد

وقولي احنا مو مستعجلين وايد متى ما ربنا كتب

وان شاء الله هالشهر تفرحين بحملك

 

[روعة زماني]

مرحبا
يا اختي احسن شي طنشي والله اساليني انا صارلي عشر سنين اسمع واطنش وما علي منهم
لا تخلينهم ياثرون على نفسيتج

 

[نكهةالبرتقال]

يبا هذولي الناس يتكلمون بالمعقول والغير معقول... اشرايج انا ثاني يوم عرسي مو ثاني اسبوع لاااااااااا ثاني يوم الحريم يدقةن على امي هاااا ماحملت بنتج........ بسم الله الرحمن الرحيم ... اعووووووذ بالله من هالناس

الله يرزقج ياااارب وماعليج منهم روووحي واستانسي واذا اسألوج قولي لاااا تو الناس نبي نستانس لاحقين على غثا اليهااال

خخخخ شر البلية ما يضحك - عاد صبروا شوي من صجهم من ثاني يوم !

 

[شموسة كيوت]

رد : كرهت نفسي وكرهت الناس والسبب ؟؟

انا احيانا تحوشني هذه الحاله

احيانا بس ابي ابكي واتمنى طفل احضنة وافتح قوقل واكتب كل شي يتعلق بالبيبي صورهم وفراشهم وسريرهم

واشتاق حدي

واحيانا عادي وحتى اذا سالني ها في شي بالطريق اقولة لا وكنه العيييييد


هههههههه حالة مزاج متقلب فيني

 

[Om -TOota]

رد : كرهت نفسي وكرهت الناس والسبب ؟؟

ياعمري لاتضايقين الناس ماتخلي احد بحاله بسالفة الحمل او غيره وياما ناس قعدوا 10 و15 سنه ماالله رزقهم الا بعد ماشيبوا سبحان الله يرزق من يشاء بغير حساااب والناس اذا سألوج لاتبينين انج متضايقه حياتي اضحكي بويهم وسولفي عااادي واستانسي بحياتج وعسى الله يرزقكم كلكم يااااااااااااااااااااااااااااارب

 

[فانتا ستروبري]

انا جذي كنت اتضايق وايد والكل يسألني ويدعيلي من صوب

وكنت حييل اتضايق لاني انا الوحيدة من كل البنات اللي بالعايله

تأخرت بالحمال وما شاء الله الكل حمل بسرعة فصار شكلي غلط

حسيت اني غير عن البنات وبعدي على طول في بنات بالعايله

تزوجوا وحملوا واشوف الكل فرحان فيهم ومستانسين وسويتوا سونار

وشنو طلع واكلي جذي وقعدي جذي وسوي جذي وشنو تبين نسويلج

واهتمام احسه مبالغ فيه وفي ناس والله تتعمد تغث وتتكبر عالناس

والله انا واختي حسينا نفس الاحساس وشلون يتدلعون ويطالعون

بنظرات والام خايفة على بنتها مني او شي بالعكس والله اني فرحانه

لها اشدعوه يعني بحسدها او شنو بس احس قلبي يتقطع من داخل

ليش يسوون جذي خلوا الامور عاديه وطبيعية وايد ناس تحمل يعني

مو اول وحدة تحمل بالعالم على هالحركات

واكثر موقف حز بخاطري من يومها ما رحت ازور الاهل

يوم واحد من عمامي تخيلوا سألني حسيت ابي ابجي من الفشلة :eh_s(2):

شكو انت تسأل قالي ها ماكو شي بالطريج قلت له الله كريم

قال لي ليش يعني انتوا مأجلين الموضوع :eh_s(1): بغيت اموت من سؤاله :eh_s(4):

جان ارد عليه بنفسيه وعصبية وتنرفز مادري شصار فيني :eh_s(14):

قلت له كل شي بيد الله واذا الله كتب راح احمل جان يقول ونعم بالله وانحشت


ادري طولت بالرد بس والله احس ارتحت لان فضفضت السوالف اللي ما اقدر اقولهم حق احد غيركم ​

 

[ورده معطره]

ياربي البنات العزابيه مومفتكين من كلام النااس >> انتوو ليش قاعدين ماعرستوو

المتزووجه >>> ليش مو حاامل

رضااا النااس غايه لاتدرك

تعبناااااااااا ونبي الفرج من الله >>> بناات ادعوولي من قلبكم الله يرزقني بالزوج الصالح الي يحبني عاجل غير اجل يارب

 

[مارغريتا]

من صجج تتضايقين الناس ماعندها الا الحجي
حتى لو فيكم شي لا سمح الله لا تعلمين
ولا سويتي اي شي هم لا تعلمين باجر حتى لي حملتي بيقولون هذي ما حملت طبيعي
ما عليج من هالناس اذا بتسمعينهم ماراح تخلصين


وبعدين يسالونج في شي بالطريج ولا يخافون تحسدينهم لي حملوا جنه محد حمل غيرهم
الحمدالله على كل حال

 

[حروف الأمل]

رد : كرهت نفسي وكرهت الناس والسبب ؟؟

ياحبيبتي انا صار لي تقريبا ستة سنوات تخيلي ماعمره احد ضايقني لدرجة مااذكر

يعني لو احد ضايقني بيكونوا اقل من القليل

والسبب طبعا لاتسكتي لهم

قولي هالكلام لهم وصدقيني محد راح يتدخل فيك مرة ثانية

اذا كنتي عند مجموعة ناس وحريم , اتكلمي بإبتسامة وبكل ثقة وقولي (( هالموضوع خاص فيني وفي زوجي وبس , حتى أهلي مايسألوني جذي , ومااسمح لأحد يتدخل في اموري الخاصة جدا . وابتسمي واتأكدي محد من الموجودين راح يسألك ثاني ))

ولو قالوا لك اسفين لو ضايقناك او زعلك الموضوع , قولي لهم بالعكس انا ماغلطت حتى اتضايق انتوا اللي سببتو لأنفسكم الاحراج مو انا


وربي يرزقنا الذرية الصالحة يارب