كذبتي كذبة ...وانفضحتي عقبها؟؟؟

[حبيبة الغاليين]

رد : كذبتي كذبة ...وانفضحتي عقبها؟؟؟

واااااااااااااااااااااااااي انا اكبر كذابة وكل كذبي عشان انام عند اهلي
مررررررررة كذبت ع زوجي قلتله اختي زعلانة ويا زوجها وبقعد معاها بعرف السالفة واختي اصلا ببيتهاوسويت نفسي متضااااايقة وببكي
وانا متعودة اطرشله مسجات هو ووحدة من رفيجاتي متزوجة عمي فطرشت مسج بالغلط حق رفيجتي كتبت فيه(الكذبة مشت عليه تعالي لاهلي السهرة صباااحية)
ع طول طرش مسج كتب فيه يامسيلمه الكذاب جهزي نفسج 5دقايق وانا عند بابكم

هههههههههههههههههههههههههههههههههههههههههههههههه :krkrkr:

حلوة حلوة قوية


يسلموووووو

 

[Lovley]

موضوعج حده فله
اتكذر وارد ان شا الله

 

[حبـ admant ـك]

رد : كذبتي كذبة ...وانفضحتي عقبها؟؟؟

انا كلش ماحب اجذب حتى لو جذبه بيضه
لاني خواااااااااافه ههههههه

 

[ألمسك]

السلام عليكم اختي الكذب مايجوز مافي كذب ابيض واسود الكذب كذب فقد قال رسول الله صلى الله عليه وسلم ( عليكم بالصدق فإن الصدق يهدي إلى البر وإن البر يهدي إلى الجنة ولا يزال الرجل يصدق ويتحرى الصدق حتى يكتب عند الله صديقاً . وإياكم والكذب فإن الكذب يهدي إلى الفجور وإن الفجور يهدي إلى النار ولا يزال الرجل يكذب ويتحرى الكذب حتى يكتب عند الله كذاباً ))

وورد عنه صلى الله عليه وسلم أنه قال : (( ويل لمن كذب ليضحك به القوم .. ويل له ثم ويل له ))

ثاني شي انتي سويتي معصيه ليش تجاهرين فيها الله ستر عليج وانتي تفضحين نفسج اسال الله ان يغفر لنا خطيئتنا انه هو الغفور الرحيم
تقبلي نصيحتي وبارك الله فيك

 

[عيش و مرق]

رد: رد : رد: كذبتي كذبة ...وانفضحتي عقبها؟؟؟

حي الله حزب الطماشة

المديره لما شافتني وجهي طلًع كل الوان القوس قزح الفاتح منها والغامج

بس قلت لها خلصت مبجر من الوزاره.... ومريت عندي شغل بايكيا

ردت عليي وقالت :انا ما سألتج:080402ask_prv:

فوفو

وااااااااااااااااااااى دقرررررررررررررره قويه فشله :050103nbh_prv:

 

[ام زاكي]

انا مااجذب بس بيت زوجي خلوني اضطر اجذب
اخر حمله لي ماقلت لهم الا بعد ثلاث شهور اني حامل وشلت لي بعد شهر طبعا بسبتهم لانهم جذي يسوون
فقلدت عليهم
ويوم ولدت قلت لهم اني داشه التاسع بيومين وانا الصج داخله بسبوعين
يوم جات خالتي تزورني جاو عيالي معاها بالمستشفى جان يجي ولدي الي عمره 11سنه
يقول لي يمه انتي قلتي اسبوع الجاي بتولدين
جان خالتي تسمع كلامه وتخازرني
بس ماستحيت عادي طوفتها لانها تدري وانا ادري شنو يسوون اهم فعديتها وضحكت
موضوع حلو فديتج فوفو

 

[dectora 7elwa]

انا مره خطب بنت اختي واحد امه من اهل زوجي فاختي قالتلس سالي عن الام بس من بعيد لبعيد
انا ماجذبت خبر وسالت خالتي قالتلي من حقه قلتلها اخت رفيجتي
باجر الصبح ا م الولد متصله على خالتي تبشرها
رديت من الدوام لقيت زوبعه جدامي
وبعدين ماتمت السالفه افتلت الخطبه
بس موقفي كلش كان مو حلو قلتلها بس حجي حريم جان تقول شايفها ورايح لها الجامعه يعني خلصتوا
قلتلها حموله لختي ما علموا احد بس القراب جان تقول ماقصرتي عاديني غريبه
والله تعذرت منها لاني ما ارضى بزعلها الله يرحمها

 

[noo7a]

ايام الملجه كنت اقوله اني قاعده اسوي رجيم لاني جدامه ما اكل بس اطلع حرتي لمن اكون بروحي
عاد مره يا دخل غرفتي وانا ماكنت حاسبه حسابي لوووول جان يشوف جيس بطاط كتكووو ولا مبطل بعد ما تترقع لول
جان يسالني خوش رجيم هااا قلت له لااااا كنت بسويلك بطاط تويستر <<< هم جذابه و مصره ماتبي تعترف لووووول
قالي بتسوين تويستر ينحط هذا بالمطبخ مو عالسرير يمج واااااااااااااي يمه ياافشله لوووووووول

 

[So0oKaRa]

انا وحده ماعرف اجذب لسبب
انسى جذبتي بنفس اللحظه ودايما لو جذبت انكشف وينقص ويهي
مافي احلى من الصراحه
وهذا ما يمنع اني اقط جذبه شريفه لو توهقت لووووول شلون جذبه وشريفه مادري بس المهم انها شريفه وما تضر احد

 

[فوفو22]

رد : رد: كذبتي كذبة ...وانفضحتي عقبها؟؟؟

السلام عليكم اختي الكذب مايجوز مافي كذب ابيض واسود الكذب كذب فقد قال رسول الله صلى الله عليه وسلم ( عليكم بالصدق فإن الصدق يهدي إلى البر وإن البر يهدي إلى الجنة ولا يزال الرجل يصدق ويتحرى الصدق حتى يكتب عند الله صديقاً . وإياكم والكذب فإن الكذب يهدي إلى الفجور وإن الفجور يهدي إلى النار ولا يزال الرجل يكذب ويتحرى الكذب حتى يكتب عند الله كذاباً ))

وورد عنه صلى الله عليه وسلم أنه قال : (( ويل لمن كذب ليضحك به القوم .. ويل له ثم ويل له ))

ثاني شي انتي سويتي معصيه ليش تجاهرين فيها الله ستر عليج وانتي تفضحين نفسج اسال الله ان يغفر لنا خطيئتنا انه هو الغفور الرحيم
تقبلي نصيحتي وبارك الله فيك

مشكوره على النصيحه

بس اللي صار صار صج

وزوجي عرف ومديرتي درت

شنو دخل الستر بالسالفه

بعدين انا مو ملاك عشان ما احتال لبعض الظروف

يعني لو رفيجتج مو حلوه وتقولج ايش رايج فيني

بتقولين لها انتي جيكره عشان تكونين صادقة عند ربج

او بتجاملينها وتجذبين وتقولين انتي مملوحه وحلوه

عزيزتي الحديث الثاني اللي ذكرتيه وارد عن منو .؟؟؟

فوفو

 

[*peace*]

السلام عليكم اختي الكذب مايجوز مافي كذب ابيض واسود الكذب كذب فقد قال رسول الله صلى الله عليه وسلم ( عليكم بالصدق فإن الصدق يهدي إلى البر وإن البر يهدي إلى الجنة ولا يزال الرجل يصدق ويتحرى الصدق حتى يكتب عند الله صديقاً . وإياكم والكذب فإن الكذب يهدي إلى الفجور وإن الفجور يهدي إلى النار ولا يزال الرجل يكذب ويتحرى الكذب حتى يكتب عند الله كذاباً ))

وورد عنه صلى الله عليه وسلم أنه قال : (( ويل لمن كذب ليضحك به القوم .. ويل له ثم ويل له ))

ثاني شي انتي سويتي معصيه ليش تجاهرين فيها الله ستر عليج وانتي تفضحين نفسج اسال الله ان يغفر لنا خطيئتنا انه هو الغفور الرحيم
تقبلي نصيحتي وبارك الله فيك

الحديث هذا صحيح

بس ترى الحديث مو بمحله كلش

 

[ألمسك]

رد: رد : رد: كذبتي كذبة ...وانفضحتي عقبها؟؟؟

مشكوره على النصيحه

بس اللي صار صار صج

وزوجي عرف ومديرتي درت

شنو دخل الستر بالسالفه

بعدين انا مو ملاك عشان ما احتال لبعض الظروف

يعني لو رفيجتج مو حلوه وتقولج ايش رايج فيني

بتقولين لها انتي جيكره عشان تكونين صادقة عند ربج

او بتجاملينها وتجذبين وتقولين انتي مملوحه وحلوه

عزيزتي الحديث الثاني اللي ذكرتيه وارد عن منو .؟؟؟

فوفو

انا ماقلت انتي ملاك كلنا غير معصومين من الخطا لكن خير الخطائين التوابين انا قلت معصيه فعلتيها استري على نفسج وتوبي الى الله لان الي فعلتيه معصيه في حق ربج تبارك وتعالى وليس في زوجج ففي صحيح البخاري عَنْ أَبِي هُرَيْرَةَ رضي الله عنه قَالَ: سَمِعْتُ رَسُولَ اللَّهِ صلى الله عليه و سلم يَقُولُ : « كُلُّ أُمَّتِي مُعَافًى، إِلَّا الْمُجَاهِرِينَ، وَإِنَّ مِنْ الْمُجَاهَرَةِ أَنْ يَعْمَلَ الرَّجُلُ بِاللَّيْلِ عَمَلًا ثُمَّ يُصْبِحَ وَقَدْ سَتَرَهُ اللَّهُ عَلَيْهِ فَيَقُولَ: يَا فُلَانُ عَمِلْتُ الْبَارِحَةَ كَذَا وَكَذَا، وَقَدْ بَاتَ يَسْتُرُهُ رَبُّهُ، وَيُصْبِحُ يَكْشِفُ سِتْرَ اللَّهِ عَنْهُ »
في شيخ اسمه ابو جابر الجزائرياعجبتني مقاللته في منتدى ملتقى الحديث يقول من خطر المجاهره بالاثم
- أوّلاً: أنّ في الجهر بالمعصية استخفافًا بمن عُصي، وهو الله عزّ وجلّ، فهو يعصِي الله علانيّة، لم يخش خالقه، ولم يعظّم المنعم عليه ورازقه، وقد قال تعالى: ( مَا قَدَرُوا اللَّهَ حَقَّ قَدْرِهِ إِنَّ اللَّهَ لَقَوِيٌّ عَزِيزٌ)[الحجّ74]، وقال حكاية عن نوح عليه السلام ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (10) يُرْسِلِ السَّمَاءَ عَلَيْكُمْ مِدْرَارًا (11) وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا (12) مَا لَكُمْ لَا تَرْجُونَ لِلَّهِ وَقَارًا (13)[نوح] قال ابن عبّاس: ما لكم لا تعظّمون الله حقّ تعظيمه.
- ثانيا: أنّه قد عَرِي من الحياء، والحياء من الإيمان، لكنّ المجاهر بالمعصية لم يخش خالقا ولم يستحِ من مخلوق، لم يراقب ربّ العالمين واستخفّ بصالحي المؤمنين، وفي الحديث الّذي رواه البخاري ومسلم عَنْ أَبِي مَسْعُودٍ البدريِّ رضي الله عنه قَالَ: قَالَ النَّبِيُّ صلى الله عليه و سلم: « إِنَّ مِمَّا أَدْرَكَ النَّاسُ مِنْ كَلَامِ النُّبُوَّةِ إِذَا لَمْ تَسْتَحْيِ فَاصْنَعْ مَا شِئْتَ ».
- ثالثا: أنّه بجهره بالمعصية ينشرها بين النّاس ويُذهِب هيبتها، ويقلّل في أعين النّاس خطرها، ثمّ يقلّده غيره فيها، ومع الأيّام تصير الكبيرة صغيرة، والمعصية مباحة، والمعروف منكرا، والمنكر معروفا، لذلك حرّم الله تعالى الإخبار عن المعصية وجعلها من إذاعة وإشاعة الفاحشة بين المؤمنين، \\\

اما بالنسبه لحديث النبي صلى الله عليه وسلم أخرج الإمام أحمد وأبو داود والترمذي والدارمي والروياني في المسند والطبراني من طرق عن بهز بن حكيم حدثني أبي عن جدي قال سمعت النبي صلى الله عليه وسلم يقول : ويل للذي يحدث بالحديث ليضحك به القوم فيكذب ويل له ويل له .

وهو حديث حسن الاسناد،
قال الترمذي: [ هذا حديث حسن ]

واخير نسال الله من الذين يستمعون القول فيتبعونه احسنه

 

[درة أهل الطولات]

رد : كذبتي كذبة ...وانفضحتي عقبها؟؟؟

لي عودة

 

[ام زاكي]

وي حسافه اختلرب الموضوع

 

[infinity luv]

اي والله اخترب الموضوع :/

 

[So0oKaRa]

حبيبتي اختي لو حابه تنصحين تقدرين تدزين عالخاص ونصحيها احسن برايي من انج تكتبين هني يمكن كلامج يسبب احراج لصاحبه الموضوع

 

[modern]

هههههههههههه حبيت موضوعج
وايد مستانسة عليه

 

[نعوووووومه]

رد : كذبتي كذبة ...وانفضحتي عقبها؟؟؟

انا كلة اجذب حياتي كلها جذب بحذب وجذبي كلة اسود ماتفاهم ويا الابيض"هههههههههههههههههه"عاد ماقدر اقولكم كل جذباتي لان مايمديني؟؟؟

 

[عذبني السهر]

رد : كذبتي كذبة ...وانفضحتي عقبها؟؟؟

انا بالنسبة للجذب اجذب بس مو وايد

اذكر مرة قتله بطلع مع رفيجتي جان يقولي طلعة نووووو روحيلها بس بالبيت

جان اروح عندها ويوا البنات وإلا بيطلعون جان ادق عليه واقوله البنات كلهم اطلعوا وصارو عند الباب وببيتهم ماكو غير اخوها شسوي

هههههههههههههه جان يقولي طلعي بس وين؟ هم جذبت قتله بنروح مطعم بنتعشى ونرد قالي اوكي ورحنا الأفنيوز وانا قاعدة اتمشى جفته وتفشششششششششششلت عاد قتله ال ال م م طعممممممم هني اي هني هههههههههه

 

[fdeet_shosho]

لووول وناسه مواقفكم انا افف لاتعد ولاتحصى
مرة شريت عطر لزوجى هديه طبعن العطر كان ب 15 دينار ولما عطيته العطر قالى بجم خذيتيه قلت حبيبي ب 35 دينار تستاهل مايغلى عليك شي استانس ولما بطل العطر الله يخسهم حاطين داخل الكرتونه سعر العطر ونادانى قال تعالى العطر سعره 15 انا هنى بغيت الارض تبلعنى قلت صج عاد مسكين قالى تصدقين قصوا عليج لووول روحى رديه هذول نصابين قلت لا خلاص فدوة لك لوووووول وعقب اسبوع شرالى طقم عطور من امل الكويت ههههههه يبي يعوضنى
ومرة رفيجتى تحن تبي ازورها اعتذرت منها وماكو فايدة وبالاخير جذبت وقلتلها بروح لامى عماتى زايرينا وجمعه حريم فشله وقالت اوكى قمت لبست وطلعت للسوق ويا عيالى واحنا بالسيارة صافطين الا تمر جدامى اهى وعيالها وشافونى بعياالى بالسيارة انا الهبله قمت وانخشيت نزلت راسي وعيالى معاي لووووووووووووووووووووووووول وطبعن شافتنى وطرشتلى ماله داعى الحركه حدة قمه الاحراج تمنيت الارض تنشق وتبلعنى وعقب رقعت السالفه بس ماتترقع وهى سكتت عنى
اما سالفه الدوام يووه شكثر نجذب على المسئوله ونقول موعد طبيب ونروح نتريق او نروح نعزى وعقب نزرق نتريق بمطعم وماشاءالله كل مرة نلقى احد من الادارة وطبعن يوصلها الخبر وترد تقولنا شلون ريوقكم هههههه حدة احراج بس شنسوى استغفر الله مايمشي وياهم الا الجذب
صراحه حلات الواحد يكون صريح عشان ما يتوهق