كتبت بيدك النهايه ... ورجعت بيدت باحلى بدايه قصه واقعيه مثل ماوعدتكم

[Tom ♥ Jerry]

..


واااي حرآآآم نووور =(
لآيكون يقص عليها آحمدووووو

كمليييي بلييييـــز :** !

.

 

[أميرة العود]

بللللللللل

ناطرينج

 

[القطانيه]

واي بنات ماكو تشجييع كلش

 

[القطانيه]

احمد : والله ولا شي ومليون واحد يتمنااج بس انا ما افكر اخذ وحده اعرفها

نور: ليش

احمد : بس وجهة نظر .. واهلي ماراح يرضوون .. ودايما كلمتهم الحب بعد الزواج مو قبله

نور: وانا مافكرت فيني .. ماقلت ليش كلمتني قووولي .. ليش كلمتني

احمد: نور انا ماوعدتج بشي ترى..

نور: ادري بس ليش كلمتني

احمد: مادري بس ....

نور: اوكي يعني تبي نكمل ربع قصدك مو حب

احمد: الي تشوفيينه

ونامت الليل بحسرتهااا نور وصارت ادق يوم وتكشت اياام ليين تقدم واحد حق نور من عايله محترمه وخوش ريال ووظيفته زينه

نور: الوو

احمد: هلا حبيبتي

نور: حبيبتك ...

احمد : ايي حبيبتي ولا لازم حبيبتي وبيدي الدبله يعني

نور: لا ما اقصد بس بغيت اسولف معاك شوي واقولك الي صاار كله

احمد: قوولي يااقلبي

نور:احمد في واحد ياي خاطبني يصير لي بس من بعييد ملازم اول يقولن ضاابط اختصااص مادري شنو يعني

احمد: اممم ايي حده زين انتي من صجج انا اتمنى اصير ضا بط اختصااص

نور: اوكي تبي مني شي الحين ؟

احمد: لا سلامتج الله يوفقج ...
نور : ووقفك بعد

ومر وشهر وقربت ملجت نور على عبد الله ونور قلبها لي اليووم مع احمد ويوم من الايام ونور تحوس بالجريده شاافت قبول الطلاب الضبااط بعثه فرنساا وتمنت احمد معاهم الان تدري كان يتمنى يكون معاهم وفعلا شاافت اسمه وفرحت وايد ودزتله مسج

مسج من نور : الف مبروك القبوول يا الغالي والله يوفقك يارب

رد احمد على المسج : هلا بعد قلبي انتي مشكووره وكنت متوقع والله بدزيلي مسج بهل يوم

وهذا اخر مسج بيينهم وملجت نور على عبد الله وتم العرس ولي اليوم نور مو قادره تتقبل عبد الله كلش بس تجامله لي درجه مادخل عليها الا بعد سبوعين من العرس من كثر مو قادره تتقبله تم عرسهم بعد العيد " عيد الفطر " وعقب شهر من الزواج بدت نور تتاقلم شوي ليين وصل موسم الحج وقرر عبد الله انه يروح الحج وقبل لا يروح عبد الله الحج بسبوعين نور تاخرت علييها الدوره وراحت حللت وفرحت بخبر حملها وااااااااااااااااااااااااااااااااايد وردت البييت وشرت شريطه وربطت بطنهاا وكتبت على بطنها بابا انا دااخل بطن ماما دير بالك عليينا وقعدت تنطر عبد الله ايي من الدوام واهي ميته وتشووفه ووصل عبد الله

عبد الله : السلام علييكم

نور: هلا قلبي

عبد الله : الله قلبج مره وحده

نور: وعمري وحياتي وكل شي بعد

عبدالله : الله نور اول مره تقولينها ليي

نور : يووه عبد الله ترى ما اقول بعدين استحي
عبدالله: الله يخلييج لي يارب يا الغاليه

نور: وخليك لي يا اغلى انسان ..عبد الله بطني يعورني

عبد الله : افا قوومي يبا اوديج الطبييب

نور: لالا مابي طبيب بس انت شووف بطني شنو فييه

عبد الله : هههه ها جذي افهم شي ثااني انا ترى ماتلومين الا نفسج

نور : ههههههههه عبد الله يلا عاد تعال شووف شنو فييه

عبد الله : ايي واشووف وامري لله بس قلت لج انا مالي شغل اذا ..........

نور : تعاااااااااااااااااال يلا

ونور رفعت البلووزه مالتهااا ......... وعبد الله تنح ابطن نوور يمكن 5 دقايق يرد يقرا الكلام

عبد الله : نور من صجج

نور: والله حبيبي شووف التقرير بعد

عبد الله : خلاص الحين نتغدا ونام نقوم بعدين نروح الطبيب نطمن شرايج ؟

نور: تامر امر يا ابوو .........

عبد الله : بعد مايبييله ابوو عبد المحسن

نور: فدييييييييييت عبد المحسن وابوه انا هههههه
وراحو نور وعبد الله يسوون سونار ويطمنون على البيبي اليدييد وكانت نور حدها فرحانه وعبد الله فرح اكثر ومره وحده حست انه عبد الله اهو الحب الصحييح الي يحبها ورااضي بحلوها ومرهاا
وسوو سونار وعمر البيبي 40 يووم

ووصل وقت روحت عبد الله للحج وودع نور ونور ميته من البجي تعودت عليه وشلون تنام كل يوم واهو مو يمهاا وحواليينها ​

 

[أم@الحلوين]

بدايه واااااايد حلوه

ولله يهنيج يانور

 

[القطانيه]

عبد الله : يلا حبيبتي انا رايح

نور: عبد الله اقعد تعودت عليك احس اني تعباانه

عبد الله : افا علييج بس كلها 10 ايام وراد لج ياا قلبي

نور: احبك دق علي كل يووم وكلمني كل شوي الله يخلييك

عبد الله : انشاءالله ياقلبي يلا يباا لا زم ارووح ورااي درب ولا تنسيين انا القايد مالهم

نور: الله يحفظك يارب ويسمح دربك ويجعلك بكل خطوه سلامه يا اغلى عبد الله

وطول الطريج وعبد الله بس يكلم نور مسجات لين وصل الحمد الله وتطمنت عليه نامت والحمد حج بيت الرحمن وطول ما اهو بالحج لما يروحون يتسوقوون بس يقوول هذا حق ام عبد المحسن وهذا حق ام عبد المحسن يتنقصلها من كل شي ونور اهني قضت العيد بس بزيارات ماطلعت وتنطر ردت عبد الله الان حست انها حبته اكثر واكثر وشتاقتله


لين وصل اليوم الموعوود وردت عبد الله الغالي لي للكويت الله يا الفرحه بعيونج يانووور ردت شقتها وتلم دشاديشه حبيبي ولهت علييييه وعلى ريحته يحلاته

وترتب وتنظف لين صار الليل تسبحت وكشخت وتنطر وصوول عبد الله وطول الطريج يكلمها مسجات قالها ااحنا انشاءالله 4 ساعات وواصلين انا بنام حبيبي تعبت علشان لما ايي اكون مصحصح قالت اوكي ونام عبد الله وصارت الساعه 4 الفير عبد الله ماوصل ادز مسجات نور مايرد عبد الله ؟؟!! نايم مثل ماقالها وصاار الصبح ولا بين عبد الله وقالت نور يلا ظرووف واكيد من يقوم بدق علي وراحت بيت ابووها الساعه 9 الصبح ولا الوضع حزيييين

نور: السلام

ام نور: هلا يمااا

نور: شفييكم يماااا شصااير اديده فييها شي

ام نور: لالا حبيبتي ماكو الا العافيه
وصل ابو نور: وويها متغير وعيونه فييها دمووع

نور : قوه يبااا

ابو نور: هلا يباااا

نور: يبا اشفييكم شنو صااير ... يبا عبد الله ماوصل ... انتو تبجون ليش عبد الله وينه شنو صااار

ابو نور : يباا الموت حق تصبري بالله

نور: شنوووو شلوون لالالالا اهو نايم اهو قاالي بناام لالا يباااااااااا لالالالالالالالالالالالا انتو شدراكم منو قالكم لا ابي عبد الله

وماات عبد الله بحادث واهو رادين الديره وماتت نور معاه واهي حيه وتم العزا 3 اايام ونور ما دش الزااد بحلجهاا وليي 4 يووم

نور: يماا تعباانه

ام نور: يما انتي مو قادره تاكلين حرام علييج موزين انتي معترضه على حكمة الله

نور: لا يماا هذا ابو عيالي وهذا امر الله راح ابيض حق الله مراضييني ومراضي امه وحاج بيت الرحمن وقاايد حجاج يمه حبييبي

ام نور: يلا يما مسكي اكلي سوي يريش انتي تحبيينه

نور: حبيبي اهو يحبه بعد باكل علشانه يمه

ومره وحده نور حست بشي نزل علييها وراحت تشووف الا دم وارحت الطبيب تغطت وارحت الان مثل ما انتو عارفين اهي بالعده وراحت الطبييب نور مع امها وخالتها ام عبد الله



الدكتور: اهلا مدام نور تفضلي شنو المشكله

نور: مادري دكتور نازل علي دم
الدكتور: انتي مرهقه شكلج

نور: أي دكتور انا بفتره حداد زوجي متوفي الله يرحمه بواسع رحمته

الدكتور: لا حول ولا قوة الا بالله عظم الله اجركم

نور: اجرنا واجرك ماقصرت

الدكتور: تفضلي نسوي سوناار

وتم السوونار والصدمه الثانيه

الدكتور: اعذريني نوور بس البيبي ماافي نبض

نور: شنو يعني ؟

الدكتور : لازم تنظيفات الان البيبي متوفيي

نور: ااااااااااااااااااه يا ربي لك الحمد حرمتني من الابو والياااهل يارب ابيييه يارب ارحمني ابيي من ريحة عبد الله يااااارب ارحمني

وسودت الدنيا مره ثانيه بعيوون نووور ودشت التنظيفات وقبل لا تسوي تنضيفات

نور: دكتور الله يخلييك من تشووفه تشهد علييه

الدكتور: نور اهو ترى قطعة لحم بس

نور: ميخالف بس فيي روحي وراحت الله يخلييك

الدكتور: تامرين امر انشاءالله

وتمت العمليه واليوم الي ورااه نور طلعت من المستشفى وردت البيت وكملت فتره الحداد " العده " وبلشت دراستهاا الجامعيه الان راحت منها سنه وبلشت تدرس وتحاول تتناسى الي صاار لهاا بس الجروح تروح وترد لهااا وذكرى عبد الله برااسها لي اليووم الفتره قصيره بس غلاته كبييره الله يرحمه " بنات ترحمو علييه الان القصه صجيه جزاكم الله خير "

ومرت السنه الثانيه ونور بعدها بالكليه طبعا كانت رافضه الزواج من أي احد ورافضه الفكره عامه

لين وصل احمد من فرنسا متخرج ضااابط ومسوييله عشى كبيير ابيتهم وعازمين كل الاهل ونساايب وتفجأ احمد بالخبر الي سمعه عن نوور والي صار لهااا

ام نور: ها ماما نور تروحيين معاناا

نور: مادري يما ماالي خلق لازم البس واكشخ وانا ماالي خلق

ام نور: يماا قوومي خلاص انتي على هالحاال من فتره حرام لا مواجييب مايصير

نور: على خير يماا الحين اقوم البس دام البيت مافي احد بقووم اخاف بروحي اقعد

ام نور: وسوي شغل ريمو اختج بقطها بيت خالتج اسوومه بطريجناا

نور قامت تسوولف مع نفسهااا

نور: الحين بشووف هذا قطييعه اهنااك .... ماالي خلق اشووفه استغفر الله ... واااي من زمان مو كاشخه ولا لابسه احس نسيت البس ونسيت احط مكياج وقامت ودقت على اختها نوووف

نور: الوووو

نوف: هلا نوورو

نور: نوفوو مو عارفه البس

نوف: بعد قلبي اشفييج نور لبسي كشخي حيااتي شفييج

نور: ماادري نوف احس ما اعرف تعالي

نوف: خلاص اووكي انا يايه بطريج بقط اليهال عندكم ودلول بعد بتييب اليهال ترى بيت امي يقعدون مع الخدم

نور: انزين شسوي شعري​

​

 

[القطانيه]

نوف: سويه استرييت وانا جريبه يمكم

نور: اووكي


وصلت نووف نسيت اقوولكم ابدايه القصه نور عندهاا من الاخوان الشبااب 2 محمد وعبد العزيز والبنات الكبيره دلال متزوجه وعندها 3 اولاد وبنت ونوف عندها بنت وولد وريما صغيره عمرها 6 سنيين

نوف : ها حياتي نور شنو تبيين

نورقاعده تبجي

نور: مادري نوف مو عارفه البس مو عارفه احط مكيااج مو عارفه اسوي شي احس كبرت مليون سنه

نوف: مو قلنالج يا حبيبتي قطي الاسود موزين حرام مايجووز وين قاعديين

نور: مو بييدي شنو اسوي

نوف: تعترضين على حكمة الله ؟؟؟؟!

نور: اللهم لا اعتراااض مو قصدي

نوف: يلا عيل قومي غسلي ويهج وخليني اشووفج احلى وحده اليوم

نور: انا بغسل ويهي وانتي طلعيلي ملابس انا خاشتهم الصوب الثااني اهني كله الوان غامجه

نوف: هذيل انا بقطهم كلهم مادري ليش غامج الملابس الغامجه ماترد الي راح جان لبست طول عمري اسود يوم مات ولدي واهو ابطني ولده وماات مافي اعز من الولد يا قلبي

وطلعت نوف حق نور بدله تينن لوونهاا اخضر" روتانا " ومثل ماقلت لكم وصف نور بييضه وشعرها كستناائي وكيوت
ولبست نور وتمكيجت كالعاده المكياج الخفييف وطلعو وصلوو بيت اهل احمد وقلب نور يرقع كل الي اباالها من شمااته احمد وحاسه انه راح يتشمت فييها وممكن يجرحهاا بنظراته


بس نشووف شنو صاار

ام نور: نور ماما شييلي الحلوو و نوف شيلي الهديه ماخده حق الولد هديه فشله

نور: يما ماابي اشيل الحلو ثقييل اخاف يطيح مني بشيل الهديه . ... شنو شاريتله مع ويهه

ام نور: هو هو هو شنومسويلج فقير هههه هذا اول مره نشووفه شايليين علييه

نور: بلاج ماتدرين هههه

نوف: جب يا كلبه لا تسمعج امي

نور : ههههههههههه

دخلوو نور وامها وخواتها بييت احمد وبالحديقه قاعدين الرياييل ومن ضمنهم احمد من شااف نوور فز وقاام راح ورا علي علشان يسلم عليهم ومنها يشووف نور


علي: هلا والله هلا عمتي شلونكم شخباركم

ام نور: تمام يمه شلونكم شخباركم مبروك تخرج احمد وينه نشووفه ونبارك له

على : هذا الطنطل الي وراي

ام نور: هههه الله يغربل بليسك يا علي ... هلا يما احمد شلونك شخبارك مبرووك التخرج منها للاعلى يارب وعقبال الزوااج ونفرح فييك

نور تقول بقلبها ... وين يا يماا هذا مال لعب وينه ووين الزوااج


احمد: الله يسلمج خاالتي ماقصرتوو والله ​

 

[Tom ♥ Jerry]

..

آمبييييييييييييه حرآآآم =( !
وآيد عليها نووور كل هالمشآكل ... !
واااي آحمد مليــق و كل الشباب جييي :**

كملييييهآ بليييييز ..!

.

 

[sweety_love2]

ناااطرينج

 

[القطانيه]

نوف: علي ولي يسلمك اخذ الحلو ثقييل كسر ايدي

علي: عطييني اودييه لكم لي داخل وحياكم الحريم داخل

ومشو شوي جان نور تذكر الهديه بيدها ما عطتها حق احمد

نور: يماا الهديه

ام نور: يمااا نادييه بسرعه ودييها له فشله

نور : احمد ... احمد ....

احمد : هلالا

نور: تفضل هذي هديتك

احمد: مشكووره ياالغاليه شوفتج اكبر هديه والله

نور: عن اذنك


واحمد قعد بس يفكر بنوور ووده يدش وينطر أي مناسبه بس علشان يدش عند الحريم يشووفهاا

احمد: اخ يا نور شلون ضيعتج من ايدي صج انج اصييله بس مالج حظ الله يستر علييج ويوفقج


ام احمد : احمد ........ احمد .......احمد

احمد : هلا يمااا

ام احمد: تعال يما داخل يدتك يايبه نون فقيره بتقط علييك

احمد: يما الله يهدااج توني امشي ... ولا طالعلي ضرس؟!

ام احمد : وعليه يايبته فقيره امش مافي احد غريب
احمد: يلا امشي بعد شنو نسوي فيكم


ووصل احمد داخل بدو الحريم اييببون واهو بس عيونه ادور نوور وشاافها قااعده بين البناات بعيونها يشووفها مثل الملكه

ياا الرق من النساايم طاافت بشااطىء بحر ولتقت في غصني توه يحظن الفجر بندااه نووور شرفتي زماانج وانتي زينتي الدهر يا الملكه الجمييله ذااب حسنج من حلاج

وطبعا مافي اطول من علي واحمد اهما ماسكيين النون ويحذفوون على النااس واحمد يتعمد يقط على نور ويضحك واهي بعد تضحك وخلص النون
واهو طاالع راح صووب نور الان اهي قاعده يم البااب وشاال الحلاو الي بالارض وعطااها قال حرام نعمة الله شيلييها بنزر

نور قامت تقول بقلبهاا هذا شيبي يزف مع الوي انا الي قاطه الحلاو ولا انت خبل

وخلصت الحفله وكل من رد بييته

وطوول الليل احمد يفكر بنوور وليش هدهاا وحرم نفسه من الطييبه والجمال هذاا بس يمكن ماكان قد الزوااج تهقوون هذا عذره ؟! ولا شنو عذره ؟؟!

ونور نفس الشي

شفييه قاعد يشووفني جذي هذا نسى اني ارمله؟ ولا شفييه ين يمكن برد يلعب حرييمته انا مو نور الخبله الي يعرفهااا مالت

ومرت اياام ونور وصلت كورس التخرج وحدها مستانسه جريب تخلص

كانت تتمشى بسوووق ومره وحده شاافت منوووووووووووووووو






احـــــــــــــــــــــمــــــد​

 

[ساره غلا فيصل]

يحلاتج ويحلات القصص الي تكتبينهااا وعرفت منو قصته هذي ههههههههه من البدله كملي يلا ناطرينج

 

[Tom ♥ Jerry]

..


واااي آحمد مآدري شلووون !
كمليييي بلييييز و البآرت حده قصيييير =( ..

 

[المستبــده]

انا اقوول ليش قسم القصص منوور

اثاري القطانيه منزله قصه !!

الصراحه القصه مبينه انها حلوووووووووووووووووووه


سجليني من متابعينج ​

 

[so_what]

الله يرحم عبدالله ان شاء الله ويغفر له ، مسكينه نور ما تهنت بزواجها ولا بولدها ، و احمد يبط الجبد ، يسلموو حبيبتي

 

[ركاب الأصايل]

اول شي حبيت اقولج الله يعطيج العافيه وماقصرتي واشكرج جدا ع الاسلوب الراقي ماشاءالله
بصراحه روعه روعه القصه وهالشي موجديد عليج دائما معودتنا ع الشي الرائع والراقي بنفس الوقت
كسرت خاطري نور بوفاة زوجها عبدالله الله يرحمه ويرحم اموات المسلمين والله دمعت عيني بس يالله هذي الدنيا
ويعوضها الله خير ان شاءالله

 

[سارونه87]

وااااااااي عورتي قلبي

بس يلا عاد لاتعلقينا كتبيها مره وحده مو احسن خخخخخخخخخ

 

[ايطاليه]

القصة روووووووووووووووعة

ناطرينج حبيبتي ......تسلم الايد اللي كتبتها

 

[القطانيه]

بغد قلبو انتي انشاءالله اليوم اخلصها لكم



وحياكم الله نورتو قصتي ياا قلبي

 

[القطانيه]

احمد : قوه نوور

نور: هلا والله

احمد : شلوونج شخبارج

نور: بخير الحمد الله امرني

احمد: مايامر عليج ظاالم شدعوه شفييج

نور : اتوقع احنا بسووق شلون تتجرا وتكلمني جدام العالم

احمد: نوور احنا اهل

نور: بس الناس مايدرون انه احنا اهل ولا انا بمشي واسلم على أي واحد بشاارع

احمد: ليش انا صرت من الشاارع!!

نور: احمد لو سمحت خلني امشي شنو تبي الحين

احمد : ابي اكلمج بموضووع بس ابي ادق علييك

نور: نعم ؟؟ انت مينوون انت نسييت اني ارمله ماتستحي

احمد : نور انتي مني وفييني واحنا اهل شنو يعني بضرج انا ؟

نور: وخر عن طريجي انا مو حق تسليه حبيبي مراح افيدك لو بفيدك جان فدتك اول يوم كنت بعز اللعب

احمد : نور دقي علي واوعدج اهو اتصال واحد والله ولا وقفتنا اهني

نور: يصير خير انشاءالله باي

احمد : بااي بس راح ادق

نور : افففف قطييعه هذا شلي طلعه بويهي استغفر الله والحل معااه .. اف خل يدق اشووف شنو يبيي ونخلص منه


وصار بليل ودق احمد على نوور


نور : الووو

احمد: الووو السلام علييكم

نور: هلا احمد تفضل قول الي عندك

احمد: نور انا مقدر وضعج والله لا تروحين بذاك الراي

نور: أي رااي احمد انا مابيني وبينك شي اتوقع كل شي انتهى من سنيين ولا نسييت من باع الثااني

احمد: نوور كنت اقدر امشي معاج والله واقعدج سنيين بس انا شفتي توني قدرت ارفع رااسي من الدوراات والدنيا كلهاا كنت توني متخرج حسبي 3 سنين فرنسا وغيره وغيره اعشمج 3 سنيين مو الي فييينا حب مصلحة الثاااني وانتي الحمد الله بنت أي وقت تتزوجيين
ومو ناقصج شي والحمد الله تسهلتي وتزوجتي بس هذا امر الله وانتي مو ياهل توزينيين الامور

نور: بس انا كنت اقوولك اني بنطرك العمر كله

احمد : نور هذا كلامي وكلامج تفهمييني بتنظرين كل هالاسنيين اهلج شنو بقولون ؟ انا وانا قاعد مع امي مليون وحده ساله عنج قبل لا تتزوجين مو حرام علي علقج كل هالاسنيين؟

نور: هم مو منطق الصراحه

احمد:نور فهمي لو سمحتي

نور: المطلوب احمد

احمد: نصلح الي راح انا ريال الحين قاادر افتح بييت وقادر اعيشجج باحس عيشه من غير ما اعتمد على ابوي ولا أي شخص

نور: احمد لا تكلم انسى خلاص الفات راااح وانا شلت من بالي فكرة الزوااج صدقني لا انت ولا غيرك

احمد: نوور الدنيا ماتووقف

نور: بس عندي وقفت احمد خلاص انا مجروحه منك ونسيت الجرح وبقلبي جرح واحد الحين ريلي وولدي الي راحو بس

احمد : نور انا ماالوومج بس هم فكري وصدقيني فكري بعقل كنت اقدر اكمل معاج والله وانطرج كل الاسنيين بس انتي مني وفييني يا نوور

نور: الله كريم احمد انا م اراح اقدر اطول الحيين اعتذر منك تامر على شي

احمد: نور فكري بلييز

نور: الله كريم عن اذنك

احمد : نوور حبييبتي .. تكفين فكري

نور: لو سمحت حدك!!!!!!!! شنو حبيبتي

احمد: حبيبتي غصبن علييييييييييييييييييج رضيتي ولا كييفج عاد

نور: يلا بااي

احمد: نوروو شنو صرتي عرباويه ؟

نور: شكو يعني ؟

احمد : مادري كاشخه بالاخضر ذاك اليوم جنج شدة شبت

نور: قطييعه ويييع لي الحين هذا سلووبك ههههههههههه

احمد : والله بس تبين الصج حلو علييج

نور: شكرااااا​

احمد : عفوا ياا نعنااع

نور: انت لو سمحت احترم نفسك

احمد: وييع وييع عفوا يا بقل جذي احسن

نور: هههههههه أي وايد ارحم

احمد : فكري يلا انطرج

نور: اقول بااي يلا بروح انام

احمد: باي وباجر عطيني خبر معاه جبن ههههههههههههههههههه

نور : امبييه لا انت مو صج مليييق

احمد: نوروو تبين اقولج نكته

نور: قووول

احمد: الله يسلمج يقوولج في محشش قال بقى مرته معاها واحد.. قال ممشاءالله اليوم رياييل باجر زقااير هههههههه

نور: ههههههههههههه حسبي الله على بليسك

احمد : ها بعد ولا بس

نور: لا بعد احس من زمان ماضحكت

احمد: حاضرين يباااا

نور:يلا قوول

احمد:محشش راح يخطب قالوله الشقه علييك قال على خير يعني البنات والمشروب علييكم هههههههه

نور : ههههههههههههه

احمد :ها بعد هههه

نور : ايي ايي بعد

وتمو ليين الفير يضحكون ويسولفووون ونامت نور واحمد والصبااح ربااح

ثاني يووم احمد ينطر رد نور عليه واهي مادقت ولا شي ومر يومين على هالحاال

دق احمد على نور


احمد: الووو

نور: هلا احمد

احمد: وينج يومين

نور: احمد عسى ماشر نسيت نفسك؟

احمد: نور انا داش من البااب مو من الدريشه شفييج

نور: ويعني انت تبي ترد العلاقه وانا اسفه وخلاص الموضووع منتهي

احمد: أي علاقه يا يباا انا ابييج زوجتي على سنة الله ورسووله

نور: نعم؟؟ وانت عارف شنو وضعي انا ارمله يعني مت اصلحلك وانت توك

احمد: شنو توني كنتي توديني الروضه ؟

نور: هههه يا كرهك لالالا مو قصدي جذي بس لا حرام ماابي


احمد: حرام شنو خبله انتي اقوول موافقه ولا لا

نور: لالا ماابي

احمد: نور فكري تكفيين خلاص خذيتي كفايتج بعد موت المرحووم سنتيين ونص مو كاافي؟

نور: لا احمد مو كااافي

احمد: وانا ماراح اخلييج العمر يمشي اول خلييتج الاني مو قاادر وما استهالج وغيري اجدر انه يعيشج احسن من الحين انا قاادر

نور: الله يسهل

احمد: نور استخيري حبيبتي

نور: بستخير من غير حبيبتي لو سمحت

احمد: اقول سيده ملعقه شفييج

نور: لا تقووولي جذي مو ذنبي انت طنطل

احمد : لا خبله البنت القصيره كلها انووثه شفييج

نور: ههه رقع رقع

احمد : والله شفييج ههههه تذكرت سالفه كان معاي واحد يابااني بدوره بفرنساا قلت له جم طولك قاالي 159 جان اقوله تعال اووقف يمي هههههههههه علشان اشووف طولج يمي هههههههه

نور: مليييييييييييييييق والله زعلت شنو هذااااا

احمد : والله احلى جنج نمله بس كشخه

نور: يعني مكشخني ؟

احمد: خلاص خنفساانه

نور: وييع ملييق اخاف

 

[أم@الحلوين]

حرااااااااااااااااااام ليش نور يصير فيها جذي