كرهت التدريس والسبه ..؟؟

[ابله لوله]

1- لاتعصبين ... خلي ملامح وجهج عاديه ... بس كول
2- دخلي معاج علبه فيها هدايا (سيارات كوره هالفرق اللي هابين فيها ميلان كاكا ومادري شنو)
3- قسميهم 4 قروبات ... وقولي احسن فريق بوزع عليه
4- اول واحد يوقف .. لاتكملين شرح الين يقعد واذا ماقعد وقفي الحصه
5- لمن يحلون افتري عليهم
6- اذا زعلوج لاتصاحيين ابدا ابدا ابدا ... قولي له بكل بساطه ( ترى ازعل عليك ... ترضى ابلتك تزعل عليك .؟؟)
لان صايحتي ... بعدها ماراح يقعدون االا لمن تصايحين ... وانتي ماتبين تصايحين كل يوم
7- بعد الحصه اخذي الطالب المحرض وسولفي معاه الين توصلين للمكتب ... واكسبيه وقولي له انه ذكي بس لو يتشطر شوي
وقولي له لازم ولي امرك يجي عشان تقولين له ان ولده ذكي
8- مايمنع انج تسولفين ومعاهم وادردشين وتجاوبين على اسئلتهم عشان تكسبينهم بس حدج دقايق بدايه الحصه مو اثناء الدرس
وبعدها قولي بنبره جديه( خلاص ياحلوين الحين سولفنا وضحكنا الحين بنبدي هالدرس لانه مهم وبيدش بالامتحان وسكتييييييييهم بانج اطقين ع الطاوله او الصبوره بالقلم .... لاتصيييييحييين ابدا !! وابدي على طول لا تطولين)

أ . ميم الهاجري ..
اولا نورتي موضوعي بنصايحج الثمينه ..
ثانيا ان شاء الله اطبق هالنصايح ابتداء من باجر ..
شاكره لج مره ثانيه .. :eh_s(17):

 

[ابله لوله]

مادري شفيه المنتدى .. دز مشاركتي وانا ماخلصت !!


المهم اكمل لج


انا نقولني مدرسه وداومت شهر 10 ... فتامروني علي المدرسات وعطوني اسوأ صف واثنين من طلبه الفصل الناظره بكبرها تشكي منهم...
المهم بعد شهر وبدون مبالغه وبفضل الله وبفضل نصايح الدكتور ابراهيم الخليفي .... صرت اروح لصفي بابتسامه وغيري يروح بعصايه !!

والنصيحه الاهم انج اذا عطيتهم قرار لازم تمشين عليه لو يصير مايصير لاتغيرينه ولاتوعدينهم وتخلفين بوعدج


يعني انا اول مادخلت الصف .. قلت بكل برود اللي مايبي حصتي يقدر يطلع برا ... هو حر !
سكتوا ومحد طلع وقاموا يوزعون ابتسامات

وبعدها طالب سوا ازعاج قلته انت مبين عليك ماتبي حصتي اطلع برا انا ماقدر اشرح بسبه ازعاجك (يعني عامليه مثل الكبار بالضبط وكلميه باحترام) ... سكت وبعدها رد سوا ازعاج ... قمت طلعته برا غصب .. وقف عند الباب وقام يبجي خايف من الاخصائيه وقعد يبجي عند الباب يترجاني ادخله ... وقفت الحصه ومسكت الباب بايديني وقلت له ربك واحد ماتدخل !!

من بعدها صار مؤدب



الثاني واللي اهوا مفصول كذا مره روضته باسبوع .... قلت له اطلع برا ... قام نط وطلع برا فرحان بعدها بدقيقه رجع معاه ورقه من الناظره وعطاني اياها يبي يدخل ... شقيت الورقه وقطيتها بالزباله عزج الله .. وقلت له هذي حصتي مو حصه الناظره (وانا مبتسمه)
وانت ماراح تدخل حصتي من يوم ورايح الا اذا اقنعتني انك تستحق اني ادرسك ... رجع وقعد عند الاخصائيه

ثاني يوم جايني يقول (انا جاي ابي ادرس وابي اتعلم ) سمحت له يرد للفصل بس حيل تعبني خلال السنه




في النهايه انا مابي اخرعج .... بس دايما الانطباع الاول اهو الغالب وانتي عطيتيهم انطباع انج ماعرفتي تسيطيربن عليهم )

اختي العزيزه وصديقتي بالمهنه .. :eh_s(17)::eh_s(17):
الطريقتين اللي سويتهم مع الطلبة شدوني بصراحه ماكان عندي الجرأة اني اتبعها .. ولا فكرت بهالطريقه اصلا ..
بس شكلها راح تنفع ان شاء الله وببدي فيها باجر من اول الحصه اللي مو عاجبه يطلع

وبالنسبة للانطباع الاول .. انا معاج الطالب من اول 5 دقايق يقدر يعرف المعلم شنو اهوا
بس ياختي الوضع اللي قطونا فيه ما كان يساعد يعني جك بوم هاكم صف بدون ارشادات ولو بسيطه عن كيفيه الضبط .. يمكن البعض يقول ان ضبط الصف يعتمد على شخصيه المعلم وهذا كلام صحيح 100%
لكن انا توني اسبوعين مداومه بس مشاهدات حتى احتكاك مع الطلبة ماكان عندي وكنت ادش جميع المراحل ماقدرت اعرف كل مرحلة وشنو احتياجاتها يعني اولى وثانيه غير ثالثه وغير رابعه وخامسه ..
ثانيا ياريت انا الوحيده اللي موقادره على صفي المشكله معاي رفيجاتي ونفس حالتي واخس ..
مادري هل العيب منا ؟؟

يعطيج الف الف الف عافيه على النصايح وتأكدي راح اطبقها .. لان عجبني اسلوب التعامل واتوقع هذااللي ينفعهم !!

 

[وحدة من الناس *]

اخ دستي على الجرح من جذي ما بغيت مرحله ابتدائي المهم بنات اغلبكم تقولون نطلعهم برا والا نخليهم يرحون اخصائيه بالدوره قالو لنا ممنوع تطلعين اي طالب مهما كان برا الحصه وتعتبر سلبيه لج اذا خليته يروح عند الاخصائيه او الناظره لان معناه انج ما تعرفين تديرين الفصل فبستعمل معاهم السوالف تشجيعيه وبنشوف

 

[ترف بابا]

هههههههههههههههه

بس والله يهبلون

 

[ابله لوله]

اخ دستي على الجرح من جذي ما بغيت مرحله ابتدائي المهم بنات اغلبكم تقولون نطلعهم برا والا نخليهم يرحون اخصائيه بالدوره قالو لنا ممنوع تطلعين اي طالب مهما كان برا الحصه وتعتبر سلبيه لج اذا خليته يروح عند الاخصائيه او الناظره لان معناه انج ما تعرفين تديرين الفصل فبستعمل معاهم السوالف تشجيعيه وبنشوف

وحده من الناس .. :eh_s(17):
شاكره لج مرورج عزيزتي ..
وصحيح الكلام اللي تقولينه .. :rerrerek:
قلت اليوم بدش بطبق معاهم اسلوب أ ميم الهاجري الله يذكرها بالخير ..
(اللي مو عاجبته الحصة يطلع بره الصف )
بس استشرت رئيسه القسم بالاسلوب قالتلي ( اوووووووووعي ) ههههههههه :/
تقول الطرد من الصف ممنوع لوشنو كان السبب وراح تنحط سلبية علي مثل ما قلتي
بس يعني هذي مو حالة صبيان يا ربي ماينقدر عليهم .. :eh_s(11)::rgewrg::rgewrg::rgewrg:

 

[ابله لوله]

هههههههههههههههه

بس والله يهبلون

ايييييييييييي مو اناااااااااااااااا قلت جذذذذذذذذذذي:eh_s(9): بالبدااااااااااااااااية
بس طلعو مايهبلون .. :eh_s(15):
لااااا
يخلونج تدشين الطب النفسي بس !!:yaaaaaarb:

 

[ابله لوله]

خل اقولكم اليوم شصار معاي ..

بقلبها يوميات هني ..

اليوم دشيت عليهم بيدي تفاخيات وفيها اسئله قلت اسوي مسابقة بنص الحصة ..
دشيت عليهم .. اتفقت معاهم ان اللي يبيني ألعبه ينتبه معاي .. طبعا طل منتبهين ..

قريت الدرس .. وشرحت المهارة .. جان يطلعولي اثنين مصارعين ماشاءالله عليهم واااااااااااااااااااااايد مؤدبين ..
سب وحجي وصخ انصدمت انهم ب 3 ابتدائي ..
وبدت عزه النفس عندهم تسب ابوي اسب ابوك .. ييت افاججهم خفت بصراحه .. حامل واخاف لا يحوشني طشار .. هههههههههه
قلت حق واحد يروح ينادي ابلتهم القديمة ..
يت شخلتهم وزفتهم .. قعدوا 10 قايق محترمين روحهم .. قدرت اسوي المسابقة والعبهم ..
بس الحححححصة الثانية انحاش نص الصف عندي 24 طالب
صاروا 17


لا تعليق بصراحه اول مره احس نفسي انسانه عاجزه عن شي
معن شخصيتي قيادية والكل منصدم من الوضع ..

بس ماقول الا ..
الله كريم الله كريم .. يهون الجرح الجديد

 

[أميرة الحور]

انحاشوا وين
بس انتي وضعج خاص وحامل

شوفي ماعليج ترا لا المشرفة ولا الإدارة مهتمين قعديهم وكتبي اساميهم وقولي أنا طالعة بعد الحصة وبطلب اهلكم وأودي اساميكم للناظرة

لأن الكلام اللي تقوله المشرفة يحتاج ساحرة مو مدرسة مبتدئة ( كل شي اوعي ولا تسوين)
لا تقولين اطلعوا برا لأنهم بيطلعون وإذا احد واجههم قالوا أبلتنا خلتنا ( عن خبرة أكلمج )

أي واحد يقول كلام وصخ على طول مسكيها عليه وكتبي اسمه وقولي له هذا اسمك وبوديه للإخصائية وقومي واحد وخليه يودي الورقة للإخصائية وإذا اضطريتي تطردين واحد اطرديه غصب
واول ما تدخلين قولي برا مابيك بحصتي وركزي عليه لحد ما يكره نفسه

شي ثاني لا تبينين لهم إنج متوهقة وموعارفة تسكتينهم
بيني لهم إنج معطتهم فرصة يضبطون انفسهم وانج بتسكتين مرة وثنتين وثلاث وبعدها تورينهم الوجه الثاني
وساعتها ما يلومون إلا أنفسهم وإنج خايفة عليهم من اللي بيصير لهم وان الناظرةوالمشرفة تسأل عنكم إذا مشاغبين او لا بس انا ماقلت لهم مابيكم تنضرون لا تخلوني اوصلها لهم

 

[ابله لوله]

انحاشوا وين
بس انتي وضعج خاص وحامل

شوفي ماعليج ترا لا المشرفة ولا الإدارة مهتمين قعديهم وكتبي اساميهم وقولي أنا طالعة بعد الحصة وبطلب اهلكم وأودي اساميكم للناظرة

لأن الكلام اللي تقوله المشرفة يحتاج ساحرة مو مدرسة مبتدئة ( كل شي اوعي ولا تسوين)
لا تقولين اطلعوا برا لأنهم بيطلعون وإذا احد واجههم قالوا أبلتنا خلتنا ( عن خبرة أكلمج )

أي واحد يقول كلام وصخ على طول مسكيها عليه وكتبي اسمه وقولي له هذا اسمك وبوديه للإخصائية وقومي واحد وخليه يودي الورقة للإخصائية وإذا اضطريتي تطردين واحد اطرديه غصب
واول ما تدخلين قولي برا مابيك بحصتي وركزي عليه لحد ما يكره نفسه

شي ثاني لا تبينين لهم إنج متوهقة وموعارفة تسكتينهم
بيني لهم إنج معطتهم فرصة يضبطون انفسهم وانج بتسكتين مرة وثنتين وثلاث وبعدها تورينهم الوجه الثاني
وساعتها ما يلومون إلا أنفسهم وإنج خايفة عليهم من اللي بيصير لهم وان الناظرةوالمشرفة تسأل عنكم إذا مشاغبين او لا بس انا ماقلت لهم مابيكم تنضرون لا تخلوني اوصلها لهم

انا اقولج انحاشوا وين ..
يقزون في ممرات المدرسة ..
طبعا معلومه ثانيه عشان تنصدمون اكثر واكثر ..
والله اني ما ابالغ ..
المدرسة اللي انا فيها ما يخلون الصبيان يطلعون بالساحه الا الفرصة الثانيه .. !!
الفرصه الاولى تكون بالصف والابله معاهم محكورين جنهم بسجن
ياجماعه هذولا صبيان طاقتهم زايده !!! وين يصرفونها ؟؟؟


طبعا في الابلات اللي مثل حالتي ..


عاد والله جد تحسفت ما سويتها :rgewrg: اني ماطردت واحد عشان يتربون شوي ..
لان بيني وبين نفسي قاعده افكر شنو الشي اللي ماسويته للحين .. وهذا اللي بقى بصراحه
ههههه

واللي فيها فيها ..
هي خاربه خاربه ..

مشكوره على مرورج اللي نور موضوعي الكئيب .. :eh_s(7):

 

[Nfseia-Zgrtia]

لوووول حبييبتي اللي ييننج خليه يووقف و يشيل الكرسي اللي قاعد عليه طول الحصة
صدقيني اللي تصير فيه بينقرص و يتسنع

 

[**ريــــــــم**]

صراااحه عجبني الموضوع ....ونبي يومياتج الله يخليج ....والله يهون عليج ويقومج بالسلامه


انا اول ماعينوني صبيان ....بس كنت ثانوي بنات ...تخيلي الفرق ....!!!

واول شهرين ..قلت لا بنحاش بنقل بنات بجيب واسطات ...الخ

بس سبحان الله ...تأقلمت على الوضع ..وحبيتهم ....انا اخذ معاي مسطره خشب ...بس للامانه ماعمري طقيت فيها

انا اطق فيها على الطاوله .....عشان اذا ازعجوا ...وعشان شكلها يخوف بس

وبقولج شويه اسرار ..من خبرتي في الصبيان ..قالوها البنات لج ...بس بعيدها




اولا ...هم يخافون من شي ..اسمه ابوهم ....او امهم...على حسب ...انا اذا ازعجني واحد ..اقوله ..

تبيني اتصل على امك ولا على ابوك اختار بسرعه ...!!! لان ارقامهم موجوده عندي...وبخليهم يشوفون ولدهم شنو يسوي بالمدرسه ....واذا ماعقلت ...بجيب التلفون واصورك فيديو ....عشان يشوفون ولدهم المتربي اللي يجيبونه للبيت كل يوم شنو يسوي ....!!



ثانيا ...اجيب ورقة a4 ....واحطها على اللوح فاضيه ...واقول اللي بيزعجني عادي ...بالطقاق اللي يطقه ...انا درست وتعلمت وجبت شهاده ....الدرس هذا لكم ....واللي مايبي الدرس ويشاغب ..... بكتب اسمه على هالورقه ...وفي نهاية الحصه بتروح الورقه الناظره ...واتعمد اكتب الاسم بخط كبير الكل يشوفه ....بس طبعا للامانه انا ماعرمي وديت للناظره


ثالثا ......اجيب دفتر الدرجات واعلقه بمغناطيس على اللوح ....واقولهم ....ادبكم ..مشاركتكم ...شغلكم ....هدؤئكم ...كل هني بيتسجل ...اي شي تسونه هني بنكتب ....ولاجيت احط درجاتكم ...بالشهاده ...ترى ماتذكر اي شي .....بس افتح هذا الدفتر مال الدرجات واعطيكم درجاتكم ...عاد اتعمد اني كل لحظه ولحظه اكتب بدفتر الدرجات


رابعا ....نظام المجموعات ...قسمي الصف مجموعات ..وخلي لكل مجموعه سبورة صغيره اللي تجي لاصقه ورا الكتب نحطها

حطيهم اربع او خمس على لوحة فلين ..وعلقيها بصفج ......وقولي كل مشاركه لكم بحط لكم نجمه ..واخر الاسبوع بكرم اشطر مجموعه

والمجموعه اللي تشاغب ....مو بس ماحط لها نجمه ...اشيل منها نجمه واعطيها للمجموعه الشاطره ...وطبعا احط الهدايا قدامهم ..نوع من الاغراء .....هههههههههههه



خامسا ...حطي ورقه ...سميها ورقة الرحلات ....قولي هذا اللي عاقل ..بكتب اسمه و بيطلع معاي رحلة برا المدرسه للجمعيه و مطعم هارديز ....لاني ماحب ماكدونالدز ...ههههههه....ويمكن الابراج ...عاد انتي بدعي بالاماكن .....وقولي اذا شاغب اشيل اسمه

وبعدين انتي استأذني من الناظره اذا تقدرين ...تودينهم انتي وابله ثانيه لجمعية المنطقه او لمطعم وجبات سريعه ..ترفيه بس

ولاتكثيرين عدد الصبيان ...وقولي هذا تشجيع .



عندي افكار ثانيه ...اذا مانفعوا هذول ............الشكوى لله ...ههههههههه

وننتظر تطبيقج للافكار ويومياتج

موفقه عزيزتي

 

[Miss Cherry]

احنا كلنا مرينا بهالمرحلة .. اهم شي الضبط اذا مو قادره تضبطين الصف ماراح تقدرين تسوين شي

واول الايام تحسين نفسج ضايعه اكيد وضع جديد بس ان شالله سهالات

اول شي لا تعودين عيالج على الصراخ خلي اعصابج باردة بس اعرفي شلون تضبطينهم بدون تعلين صوتج

جيبي هدايا وعطي تشجيع حتى بالكلام منو ما يحب المدح احنا شكبرنا نستانس اذا احد مدحنا شلون على الجاهل .. بس الشاطر امدحيه وعطي هدايا عشان الباجي يحترون

اهم شي اذا قلتي كلمة لا تغيرين موقفج وما فيها شي تطردين طالب اذا ازعجج كتخويف عشان يصير عبرة لغيرة

اكيد مدرستج الاولى تقولج ممنوع واوعي كل انواع العقاب ممنوعة عندنا بس عشان تضبطينهم لازم شوية حزم

وانا عجبتني الاقتراحات اللي حاطتهم الاخت ريم لانه الصبيان طريقة تعاملهم تختلف شوي يبيلهم شدة اكثر

 

[ابله لوله]

لوووول حبييبتي اللي ييننج خليه يووقف و يشيل الكرسي اللي قاعد عليه طول الحصة
صدقيني اللي تصير فيه بينقرص و يتسنع

ذ

نفسيه زقرتيه ..
هههههههههههه
يعطيج العافيه نورتيني ..

خوش فكره والله عجبتني فيها تعذيب عجيب حقهم هههههههههههه:eh_s(10):

انتو تدرون انا شمسويه ..
حاطه ورقه واكتب العقاب اللي بطبقه .. :krkrkr:
وورقه فيها افكار ووسايل حق الدروس ..

تسلمين عالمرور يالغاليه .. :eh_s(7):

 

[ابله لوله]

صراااحه عجبني الموضوع ....ونبي يومياتج الله يخليج ....والله يهون عليج ويقومج بالسلامه


انا اول ماعينوني صبيان ....بس كنت ثانوي بنات ...تخيلي الفرق ....!!!

واول شهرين ..قلت لا بنحاش بنقل بنات بجيب واسطات ...الخ

بس سبحان الله ...تأقلمت على الوضع ..وحبيتهم ....انا اخذ معاي مسطره خشب ...بس للامانه ماعمري طقيت فيها

انا اطق فيها على الطاوله .....عشان اذا ازعجوا ...وعشان شكلها يخوف بس

وبقولج شويه اسرار ..من خبرتي في الصبيان ..قالوها البنات لج ...بس بعيدها




اولا ...هم يخافون من شي ..اسمه ابوهم ....او امهم...على حسب ...انا اذا ازعجني واحد ..اقوله ..

تبيني اتصل على امك ولا على ابوك اختار بسرعه ...!!! لان ارقامهم موجوده عندي...وبخليهم يشوفون ولدهم شنو يسوي بالمدرسه ....واذا ماعقلت ...بجيب التلفون واصورك فيديو ....عشان يشوفون ولدهم المتربي اللي يجيبونه للبيت كل يوم شنو يسوي ....!!



ثانيا ...اجيب ورقة a4 ....واحطها على اللوح فاضيه ...واقول اللي بيزعجني عادي ...بالطقاق اللي يطقه ...انا درست وتعلمت وجبت شهاده ....الدرس هذا لكم ....واللي مايبي الدرس ويشاغب ..... بكتب اسمه على هالورقه ...وفي نهاية الحصه بتروح الورقه الناظره ...واتعمد اكتب الاسم بخط كبير الكل يشوفه ....بس طبعا للامانه انا ماعرمي وديت للناظره


ثالثا ......اجيب دفتر الدرجات واعلقه بمغناطيس على اللوح ....واقولهم ....ادبكم ..مشاركتكم ...شغلكم ....هدؤئكم ...كل هني بيتسجل ...اي شي تسونه هني بنكتب ....ولاجيت احط درجاتكم ...بالشهاده ...ترى ماتذكر اي شي .....بس افتح هذا الدفتر مال الدرجات واعطيكم درجاتكم ...عاد اتعمد اني كل لحظه ولحظه اكتب بدفتر الدرجات


رابعا ....نظام المجموعات ...قسمي الصف مجموعات ..وخلي لكل مجموعه سبورة صغيره اللي تجي لاصقه ورا الكتب نحطها

حطيهم اربع او خمس على لوحة فلين ..وعلقيها بصفج ......وقولي كل مشاركه لكم بحط لكم نجمه ..واخر الاسبوع بكرم اشطر مجموعه

والمجموعه اللي تشاغب ....مو بس ماحط لها نجمه ...اشيل منها نجمه واعطيها للمجموعه الشاطره ...وطبعا احط الهدايا قدامهم ..نوع من الاغراء .....هههههههههههه



خامسا ...حطي ورقه ...سميها ورقة الرحلات ....قولي هذا اللي عاقل ..بكتب اسمه و بيطلع معاي رحلة برا المدرسه للجمعيه و مطعم هارديز ....لاني ماحب ماكدونالدز ...ههههههه....ويمكن الابراج ...عاد انتي بدعي بالاماكن .....وقولي اذا شاغب اشيل اسمه

وبعدين انتي استأذني من الناظره اذا تقدرين ...تودينهم انتي وابله ثانيه لجمعية المنطقه او لمطعم وجبات سريعه ..ترفيه بس

ولاتكثيرين عدد الصبيان ...وقولي هذا تشجيع .



عندي افكار ثانيه ...اذا مانفعوا هذول ............الشكوى لله ...ههههههههه

وننتظر تطبيقج للافكار ويومياتج

موفقه عزيزتي

ريم ..
نورتي الموضوع ..
وان شاء الله بكتب يومياتي :bbbiu:.. وبسويها كتاب بصراحه .. :krkrkr:
عندي مسطره خشب ولمن اطق عالطاولة ماينفع فيهم والله العظيم جنه فيهم مرض مايسمعون كلش نهائيا ..
والله العظيم ما امدح بروحي .. بس جد قاعده اتعب عالوسايل والصور وكلها شغل ايدي بس اردهم مثل ما اوديهم ..
مسابقات والعاب والغاز ماكو فايده ..
مادري شنو يبون .. ماكو شي يجذبهم .. !
وهم اخاف استخدم معاهم اي عقاب .. لاني طالبة ميداني .. العين علي بالمدرسة حتن مدرسات الاشراف قطوا علي حجي .. ( مادري شفيهم علي )

مشكوره عالنصايح ياوخيتي وجد كل يوم قاعده اطبق شي يديد منكم بس ماينجح ..

تسلمين على مرورج .. ونوريني دايما :eh_s(7):

 

[ابله لوله]

خل اقولكم اليوم شصاار ..

اليوم زارني الموجه .. وكنت مزهبه شغلي وسيله وصور وبطاقات والغاز .. وحالتي حاله ..
كان عندي حصتين الاولى والثالثه .. اهوا دش علي الثالثه ..
الاولى طارت على ول شي نصها طابور يوم المعلم والباجي .. اسكت هذا يتحجا هذاك .. غير اللقافه .. طشروا اغراضي ..
وطردت واحد من الصف .. عساس يكون عبره لهم .. انصدموا الصبيان اول شي من الحركه ..
ومادخلته بس ابلتهم القديمه يت ودخلته وخربت علي ..
ويتلي المشرفه عليهم ( انتي لازم تمسكي الصف مش كويس كده عمال بيعملو ازعاج ) .. قتلها مسكيهم انتي اذا قدرتي .. وانا اللي شايله اغراضي وطالعه من الصف ..

وخل اقولكم شي عرفته اليوم بعد وخلا دموعي بطرف عيني
صفي اشطن صف فيه 5 صبيان محد قادر عليهم .. وكل ما يسوون لهم استدعاء ولي امر محد من اهلهم يشرف ..
وهالحجي المدرسه الاولى قالتلي ياه .. قتلها يعني الحين مبشرتني ؟؟
ولمن اقولج عنهم ليش تقوليلي انتي ابلتهم ولازم تمسكينهم .. يعني بتجربون فينا ولا شنو ؟؟
احنا تونا ميداني بدال ما تخلونا نحب التدريس وهالمهنه كرهتونا فيها ..
وبعدين من عذر الصبيان شاقين الارض وطالعين .. لان اهلهم مو مهتمين ..
وين قاعدين استدعاء ولي امر ويتصلون عليهم ما اييون المدرسه ؟؟

المهم ..

بدت حصتي الثالثه .. الموجه شوي ويدش علي ..
زهبت السبوره والاغراض ..
والصف هادي ..

هادي ؟؟؟

اي .. ماكو ولا صوت ..

شلون ؟؟

انا اقولكم ..
لان الموجودين فيه بس انا و 10 من الطلبه .. و 6 طاولات و 26 كرسي ..
ههههههههههههههههههه

وين الباجي ؟
طبعا كالعادة يقزون في ممرات المدرسة ..
دش الموجه انصدم من الصف .. ضحك وقالي مطلعيلج قرون .. قتله لا سمالله عليهم .. صار عندي كرت احمر بفضلهم ..
شرحت حصتي ولاول مره ..
شرفوووا المزعجين عقب ما خلصوا تفرفر.. جان اوقفهم عالطوفه .. وزفيتهم زف طلعت حرتي مالت 4 ايام ..
والموجه قاعد .. نسيته اصلا ..

بس بعدين قالي الموجه اقعدهم لان صارلهم نص ساعه واقفين ..
بس الله وكيلكم .. بس طلع و صك الباب تحول الصف الى سيرك ..
اللي تحت الطاولة واللي عالطوفه .. والله العظيم عالطوفه .. لا تسألوني شلون .. جنه بريعصي ..

واللي يبط الجبد ..
ممنوع الطق .. يا اولياء الامور اي ام قاعده تقرا موضوعي الحين .. بقولها شغله .. احنا مانطق لان نبي نطق
احنا نطق عشان نضبط الصف .. الطلبة واااااااااااااااايد متمردين خصووووصا الصبياااااااااااان ويقولج ياها اشكره اذا طقيتيني اشتكي عليج .. اهله معلمينه .. !!
والطق اللي نطقه يسمونه غير مبرح .. يعني طقه علجتف ما راح تشل ولدج ..
وقرصه اذن ماراح تخليه يصير اصمخ ..

اانا وحده بستخدم هالاسلوب .. قرصه وطقه ..
واساسا ودي اولياء الامور يشرفون المدرسه عشان اصدمهم بواقع عيالهم .. واشك بصراحه انهم راح يهتمون لان طبعا الغلط كله عالمعلم ..

ماصار معلم هذا ..
اذا الله كاتبلي اعيش 100 سنه .. بعد التدريس احتمال اعيش لي 25 سنه من الامراض .. الضغط والسكر والجلطه من عيالكم


حدي طولت اليوم بالقرقه ..
بس من حر مافيني .. ومالي غير هالعالم افضفض فيه ..

سامحوني ..

 

[أميرة الحور]

الكل يبيج تسوين اللي هم لو مكانج ماسووه
اتحدى المشرفة تقعدهم اوتخوفهم من غير وسائل تخويف بالأول اوتهديد أو طرد أو حتى طق
وانتي لا تسولفين معاهم وايد اي واحد يقول كلمه خرعيه حمري عينج وقولي شقلت ؟؟
ومدرستهم القديمة مالها دخل اذا طردتي اي واحد ماشاء الله عليها متفرغة

شي ثاني اذا بدت الحصة وفيه طلبة متأخرين علي طول كتبي اساميهم ووديها للإخصائية وأول ما يشرفون قولي لهم يالا علي
مكتب الاخصائية تبيكم واساميكم عندها

وانتي روحي وكلمي الإخصائية لا تقولين انج طالبة متدربة ترا ماعليهم يحق لج استدعاء اولياء الامور

 

[ابله لوله]

اميره الحور ..
اختي العزيزه الغاليه .. مشكوره عالنصايح ..

وطبقت منهم اليوم والحين اقولكم شصار ..

نورتي موضوعي ..

 

[ابله لوله]

اليوم اليوم اليوم ...

اليوم يوم التغيير المفاجئ 180 درجه ..
حدي مستانسه .. ومصدومه :/ بنفس الوقت ..

كان عندي حصتين الاولى والسادسه ..
طبعا الصبيان اول ما وصلت الصبح صادفت جم واحد فيهم عند باب المدرسه ..
وكنت شايله وسايلي وعفيستي معاي ..

ياني واحد من اللي شاقين الارض وطالعين ..
أبله تبين اساعدج ..

@@

هاااااااااااااااااااع ؟؟

ماصدقت بصراحه .. عبالي للحين بالفراش قاعده احلم ..
ههههههههههه
المهم شال معاي الاغراض وصلهم الصف عساس كنت بزهب اللوحه وجذي قبل الطابور ان ما اضيع وقت الحصه ..
بدت الحصه .. دششتهم طلعو الكتب ..

جان اقولهم ..
يلا كل واحد يحط بينه وبين رفيجه جنطه .. عندنا امتحان .. تصرقعوا ..
كنت مسويه اوراق عمل بس جذي حق اعرف اذا استفادوا من اللي كنت اشرحه ..

اشوفهم ساكتين يحلون ومتدودهين ..
وانا داخلي ميته ضحك ..عرفت نقطه الضعف ..
قتلهم كل ما تتشيطنون امتحان وكل مازدتو شطانه اخليه اصعب ..

خلصوا .. ووقعدوا يسالون ابله جم عليه .. متى الدرجات .. ابله ماحليت عدل ..
وانا عمك اصمخ .. حقرااااااااااااان ..
شرحت الدرس .. خلصت صلحت الواجبات ..
على نهايه الحصه اشوف اثنين منهم يوني ..
ابله انتي راح ادرسينا على طول ؟
قتله ليش تسال ؟
جان يقولون .. لا بس ابله نبيج انتي مانبي ابلنا القديمه ..

@@

وي وي وي ..

والله مو مصدقه ..
قعدت اقول بقلبي واي الحمدالله الحمدالله الف الحمدالله ..
طخوا شوي ..

جان اقولهم انا ماراح اييكم الحصه السادسه راح ادرسكم ابله ثانيه ..
لاااااااااااااااااااااا ماااااااااااااااااانبي تعالي انتي تكفين ..

وانا بداخلي مادري اضحك مادري ابجي ..
هههههههههههههههه

والله يا خوفي خاشين لي شي ..

وووبس ..
هذا اللي صار اليوم .. والحمدالله قدرت اضبط الصف .. قاموا يستحون مني ويسمعون كلامي ..



شكرا للكل عالنصايح .. وتأكدوا ان اذا ماستفدت منها انا اكيد في احد غري استفاد ..

مشكورين وايد وايد ..
ويعطيكم الف الف عافيه يا ابلات ..

وان شاء الله الكادر لنا

 

[أع ـاتب غيابـكـ]

حبيبتي خذي الموضووووووووع عاادي صارت فيني اول سنه لدرجه اني اطلع من الحصه ماقلت الا كلمتين ونفس حالتج ششكلي صغيرون . انا اللحين ثالث سنه دشي حصتي ؟؟ اتحدى ولد يقول كلمه وحده مو لاني عصبيه لا لان خزه مني بس خلاص يعرفون انه مو عاجبني اللي صار . ريحي نفسج وعادي بس مايمنع انج تكلمين رئيسه قسمج وتفهمج شنو تسوين معاهم . دخلي ولا تسلمين قعدي خزي في كل واحد لين يقعد وهدديهم بانج بتخلينهم يعيدون السنه لو ماتعدلوا وهدديهم باهلهم ترى يخافوون ان قلتي بقول لابوك . لاتتضايقين ولاشي مع الايام بتعرفين كل ولد وشنو الطبع اللي يناسبه بالتوفيق حبيبتي

 

[ابله لوله]

اعاتب غيابك ..
تسلمين على المرور ويعطيج الف عافيه ..

اي صحيح كلامج .. هذا اللي لاحظته من هالاسبوع .. خلاص قدرت عليهم .. وقدرت اضبط الصف من بعد ما طردت واحد منهم قاموا يخافون ..
واتبعت معاهم طريقه الملاحظات على دفاترهم مايقدرون يشقون الاوراق لان اكون مصلحه واقوله ابي توقيع امك على الورقه ابيها تقراها ..
ف قاموا يلتزمون معاي الحمدالله ..

شكرا جميعا ..