كتب أنصح بها وكتب لا أنصح بها متجدد

[ليلو جبريت]

ماتشوفين شر ليلى
شجعتيني اقرا حق ليلى العثمان
لكن ما راح اقرا صمت الفراشات، لان مثل ماقلتي فكرة مكررة
اتنرفز من المكرر :s
يعطيج العافية حبيبتي

الشر مايجيج وسمعت من البعض ان القصة حقيقية

tom & jerry
ترى كتاب لا تحزن لعايض القرني منتشر بالسعوديه انه بايقه من مؤلفه سعوديه واهيا الحين رافعه عليه قضيه

وانا صدقت شالمخ التنك الي علي

حياتي وانا كيفي ، ممكن اذا عندج تفاصيل أكثر عن الموضوع تقولين لنا ، شدني الخبر ،، هل فعلاً الشيخ بايقه من كاتبه ، طيب هو من سنين أشمعنى الحين بس اشتكت عليه ، انا قاريته من 5 سنين ؟!

انا صدقت والله ساعات تجيني حالة غباء لا صارت ولا استوووت
انا بعد خذته من العمره او مانزل

بصراحه بصراحه سألت وحده تعرفت عليها عن كتب و كذا​

قالت لي شوفي كتاب اسمه رائـحة القرفه... في 4shared​

و انا تعجلت وماسويت عنه سيرش الا​

الله لايوريكم قرف.. قلة أدب.. صدمة عمري ​

واااااااااااااااااااااااااااااااااااااي بس ايش اقول و ايش اخلي​

عن وحده تحب خدامتها المراهقه و تسوي معاها علاقه .....​

صراحه نو كومنت​

اي سمعت عنه ونزلته كنت بقراه بس حذفته ما ادري ليش ماشدني

با نتظار رايك في الكتب اللي تقرينهم
في اللسته الجديده

ماراح اخليج تنتظرين اكثر اللحين بانزلج



توووومووووو نوورتي

 

[ليلو جبريت]

السلام عليكم ​

نبدأ بكتب انصح بها ​

​

هند والعسكر - بدرية البشر ​

بعد تسمم ليلة امس اليوم العصر كنت بنام وفتحت هالرواية
صراحه انصدمت من الاسلووب الرائع جدا وكيف اني ماسمعت بها من قبل مع انها مووهووبه
ماشاء الله الكاتبات السعوديات مافي عندهم شي اسمه وسط يا تجيج مبدعه وتفرح قلبج ياتجيج نكدية وتخرب يووومج
تتكلم الرواية عن بعض الوقفات في حياة هند واسلووب الكتابه جدا طريف يتكلم عن المجتمع السعوودي وتتكلم عن امها وذكرياتها معاها لدرجة خلتني انفجر من الضحك
اسلووبها مميز وحلووو واكيد باكون من قرائها :ggdw:​

فتاة لايحبها الرجال ​

طبعا اول 100 صفحه بيكون تعريف للرواية ودخول للاحداث الي ماتشتد الا بعد 300 وشوي
الرواية تتكلم عن صحفي يتم محاكمته بسبب مقال وبعد ماتنهي المحاكمة يطلب منه رجل مسن البحث عن قريبته الي اختفت في ظروف غامضة وبمقابل مادي مغري جدا
وكان حل اللغز امر ميؤوس منه ولكن قبل​

ما راح احرقها عليكم اقروها وشووفوها
سلبياتها عدد الصفحات والوصف الزائد كان يقدر يختصر الرواية يعني الاحداث تبتدي في نص الرواية
وفي مقاطع جنسية ما ادري كيف مرت على الرقابه يعني تقدرون تقولون العمليه الجنسية كامله بدووون تشفير :eh_s(1):​

الطريق الي كراتشي ​

مجموعه بحارة كويتين يغرق مركبهم اثناء ذهابهم الى كراتشي
هثم بوودي اسلووبه يشفعله
القهر ان هالانسان كاتب محترف وما اشوف الاعلام رافعه مثل مارفع الفقاعه الاعلامية فيصل الجاسم ​

​

​

علياء الكاظمي ​

حتى لو افكارها مكرره علياء تخليني انسى الفكرة واندمج مع الرواية عندها قدرة غير طبيعه انها تخلي الواحد يفرح ويضحك مع الشخصيات ومره وحده ينقلب الحال
صج رواياتها افكارهم مثل المسلسلات لكن ما عرف كيف ومتى وقعت في حبها ​

كتب لا انصح بها ​

​

ما اقول الا ياخسارة الورق والحبر الي كان اغلى من شخابيطه الرخيصة جدا والقرف المكتووب على الورق واحلام المراهقه
وحتى الحوارات السخيفة جدا بذمته ما استحى وهو ينزلها
او عمره ما قراء رواية وعرف شخابيطه شنووو تتصنف وفي اي خانه
لان ما اظن اي عاقل يقوول عن روايته انها ادب
فرق بين القدرة على تكوين رواية ورسم احداثها وفرق بين انك تكتب شي وكانك تسولف مع ربعك بالديوانية
لو يدرك الفرق بيعرف شنوو نقصد اما اللحين خله في احلامه المبنيه على اوهااام
والمشكله مصدق انها فكره جديده ​

 

[moOoca]

شكرا لج ليلى ولكل البنات المشاركيين بالموضوع شجعتوني ارد اقرا من جديد

تقبلوا ودي

واعتبروني متابعة

 

[ليلو جبريت]

شكرا لج ليلى ولكل البنات المشاركيين بالموضوع شجعتوني ارد اقرا من جديد

تقبلوا ودي

واعتبروني متابعة

العفوو ننتظر رايج بالكتب الي تقرينهم

 

[ليلو جبريت]

رواية عالم صوفي ، لجوستاين غاردر ، رواية فلسفية رائعه ، تعتبر مقدمة جميلة ومبسطة لتاريخ الفلسفة ، بشكل عميق وبسيط وممتع للغايه ، نوع جميل وشيق للرويات ، ​

انصح جداً بها ، ​

للتحميل هنا ​

راح اضيفها للقائمة

وااو موضوع روعه

اتحمست أقرا هالكتب

بس ماتفتح روابط الـ4 شيرد

تشكرين ع الموجوود حبووبه وماقصرتي

نزلت غيرهم

’​

مشكووووووره حبيبتي ,,​

العفوو

مساء الخير

توقعت كتب احلام مستغانمي و غاده السمان في مقدمة الكتب المفضله

واكثر شي عجبني ختم الذاكره بالشمع الاحمر لغاده السمان

الناس اذوااق

 

[سمسمة كويتية]

كتب أنصح فيها

رواية رااااااائعه لنجيب محفوظ اسمها (السراب) أنصح فيها بقوة: رواية نفسية تربوية وهي نوع نادر في كتابات نجيب محفوظ يعاني فيها البطل من مشاكل نفسية نتيجة تعلق الأم به بشكل مبالغ فيه نتيجة فقدها لأبنين استردهما طليقها .هذه الأضطرابات النفسية تضع البطل في مشاكل لا حصر لها

رواية ثانية لنجيب محفوظ بعد وايد حلوة ( خان الخليلي) : تدمج بين السياسة والحب وايد حلوة و خفيفة

أين عمري لاحسان عبدالقدوس: قصة فتاة تظلم بزواجها لرجل يكبرها بالسن و تتعرض لعدة مشاكل معاه

و الحين قاعده أقرى ثلاثية نجيب محفوظ بين القصرين و قصر الشوق و السكرية حدي مندمجه فيهم

​

 

[كراميلا مرة]

حييييل شوقتيني على كتابات علياء الكاظمي
لاني ماقريت لها شيء بس حيل تشوقت اقرا لها ولهيثم بودي
وبعد هند والعسكر ان شاء الله في القائمه

 

[كلي أنوثة]

رواية هذه آخرتك، الكاتب أسهب بوصف المغازل ، و ما وصف لنا مشاعر التوبة و شلون الانسان يتغير من الضلال و الظلام إلى نور الهداية، مع ان الراوية وعظية و ليست غزلية!! و صراحة في بعض المقاطع الي استحيت منها،حسيت جنه صبي يسولف علي مو جني أقرا رواية!! لأن الكاتب كتب روايته باللهجة الكويتية، ماراح اعتبرها غلطة بالعكس لهجتنا حلوة بس ما استخدمها بطريقة حلوة، كل ما سوالنا انه عرض طريقة كلام شباب هالايام البايخة هههههههههه طبعا مو كلهم بس بعضهم شباب التلفونات ربع شنو لابسة و مادري شنو الي عرفناهم بمسلسل ثمن عمري مال فجر السعيد،
ماراح أقول ان روايته سيئة، اهي جيدة كفكرة و لكن كنص لا و الف لا ماراح اقراها مرة ثانية
مشكورة اخت ليلى و نترقب جديدج دائماً​

 

[Q8SeaGull]

السلام عليكم:

يعطيج العافية

شدني غلاف هند والعسكر وشوقتيني اقرا الرواية ​

 

[ρeαrℓ]

وايد استفدت من الموضوع ..

 

[ليلو جبريت]

هالمرة كلهم انصح بهم ​

الملكة فريدة
بصراحه تتكلم اكثر شي عن الملك فارووق ،،، فيها معلومات جديدة وحلوة ومواقف مضحكة ويعني حبيت الملكة فريدة صج كانت صبورة
انصحكم به بس لمؤلف آخر لان هذي وايد يكرر فالكلام والاحداث مخربطة مرة يوديني لجدام ويرجع بعد مدة لوراء ​

شجرة الدر
روووعه انصحكم به
​

رواية رائعة جدا ،،، غنية عن التعريف ​

الفنار - هيثم بودي
اممم ما اشوفها رواية هي قصة طويلة وجدا رائعه تتكلم عن وحده زوجها مسافر وهي تتولى امر الفنار ويهجمون عليهم لصوص يبون يسرقون البنزين وعقب تتحول احداث الى مدرسة تقراء هالقصة وهي فالسرداب ايام الغزووو
فكرتها حلووة ​

الصالحية - هيثم بودي
مجموعة قصص قصيرة حلوة وخفيفة ​

علياء الكاظمي بلا هوية
هم مجمووعة قصص حلوة وخفيفة


وايد صايرة بطيئة هالمرة في القراءة لان في اموور تشغلني ​

 

[جولينار]

كتب أنصح فيها



كتاب ( طفولة قلب ) لشيخي ودكتوري ومعلمي ووالدي د\ سلمان العودة

كتاب ( استمتع بحياتك ) لصاحب الحجة القوية والعقل المستنير والفكر الواعي د \ محمد العريفي

كتاب مترجم لكاتب اجنبي يعلمناا فنون معرفة الناس والتعامل معهم وجذبهم


اكثر من رائع


هو كتاب ( الفوز مع الناس )

كتاب مترجم رائع لمعرفة تفسير حركات الجسد الارادة واللا ارادية تحت دراسيه علميه نفسيه عميقة


بس هالكتاب يخليك توسوسين شوي لأنك تشوفين حركات اليد والرجل وطريقة الكلام وتفسيرنها

على حسب قرائتك للكتاب ههههههههههه جد يتعب



اسم الكتاب لغة الجسد

هذي اللي تحضرني حاليا

 

[جولينار]

انا مو صحبه مع الروايات

وانتم اغلبكم روايات ماشاء الله

 

[كراميلا مرة]

شوقتيني اقرا شجرة الدر
والملكه فريده
واعالي ويذرنج ابي اقراها في النسخه الاكتروتنيه بس للاسف مو مرتبه

 

[كراميلا مرة]

كتب أنصح فيها

رواية رااااااائعه لنجيب محفوظ اسمها (السراب) أنصح فيها بقوة: رواية نفسية تربوية وهي نوع نادر في كتابات نجيب محفوظ يعاني فيها البطل من مشاكل نفسية نتيجة تعلق الأم به بشكل مبالغ فيه نتيجة فقدها لأبنين استردهما طليقها .هذه الأضطرابات النفسية تضع البطل في مشاكل لا حصر لها

​

رواية ثانية لنجيب محفوظ بعد وايد حلوة ( خان الخليلي) : تدمج بين السياسة والحب وايد حلوة و خفيفة ​

​

أين عمري لاحسان عبدالقدوس: قصة فتاة تظلم بزواجها لرجل يكبرها بالسن و تتعرض لعدة مشاكل معاه​

​

و الحين قاعده أقرى ثلاثية نجيب محفوظ بين القصرين و قصر الشوق و السكرية حدي مندمجه فيهم ​

انا قريت السراب والثلاثيه وفعلا روايات رائعه كانك تشوفين فلم
بس بقيت اسألك ابي نهاية السكريه لاني قاريتها نسخه الكترونيه وابقي اعرف اذا نهايتها مفتوحه
او انها ناقصه

 

[3oosh <3 MJ]

ليلى..
حلووة لستتج .. بس اعالي ويذرنغ عيشتني فكأبة يوم قريتها

جولينار..
قريت استمتع بحياتك، روعة الكتاب.. بس نسختي غلافها غير.
وشدني كتاب طفولة قلب

يعطيكم العافية

 

[اخصائية داون]

انصحكم بقراءة كتاب الرجال من المريخ و النساء من الزهرة لان وايد حلو و يخليج تفهمين الجنس الاخر عدل و تعرفين كيف تتصرفين معاهم

 

[سمسمة كويتية]

انا قريت السراب والثلاثيه وفعلا روايات رائعه كانك تشوفين فلم
بس بقيت اسألك ابي نهاية السكريه لاني قاريتها نسخه الكترونيه وابقي اعرف اذا نهايتها مفتوحه
او انها ناقصه

هلا حبيبتي والله للأسف انشغلت و وراي سفر فما وصلت السكرية ليلحين سوري

 

[ليلو جبريت]

كتب انصح بها

بسمه النمري - اقرب بكثير مما تتصور
اسلوبها جدا رائع حاولت امنع نفسي من قرائته بس ماقدرت
صراحه انا وحده مدمنة كتب لدرجة اني افتح الكتاب وامسح خدي بوراقه واتشممه واقول ريحته ريحة طفل رضيع

مياه الفيل - سارة
صراحه كاني اشوف فلم طويل وحلووو بس الي ماعجبني هو مد الاحداث لكن مع ذلك الرواية حلوة وتضايقت ان خلصت ماكان ودي اخلصها
وايد عجبتني :ggdw:

فريدريك نيتشه
حياته - اقواله - فلسفته - مؤلفاته
مع اني ماخلصته بس انصح فيه وماقريته بالترتيب كل مره افتح جزء واقراه




كتب لا انصح بها

كاتبتي المفضله هالمره ماعجبني كتابها واغلب الافكار مكرره لدرجة اني ماقريت النهاية
هي مبدعه فالقصص الطويلة والروايات

ما قدرت اكمله وماعجبني كلش بلش
​

 

[آلـغـنـدَ ،]

.


.



وآيييد شوقتيني صرآحه
أنآ ودي أشتريهم كتب .. لآن اندمج اكثر من لين اقرآهم على الآيبآد ولآ آلآب
بس المشكله اني كل ما اطلب كتاب من آلنت ولآ اروح المكتبه ابي اشتري يقولي مآ عندنا هالكتاب
الاغي كتب ماصخه ..


يعطيييج العاآفييه ولآ تحرميني من رآييج بكتب ثانيه



/