كتبوا يا متزوجات علشان حزب الطماشه

[dectora 7elwa]

السلام عليكم
خطرت علبالي هالفكره
دايما نكتب ونقرا ونساعد بعض بمشاكلنا احنا يالمتزوجات وحزب الطما شه ما يقصرون اللي تنصح وال ي ترفع الموضوع واللي تدعي جزاهم الله خير
لكن شيقرون
خيانه
زعل علي من شي تافه
طلقني
مايصرف علي
يشوف افلام
رحت بيت اهلي وخلاني
--
--
--
يعني كلللله سلبي
وهم مساكين ردت فعلهم
عقدتوني من الزواج
الزواج كله مشاكل
اشوه اني ما تزوجت
-
-

فكرت كلنا نكتب الشي الحلو بزواجنا علشان نعدل فكرتهم عن الزواج انه فيه الحلو وفيه المر بس احنا نتشكى بالمنتدى لانا مانطلع مشاكلنا حق اهلنا اوحمولتنا اوربعنا فبنات المنتدى صاروا اوفى الصديقات الله لا يغير علينا
وندعيلهم كلللللهم بالزوج الصالح قولوا امين
انا ببدي
الزواج غير انه استقرار فيه حلاوه لانه بصراحه امنيه كل ببنت تحسين بانوثتج ان الريال لج انتي وبس انج كبرتي وتعيشين لحظات الحب الحلال غير طبعا احساس الامومه بس انا بركز عالزواج
يلا دوركم ولا تنسون تدعون لهم بازوج الصالح

 

[نداااوي]

موضوع حلو صراحة عجبني

بعيد عن المشاكل والقصص الحزينة الله يبعدها عنا وعن كل البنات الحلوين

صحيح الزواج استقرار وبتحسي إنه زوجك إلك لوحدك حلالك بتعملي معاه كل شي بتحبيه

بيتك إلك لوحدك ومسئولية الأولاد سبحان الله شي بالمرة كتير حلو

الله يخليلي زوجي وبناتي يارب ومايحرمني منهم

ويوفق كل البنات ويبعتلهم ولاد حلال يهنوهم

 

[كراميلا مرة]

انا اول وحده ترد من حزب الطماشه لوووول

 

[الشهد كله]

الزواج حلو بمعنى الكلمة !!!!!!

استقرار وحياة يديدة وسايق ببلاش وخدمات جليلة وفوق هذا كله تفريخ :dddds::dddds::dddds:

كافي إن إذا بجيتي تلقين من يمسح دمعتج ويواسيج ، وإذا مرضتي تلقين من يوديج الطبيب

وإذا احتجتي مساعدة من الريال ما يقصر عليج بشي يساعدج بكل شي يقدر عليه .

عسى الله يرزق كل البنات الزوج الصالح الحنون الطيب ........

ويا بنات هالمشاكل اللي تشوفونها بالمنتدى ترى نقطة في بحر

بمعنى مو كل المتزوجات مهمومات ويمرون بمشاكل لأ ، ترى احنا ساعات ما يعجبنا

العجب ، على أي زلة نتحلطم ونسوي مشكلة من ولا شي

نبي الريال fULL Option عشان ما نشوف منه شي ​

 

[كوكاوه]

هيااااااااااااااااا انا اول وحده ارد على موضوعج
انا من حزب الطماشه وصج متعقدده حدي من الزواج ما اشوف من اللي حوالي
مستانسين بزواجهم :cxxxp:
اتمن هالموضوع يغير تفكيري بالزواج وتفكير البنات اللي مثلي
ومشكووره :tek:

 

[كوكاوه]

لوووووووووووووووووووووول يالفشلللللله طلعت مو اول وحده وين اخش ويهي الحين

 

[wafa82]

رد : كتبوا يا متزوجات علشان حزب الطماشه

الحمدالله الزواج حلووو صج ساعات تزعلين وتطنقرين بس انا عن نفسي اتكلم ماكنت عايشه قبل ما اشوف زوجي وعيالي الله يخلينا لبعض ويبعد اللشرار عن طريجنا

 

[m&ms2]

رد : كتبوا يا متزوجات علشان حزب الطماشه

لوووول والله عاد انتي جنج قريتي افكاري انا من حزب الطماشه
كل ما اقرى سالفه اقول بقلبي تعذيب مو زواج هذا لوووووول والله كنت بنزل موضوع ان احنا مانشوف الا المشكال وتعقدنا من الزواج يعطيج العافيه :hjy5jewf:

 

[شــغــب]

والله موضوعج جآ بوقته



ياليت تسنعوون الصورة الي ببالي عن الرياجيل لانها قربت بـ تتشوه مره وحده لوووووول



نآطرين المتزوجآآآت

واشكرج على الموضووع

 

[محبوبه25]

رد : كتبوا يا متزوجات علشان حزب الطماشه

حبيت اقول انه المشاكل اتصير بكل مكان مو بس بالزواج
يعني حتى بالوظيفه بعضهم عندهم مشاكل
حتى بين الاهل والاصدقاء اتصير مشاكل
و المشاكل كلها من ورا ابليس الله ياخذه يارب

الزواج استقرار واحلى نتيجه للزواج اليهال
باجر يساعدونا لي كبرنا مثل ما احنا الحين انشيلهم

 

[أم الحلووووين]

حلو الزوااااااااج ..
واصاابعج مو سوى ..
ورجاجيلنا مو مقصره بس تعودنه عالدلع مانبيهم يقولون لأ ..
ان قال لأ طنقرنا .. ونكرنا كل شي حلووووووو ..
الله يوفق حزب الطماشه ويزقهم بالزوج الصالح المزيون وراعي فلوس .. عشااان ماتحسفون ع الزواااج

 

[dectora 7elwa]

موضوع حلو صراحة عجبني

بعيد عن المشاكل والقصص الحزينة الله يبعدها عنا وعن كل البنات الحلوين

صحيح الزواج استقرار وبتحسي إنه زوجك إلك لوحدك حلالك بتعملي معاه كل شي بتحبيه

بيتك إلك لوحدك ومسئولية الأولاد سبحان الله شي بالمرة كتير حلو

الله يخليلي زوجي وبناتي يارب ومايحرمني منهم

ويوفق كل البنات ويبعتلهم ولاد حلال يهنوهم

امييين وان شاء الله تزوجين بناتج ومشكوره عالمرور

 

[dectora 7elwa]

كاراميلا
كاوكاوه
m&ms2
ان شاء الله ما تدور السنه الا انتوا ببيوت رياييلكم
قولو امين

 

[حرم يوسف بيك]

رد : كتبوا يا متزوجات علشان حزب الطماشه

الزواج حلوووو واستقرار وتصيرين مسؤله عن بيت وعيال وفي ريال يسمعج وينصحج ويمدحج خخخخخ ويقدر كل الي تسوينه

 

[تفداج روحي]

رد : كتبوا يا متزوجات علشان حزب الطماشه

كل انشالله في سلبيات وايجابيات والناس اللي تشوف بعين متفائله تقدر تتخطى السلبيات

الحلو بالزواج انج تحسين ان عندج انسان انتي كل همه يفكر شلون يوفرلج اللي تبينه وشلون ما يخلي ناقصج شي

ويكفي لا صار الليل وتسكرت البيبان عليكم تلقين من يحطج على صدره وينومج

ساعات الظروف تخليج تتنرفزين وتعصبين على اتفه الاسباب وتقولين شاللي قردني وتزوجت وشنو هالانسان اللي اخترته بس سبحان الله من تهدين وتشوفين ابتسامه ريلج بتقولين والله الدنيا كلها ما تسوى بعيني شي اذا هالزين مو فيها


مثل ما حياتج ببيت اهلج فيها سوالف ومشاكل وهواش مع خواتج ترا حتى الحياة الزوجيه


احب اشوف ريلي يلعب مع ولدي ويلبسه بجامته

احب اذا ريلي مسك اللاب توب اتلزق فيه واقلقص نفسي بحضنه واطفره


احب لما نزعل ونتم يومين رسميين ما نكلم بعض الا ما ندر ايي يبوس راسي وياخذني بحضنه


احب لما نكون بالسياره وتونا واصلين البيت والمارينا فجأه يخطون اغنيه احببببببها واقوله وااااااي احب هالاغنيه يطفرني ويسكره ويقولي يالله نزلي


في شغلات بسيطه تزعلنا وصدقوني في شغلات اكثر واكثر تفرحنا

 

[تفداج روحي]

رد : كتبوا يا متزوجات علشان حزب الطماشه

بدليات وايد طوفو

 

[عادت ذكرياتي]

لووووووووووووول آنا هم من حزب الطماشة
ساعات أشيل الزواج من راسي وساعات لأ على حسب المشاكل اللي أسمع عنها وأقراها
بس صح حجي الاخت اللي قالت بكل مكان مشاكل حتى بالوظيفة
متابعين بصمت يا أحلى بنوتة" صاحبة الموضوع"

 

[iLLuMinaTion]

حلوه الزواج لووووووووووووووووول

 

[ام طمبحله]

رد : كتبوا يا متزوجات علشان حزب الطماشه

لاوالله هو غناتي وكل حياتي
مرت 23 سنة والله ولا هو ولا انا مصدقين للحين نحس انا احنا بعدنا صغار
صحيح كبرنا واحس بناتي الحين صديقات لي
الا اني ادري مارد كل وحده بتتزوج وتروح لريلها
الله يخليه لي يارب
ويزوج بنتي ويستر عليها وتلقى مثل ابوها زوج خايف ربه وعقبه كل شي مقدور عليه
اتعبوا ودوروا اللي يصلي وعقبه كل شي يهون تقديرين عليه لانه بكون خايف من ربه
والله يوفقكم ويرزقكم ويا ابنيتي الازواج الصالحة

 

[انسام الكويت]

الزواج يوم حلوو ويوم مر وزفت

ايام اتعشين فيها احلا ايامج واياام تعشين فيها

اخيس ايامج وبعمرة ماكان الزواج كامل لأي بني

ادم وحواء لازم اتحوشهم رتوش زوجيه وبعدين احنا

نكتب مشاكلنا الزوجيه نبي احد يساعدنا ويشور علينا بكلمه سنعه

خو ربعن تعاونوا ماذلووا بس الاشياء الزينه بحياتنا ماتنذكر لانه

مرتاحين فمانحتاج لنصايح وانا ما الوم البنات حزب الطمااشه سمعي

مني وطلعي مني خو الحياة لازم يحوشها اطشار عشان انتعلم من تجاربنا