كرهت الجامعة بسبة هالسؤال.....................

[DIOoOoO]

خلج كملي حبيبتي وانا ااشجعج تكملين دراستج توج العمر جدامج واهم شي لا تخلين احد يحبطج اهمه لو عندهم ارادتج جان ماتكلماو جذي انتي عليج بنفسج فكري بنفسج صح لأنه كل الي يتكلمون هذيله حتى لو كانوا اهلج اسمحيلي محد راح يدوم لج منهم عشان جذي ردي بكلمة وحده الله كريم وبس لا تعطين وتاخذين بهالموضوع اذا كان عليج ضغط نفسي لأن ممكن تتضايقين بزيادة وركزي على دراستج وانشالله مابقى شي ماشاءالله عليج كا خلستي كل الطريج وبقت آخر خطوة..الله يسهل عليج ويوفقج وعقب مسكي الشهادة وحطيها بعيونهم وقولي الحمدلله

 

[انونا]

حبيبتي انا عمرت بالكليه واهلي اذوني بالسؤال لوعوا جبدي اصلن من كنت سنه اولى والكل يسالني متى تتخرجين هههههه عادي تيكت ايزي
والله يوفقج يارب

 

[عويتقة]

اش عليك من الناس الله هاداك ما دام عندك هدف فبالك طنشي البشر

 

[رهــKSAــــف]

اللي يسألونك ماعندهم سااااالفه طنشي بس وانتبهي تتأثرين بكلامهم
لانه لايودي ولايجيب
خلاص هااانت مابقى شئ وتخلصين
والله يوفقكـ

 

[المـــــها]

عاااادي يا عمري ما عليج من أحد
و هالشي ما يخجل
بالعكس اللي تسوينه صح
و ياجر تتخرجين إن شاء الله ما بقالج شي
شنو هالسنة و الا السنتين من العمر ؟؟؟؟
ولا شي بيمرون مثل لمح البصر إن شاء الله
و باجر بيسألونج شلون الوظيفة ؟؟؟
موفقه إن شاء الله

 

[كل شيء عادي]

اسمحيلي حبيبتي تراك مكبره الموضوع الظاهر إنك حسااااااااااااسه
طبيعي الناس وخاصة القرايب يسألونك متى تخلصين شنوا فيها
وإذا على الزواج ماله دخل بالدراسه سواء كنتي تدرسين أو خلصتي وتوظفتي أو حتى بطلتي من الدراسه (وطبعا هذا مستحيل مابقى لك شيء وتخلصين ) الزواج قسمه ونصيب ونصيبك راح يصيبك

 

[(كويتيه عسل)]

حتى انا مثلج ذبحوني حنه ونفسيتي تعبت بس الحمد الله خلصت والحين لما خلصت استالموني حنه متى تتزوج الناس ماتشبع ولا تمل من التسأل

 

[مزاج]

وسعي بالج حبيبتي العمر قدامج وبالعكس عندج ايراده وانتي قويه دامج صممتي تخلصين دراسه

وبعدين هذي جامعه بالطقاق بنسبه اهم شي تخلصين

ونصيحه احسن شي سويته ماتزوجتي لان زواج وجامعه لا والف لا وغير هذا حلاته تتزوجين موظفه معاشج بيدج ماتحتاجين منت الريال

 

[Tom ♥ Jerry]

,.


كلام الناس لا يودي و لا اييب
رقعيه بالطوفه و عيشي حياتج و سوي الي يريحج

 

[*صَبا*]

اختي ماعليج من حد

انا قعدت بالجامعه اكثر منج 6 سنين

لدرجة ان الدكاترة كانوا يشوفوني يقولون لي تكفين تخرجي خلاص صرتي قديمه وايد

بس ماهمني حد اخذ المواد على اقل من مهلي
عشان اقدر اوازن بين حياتي الخاصه و الدراسه وظروفي الصحية والعملية

والحمدلله بعد 6 سنين تخرجت وماتم حد بالجامعه وخارج الجامعه مابارك لي

 

[هيبة ملك]

الله يوفقج

لاتهتمين لكلام الناس

 

[أسم والسلام]

ماعليج من كلام الناس اللي يمشي هو عمرج موعمرهم أنا زيج حولت من قسم لقسم وبدأت التعليقات متى بتتخرجي

بنات عمج تزوجو وأنتي للحين تدرسي ماخلصتي زيهم حسسوني أني ولاشي وكبيره وجاتني حموضه منهم الله لايحللهم


والحمدلله رب العالمين الله عوضني صبري في الدراسه وتعبي ورزقني بزوجي حبيبي والله أنه نساني سنين التعب
وماجاتني وظيفه
وأستلموني
ماقدمتي متى بتقدمي
حتى أهل زوجي يحنون ها ماتبين تتوظفين


يعني مابتخلصي من الناس نهائيا


الله يبرد قلبج وقلب أميمتي وخياتي

 

[توكلت على الله 22]

حبيبتي راح الكثير ومابقى الا القليل ..
وكلام الناس مايرحم الحل الوحيد انج تطنشين
أدري تعبتي و زهقتي بس لا تيأسين خلآص مابقى شي ..
والحين الواحد بدون شهاده مايعيش !!
الحمدلله درستي واجتهدتي وباقي لج خطوه .. الايام تركض
خليها تعدي وكلهآ ايام معدوده وتتخرجين ..
والزوآج والخطبه قسسمه ونصيييب واذا الله كاتب بيصير
عمر الدراسه ماكانت عذر ..
اعرف وحده متخرجه من الطب وبعد سنييييييين تزوجت مع انها كبيره !!
ونظام ماتعرف شي اسمه حفلاات ولا شيييييي !
وخذت واحد مشالله تبارك الله مدللهآ ومخليها تعيش كل لحظه من لحظات حياتها
بفرح وسعاده .. الله يتمم عليهم

لذلك .. طنشي .. ولاتخلين حجيهم يأثر عليج بالسلب !!
بعض الناس ماعندهم الا التحطيييم .. انتي اجتهدي وتخرجي
تكونين بهالحاله سويتي اللي عليج

وربج كريم

:eh_s(15):

 

[سآق نملة]

واااصلي دراستج احسسسن لي ..

والله اللي تزوجوو ماخلصوا ندمانييين حمل ولاده تربية طبخ غسيل ...الخ


كملي دراسسستج وماعليج باحد والحمدلله ما بقى لج شي

 

[ترف بابا]

حبيبتي كل شي له نهايه

بس نصيحه لا تقولين كرهت الجامعه

ترى بعدين بتتحسفين على ذيج الايام

الله يوفقج

 

[kuwait_queen82]

المفروض تكون عندج مناعه هذا مجتمعنا و مراح اتغيرين فيه شي لو خلصتي ادراسه فتحولج تقرير ايديد متى اتزوجين و اذا تزوجتي قالولج متى تيبين اعيال
ذكرتني ابسالفه مر كنت داقه على واحد مسول في موقع يرد على استفسارت الطلبه المهم قالي انتي جم عمرج قتله 28 رد علي انتي الله يسلمج تزوجي و قعدي بالبيت. انا من الصدمه هسترت ضحك قلت هذا ريال و خريج اكاديمي تفكيره جذي شخلينه حق العيايز
اهم شي طنشيييييييي و شدي ححيلج و لاتخلين شغلج الشاغل الزواج

 

[trfh]

ماعليكي من النا سوش ماقلو ب الطقققققققققققققققققققققققققققققققققققققققق

 

[قمرية الفيس]

انا اقولج حبيبتي والقووول عندي

 

[أإلع ـشق دلع ـهـأإ]

.




















لآتحطمين ولآ شي ..


كملي درآستج وقولي عآدي في نآس وصل عمرهم 40 وللحين يدرسون ...

قولي بدرس وبآخذ المآجستير ..

أذآ خآيفه من العين قوللهم شسوي صعبه .. احسن طفي عيونهم ..

وكملي عآدي .. عمتي نفسج قعدت 3 سنين تنقل من جآمعه لي جآمعه وبعدهآ دخلت جآمعه خآصه وقعدت 5 سنين فيهآ وبعدهآ كملت وأخذت المآجستير .














.

 

[قمرية الفيس]

عمري هذي اول مشاركة لي الزبدة مالج بالطويله



عمري







اذا تشيلين كلام الناس ببالج ماااااارااااااح تخلصييييييييين
لانج حتى لوتخرجين بقولون ماتزوجتي وانتزوجتي قالولج ليش ماحملتي وان حملتي ليش ماحملتي مرة ثانية
وهكذا دولييييييييييييك
ريحي مخج حبيبتي وسوي الي ريحج وتوج صغيره ومالج شغل بكلام الناس ماوراهم الا الاحباط
وان شافوج باحسن حال حتى تشجيع مايجي منهم مايجي منهم الا العين والحسد اللهم ياكافي




انتي ماشالله عليج باين عليج مثابرة لاتكسرين مجاديفج بيدج حبيبتي





والله يوفقج

​