كرهت افنيوز :((

[ام احلى خلودى]

قووووه بنات شلونكم وشخباركم والله لكم وحشه من زمان مو داشه المنتدى ومشاركه .......

ان شالله تكونين بخير كلكم ........













بنات بدش بالموضوع علطول من القهر بنات الله يسلمكم امس رحت سينما افنيوز فلم طارق العلى اليديد بما ان صارلى فترة مو رايحه سينما قلت خل اروح نغير جو وجان زين مااارحت ... طبعا دشينا الفلم انا وريلى مستانسين ونضحك والحمدالله امورنا تمام بس خلص الفلم نطرنا على ماينزلون الاوادم لان طق مطاقق اول مايخلص الفلم .المهم ولا مااشوف الا وحدة قاعدة جدامنا بالضبط الكرسى اللى جدامى لفت رقبته زين مانكسرت شافت ريلى ولفت عقب دقيقتين جان تلف مرة ثانيه وطالع ريلى بنات والله مو شافت ولفت لا متنحه عليه وانا من الصدمه متنحه عليها ومره ثالثه جان تلف اشكرة تطالع ريلى وطالعنى وعفب طاحت خز بريلى ولافه كل جسمها بنات والله من الصدمه انربط لسانى مادرى شقول وريلى يقولى امشى خل نمشى وانا اقوله لالا زحمه خل تخف الزحمه ..وبنات انا من النوع اذا طلعت مع ريلى ووحدة خزت كلش مااهتم ولا ابينه بس هذى حدها جريئه لافه نص جسمها علينا يعنى ملفته .... والمشكله بنات واللى قاهرنى شايفتنى انا معاه بس ولاهمها معقوله فى بنات جريئات جذى يعنى واحد مع زوجته شالهدف من الخز ... وطبعا طنقرت طناقر وتهاوشت مع ريلى بالسيارة هوشه شكبرها يقولى شتبين اسوى قتله ابسط شى قولها شتبين تطالعين قالى شكو فيها ....وبنات لاتقولولى سالفه ثقه مو ثقه اهيا مو سالفه ثقه بس الحركه واااايد قويه صراحه وبعرف شتسفيد يعنى لما بعض البنات يسوون جذى وللحين مااكلم ريلى وسبه هالموضوع ( بنات بسالكم تصير معاكم هالحركات لما تطلعون مع رياييلكم بس ماقول غير حسبى الله على هالاشكال اللى ينكدون علينا وسامحونى طولت عليكم بس حبيت افضفض

 

[hneen2]

عاد امس بنت خالتي قاعد تشتكيلي تقول والله انها طالعه ويه ريلها والبنات اشكره يتحرشون فيه وانا يمه تخيلي كانت بتنبط من القهر


استغفر الله مادي شالموديل اليديد مايطالعون ولايبون الا المتزوج حمد الله والشكر

 

[Tulips]

رد : كرهت افنيوز (

وااااااااي بطت جبدي صج اللي اختشو ماتو

والله المفروض الوحده فينا ماتنزل مستواها لهالاشكال لانها cheap

بس حلاته قايلتها عسى ماشر يالطيبه ارقبتج لاتنكسر

صج قلة ادب

 

[Esraa.a]

رد : كرهت افنيوز (

بنات هالأيام جرأه وقلة ادب على اصولها



استغفر الله الذي لا إله إلا هو الحي القيوم وأتوب إليه
عدد ما كان وعدد ما يكون وعدد الحركات والسكون

 

[بتبوتااا]

.غلطانه !
سويتي سالفه كبيره على ولا شي حبيبتي :/
وصاج ريلج شكو فيهاا فرضاا قال لها خير في شي ممكن تصارخ ولا تغلط وتكبر السالفه .
انتي بهالموقف مره ثانيه شغلي ريلج فيج طلعي اي سالفه وتكلمي معاه وخلي هذيج اتنح على راحتهاا ,
وعلى فكره هالاشكال موجوده بكل مكان ما اخرب طلعتي وازعل ريلي عشانهم حوبي , .

 

[M!ss Bask!n]

ولو إني مو متزوجه .. بس في واااايد من هالفئه الوقحه انا استغرب لما اتقولون وحده لفت على ريلي أو وحده تخز ريلي أوو أو ..إلخ
بس عمي يقول لما اطلع مع مرتي شكثثثثر بنات يخزووون فرق عن لما اطلع بروحي !

بس ماله داعي تسوين هوشه لأن اهو مو غلطان ! الغلط منها اهي قليلة أدب ..ولو راد عليها جان بالسياره تهاوشتو وقلتي ليش ترد عليهاا وليش تقوولها جذي وليييش تحاجيها ! صح؟ اهي كانت تبيكم تردون عشان تغثكم وتصير مشكله بس انتي زين سويتي طنشتي
لو انا منج امسك ايد ريلي واللللزق فيه ولا اهتم لها خل تولي

قومي راااضي ريلج p:

والله يوفقكم ويهديكم وهالفئه من البنات مفاشيح مادري مشافيح مادري شسمها الكلمه مو مال أحد يرد عليها لأن اهم يبون احد يرد عليهم وتكبر المشكله

 

[( مي )]

انتي خربتي طلعتج
وطنقرتي
وزعلتي مع زوجج من امس لي اليوم

واهي شقاعده تسوي ؟؟
تخز ثاني وثالث وعاشر وعايشة حياتها ومستانسة وانتي بالنهاية اللي نكدتي على نفسج
يعني انتي محترقة من أمس لي اليوم بسبتها ،، واهي عايشة بالطول والعرض

وزوجج لما ما كلمها ،، هذا من اخلاقه ،، مو حلوة يقولها نعم ليش تخزين !! اهو بالعكس سفها وماعطاها اهتمام وبين لها انها ولا شي


يا معودة طنشي ،، وهالأشكال مو بس بالأفنيوز بكل مكان

 

[sweet.sanfoora]

انا لو منج اقولها نعم اختي في شي ؟

تره هالاشكال ما يضبطون حالهم الا جذي

 

[بحر الذكريات]

الله يعينج ابصراحه
بس المفروض لما شفتيها علقت ووضحت تشخلينها شخال
هي تمادت لانج سكتي بس ما الومج يمكن انربط لسانج من الصدمه
وزوجج ماله شغل لا تخلينه يفكر زياده فيها

 

[lovely jojo]

شتسوين بالمشافيح ...

 

[ماني من الناس]

صج قهر يمامي جان اتلها من شعرها واعطيها ذاك الطراق واقول لها يا زباله روحي شوفي شكلج بالمنظره يالوسخه مو لاقيتلج احد يتقبل شكلج ,منو يبي وحده مثلج يتورط فيها الوساخه تنقط منج وانتي تمشين الحمد لله والشكر,,,,,,,,,

ناسات متطفله اول مره اشوف طفيليات بشر يمشون عالارض ,,,,,,,,,,المفروض يحطون صورتج بمنهج العلوم تم اكتشاف اول طفيليه بشريه تتجول بالافنيوز ومن اعراض الطفيليات انهم رازين الفيس بمكانات غير مرحب فيهم ,,,,,,,وينشرون الجراثيم,,,,,

يعني كلج على بعضج وعو <<<طبعا هاي كله بمخيلتي بس ولا انا اخاف من ظلي

لان اليوم مزاجي مو ذاك الزود اسمحولي عبرت وسلامتكم

 

[اشتياق الكويت]

اي وربي انا مرا طلعت مع ابوي وابووي طويل ورزه وانا جمبه شكبري واضح بنته قسسسسسم بالله يمرون جدامنا عينها بعينه ماتوخرررر عاد ابووي يتكلم يقوول شهالبنات تاكسر بالعيييييييييييييين هذا وهو ابوووي غرت لوو زوجي اقووولها كسر عينج وماعلي منها انتي جان قلتي اختي في شي اشفيج طالعين ماعليج منهم بنات شيطان ذيله مايستحووووون قطع نرفزني لموضوووع ماعليج انتي لاتكبرين سالفه وعادي طوفيها زوجج ماله شغل وبعد تبينه يرد عليها والله تاااااااااااااااااااااااااكله ولاتميع عنده زين حقرهااا زوجج تصرفه سليم الله يهدي لبال

 

[بنت.المطيري]

رد : كرهت افنيوز (

امبييييييه

والله موقفج قوي ويحررر

لو بدالج ابوسه جدامها عشان تنغث


عاد انا نفسج مانتبه منو خزت. ومنو قعدت ولاانتبه اهو دايما ينبهني في بنات يخزونج او سخزرني وهالسوالف
اقربها امس مس كنت قاعده اسولف مع ريلي عقب الغدا والا بنات صغار وبينهم منقبه اعمارهن من ١٣ لي ١٨ ذبحونا خزززز وحش وكل شوي يطالعون لين قام اهو يغسل وانا قاعده واستلموني عاد لقيتوا اللي تعرف تخز :/ سويت نفسي ماشوفهم بس يكبرون راسه علي هههههه يحس نفسه واااو مع ان قبل الزواج يقول ماكنت اهتم ولاانتبه ! بس يجوز عينهم ماتلقط الا المتزوج طاح حظهم

 

[سواحل]

استغفر الله من حرة قلبها مريييييضه
الله يعينكم عالمراضى
تدرين شنو لازم تسوين اضحكيلها و امسكي ايده و احضنيها
عشان تموووت
او
سوي نفس هالبنت الصراحه ذكيه
كانت تمشي مع زوجها بالمارينا وهي قصيره و عاديه و زوجها طويل و مزيون
والا بنتين جدامها يخزون بزوجها ويضحكون و يسوون حركات تلفت نظره طبعا مثل ما قلت لكم ناس مراضى
مو لاقين احد يطالع بوجيهم
المهم هي انغثت جان تقوله امبيييه مسح خشمك مسح خشمك اشوف الناس قاعدين يطالعونك
عاد هو شك بنفسه وقا يمسح جان تقوله خلاص نظف طبعا هو خشمه مافيه شي بس تبي تبين له انه هذيل الخمه يخزونه و يضحكون عشان خشمه وصخ هههه
وبسس مشت الامور ولا هوشه ولا شي

 

[al-musk]

رد : كرهت افنيوز (

يعني صج مسكبن هو شكو تعصبين عليه وفي اشكال ماتسوى حتى نص نظرة منج

 

[آبله صغننه]

رد : كرهت افنيوز (

حددده زوجج ماله شغل تزعليينه على وحده ماتستحي على ويهااا

يعني انتي خربتي الطلعه بزعلج وكان هذا الي تبييه قليله الادب

كان المفروض تطنشين بس ما ريلج سوااا

وبعدين ياكثرهم هالاشكال عااادي ما يستحووون

 

[ام احلى خلودى]

بنات والله من الصدمه ماقدرت ارد لانها قاعدة جدامى بالضبط يعنى مو تقولون بعيدة بس على قولتكم ناس مرضى حدهم

 

[قلبي عبدالله]

ماني من الناس والله انك عسل :tek:

ناسات وطفيليات ومكانات ,,,,,ياحلو جمع المؤنث السالم من بؤك

 

[احلى من القمر]

قطيعه

 

[ام شووووق]

رد : كرهت افنيوز (

مفروض ماتصرخين على ريلج علشان البنت اهو شكووو