كثروا من الشقق للسواح واهتموا بالسياحه.........

[nmda]

انا زرت الكويت قبل فترة وجلسنا لما الساعه 12 ونص واحنا ندور شقق فندقيه ولي طلب وهو الاهتمام بالسياحه لانها قادمه بقوة للكويت والاهتمام بالشقق الفندقيه والاكثار منها لانها مطلوبه ودخل مبالغ كبيرة واناعن تجربه شخصيه لما ازور الكويت مانحصل سكن بسهوله واغلب السعودين يزورون الكويت بالاجازة واعتقد انهم غيروا من الامارات الى الكويت كسياحه وتسوق خاصة انها الاقرب للمنطقه الشرقيه وايضا الاسعار غاليه بالكويت اتمنى من المسئولين الاهتمام من جميع النواحي بالسياحه وتوفير الشقق النظيفه ومراعاة الاسعار المعقوله ولكم جزيل الشكر وكل حبي للكويت وطني الثاني

 

[ii DareeN ii]

حياج الله واحنا والسعدويه واحد عندج في مرجع بالقسم لارقام الشقق تقدرين تستفيدين منه ان شاء الله

وبصراحه ماعرف بسوالف شقق السياح لان تعرفين مانستخدمهم فصوتج ان شاء الله يوصل وان شاء الله تستفيدين من الدليل بنسبه للاسعار اهو الغلا عام كل الخليج والعالم الله يعينا وحياكم الله بكل وقت تسعدنا زياراتكم احنا نزوركم وانتو تزورونا:tek:

 

[nmda]

مشكورة حبيبتي على الأفادة وان شاء الله يسمع صوتي وحياك الله

 

[غيـ الناس ـر]

هلا حبيبتي والله انا اشوف الشقق الفندقيه موجوده وين ما نمشي !!

يمكن مو بكثرة وجودها بالدمام والظهران بس وااايد بالنسبه للكويت

 

[nmda]

هلا حبيبتي والله انا اشوف الشقق الفندقيه موجوده وين ما نمشي !!

يمكن مو بكثرة وجودها بالدمام والظهران بس وااايد بالنسبه للكويت

ممكن تعطيني اسماء الشقق واسم الشارع يالغاليه حتى اذاجينا مرة ثانيه يكون عندنا فكرة عنهم ولا نتعب وحنا ندور مع ذكر تلفوناتهم اذا امكن حتى نحجز من السعوديه قبل نوصل وتسلمييييييييين

 

[nmda]

اي بنت تعرف ترد على يابنات وينكم؟؟؟؟؟؟؟؟

 

[أمواج البحر]

سارة بلازا للشقق الفندقية

الشقق هذه فخمة جدا والموقع جدا مميز خطوات قليله مشي من مجمع الفنار وكل المجمعات وهو ملاصق للفندق الدولي

مع ملاحظة يمكن الحجز من خلال موقعهم الالكتروني


هاتف 965 - 5755306 /7/8/4

فاكس 965 - 5757448

الموقع الالكتروني http://www.SaraPlaza.com

البريد الالكتروني [email protected]
.
.
.
.

شقق النزاري للأجنحه الفندقيه

تقع شقق النواري للأجنحة الفندقية في منطقة السالمية شارع البحرين تمتاز هذه الشقق بانها واسعة وفخمة وفرش

ممتاز واسعار معقولة وهذا هو رقم هاتفهم +965 5738085 والفاكس +965 5737874 والبريد الالكتروني

[email protected]

.
.
.
.
كوينز إن2 للشقق الفندقة

تقع في منطقة السالمية على شارع البلاجات - مقابل برغر كنج وبالقرب من شارع المطاعم هناك

وهو عبارة عن اجنحه فندقية مكونة من غرفتين نوم وصاله ومطبخ وحمامين والأثاث راقي ولجميع الشقق بالكونات مطله

على البحر (شرفات) الأسعار هي 40 دينار اي مايعادل 500 ريال سعودي لليله وهي تكفي 4 اشخاص بالغين


للأستفسـار

السالمية شارع البلاجات - مقابل برجر كنج
تلفون 7404080 - 9371090 - 5737113

.
.
.
.

رويال إن كويت

قريب جدا من سوق السالمية وسيتي سنتر (اكبر سوبر ماركت) والمطاعم والمجمعات

((الأسعار جدا مناسبة حيث شقة مكونة من غرفة وصالة ومطبخ مع الأفطار 25دينار وشقة مكونة من غرفين وصالة ومطبخ وحمامين ب 40 دينار مع الأفطار))


موقع الفندق

http://www.royalinnkuwait.com/arabic.htm
.
.
.
.
طبعا في واايد شقق فندقيه بالكويت وهذا اللي حصلته وغير الفنادق

وحياج الله بالكويت

 

[أمواج البحر]

.
.
.
.
.
وهالموقع فيه تقريبا اغلب الفنادق والشقق الفندقيه والاماكن السياحيه بالكويت


http://www.kuwaithotels.info/

.
.
.
.
.

 

[nmda]

تسلمين ياقلبي على المعلومات القيمه ويعطيك العافيه والف الف شكر يالغاليه

 

[غيـ الناس ـر]

ما قصرت اختي امواج البحر وياج .. والسالميه واااااااااااايد فيها شقق فندقيه وفي فندق جديد من فتره فاتح اسمه ايبيس اذا جيتو الكويت سكنو فيه


وان شالله بحاول اطلع لج اسامي ..

وبعد في بحوولي وبميدان حولي .. خالي دايماً يحجز لاهل السعوديه اذا يو الكويت

 

[ترف 111]

حياج اللهحبوبه الكويت بلد الخليج كله والعرب واذا ماشالتكم الارض اتشيلكم اعيونا يالغلا