كتب بكل مكان!!!!!!!!!!!!!!

[grumpy22]

قوة بنات شلونكم شخباركم
طالبة مساعدتكم عندي كومة كتب واوراق بغرفتي ومو عارفة شلون اخزنهم او احتفظ فيهم بحيث اني اوصل حق الشي الي ابيه بكل سهولة جربت احطهم في كراتين بس مانفع معاي شسوي قولولي
بلييييييييييييييييز محتاجة مساعدتكم

 

[~ام خالد~]

اخذي لج ارفف اللي حق الكتب ورتبيهم
والاوراق حطيهم بفايلات اللي اوراقهم شفافه

وعندج بعد الحافظات مالوت الاوراق والملفات البلاستيك تحصلينهم
عند ايكيا ومكتبة جرير ومن فتره شفت بسنتر بوينت شحلاتهم

 

[العزيزه]

عدل زي ماقالت لج اختي

او خذي حق الاوراق هذولا الي مربعات حق المكاتب يحطون بهم الاوراق

 

[supermarket]

الكتب حطيهم بكراتين وكتبي عالكرتون محتواه

يعني كتب دينية . روايات ... الخ

 

[مبدعة]

انا نفس حالتج

بس رحت ايكيا و شريت مو كراتين لا شغله جنها كرتون بس فيها سحاب واهيا خام روعه لا يدش الغبار و لا شي

وكل مجموعة كتب لها نفس التخصص حطيتها مع بعض واااايد ارتب وكل كرتون حطي عليه ورقه بمحتواه

 

[paraka]

حبيبتي في مكتبات (أرفف) خاصة للكتب صففي الكتب فيهم وقسميهم الدينية إبروح والعلمية إبروح ..الخ وفصلي بينهم باستاند للكتب تلقينه عند مكتبة جرير ، وبجذيه تلقينهم جدام عينج وإذا تبين تطلعين الكتاب ماتتوهقين وشكلهم يصير مرتب .. والأوراق بعد مثل ماقالت الإخت تقدرين تحطينهم بملفات او حافظات للأوراق وهم تصففينهم بعدين بالمكتبة أو إذا عندج درج ترتبينهم داخل الدرج ، ولو تاخذينلج أرفف ومهاهم ادراج أحسن يعني موأرفف خالية ، انا لأن الكتب عندي كمية كبيرة مفصلة نجارة مكتبة ومسوية فيها أدراج للأوراق والكتب الصغيرة وهذي الطريقة احسن من الكراتين وماتاخذ مكان بالغرفة .

 

[أم ناصر البحرين]

شوفي حبيبتي هالصور وخذي فكرة ​