كرسمس

[sereen]

انا مع كلام اختى " كوووكو " , ماتخلى احد يقوول شى بعد عمرى صاجه بكل كلمة قالتها

 

[Kitty^_-Kat]

انا معاكم انه نحترم الاديان وجذي

بس اذا ماتبينها تروح خلاص موبكيفها وريلج على شنو يزعل بالله

هالخدم خصوصا الفلبينيات ماينعطون وي :/

 

[alice]

حبيبتي لازم نحترم الاديان
وبعدين صج روحي وياها اذا كنتي خايفه عليلها وبعدين وناسه تشوفين شيسون
وانا اتوقع ان هذا مولد المسيح عيسى بن مريم يعني مافيها شي

 

[تعويذه الحب]

حبيبتي هذا دينها المفروض ما تمنعينها , يعني الحين في احد بالدنيا يقدر يمنعج من انج تصلين , طبعا لاء

حبيبتي ما يصير تمنعينها من انها ما تروح هذا دينها ودام اهي مسيحيه كتابيه يعني لازم تمارس طقوس دينها

 

[lolO29]

لا حرام عليج خليها تروح احنا خدامتنا اليوم بتروح الكنيسه كسبي فيها اجر

 

[الأماكن]

انا مع معظم البنات ... خليها تروح ... كله يوم واحد بالسنة

 

[جلاديلياس]

خليها تروح هذا دينها وانتي يايه الحين تمنعينها حبيبتي ماتقدرين واذا بتخترب مو الكنيسه الي بتخربها اذا اهيا زينه

 

[tan girl]

ابنات كفو ووفو خليها تروح ترا احترام الديانات الثانيه بالذات السماويه صغه من صفات النبي ص و في ناس اسلمت لما شافت احترامه لهم

 

[alb7ranya17]

خدامه امي تروح كل احد وبالمناسبات ما فيها شي مثل ما احنا نروح ونطلع ونستانس الخدامه لها قلب بعد مو بشر ولا شنو حكم بالاعدام يعني

 

[^kloOot^]

والله عاد انا رأي غير عن الكل

خدامتى مسيحيه بس مو كاثوليكيه ومايعترفون بشي اسمه كرسمس فكه

ومستحيل اخلى الخدامه تطلع كل اسبوع
مافي ماتع اطلعها معاى


بس تطلع بروحها لالالالا





دنيا اختربت بصراحه وصايره تخرع

 

[ايمان بني صخر]

بعد شتسوين

 

[ام دودو المزيونه]

بنات بغيت اعلق علي شيئ انا عندي خدامتين مسيحيات قالولي بنروح ما منعتهم بالعكس قلتلهم روحوا اهو يوم بالسنه وكان ابالي انهم بيشوفون ناس من نفس جاليتهم ويستانسون ويمرون السوق اذا يبون بعد ووعدوني يرجعون علي ال7 ونص وكانوا رايحات مع خدامتي القديمه تشتغل بره بس علي كفالة ريلي وعطينا كل وحده 10 دنانير وينخصم من معاشها بعدين
الزبده قلت خل يروحون يصلون بكنيستهم لأني ما امانع طالما يبتهم مسيحيات نرد للزبده تتخيلون شنو صار
صارت الساعه 8 وبعدين 9 وبعدين 10 وما ارجعوا وريلي يدق علي موبايل الخدامه القديمه ماغي وتتحجج بزحمة الشارع وبعدين يدخلون ( الثنتين الي عندي سيراني وزليخه بدون ماغي ) المسعدات البيت وسيده علي غرفتهم بدون سلام ويسكرون الباب انا ابالي يبدلون ملابسهم ومرت فتره لاحس ولا خبر وعصبت واناديهم ليش ما يردون ومو امعبريني ولا اسألو ماما تبين شيئ وانادي فتره واحنا شقه اصغيره وما يردون بعدون تفتح سيراني وتتحجج انهم امصدعين وراسهم يعورهم وكانوا نايمين بلبس الطلعه استغربت المهم عصب من تصرفهم من الساعه 12 الظهر امخليتهم وما يعبروني شهل قلت الأدب والثانيه زليخه ما ترد علي خير شر متلحفه بالكنبل وسيراني تناديها ردي علي ماما ومعطتني اكبر طاف جان ارقع الباب واقولهم هين باجر اتصرف معاكم وتلحقني سيراني تتعذر وتتسامح والكلبه الثانيه طاف متلحفه وانا ابين لها عيب الى سوته ليش مو امعبريني انا مابي منهم شيئ بس الأصول يسلمون يسألون ماما تبين شيئ خاصة ان عندي ولد معاق
وفجأ تطق ماغي الجرس بالليل وانا اقول هين ماغي بحاسبج معاهم ليش متأخرين للحين جان تتوقعون شطلعلي ماغي من الجيس
قوطي بيره وتقول ماما والله احنا خلصنا امبجر وانا رحت السوق شويه ورجعت ولقيت هالثنتين شاربين ودايخين علي الرصيف وتنصدم سيراني وتحلف انها ما تدري شنو بالقوطي وان زليخه الخبله بعد الصلاة دق عليها زوجها وتهاوش معاها ليش رايحه الكنيسه وطالعه من البيت ( اهي اسمها زليخه حاجي وتقول ابوي مسلم وامي مسيحيه و انا مسيحيه علي امي وانا اتوقع زوجها مسلم )وان زليخه الخبله منهاره من كلام زوجها وقامت تبجي عليهم وتبي تنسي احزانها وتقوم تشتري علبتين بيره وتشرب والثاني بتأزرها وتشرب علبه معاها يدوخون علي ماغي وطايحين علي الرصيف تكرمون يرجعون ودايخين وماغي مو عارف شتسوي فيهم و خايفه من زوجي واهي علي هالسالفه من الساعه 8 ومو عارفه تتصرف فيهم
والمصيبه زوجي يوم شافهم ادخلو البيت طلع البحر مع اخوه وخلانه وما شافهم وانا امعصبه وماغي تراويني علبة البيره ومنصدمه واتصل عليه الحق الكلبات الثنتين الي عندك سكرانات والمسكين يرجع بنص الطريق والسيراني تتعذر مني وحاسه بالذنب وانا اقول لها انتي رايحه تصلين لربك وتشربين واهي تتعذر من قلب والكلبه الثانيه ( زليخه معطتنا طاف ونايمه بالغرفه متلحفه ) وتنزل كل ساعه سيراني تتعذر وتمسح علي اريولي وانا ارفعها واقول لها لاتسوين جذي
المهم واتمقل اطالع العلبه عدل والا مكتوب عليها بدون كحول ( طلعت بيره عاديه نفس بيربيكان ) مافيها اي كحول والغبيات ما يعرفون يقرون انجليزي ولا عربي وحسبالهم لشربوا بيسكرون وعاشوا الدور انهم سكرانات وماغي انصدمت يوم درت تقول ماما كانوا دايخين ويرجعون علي الرصيف و زوجي انصدم يوم شاف البيره بدون كحول اغبيه علي شنو دايخات . يقول اخاف حاطين شيئ حبوب بالبيره تدوخ ويرجع المعزب البحر مع اخوه وانا بالليل حطيت اعيالي عندي وقفلت علي الباب خفت من زليخه تنتحر بسبت زوجها او تسوي شيئ مثلا تفتح الغاز وبطلت جامت غرفتي لما رجع ريلي الفجر
لوووووووووووووووول من غبائهم يوم بغوا يسكرون ما اعرفوا اظاهر زليخه من زفت زوجها والزحمه افتر راسها وحسبالها انها سكرانه وتري قاموا ثاني يوم مافيهم شي لا عيون حمر وبنشاط (اسم البيره 3 هورس )تعطي طاقه
المهم سامحت سيراني واحلفت انها ما تعيدها وانها تبينا وتحب اعيالي وما تبي ترجع المكتب (كنت امهددتهم بالمكتب يوم حسبالي سكرانات )وزليخه كلمتها ثاني يوم وهم اعتذرت وان زوجها تعبها نفسيا كل مشاكل وما تدري ليش الشيطان لعب ابراسها وما راح تعيد الكره
ويوم قلت لها انتي رايحه اتصلين بالكنيسه لربج وتشربين اشلون جان ترد ماما احنا بسيلان عادي عندنا بعد الصلاة شرب ورقص وحفله
والله لو ادري جان ما خليتهم مو كفوا عادي عندها تشرب اذبحها واسيح دمها ( تعبير تري )
اسف علي الأطاله بس حبيت ابين لكم اهم شيسوون بعد الكنيسه

 

[^kloOot^]

شفتوا شلون

اهم بالكنيسه لازم يشربون لو قفشه ماشفتم جريده الوطن القسيس وصور ؟


انتو ترضون تخلون خدمكم يروحون اصلالالالالالا فساد كله رقص وغيره

والله مادري الخدم بلالالالالالالالالالالاوي