كتبت لكم بعض المعلومات عن اساسيات التصوير بشكل مبسط للمبتدئات,,

[[سيّن]]

السلام عليكم ورحمة الله وبركاته,,
شلونكم شخباركم,,​

وصلتني ردود وتساؤلات عن كيفية التصوير,,
واخرها رساله من العضوة Ms. perfect
طبعا هذي شهادة لي ان احد يسألني عن هالشي او يعجبه تصويري,,
مع اني لازلت اشوف نفسي مبتدئة بهالمجال,,
بس تقدرون تقولون مع الممارسه اكتسبت وتعلمت اشياء وايد,,
في البدايه طبعا انا كان عندي مادة تصوير،،
ومن هني بديت اصور تقريبا,,
كنت استخدمت كاميرا سوني ديجيتال,,
بس بعدين قلت ابي اطور نفسي،،
شريتلي كانون 1000D
وبديت اصور,,
اممم يمكن تلاحظون صوري في البدايه شلون كانت وشنو صارت الحين,,
طبعا عقب ماحسيت اني طورت من نفسي شوي,,
شريتلي كام ثانيه اللي اهيا كامي اللي استخدمها الحين,,
كانون 550D​

اقدر اعطيكم معلومات يمكن تفيدكم,,​

1- اول شي واهم شي الذوق في التصوير: وكل صورة تشوفينها تعبر عن ذوق المصور نفسه, ونظرته للشي اللي شافه, الصورة اول شي تلتقطينها بالعين بعدين تلتقطينها بالعدسه، انتي تشوفين الصورة بعينج المجرده، تشوفينها من زاويه معينه، وتشوفينها بشكل معين, وبعدين تطبقين اللي شفتيه بالكام, وتظلين تصورين وتحاولين تلتقطين اقرب صورة للي انتي شفتيه بعينج.​

2-طريقة التقاطج للصورة نفسها: لازم تراعين اضاءة المكان ومثل ماقلت زاوية التقاطج مهمه جدا، وبعدج وقربج من الموضوع اللي بتصورينه، طبعا كونج مبتدئة ماراح اكلمج بمصطلحات تصويريه تعقدج هههههههه.​

3-تجنبي استخدام الفلاش كثر ماتقدرين، وحاولي تصورين بالاضاءة الطبيعيه، او تكون اضاءة الغرفه كافيه، ولا تستخدمين الفلاش الا عند الحاجه.
4-تجنبي التوسيط بالصور، اذا عندج شي بتصورينه لا تخلينه يصير بنص الصورة خليه على جنب او ايا كان بس تجنبي التوسيط لأن ماراح يعطي نتايج حلوه.​

مادري اذا غفلت عن شي بس هذي نصايح مبدئية وانتي مع الممارسة بتعرفين حق نفسج, ولكل مصور نظرته وطريقته الخاصه بالتصوير.​

العضوة اللي دزتلي الرساله سألتني سؤال (( الحين الصورة لما تلتقطينها تكون في بالج فكره قبل او انج تصورينها بعشوائيه والله مادري شلون اوصلج فكرتي بس تايهه حدي ..))؟؟​

طبعا اهيا الافكار تيي ببالج،، وساعات تشوفين شي يشوووق وتقولين هذا يبيله انج تصورينه، وساعات اييي موضوع هادف ببالج وتألفينله فكره وتمثلينه بالصور, وساعات الشي جدامج يكون تصورينه وبس مايحتاج فكره ولا يحتاج شي مجرد نظرتج له واختيار الزاويه المناسبه وبتطلع صورة ولا احلى منها،، خصوصا هالشي يطلع بتصويرج للمناظر الطبيعيه، وبطريقتج في ابراز جمالها من خلال طريقة تصويرج لها.​

نيي حق طريقة التصوير او كيفية استخدامج للكاميرا:​

في موضوع هني طرحته العضوة لاتكابر غلطتي​

وهذا لنك الموضوع http://www.q8yat.com/t872574.html​

طارحه فيه نبذه عن الكام واستخداماتها بس طبعا نبذه بسيطه
والكاميرات مثل ما احنا عارفيين عااالم كبير وبحروه واسعه
وكل واحد مع الممارسه بيعرف شلون يطور نفسه.
بس مبدئيا هذا شي بسيط عن كيفيه استخدامج الكام,,​

تقدرين تصويرين على هالاوضاع اللي العضوه حاطتهم على حسب الشي اللي بتصورينه,
ولأن الكام محطوطه على الاوتو فاهيا بتضبط فتحة العدسة والشتر والايزو من تلقاء نفسها,
وحتى الفوكس راح يتحدد بروحه,
بس تقدرين تخلين تعديل الفوكس مانيوال,
يعني انتي تعدلينه بكيفج,
عن طريقة تغيير زر AF الى MF تلقينه على العدسه نفسها,​

طبعا في وضع الـ M والـ P وباجي الاوضاع,,​

اغلبها انتي تضبطين بفسج فيها فتحة العدسه وسرعه الشتر والايزو على حسب الاضاءة بالغرفه وعلى حسب بعدك وقربج من الموضوع اللي بتصورينه, يعني ما تكون مضبطه اوتوماتكلي,​

ماراح اتكلم عن هالاوضاع لأن تحتاج شرح لحالها وكونج مبتدئة مابي اعقدج هههههههههههههه اهم شي عرفتوا هالاساسيات اللي قلتها وبعدها ان شاءالله اسوي موضوع ثاني يخص التصوير المانيوال.​

تقريبا هذا كل شي باختصار, اتمنى ماغفلت عن شي,​

وملاحظة,​

انا اتكلم من ناحيه خبرتي في هالمجال وممارستي له, انا ما دخلت دورات ولا شي, استفدت من النت ومن الملاحظات اللي اتلقاها على صوري, ومن خلال اطلاعي على المنتديات والفلكرات واشوف الصور الي فيها عرفت شنو اخطائي بالتصوير واستفدت منها اكيد, ولازلت اشوف واتعلم,​

ومثل ما قلت في بداية الموضوع انا لازلت اصنف نفسي من المبتدئات,​

يمكن غفلت عن معلومه او ماذكرت اشياء ثانيه بالتفصيل,​

بس أي احد عنده سؤال واقدر اجاوب عليه ما راح ابخل عليكم بشي..​

موفقين ان شاءالله ,,

ربي يحيي الكل ​

 

[كويتية-رزة]

شووكرا حبيبتي
الموضوع حده مفييد
عساج ع القوه

 

[QUEEN-LUXURY]

مشكووووووووووووره حبيبتي

 

[miss_crazy]

مشششششكوؤوؤوره ماقصصصرتي

ودي لشش

*

 

[㋡мîšş đάяķ şmίℓε㋡]

موضووعج ناايس والله
استفدت واايد منه

الله يعطيج العافية

 

[[سيّن]]

حياكم الله
وشكرا لكل من مر من هني
اتمنى اني صج حققت الاستفاده من هالموضوع

 

[**lalia**]

مشكووره استفدت وايد من الموضوع

 

[شوق@ذوق]

يسلموووو عالموضوع
انا احب التصوير وعندى مشاكل بالقطات اللى اخذها بحاول اصلح من اخطائى بعد قرائتى لموضوعج
يعطيج العافيه​

 

[aṕriliå]

يعطيج العاااافية

ماقصرتي

 

[[سيّن]]

الله يعافيكم
اتمنى فعلا ان استفدتوا من الموضوع

 

[عواار قلب]

يعطيج العااافيه

حلوووة معلوماتج

 

[Lédy LoOlà]

استفدت وايد حبيبتي مشكوووره
..~
و شنو نوع كاميرتج ؟
علشان بعدين ابدأ اسأل =)

 

[Ray.Bana =$]

يعطيج العافيه

 

[Abany]

شكرا على مجهووودج حبووبه ... :*

 

[بووووتي تووتي]

يعطيج العافيه يالغاليه تقبلي مروري

 

[Michey Mouse]

يعطيج العافيه

 

[ملكة على عرشي]

تسلمين على المعلومات القيمه


بس يااليت تعطينا دروس بخصوص فتحة العدسه والشتر والآيزو


وطرق العزل


عوافي ي رب

 

[Lavita]

ماشاء الله شرح واضح جزاك الله خييير

 

[G!rla q8ya]

.






يعطيج آلعآفيةة **

- مآ قصرتي






.​

 

[ו حسآيف ]]

ماقصرتي ع المعلومات (؛