كتبوا يا متزوجات علشان حزب الطماشه

[دمـــوع]

خووش موضوع والله
شوفي الزواج في الحلو وفي الي مو حلووو
وانا مثل كلام هواها كويتي

 

[♥ ݤليے ﻁﻔووله ♥]

اممممممممممم












الزواج حلووو .. بكل شي وأحلا مافيه المشاكل لانهآ ملح الحياه الزوجيه

بتتضايقين وقت الزعله وتتهاوشوون بس الحلاوه لمن تتراضوون

والله مادري شكتب بالضبط بس الله يوفق حززب الطماشه بالرجال الصالح بأقرب وقت يارب

 

[Spanish Princess]

رد : كتبوا يا متزوجات علشان حزب الطماشه

لوووول

والله اول موضوع قريته بهل قسم كان عن الخيانه وقريت بعده جم موضوع همن خيانه تعقدت >.<

قلت لازم ابتعد عن هل قسم لووول


وابتعدت فتره وبعدها رديت ماااقدرت احس صرتوو تهموني واايد :$

واحب اشوف اخر اخبااركم :$


ومثل ما قالت وحده من البنات بكل مكان تلاقين المشااكل انا كنت اقول لنفسي جذي عشاان اقنع نفسي بالزوااج لووووووول






مشكووراا حبيبتي

 

[سنفوره8]

احسن شي في الزواج انج تحسين بالمسؤليه
وانج تنتظرين احد بيرد من الشغل واهو مشتااق

 

[يارب نور حياتي]

رد : رد: كتبوا يا متزوجات علشان حزب الطماشه

كاراميلا
كاوكاوه
m&ms2
ان شاء الله ما تدور السنه الا انتوا ببيوت رياييلكم
قولو امين

يارب الله يرزقكم

وشوفكم بالمنتدى تحوسون
اتدورون
ليالي رومنسيه ومنتجات زوجيه
بعييييييد عن الخيانه والمشااكل اللهم امين

 

[ام زاكي]

الزواج حلو بحلاوته وبمره وطق والمطاقق ملح وفلفل الحياه الزوجيه
وا\ا مافيه ملح وفلفل مالها الدنيا طعم لوووووووووووول

 

[الغاليه نونو]

الزواج فكري فيه ياااااابنت حزب الطماشه من جميع النواحي وبختصر لج هالمراحل

المرحله الاولي دلع وولع ووناسه وتأسسيس بيت ولي حملتي بتتغير حياتج بتصير سعاده مابعدها سعاده لانج بتصيرين ام وعندج ياهل يقول لج يمه

اللي طوول عمرج تنادين امج يمه كاهووووووو وصل اللي بيقول لج يمه
المرحله الثانيه استقرار نفسي والتفكير في بيت الحكومه واشلون تصيرين ست بيت مميزه من الطراز الاول بتدبيرج امور بيتج واقتصادج حق بيت العمر

المرحله الثالثه بيكبرون العيال بيصير عندج بنات واصبيااااااان الله يحفظهم اللي يشتغل واللي بيكمل دراسته وانتي وابوهم تحورفون بعمركم علشان تشوفونهم بارقي المستويات
المرحله الرابعه يطقون عليج الباب بيخطبون بناتج وتعرسينهم وتفرحين فيهم وتشوفين ذريتهم
والا انتي بتطقين الباب علي هالبيوت السنعه تخطبين منهم حق ولدج وتعرسينه وتبلغين بشوفة عياله

المرحله الخامسه بنكبرين بالعمر بس طالما انتي مستانسه ومرتاحه مع ابوكم بتكونين بعينه ياهل يدلعج بكل وقت وحين وماتشوفين التجاعيد ملوت الهم والحزن بالعمكس بتكونين مهتمه بعمرج اكثر من قبل

المرحله السادسه لي عرستي عيالج البيت بيكون خالي مافيه الا انتي والشايب بتتجابلون وتطلعون وتروحون واتييون وتنطرون الزواره مالت عيالكم مناطر
والمرحله السابعه عندج ريال يسندج لي طحتي ومرضتي ويخفف عند لي شاف علي خدج دمعه يمسحها ويطبطب عليج بحنان وحب بنظره كلها شوق مافيها شماته
ولي طاح اهو محد بيرفعه غيرج ومحد بيقوم فيه غيرج ولا احد بتكون له ستر وغطا غيرج


شفتوا ياحزب الطماااااااااااشه ئديش الزواج بيعئئئئئئئئئئئئئئئئد


يااااااااااارب كل بنت ماياها نصيبها تيسره لها وتعجل لها فيه بريال يستاهلها ويخاف عليها وتفرح قلوب اهلها وتقر عينهم بشوفتها وظناها بحضنها اللهم آمين

 

[جـــواهر]

اااااااحلي شي بالزواج




الاستقرار

 

[نـعـومـه]

رد : كتبوا يا متزوجات علشان حزب الطماشه

ماراح اقول شي حلو لانه الحين متهاوشه معاه ومقهووووره

عقدتكم زياده هاا ههههههه

انا بفتره ملجه وللحين ماحسيت بالمسؤوليه اللي يقولون عنها

بس الحلو بالزواج تمارسين كل اللي بخاطرج بالحلال وتعيشين الحب وقصص الحب اللي نسمع عنها بالحلال

وشخص موجود بحياتج وتعيشين معاه احلى اللحظات الرمانسيه وماتكونين وحيده

 

[a7la MUM]

رد : كتبوا يا متزوجات علشان حزب الطماشه

الزواج اهو الشي الوحيد اللي يحسس الوحده بأنوثتها كاااااافي لما تنامين الليل تلقين من يلمج ويلعب بشعرج ولابردتي يغطيج لا مرضتي يجابلج او يحاتيج
وياحلات الغيرة من الزوج صدقوني غير غيييييير
ومحاتاته واتصالاته عليج
لاطحتي بمشكله اهو اول من يشيلج واذا احد غلط عليج يدافع عنج ولايرضى عليج او ان احد يتكلم عنج
هذا اللي انا حاسته الزواج اشباع عاطفي وجسدي
صدقوني بنوتات اللي تقرونه من مشاكل مهما الريال فيه عيوب اكيد اكييييييييد فيه مميزات
بأختصار الزواج حلوووووووووووووو وكافي تنامين الليل بحضنه الدافي
الله يوفقكم ويرزقكم على قد نيتكم دامكم ليلحين ماتزوجتو بيدكم تشكلون ازواجكم عن طريق الدعااااااااااااااااء انا كنت ادعي بوقت المطر اني اتزوج الشخص هذا وفعلا كاهو زوجي يمي وصار النصيب مع انه كان شبه مستحيل تخيلو ماكو شي بعيد عن رب العالمين

 

[eman84]

ايي والله كل شي الحلو و المر

يعني يووم خايس اللي عقبه ان شاء الله حلو والزواج انا احس انه استقرار للبنت مهما كانت حياتها الزوجيه يتم افضل من بيت الاهل

لان ينخلق لج كيان خاااص وحياة انتي مسئولة عنها وعن زوجج و اليهال يعني لج شخصية اكبر ودور مهم تمارسينه

والله يرزق كل بنت الزوج الصالح ان شاءالله اللي يملي قلبها وحياتها يارب ويوفق كل وحده متزوجة

 

[وآحشنــي زمآنـك]

رد : كتبوا يا متزوجات علشان حزب الطماشه

الشهد كله شهالرومنسيه ؛) ..


الله يخليلكم أزوااجكم وجعل أياامكم كلهاا أفرااح ورومنسيه ..

 

[G!RLooNa]

قايم سوقنا اليوم موضوعين عنا بالقسم خخخخ

تسلمين :sfg:

 

[غمزه وإبتسامه]

اااااب

 

[*peace*]

حتى الاخت واختها يتهاوشون ويردون يتصالحون

نفس الشي الزواج جذي

وبعدين ايجابيات الزواج اكثر من سلبياته بمليون مره

على قولة الشهد كله سايق ببلاش لووول

اهم شي

والاشباع العاطفي والجسدي على قولة احلا مام

 

[احلى سعوديه]

عادي الزواج

 

[بنت.المطيري]

عاد انا قريت العنوان وداشه من اقصاي
فهمت الموضوع غلط حسبت قصدج يكتبون المشاكل اللي تصير عشان يعرفون ان الزواج مو حب وبس ههههههههههههههه
بغيت اقولج موكافي مواضيع القسم بقا فيها ايجابيات
عالعموم خوش موضوع والله .. والله يجزاج خير حسيتي فيهم
بس بالنسبه لي اقولج..
خلي العزوبيات على صوب انا عروس قبل كنت اتمنى الزواج ..الحين خايفه مابي ومرات احس اني كارهه الزواج
جد احس انه رعب ونظرتي له صارت سوداويه تقريبا ..
ههههههههههههه والله اليوم حلمانه اني قاعده اتهاوش معاه ..هذا وانا ماشفته ليلحين
والله تعقدنا من كل شي من االتلفزيون ومنكم وردودكم حتى سلبيه للزواج كلكم تقولون متحملين الضيم وساكتين
يعني تحسسوننا ان الزواج هم والعزوبيه راحه ..

 

[@ام هادي@]

انا عن نفسي احس ان الزواج كثر ماهو مسؤوليه وتحاتين يطلع منج شي غلط وشايله هم زوجج انه يكون راضي عليج نفس الشي راح يكون بالدور للزوج هم هو يحاول ان يسعدج كثر ما يقدر يخليج اسعد وحده بالكون اللي ماقدرتي تسوينه ببيت اهلج يسويه لج اهو كافي انج تدرين انه في واحد بالدنيا يحبج اكثر من نفسه وانتي بعد تحسين ان دنيتج ماتسوى بدونه..اهو سندج اهو اللي يخاف عليج اهو اللي يطبطب عليج لي تكدرتي ويمسح دمعتج الغاليه عليه ويحاتيج لي مرضتي كل شوي يسال عنج...وطبعا المشاكل مهما كانت كبيرة او صغيرة ماردج راح تتراضون والواحد مايحس بالفرح الا عقب زعل(طبعا مو دايما) يعني الواحد شلون يعرف الفرح اذا ما زعل..
احس من لما انتي عند اهلج محد يسوي لج كل هالاشياء وكله ممنوع ..ومايصير ..صح انهم ماقصرو بالتربيه والرعايه بس تبقى شغلات بس الزوج الغالي هو اللي يسويها...من اول ماتحسون انكم انسجمتو مع بعض تحبون بعض وكل يوم يزيد هالحب ويزيد اكثر مع اليهال لانهم ثمرة هالحب...بتحبون بعض لدرجه حتى زواره او تباتين عند اهلج ماتقدرين تحسين شي كبير بحياتج ناقصج ..وتقعدين كل شوي تدقين وتدزون لبعض مسجات هالحب والشوق ...لحد ماتردين وتقولين اخيرا ردت لي حياتي وهواي اللي اتنفسه..وريلج بعد بيكون فاقدج واايد ويعبر لج عن شوقه وحبه..
وبالنهايه الله يوفق حزب الطماشه ويرزقهم بولد الحلال اللي يسعدهم والذريه الصالحه باذن الله..

 

[كويتيهx5]

اممممممممممممم
الصراحه انا من حزب الطماشه لوووووووول بس مو متعقده من ىسوالفكم لانه الوحده لها شخصيتها والريال له شخصيته

بس تبين الصج اللي حوالي محد مستانس بزواجه ويثر الطلاق اللي حوالي سواء مو رفيجاتي وله الاهل يعني ما ادري شلون

من الزمن اكييد

 

[*ريما*]

رد : كتبوا يا متزوجات علشان حزب الطماشه

الزواج فية ايام حلوة وفية ايام مره
والله يوفق الجميع