كراتين نقل العفش

[Q8-Lady]

بنات بغيت اعرف من وين تجيبون الكراتين عشان تحطون فيها اغراضكم لبغيتوا تنتقلون شقه لي شقه او بيت وهل تشترونها ومن وين وبجم لا تبخلون علي يا خواتي ولكم مني احلى دعوه :yaaaaaarb:​

 

[ريماا]

تشترينهم من شركة اسمها باك اند موف او شى جذى فيها كلمة موف
تحصلين اعلانهم بالوسيط او ب1808080
الكرتون الكبير دينار وشى والصغير امم موذاكرة بس كلهم يعتبرون كبار
وهم اذا رحتى فرع جمعيتكم قوليلة ابى كراتين للى ماتبونهم يقولج اليوم والحزة للى يفجون البضاعة الجيدة فيها
ان شالله اكون ساعدج

 

[ثلاثينية]

والله اذا تبين تستفيدين من الكراتين تقدرين تشترينهم واعلانهم بالوسيط واعتقد اسم الشركه كويت بوكس
واذابتنقلين اغراض والكراتين معرضه للتلف اخذي الكراتين من الجمعيه قولي حق اي عامل ويقولج متي يتوفر هالكراتين
وفي كراتين تنباع ب إيكيا وسعرهم مقبول وانا اشتريهم للتخزين

 

[ام نوف ونور]

السلام عليكم ---- حبيبتي انا قاعده انقل الحين وشاريه الكراتين حق النقل من ايس اند هاردوير (الحساوي ) بالري الكبار على 850 فلس بس قويه وتحمل النقل

 

[Q8-Lady]

يعطيكم العافية وحده وحده وينولكم اللي تمنونه ما قصرتوا خواتي وحبيباتي كويتيات

 

[Hello_kitty]

حبيبتي انه خذيتهم من الجمعيه طلبناهم من مدير الجمعيه ماشا الله ما قصر يعطونج بالعدد واكثر من ما تحتاجينه

 

[yam_yam]

احنا ناخذهم من الجمعيه
نروح و را الجمعيه و نقول للعامل يطلع لنا كراتين الدنيا و ببلاش اللهم نعطيه حقه هو
روحي جمعيتكم و سالي

 

[bnt_kwt]

من الجمعيه وبلاش
واحسن شي الكبار مالوت الكلينيكس

واخر شي لزقيهم عدل عدل

 

[جوري الكويت]

من شركه صناعه الكراتين

موجوده في صبحان .. مقابل بنك الخليج فرع صبحان

الكرتون الكبييييييير على 400 أو 300 فلس

و الصغير يمكن على ربع

و ترى كراتينهم ارخص من الشركات المتخصصه في النقل

لأن الكراتين اللي عندهم زايده و يبيعونهم بأسعار رخيصه

 

[مشغوله و محتاسه]

لما شلنا اول مره ..كراتين الجمعية ..

و الحين نبي نشيل .. و هم لا مفر من كراتين الجمعيه

حلوين و كل الاحجام يعطونج ..

 

[المهفة]

نصيحة نصيحة لاى وحدة بتنتقل من مكان لمكان وتبى اغراضها توصل سليمة وبدون اضرار سمعو منى . تعرفون كراتين شركة الدى اتش ال او شركة فيدرال اكسبرس وشركة تى ان تى ترى كراتينهم عجيبة قوية قوية قوية . وعرفت انهم يتخلصون منهم بمكان خلف الشركة نفسها.وانتى وحظج ان حصلتى لاتخلين منهم شى. ارجو ان اكون فدت كل من يقرى وللعلم هذى اول دخول ومشاركة لى وشكرا.

 

[ام دودو المزيونه]

انا عن نفسي مرات الجمعيه ومره من مركز سلطان الجمله

 

[tahanyq8]

رد : رد: كراتين نقل العفش

حبيبني من اسبوعين نقلنا اغراض واللي نقلهم ياب كراتينه معاه راعي هافلوري بن حلال ورخيص وايد ياخذ علي كل مرة بس10دنانير مع عماله وكراتينه وهذا رقمه99118498