أحلى همبه كويتية
**مشرفة قسم مائدتك**
كرات الثلج او اقراص جوز الهند لها اكثر من طريقة
اللي سويتها كانت بهالطريقة
اللي سويتها كانت بهالطريقة
الطريقة الأولى :
المقادير :
2 كوب جوز الهند
1 ملعقة كبيرة نشا
6 ملاعق كبيرة سكر
بيضة
1 ملعقة صغيرة بيكنج بودر
ربع كوب حليب سائل
رشة هيل وزعفران ناعم ( انا طاحنتهم مع بعض للكيك )
ربع ملعقة صغيرة فانيلا
الطريقة :
- تخلط جميع المقادير الجافة مع بعض في زبدية او ماعون للعجن .
- اخلطي البيضة مع الحليب ثم اضيفيهم للمواد السابقة واعجني جيدا حتي تحصلي على عجينة قابلة للتشكيل ( لو حسيتي انها رطبة شوي ومو متماسكة زيدي جوز الهند شوية )
- شكلي الأقراص حسب الرغبة اما دوائر او اقراص طوالية مثل ما شكلتها انا بالصورة .
- صفيها في صينية الفرن المدهونة بزيت قليل ودخليها الفرن لما تتحمر من تحت اول وبعدين اشعلي الفرن من فوق .
الأقراص كانت واقفة بس انا طيحتها عشان احمرها من الجوانب
مو شرط تسوين هالخطوة
- بعد خروجها من الفرن اتركيها تبرد بدون تحريك حتى لا تتفكك وتتفتت .
- وبعد ما بردت حفظتها في علبة عشان ما تنشف
حلوة حق العصاري مع القهوة والشاي
الطريقة الثانية :
- اي كمية من جوز الهند يخلط مع حليب نستله فقط وتشكل اقراص وتحمر بالفرن
ملاحظة : يمكن تشكيل العجينة اقراص باستخدام الة البتيفور او قمع الكريمة بالفتحة الكبيرة عشان يطلعون نفس الشكل .
وعليكم بالف عافية
:ggdw::ggdw:
التعديل الأخير:
