كرهت العطل والسبه زوجي

[*ماي الورد*]

رد : كرهت العطل والسبه زوجي

فيه طرق تخلينه يقعد بالبيت
مثلا عوديه كل ويك اند تسوينله ليلة حمرة او ليلة مساج على ضوء الشموع المعطرة او تعزمينه عل العشا
راح تلقينه ينطر الويك اند مناطر

 

[وسن 11]

عادي كلهم جذي اهم شي ما تحسين بشي مو طبيعي فيه
وقوليله كل اللي بخاطرج .انكم الحين بعطله وبعدين دوامات متي تسهرون مع بعض عساه يحن

 

[برد ابو الذهب]

احسن لج والله

 

[(أم نونو)]

رد : كرهت العطل والسبه زوجي

انا زوجي صيف وشتا الخميس بالجاخور والعطل الرسمية بعد اول شي كنت اعارض وازعل بس لما فكرت فيها لقيت احسن من الفراره بالمجمعات وقعت استقبله فرحانه كنت امثل علية مقهورة بس من قعت اتبوسم واضحك قام يرجع مبجر ويقعد معاي بالساعات مستانس( تأقلمي مع الوضع )

 

[لمسه حزن]

رد : كرهت العطل والسبه زوجي

حبيبتي
الحل انج تقولين ابي منك تخصص على الاقل يوم من الويك اند نقضيه مع بعض
روحي معاه البر شاركيه هوايته
غيري جو ساليه عن القنص والطيور
اقري عنها عشان تكون عندج خلفيه وتناقشي معاه فيهم صدقيني بيستس ويتككلم معاج
والله يوفقج

 

[one two 3]

خليه يصد شوي عشان تشتاقيله ويشتاقلج

استانسي عند اهلج

لا تنشبين فيه خليه

 

[عيووونه]

رد : كرهت العطل والسبه زوجي

كل رجال وطبعه ولو يحب البر لوتموتين ماتقدرين تغيرينه يعني في ناس غرامها دوانيات وناس غرابها مزارع وناس بر وناس قنص وناس حداق وكل وحده وهوس رجلها وتحملي عادي مثل ما اهو طالع يستانس انتي بعد روحي استانسي مو تحطين ايدج على خدج روحي نامي عند اهلج ولي رد يدورج طنشيه ؛<<<<احس وحده بوحده يا يقدرج وتقدرينه يايطنشج وتطنشينه

 

[saratee]

كبري مخج وخليه براحته اكيد بيمل وانتي استانسي لاتحرين روحج طلعي وتمشي

 

[الـفـجـر الـبـعـيـد]

رد : كرهت العطل والسبه زوجي

اذا انتي بر انا شريجتي الديوانية ويوميا مو بس نهاية الاسبوع والعطل

بس هم احسن واهون من المجمعات والسفر والخرابيط

الحمدلله على كل حال

انتي لا تحنين وخليه على راحته واتفقي معاه اسبوع له واسبوع لج

او تطلعون نص الاسبوع اذا مايحب الزحمة واللويه

 

[brettey]

رد : كرهت العطل والسبه زوجي

انا زوجي جذيه يروح البر حق طيور ودياي وهالسوالف بس ما اروح بيت اهلي اقعد في بيتي
انا زوجي حتى بالصيف يروح
عادي ماعندي مشكله قبل كنت اناجره بس عقب طااااااف

 

[بوغاتي88]

ياشينكم يالحريم لي تلزقتوا بالريياييل يبا الريال مايحب الحرمه اللي تلزق فيه24ساعة تلوع جبده ومايحب الحرمه اللي تحن وينك وين رايح مع منو الساعة جم خليه على كيفه واهو بنفسه بيتغير وانتي عيشي حياتج / واذا قعد في البيت وجابلج بتقلبينها نكد واهواش وزعل ليش يقعد كل الرييايل جذي ياخذ حاجته من حرمته وتالي يعيش حياته وانتي لج الهم والغم والتفكير عيشي حياتج واستانسي طلعي مع خواتج روحي تمشي بالسوق دشي سينما مطاعم استانسي

 

[بنت عز وما تنهز]

عــــادي الاغلب جــــذي

ولو يحصلنا احنا نفسهم مانرد البيت

 

[فطفط نجد]

طمااااااشة

 

[هنـــــد]

رد : كرهت العطل والسبه زوجي




انتي يروح البر
أنا يسااااااااااااااافر ويخليني
ومالي حيله الا السكووووووووووووووت

 

[[[ عيون جابر ]]]

ترا الكل حبيبتي الحين موسم بر لازم تتحملين

 

[ام شووووق]

رد : كرهت العطل والسبه زوجي

نفس الحال ديوانيه بر ياخور

 

[نور مغليها]

رد : كرهت العطل والسبه زوجي

هههههههههههههههههههههه
الله يكون بعونكم

 

[{عسوله مطير]

رد: رد : كرهت العطل والسبه زوجي

انتي كل مره لما يروح اتكلمينه وتقوليله وتزعلين صح __ او حتى تتنرفزين صح

جربي اسلوب البروح خليه يتحرقص يفكر شفيها

اذا قال لج بروح البر قوليله اي توني بقولك قطني بيت اهلي ودي اقعد معاهم

ولا تسألينه متى بترد

واذا قعد يوم او يومين قوليله ويي ليش ما طولت كان ودي اقعد زياده ابيت اهلي وناسه وضحك وتغيير جو اذا قالج هاا لايكون تبين الفكه مني قوليله حشى والله مابي الفكه بس احب القعده ابيت اهلي

واذا كنتي من النوع اللي ادقين عليه وادزيله مسجات >> غطي مره وحده اذا قالج وينج ما سألتي قوليله حبيبي ما حبيت ازعجك قلت اخليك على راحتك وبسس لا تكثرين حجي

خلج غامضه خليه يفكر شفيها خليه بينه وبين نفسه يقول اشهالتغيير لا يكون روحاتي خلتها تتعود عالقعده بروحها

يعني الزبده حرقصي قلبه خليه يفكر يعني تغيري 180 درجه عشان اتصيرين تفكيره وشغله الشاغل

أما باجي الطرق : سوالف ادزيله مسجات وسوالف تزعلين سئلي امجرب هالسوالف تأثيرها ما يطول مرده بيراضيج ويرد حق طبعه
جربي طريقتي وان شاء الله تنفع

أنا معاها ..وهذا الحل الوحيد لنا :eh_s(6):

 

[فخامه كبريائي]

رد : كرهت العطل والسبه زوجي

يعني الوناسه ما تصير الا وياه ..؟؟؟!!
اذا هو يدور وناسته انتي بعد روحي ونسي عمرج مع خواتج و طلعي ..مو توقفين حياتج عليه ..

 

[WoNdErFuLL]

أنا زوجي عنده حلال وكل ويك اند رايح البر
ما أقوله شي بالعكس هذى عطلته بعد دوامه خل يستانس
وفعلا احمدى ربج انه يروح البر ولا يفرفر بالمجمعات ويغازل