كتبت مشكلتي للدكتوره فوزيه لدريع وماردت علي همتكم بنات ديرتي

[ام ناصر 2009]

امبيييييييييييييييييييييييه امبييييييه يلعن خيره ابن ...الحقير شلون يسوي بعياله جذي
عور قلبي ولدج واعليه شلون يدخل القلم صج انسان مريض واطي
ليش مارحتي الشرطه ولعنتي خيرره هالحيوان
الله يعينج شلون متحمله وأهلج شلووون عالبرود لهدرجه اكو اهل جذي صج ماكو أحساس
الله يعينج على مابلاج حبيبتي عورتي قلبي لدرجه دمعت عيني من كثر ماتأثرت
اللي شفتيه مو شويه
الله يعوضج يارب صراحه مشكلتج مشكله مقول غير الله ينتقم منه انسان ماعنده رحمه

 

[pretty sarona]

انا مع كلام الاخت Happy&Single

 

[ملاك ^ الحب]

حسبي الله ونعم الوكيل

هذا حرام فيه كلمه ابوه وحرام فيه كلمه انسان

الله يصبر قلبج ويعينج حبيبتي وصح كلام البنات اول شي شوفي عيالج وعالجيهم بعدين تزوجي ومنها ترتاجين شوي

ويارب تاخذين الي تحبينه ويحبج ويبعد عنج المشاكل

 

[Gatwa]

حيييييييييييل عورتي قلبي مو شووويه اقرا قصتج وانا قلبي ينعصر من الداخل حسبي الله ونعم الوكيل على ريلج السابق الله لايوفقه عيالك جذي تتعامل معاهم مرتك جذي بس لاحياة لمن تنادي
والله يوفقج مع الي تحبينا والله يجمعكم على الخير ويحنن قلب امه عليج وتتزوجون بأقرب وقت يااارب وربي يسعدكم ويخليكم حق بعض

 

[طيبه العتيبي]

لاحول ولا قوة الا بالله الله يعينج ويفرج همج

 

[العجمية]

أعتقد الريال اللى يسوى جذى باليهال ينسجن صح ولا انا غلطانه

يعنى على خبرى الاعتداءات الجنسية ممنوعة!!!!

مساكين عيالج ابوهم يتحرش فيهم ويذبح طفولتهم وأمهم غرقانه بالحب..........لهم الله والجنه

على فكرة اختى هذا اللى تقولين تحبينه ويبيج بس أهله مو راضيين قاعد يلعب عليج لان لو يبيج صج جان تقدملج ولا الرجوله بس بالاسم

 

[شهدالعسل]

مو معقوله جدي انا انصدمت من الكلام والله ما ادري شنو اقول الله يكون في عونج والله
الله يفرج كرب يالله
ادعي و كثر من دعا كثر من دعا

 

[احلى مريومه]

لاحول ولا قوة الا بالله والله دنيا تخوف الله يكافينا شرها

 

[احلام روحي]

فلم هذا @@

تبط جبدي المره السلبيه يعني حلي مشاكلج بقوة

شهالخرابيط الي دشيتي فيها

القانون معاج وانتي خوافه @@ على شنو

ماادري خوفي القصة بعد تأليف

 

[ام نجـــلاء]

انتي سبب المشكله

يبه صيري ذيبه

دام الحق معاااج

ماعليج لامن ريلج ولامن هلج

الرسووول عليه الصلاة والسلام قاال كلكم راع وكلكم مسؤول عن رعيته

عيالج امااانه عندج لاتقطين روحج بمتاااهه وتضيع عليج عيااالج

مساكين كافي ماشافوا من ابوهم

 

[داريني]

خلي عبدالعزيز على كتر
واول شي طالبي باجره مسكن من طليقج بصفتج حاضنه اولاده
وقعدي بشقه انتي وعيالج وخدامتج
وابدي حياتج من اول و عوضي عيالج على الي شافوه
وعالجي عيالج ترا هالشي له اثر لي جدام و ممكن ينحرفون الله لا يقوله

وعبدالعزيز صدقيني لو يبيج ما راح ينطر بياخذج وغصبن على الكل

 

[~همسات~]

الله يعينج اختي و يصبرج
اكيد عيالج تاثروا بعد اللي جافوه فعالجيهم قبل لا يكون مصيرهم نفس ابوهم
لا تفكرين بشي غير عيالج في هالفتره اما مسالة الزواج و الحب فتاجل احسن
و الاحسن انج تقطعين علاقتج بعبدالعزيز و اذا الله كاتبلج ان تكونين من نصيب عبدالعزيز راح تكونين من نصيب
حكمي عقلج و قلبج و سوي اللي يرضي ربج
و خلي في بالج ان الله راح يحاسبج ع علاقتج بعبدالعزيز
عيالج ثم عيالج ثم عيالج و اهم شي تبعدينهم عن ابوهم
الله يوفقج يارب و يسهل امرج

 

[أحبه موت]

ما ادري شقولج بس فعلا انا مو مقهورة من ريلج كثر ماني منقهرة منج عيل مره ريلها يعتدي على بنته وولده وماتسويله شي بتقولين انا سويت الي علي وكلمت أهلي أهلج شنو فادوج فيه بعرف؟ تدرين ان أهلج ماراح يسوون شي أبسط أبسط شي ها تروحين المخفر تبلغين عن هالحقير الحيوان الي مافي ذرة أبوة شنو ذنب هالعيال الي أبوهم شاذ جنسي وأمهم اطالع الشي الي يصيرلهم وكل الي قدرت عليه قالت حق أهلها الي لايحلون ولايربطون انا ماني قادره أستوعب سالفتج من أمس الحل بيدج لا تقولين مو بيدي الحين الحين المفروض تروحين حق المخفر وتبلغين عن الواطي هذا وتقولين لهم كل تصرفاته وشوفي شلون راح يتصرفون معاه هذا أقل شي بحقه مؤبد وفوق كل هذا يمشيلج معاش انتي وعيالج ويوفرلج سكن وسايق وخدامه وعيالج على طول يتعالجون عن طبيب نفسي الله يعينهم على الي شافوه ودامج تشتغلين اشتبين بأهلج طلعي بشقة بروحج عزي نفسج بدال هالمذلة الي انتي فيها وتااااااااااااااااااااااااااااااااااااااااااالي فكري بعبدالعزيز بصراحه ماادري ليش حسيت انج انسانه أنانية من تصرفاتج الحين عيالج بصوب وانتي اتفكرين شلون تاخذين عبدالعزيز الحين لمن أمه مارضت عليج سويتي المستحيل عشان تقنعينها انزين وعيالج؟؟؟ حتى مارحتي تبلغين عن الحقير ريلج أو سعيتي عشان توقفين الشي الي صارلهم بصراحه الله يعين عيالج مساكين ماادري يلقونها من الأبو الي للحين مستمر بأفعاله ولا من الأم الي همها تزوج الي تحبه

 

[ice-princes]

حبيباتي مشكورين على الردود بس والله العظيم انا مجابله عيالي وبس ارجع من الدوام اغير حياتهم والعب معاهم ونسيهم كل شي ومفهمتهم ان ابوهم ماسوه هالشي الا لان مريض نفسي وهالشي سالت فيه دكتور نفسي وقالي اقولهم هالعذر علشان لا يتعقدون اذا كبروا ويخلونه ابالهم وينتقمون لما يكبرون وبين فتره وثانيه ادق على الدكتور كاظم ابل واساله جم سؤال عن حاله اليهال او اذا لاحظت فيهم تصرف مو طبيعي يعني الي اقصده اني متابعه حاله عيالي
وبخصوص الشقه نظره البنت الي تقعد بشقه بروحها وبهالعمر مو حلوه خصوصا اهلي شكاكين بيذبحوني اذا طلعت
واشكطر كل من نصحني بالدعاء والصلاة
واتمنى الحل الي اقدر فيه اقنع ام عبدالعزيز

 

[الطيب الغالي]

لا حول ولا قوة إلا بالله الله يعينج على ما ابتلاج
قلبي عورني
نصيحه اجلي فكرة الزواج سنه سنتين ثلاث الاهم
جابلي عيالج وجابلي نفسج واهم شي ربنا سبحانه وتعالى

 

[sara999]

ربي يعين

 

[أوكسجين]

صراااااااااااحه انا منصدمه من كل كلمه كتبتيها ؟!!!!

زوجج الحيوان الزبااله هذااا بأي حق تسكتين عنه وما ترفعين عليه قضية تحرش واعتداء جنسي !!

وين حقوق الطفل ؟!؟! واهلج اعذريني على الحجي بس هذيله مو اهل !! هذيله اعداء..

يشوفون بنتهم بهالوضع المنحط ويه هالريال .. ويقولون صبري بس على بو ان ما يبونج تصيرين مطلقه ؟!؟

شهالعقليه وشهالتفكير الي ابيع بنتي وادفنها ويه انسان حثاله ملعوزها وذابحها وذالها وهاينها وطاقها بالنعال بس على بو ان ما يقولون عنها مطلقه ؟!

تكفى هذيل مسلمين ؟! شهالعادات الجاهليه الرجعيه الي بهالعقول ! قبل وأد البناات ..

والحين هالتعامل القذر ويه المراه !

وانا احط اللوم عليج بكل الي صار حق عيالج .. لانج من الاول ما تحركتي ووقفتي بويهه ..

جنه وضع طبيعي ان بنتج تسوي اشياء غلط حق ابوها ماااجنه جريييمه يستحق عليها الذبح هالحمار الي ينقال عنه زوجج ..!

واهلج لما كانو يغصبونج ترديله كان المفروض ما ترديله لو شنو يصير لو يذبحونج من الطق !

لا ترضين على نفسج بالذل والاهانه والخضوع حق عقول تافهه ..

واجهي اصرارهم عليج علشان ترديله بكل شجاعه وحده .. اذا مو عشانج عشان عيالج ..

والله انا مادري لما يكبرون شنو راح يكون وضعهم ! اذا انتي جدامهم ضعيفه ومابيدج حيله ..

بيضييعووووون ! وبيصيرون اردى من ابوهم !!

حسبي يالله عليه ..

وعلى سالفة الي تحبينه .. صعبه ان اهله يتقبلون هالفكره مهما صرتي قريبه منهم وايد ..

لان اهمه قاعدين يشوفون المشاكل الي انتي مريتي فيها وشافوا ولدهم والمشاكل الي طاح فيها منج !

هذا وانتوا مو متزوجين ! اكيد حاطين ابالهم ان المشاكل بتزيد دبلات اذا خذاج ..

يعني الله يكون بعونج ..

بس لا تقولين بنفرح واذا ما فرحنا بنطيح بالحرام ..

بالعكس هالكلام جنج قاعده تقولين حق ربج يارب خل اهله يرضون ولا تره بنسوي شي حرام =\ !

المفروض كلما زاد عنادهم .. يزيد ايمانج وقوة تحملج وصبرج ..

علشان بالنهايه ربج يفتحها عليج .. ويسخرلج هالانسان الي يمكن يعوضج عن كل الي صارلج ..

معاها:0bee2e8d89:

 

[sara999]

بعدين بنات تعالو صج
الي تقول لها روحي اشتكي عليه
اذا ابوها يكفخها بالنعال جدامه وين تروح تشتكي عليه عمه بعينه




واي واي واي تعبت من هالسالفه حتى نوم مانمت عدل انهرت انهرت من قصدج وايد عورتي قلبي وبس افكر واتخيل الياهال ترى جد شي مو هين
لا تفكرين بنظرة الناس لا تفكرين الا بعيالج وبعمرج
الي بوضعج لو انا مكانج اكون انانيه
الناس لهم الظاهر وباجر لي صار وماصار بعرفون الصج
تروحين من اليوم تقعدين بروحج وانقطعي عن اهلج لين ما يقتنعون
وبعدين عبدالعزيز لازم يصير قوي ويوقف بوي الكل عشانج اذا يحبج
من القصه الي انتي كاتبتها شخصيته جدا قويه والي يبيه يسويه
خلاص انتي عانيتي بما فيه الكفايه وبس خلاص وقت الي تشترين سعادتج وسعادة عيالج

وبنات لا تقولون لها فكري بعيالج
ولا تقولولن لها انتي على طول فكرتي بعمرج
عمرها وسعادتها من عمر عيالها وسعادتهم ززز وبعدين عيالهم اذا عاشو مع عبدالعزيز راح يكون اب مثالي لهم وراح يساعدهم ان يتخلصون من الي كسر طفولتهم

 

[m!ss nunu]

شوفي اختي
كلام البنات الي قالوه في انج تطلعين شقة بروحج عين العقل

وبقولج شي لازم تكون عندج قناعة اذا خايفة من كلام الناس ونظرتهم ان الله بيستر عليج طول ما انتي محتسبة الاجر ومعابلة بهالعيال وصاينتهم وصاينة نفسج
تأكدي الله بيعميهم عنج .. وحتى لو تكلموا تأكدي الله بيستر عليج وبتتيسر امورج ان شاء الله اذا توكلتي على الله .. ودايم حطي في بالج ان كل شي بأجره وصبري صبري صبري
ماضاقت الا تفرج ان شاء الله

وعن عبد العزيز هو ريال يقدر يتزوجج غصبن عن الي مايرضى
يقدر يتزوجج غصبن حتى عن اهله
بس في رياييل مايحبون يسوون هالشغلة ولايبون يكون الزواج غصبن عن أهاليهم
فوالله مادري شقولج بخصوص هالموضوع لكن استغفري وايد وتوجهي لربج وطلبي وكثري من السجود وادعي كل الي بخاطرج
رب العالمين ماراح يخيبج ان شاء الله .. تأكدي الله سبحانه مايقصر
الشي الي انتي ماقدرتي تحصلينه ان شاء الله وبعون الله ربج بيرزقج اياه
(وعلى نياتكم ترزقون)

الله يفرج همج ان شاء الله ويمسح على قلبج ويعطيج القوة القوة القوة القوة والصبر ويقضي لج حاجاتج ان شاء الله

 

[ام ناصر 2009]

والله كله افكر بعيالج مانمت عدل كسروا خاطري