الله يوفقكم بنات لكل اللي تتمنونه و خاصة اللاتي تمنوا الوصول لأعلى و أسمى المقامات و طبعا هالمقامات تختلف بالتسمية و لكن وقعت أوجه التشابه في العطاء الصادق و المستمر .. اللي تبي تصير دكتورة و مهندسة أقول لها الله يوفقج و يثبتج و تصيرين محض فخر للأهل و الأقارب و المعارف .. و حتى للي تبي تتزوج أقول لها الله يوفقج مع اللي يناسبج و تناسبينه و يودج و تودينه و عسى الله يجعل يامكم عسل قبل و بعد العيال .. تأسيس أسرة أمنية سامية و الله يوفقكم بتريبة العيال تربية صالحة.
و
أقول للإخت "عالمي أنا غير" الإنسان اللي تحلمين فيه موجود يا حياتي بس يبيلج شوية خبرة بفحص الخاطب من بعيد شلون يتكلم .. نبرة صوته .. عيونه راكدة و الا سريعة .. لغة الجسد .. لبسه .. نشاطاته .. إحترامه للي معاه .. آماله .. ميوله .. و بس راح تعرفينه بس همسة: إحنا بالتالي بشر و طبيعة البشر خطاءة لأننا مو معصومين و للتسامح وجود و فنون يقرب أكثر مما يبعد فلا يقص عليج الشيطان و العياد بالله منه و يخليج تحسين بخيبة أمل .. حتى إحنا نخطي و نترجى السموحة و بالتفاهم تكبر العلاقة و يكبر كل واحد فيكم بعين الثاني و يصبح رفيج دربه و لا يبي يفارقه.
أنا أيضا عندي أمنية بس قد لا تتحقق توها خطرت في بالي و أنا أتمشى من ربع ساعة بالحوش و أتمتع بالطبيعة من حولي و الطيور الطايرة بالسما . حمدت الله على العافية و سألته دوامها و قلت الحمد لله.. يمكن عندي مشاكل إجتماعية بس مرات الإنسان تمر عليه لحظات يكون فيها صافي البال يتحمد الله على العافية و الخير و الأمان بالديرة و وجود الأهل .. أمنيتي ألاقي إنسان ودود يفعم روحي و عقلي و قلبي بالمودة و بصراحة هالشي مفقود في حياتي .. و رب العالمين كريم فإن أراد فعل ما شاء و قدر. شكرا.
